2010年12月31日星期五

年~~ 又過年(下)~~

再續前緣, 只剩我同埋熱生未發表..
我將佢留到最後先一齊出文既原因係..
或者因為佢同我係sob既高參與度既關係掛~大家選擇都好接近, 而且亦都好另類, 同前述咁多位大帝都完全唔同.. 一齊黎睇下丫.

承接佢一向既性格, 語不驚人誓不休(當然, 都係有point既)....首先佢既第一個選擇係呢個....

SOB係11月開始進入既休業冬眠期~
之前大約都提過下架勒, 呢一個11月既低production原因係我(黎生)係工作上既關係, 需要抽身一下, 放番好多好多時間去衝一個刺既結果. 而跟手12月就係因為我體弱多病啦...唉~

1年得12個月, 結果我地sob就有1.5個月停工...當然, 係我既角度黎講, sob又唔係受薪, 暫停一下基本上就無咩問題既. 但係呢件事上面, 我相信熱生既意思係指, 原來我一個人既停手, 已經足夠將整個組織既motor停左落黎. 其實咁樣既情況, 真係唔太健康~~~
新既一年, 實在係要正視下呢個問題. 點好呢?
就算無左帶頭果個, sob都無奶油停架bor.

熱生第二個大事選擇, 就同我一樣勒!
就係SOB 係2010年入面成功踏足左3個媒界. 先係收音機, 再到報紙跟住就雜誌!!
1年內呀~~~~過左3關, 3個媒界..仲有電視未玩ja, 算係幾好丫!!

實不相瞞, 其實有一個電視台係之前既時間已經邀請左我地去做訪問架勒...但我地就回覆番, 暫時都係唔上去勒~~
點解!? 哈哈, 唔好以為我地大鼻左, 走去reject人呀. 其實當大家知道個消息之後都不知幾咁興奮, 勁想快d上去玩架!! 但係當我地靜落黎, 諗清諗楚之後就覺得...幾條友, 空著手, 走上去, 又再講番之前係報紙雜誌入面既野, 似乎係無咩value. 所以我地同果邊既負責人交代左, 希望等我地再有類似踩波呢類既戶外分唇時, 再睇下節目主持會唔會派人同我地一齊去癲番下. 咁樣先叫得上係對得住個俾人訪問既quota丫ma~
有無人可以suggest一下我地係電視果到玩咩好呀 ????

最後勒, 呢個大事件係只有我自己選擇左...
本身我都係想選世界杯架, 話晒真係千辛萬苦先reach到既一個tagrget丫ma..不過當我寫呢個blog時, loop番個email box既時候~~
我搵番下面呢d對我黎講既大事件(希望下邊既朋友, 唔介意我post左出黎啦)

HI!剛才聽一八七二遊花園知道了你們組織, 我和三位主持人的反應一樣, 感到非常欣賞和鼓舞, 難得你們有這顆赤子之心, 更難得的是你們除了有想法之外, 也在確實行動著!而我也萬二分同意, 香港實在太悶, 身邊的人大都愁眉苦臉, 對生活只懂得埋怨! 對這種現象感到很無奈...即使自己也很想做些能點亮一下社會氣氛的事, 但有感孤掌難鳴, 所以一聽到你們的故事, 我便很激動, 立刻就跳下床開著電腦發了這篇留言給你們! 請繼續加油努力!

o1872電台節目上聽到你地既野, 對你地做既野好有興趣,睇左一d你地share出黎既活動等等,你地既理念同行動力令我大為興奮同感動!我自己其實一直都好有心想做一d令香港可以多d開心既事,而我係一個鐘意畫插畫同漫畫既人,希望將來可以以依樣野為香港做一d野。不過無奈自己真係欠缺左些少行動力,但係經過知道你地既存在, 我一定會比心機去做! 多謝你地!

請恕我唐突~我剛剛聽903 Archive時聽到有關不是一時貪玩的概念!!! 我好欣賞你地呀~~我現在身在日本,如果你地有機會到日本貪玩的話,可以大家一齊玩呀!!! 除此之外,我有幫人免費整websites,如果你地有興趣的話,可以隨時聯絡我呀

第一次知道你地存在係因為一八七二遊花園, 當時聽果陣以為你地得個講字, 冇乜實則活動,然後偶然之下睇到你地個blog, 簡直睇到令人慚愧.有意義得來太確係極度好玩, 搞到我一把年紀都想參與埋一份.(可惜你地要上鏡...殘念)其實我只係想講, 香港真係需要多d好似你地咁樣既年青人,
如果我係你地當中一份子, 無論最後舊錢做唔做到野,都真係無悔一生.

Just want to say that you guys are so awesome!! Chanced upon your webpage on the Tung Chung cycling! It's so cool what you guys are doing! Liked your facebook page. But the onlyway I could contact you is through email. So here I am~
收到呢幾封email(其實仲有一d係facebook上面留言既朋友), 我真係開心到不得之了.
以上幾位筆者, 我想同你地講---其實我地做既野都係皮毛少事, 但係收到你地呢d回覆的確非常之咁鼓舞同令我開心. 我想誠心地再多謝你地一次呀!!!!
我老板成日講, 生命影響生命... 我開心!! 因為我透過你地既email得知, 某程度上算係帶到正能量去影響你地掛(即使受眾只係小貓三四隻, hehe)!!
加油, 朋友 !

btw, 903個節目既影響力真係不小, 一個phone in, 就帶來左幾封email, 幾個facebook既留言鼓勵同一批小fans...

好啦, 回顧就去到呢到勒, 我相信大家都可以透過各players既年度大事選擇, 睇得出我地之間每個人既少少特質, 係未呢~~~
講真, 我係好想(x10)聽下作為讀者既你地, 要你選的話, 邊d先算係大事呀........
黎丫, 留個言丫 ~~

最後...
happy new year 呀 !!

2010年12月30日星期四

年~~ 又過年(上)~~

又一年勒, 第2次幫sob做年結.


為左remind下自己呢一年黎做過既野, 我又loop左sob個email同blog一次. 原來,今年發生過既事真係好多好多, 仲要穫穫新鮮次次金.

2010年, 由allen大哥自己全力100%地 ko 個中原活動比賽開始, 跟手做左唔同既訪問, 再到年中兩個sob小隊出埠跑南非上海(兩次既遊記仲要爛尾...), 再跟住係11月既冬眠, 直至最後既急趕分唇之聖誕老人溜冰記.
咁樣, 我地就跑左一年了~~~

要簡單兩隻字去總結今年的話----飽滿 !
當然呢個都係我(黎生)既意見jei, 並唔代表晒佢地一班大帝既意願. 至於點解我會咁諗, 呢到我就唔多做解說住勒, 留番下一篇先.

跟住既野, 就係佢地既意願勒, 下面會為大家交代一下.....係咁多位players既心入面, sob今年俾到佢地最深刻既野, 有d好正路, 有d就估佢唔到......幾好, 順手我地就可以一齊回顧下2010勒!!

你先啦, 小熙.
係呀, 你呀!! 笑~~~

players入面唯一full time讀緊書既同學, 佢既選擇係...
爆ball同樂日!!
點解?
小hee話: 因為我無去law, 呢壇野我都無份玩, 咁仲唔係好大件事!!

我心諗, 你緊係啦, 人又無到, 但係跟手出雜誌張相又要大張過我地 !!


輪到量產型既剪片大師, 小白.

佢既選擇一樣係.....爆ball.
不過, 佢既原因好到point!
佢話: 我今年都無玩過d咩, 係玩左爆ball jar ma, 咁就緊係呢個啦!!
係呀呢.. 小白, 你都知你玩得小下ma ~

使命必達既運輸大隊長, 比卡超

超哥既選擇比較特別, 佢揀左..
2010年版 sobtee 既問世~~

佢講呢個選擇既原因: 緊係揀大圍野, 大家都開心既事啦, sobtee!!
但係我想同超超講, 你本身仲係元祖sob x青衣人tee既超級fans...
呢一件衫, 你比任何一個人都著得多, 仲帶埋番西藏tim~~

話實, 呢一代sobtee既出產的確成為左一時佳話(當然, 係指我地既生活圈子啦), 每次出街既時候, sobtee就好次7仔咁, 實有一件係左近!!

係到, 借呢個機會, 出一張相先~
係我地咁多件tee既合照..((好細張呀))

跟住係sob既潮童同首席設計師
就算唔係同我地玩開既朋友, 我估你地都應該會認到邊個打邊個掛..

至於點解要將佢兩個擺埋一齊黎講? 因為佢地既意願, 好老正........南非旅行!!
我明白wor, 我完全明白點解佢地會有呢個選擇..兩條友番到香港果時春風滿面, 我真心懷疑佢地係南非有艷遇law !!
但係老實講句, 呢兩隻人仔既表現係完全唔達標架!! 話俾大家知, 係出發之前, 我行晒香港九龍, 千辛萬苦先買左兩件香港隊波衫叫佢地入場既時候要著住..........唔明點解佢地最後會變左藍白直間既阿根廷人囉. 件香港隊波衫衣家仲入住袋放左係佢地家個衣櫃, 你話係未激氣丫...又要唔放相, 唔放video. (你兩個呀, 睇到呢到, 可唔可以自動自覺呀~)

到 呀浪sir

呀浪大哥除左選南非旅行之外, 佢亦都有提呢個活動..
海洋公園嘖跑遊

無錯, 呢件事的確係好值得紀念. 係2010年, sob第一個精心策劃既騎刧類別大型活動.
由如何吸引一行30幾人一齊殺入公園, 再安排大伙兒去攻佔sony style shop, 整件事情都完美無瑕. 間接完成世界杯事件既目的. 諗起都very 之good!!

輝哥
佢所選既係..南非事件薄及sobtee既出現.

如果俾我幫佢揀既話, 我會選sob仲有2000蚊未俾到佢~~哈哈
話說我地既輝哥天生就係一個異品音樂人, 為左希望將自己既才能發揮出黎......佢睇中左一個價值5位數字既電子琴...
佢想我地sob sopnsor佢少少.... 我地當然無問題啦, 反正我地要出片時, 都可以用佢提供既音樂~~ 不過條件係佢要先要用個琴完成我地既主題曲..
好可惜.....應該有半年勒, 輝瑭仲未可以問我地拎個sponsorship.

我地既主題曲仲係停留於呢隻midi 音樂.
輝哥, 幾時起貨呀~~~

仲有我同熱奶更入肉既回顧..下篇講

2010年12月25日星期六

聖誕...好溜~~

聖誕節......係一個好開心既大節日~而一路已黎, 我都好想好想扮聖誕老人.....
耐何, 我既身型太好勒, 一路都係等唔到個大肚腩既出現..(其實我相信呢世都唔會有架勒, arhaha)
所以!! 我唔等勒!! 今年就做個好good fit既聖誕老人啦!!


召集左幾個sob既戰友之後.......我地諗, 就咁著件聖誕老人衫係條街到行行企企, 好似好on居, 最後諗左好耐, 究竟可以做咩.......諗過:
1: 聖誕老人修頓球場跟隊打ball記
2: 鹿車挑戰落山賽
3: 小紅帽母無起飛賽
4: 聖誕老人派你穿窿袋
......
最後, 我地come up左一個idea, 去冰場溜冰!! 襯托番聖誕老人果種冰天雪地下工作既景況...
簡直係一個天才既選擇, what a good idea!!!

處理好晒活動內容, 就要動手搵物資勒....最緊要既當然係d聖誕老人衫啦. 真係千個辛萬個苦, 最終先可以係吉之島10蚊店, 用500蚊買左10套超值既套裝.....10蚊店, 我要係呢到向你致上最深切既感激!!! 連個大大大禮物袋都有得賣, 都係25蚊!!!
上呀, 目標地點係 element既 the rink~~

去到, 第一件事係, 變身
btw, 就算係聖誕老人, 入場費, 租鞋都係無拆囉.....我覺得 element 既the rink其實係應該改善一下

一出場, 我地既受歡迎指數, 爆燈!!
因為在場既小朋友, 好天真地認為我地個紅袋入面會有禮物........佢地都一衝而上!!

當然, 我地係早有預備, 真係有禮物啦 . yeah !!!!!!!!!!!!!!!!!!!!!
就係名貴既 3角朱古力勒~~

d 小朋友實在太攪笑勒.....肥仔肥妹真係特別鐘意過黎, 拎完由拎, 果真肥得有道理

有個細路直頭推個細妹過黎話...
姐: 我細妹佢未拎朱古力架~~~
我: 小妹妹, 妳又想食呀?
妹: 我唔食勒..唔要勒
結果呢個細妹就俾個肥家姐.....推開~~再係耳邊細語左幾句..之後
妹: 多謝聖誕老人, 我想食勒.
呢個家姐真可愛~~

我地一路玩, d小朋友除左會問我地拎糖之外, 佢地另外講得最多既就係....
點解你唔識溜冰既?
係佢地既眼入面, 似乎聖誕老人既出現都應該係大會既安排, 有溜冰技巧應該係一個份內事..
唉呀, 點解佢唔可以覺得我係一個真既聖誕老人既呢? 如果佢地問我, 點解我唔坐鹿車既話, 件事一定會開心d. haha!!

好啦, 一齊睇下相啦~~
我地, 主要都係...唔識踩既 ~

聖誕表姑~

如果有隻廘....你話多好!!

聖誕buddy大合照, enjoy ~
呢到有多幾張相可以睇~

最後講多樣野, 當我地離開冰場時, 果到既工作人員其實都好開心咁問我地拎聖誕禮物, 佢地應該都好開心見到有呢件事既出現. 不過呢, 我聽見有個同事就笑笑口話, 真係唔好俾佢老細見到我地係到咁樣玩~~
依我既估計, 唔知係未啦..呢句說話既潛台詞係指, 如果俾佢老細知道咁樣去玩呢件事, d小朋友係會好開心,. 到時, 佢地就有可能被分派去做聖誕老人呢個角色~~~

講真, 如果我係你, 我會主動同老細分享, 俾機會自己做呢個聖誕老人


最最後, 用少少時間補充一下, 點解個網之前停左咁耐先~~
11月, 因為工事既無敵繁重, 所以原全唔能夠抽身做任何活動, sob既事亦只可先放到一旁~~
可惜當一到12月, 運行到 fok fok聲既motor 一停落黎之後....即病!!!
係大病~~~
唉, 結果就係攪到我地呢到水靜河非囉!!
所以, 請緊記, 做事唔好偷懶, 愈懶就愈爛 !!!


2010年12月23日星期四

網主好病 !!

誠心希望各位可以祝我一個---早日康復!!
俾我可以係聖誕前復出, 再戰江湖~~


踢走病毒 !!


btw, 誠徵有效對付唇瘡方法 !

2010年11月3日星期三

唔玩比賽, 玩公益~ (下)

講下我地入左圍既呢個project.

加有家徽, 各有國徽.
大家只要留意活動裡面既兩張相(文字可以不理), 果兩件tee心口上面既art work.
佢地正正係sob當初最最最最始祖既時候諗出黎既野.....

兩年前既產物!!
上面兩幅係我地原祖既設計圖. ((都唔明點解上左個 loveidea之後...會扁晒 =_=))

兩年前, SOB既成立, 的確唔係為左玩比賽... 我地係想做一系列唔同國旗x香港既t shirt, 藉以希望抵港既遊客可以搵到屬於佢地國家既紀念品. 當然, 除左上面兩張之外, 有一d係未曝光, 另外仲有完全屬於香港人既款式啦!!

當然走到衣家, 我地從未將原有呢個SOB因子忘記.... 終於機會黎到勒 !!!!!!!!!!!!

我認! 呢次既project係有左產品之後, 先再用我僅有既腦汁去令件事情可以完整放上個love idea之上俾人投票. 但我都想認真地承諾講句, 有幸得到sponsor既話, 我地會做屬於香港既tee派俾睇到呢篇文章既你...之所以我話, 大家真係可以不理project入面d 字, heehehe~~~~

come on, vote us !

2010年11月2日星期二

唔玩比賽, 玩公益~ (上)

活動既主辦單位係香港人中既極品.....李嘉誠先生(旗下既基金會).
Project名稱, 香港仁愛香港
簡單講句, 就係先收集香港入面唔同單位/市民提出既計劃, 經初步審核後再放上網站俾人投票. 當中最高票數既一批提意, 將會得到李生基金會金錢上既支助去實踐大計. 而整個計劃既最終願境係希望做到凝聚全港市民愛心, 創造關懷社會既氣氛(非常之咁理想).

政治經濟既野, 呢個blog入面就無畏提勒, 反而活動入面果個引旨...主辦單位幫李生用得幾中, 大家不彷黎睇下!

有關「香港仁愛香港」
有個城主扮成平民坐在城門口曬太陽,一輛馬車過來停在他身邊,車廂探出一個頭,問他說:「這城行不行?」
城主說:「你來自怎樣的城?」
車主說:「我原來住的城,人人都很冷漠,有事互不幫助,沒事彼此批評,背後說閒話。真高興能離開那個不愉快的地方。」
城主說:「那你快走吧,這個城更可怕啊!」
馬車轉頭而去,消失在一團煙塵中。

不久,一對父女牽著驢走過來,爸爸說:「這個城看來很不錯,住在這兒很好吧?」
城主說:「你們原來住的地方,怎麼樣?」
爸爸說:「我們原來住的地方,人人都很和善,有困難互相幫忙。外鄉人有難,也一樣出錢出力。在那兒很快樂,真捨不得離開。」
城主露出微笑,說:「我們這個城也很可愛,如果你們想在這裡落腳,一定有人幫你們,保證你們會愛上這裡。」

父女道完謝,進城後,城主的隨從問:「城主,您為什麼告訴坐馬車的說我們的城很可怕,卻告訴那對父女說這裡很可愛呢?」
城主說:「人不管到哪裡,都會帶著自己。一個地方可怕或可愛,全在於人。有行善的人,才會有可愛的城。我才不要那可怕的人,壞了我的城。」

是的,我們的香港會是怎樣的香港?就看我們香港人,是什麼樣的人。香港本是一個毫不起眼的「彈丸之地」。於1842年,當英國人向清廷提出割讓香港時,清廷連香港在哪裡都不知道。誰曾料到,香港會成為世上獨一無二的綠洲,賢人雲集,大家齊心建造香港成為世界矚目的金融中心。
香港已創造了財富的奇蹟,現在的香港一定能以創意,進一步提升潛藏在我們每人心中的愛心基因力量,齊來創造一個處處有關懷,人人樂助的社會。
果然, 成功既人多數都係一個好既storyteller, 指到明向人說教呢套...唔work架勒 ~~~大家真係要好好學習!!

講番呢類型既funding活動係香港第一次, 但其實我早係年幾兩年前都已經見過google同pepsi分別係外地做過差唔多既野, 心諗香港都好難有呢d機會囉~~~ 衣家真係估唔到, 最終會由李生引左個concept入黎~~
理所當然地, SOB百足咁多主意, 主題又係衝住香港而黎, 無理由唔踩隻腳入去架jei, 所以我地一野舉左兩個project入去 !

下邊一個係熱生既idea, 被我多手修正左少少~~~~
看圖說故事.....
幫栢寧大道上既呢一雙沉默已久, 每日呆守著故有生活既呢一雙手, 加一對翼... 喻意一眾未能跳出既有生活框框既香港人, 都應該幫自己加對翼! 為生活打拼之餘, 亦不能忘記要用同一雙手為自己夢想再出發(多麼激昂) !!

結果........banned, 下面係呢個 idea既最終回覆
多謝你的支持和參與。但非常遺憾你的項目(申請編號900723)因出現以下一項或多項情況而未能被列爲投票項目:
1. 內容包含牟利成份,或涉及商品或商業機構宣傳;
2. 並非在香港境內執行,或受惠對像並非香港本地社群;
3. 無法評定項目可行性;
4. 執行期超過12個月
5. 不符合機構申請者條件,例如並非根據香港《稅務條例》第88條註冊的團體,註冊不足三年;又或並非根據教育條例註冊的學校;
6. 不符合本計劃的《守則及條款》。
呢封拒絕信, 好明顯係適合所有被 jected既 idea, 一物多用, 哈 ~~

實質既死因唔知係咩.......可能真係太無聊掛.
很可惜嗎? 唔打緊, 因為大會只係ban左我地一個idea...........另一個, 無事! 入圍!!
所以, 係呢到, 我用最真既心, 誠意邀請大家一齊很用力地投
!!

Post blog既呢一刻, 我地排名只係228. 係朋友既你, 唔好要我地失望丫, 俾一票我地呢...
我下一篇再話俾大家知我地會點樣去好好利用呢d funding 得既$做屬於hk 既sobtee 派街坊(係呀, 同原先既approach會有所修正!).

續...

2010年11月1日星期一

SOB 放火 !

好耐無係到update近況勒.....唔識我地真係隨時會以為我地拆左夥~~
放心wor, 黎緊有好多野將會發生.......
衣家, 先黎個呢陣子既回顧 !!

903 lnkin park 10年

玩既主題係, linkin park出道10年以黎對作為樂迷既你, 有咩影響. 獎品係可以出席linkin park係英國既演唱會, 包食包住包機票呀 !!

話俾大家知, linkin park呢隊野真係絕對地非常之咁影響我地幾個players(係k房以至日常生活)既所作所為. 所以無論制作有幾急, 都真係應該要參與呢個活動!! 佢地係每首歌入面帶住既火, 根本就係我地每日都應該放係身既元素.

allen既 album証明左我地真係好早就已經愛上LP架勒!!

最終, 我地選擇左好直接地將呢種能耐用短片表達出黎.
短片名稱: linkin park有火,燒滾你我(認真,下邊套野係PG 家長指引)

呢段野入面既players只係做番日常k房既自己!! 希望唔會嚇親你~~

呢次概念係我出既~~ 片就係星星剪. 最後出黎既作品, 講真同我諗既都真係有幾大出入, 不過無計啦, 我都明白係做得有點急. 最後, 可能概念太極端勒, 我地既作品應該係俾評審秒殺左..因為video既final list入面........無出現過~~~
不過事情未完, 我最想記既係另一樣野. 活動最後既得獎者(聽落)係一個女仔, 透過收音機. 佢係大氣電波入面, 對住個節目主持人....開心到喊左出黎呀~~~要抽搐住回答主持人問佢既野!!!聽住佢把聲, 我都可以feel到佢有幾咁激動, 亦都真係為佢開心呀.
轉個頭, 我又係到心諗wor, 如果有幸, 活動既得獎者係我地的話, 我地仲可唔可以攞到呢種激情出黎呢????? um......我覺得應該未必勒, 因為自己諗番轉頭....的確, 最能另我睇到成身出晒汗既果封得獎信, 係由google發出既(就連sony個得獎信都要比下去), 即係我地既第一次!!

諗到呢到...我發覺, sob應該拎番多d初心出黎勒 !!!
前面, 有一jar 野等緊我地殺殺殺呀 ~~~


2010年10月29日星期五

BALL BALL video ~

就係呢個video用晒我呢段時間入面僅有既少少空閒.......


送俾當日有份出席, 出力既所有人 ~~~

睇番段片我真係發覺肥星係 dominate晒成個video.......無辦法啦, 星星佢真係太吸睛勒.

等我黎一個短片解說, 等大家再細心留意下當中最精彩既幾個shot先!!
8s-10s: 只係兩秒, 短短兩秒入面, sob已經發揮左一個好好既合作...影像中間粉紅衫既恒小姐個大波, 係前掩(細超)後攻(軟人)既情況底下, 被秒殺.
15s-18s: 晝面中間, 黃衫黃ball紅帽既我係偷襲既時候...一時唔小心被bonnie果隻飛毛腿, 一下清脆地ko.
27s-30s: 畫面右下方, 朱小姐既搶攻, 証明玩具反斗城既細ball, 抵買!! 錬左3秒都唔爆!!
34s-40s: 肥星幾個閃身既show time, 不能用筆墨形容, 只能意會~~
過癮呢!!

呢次既video edit........真心, 真係好鬼難呀, 又成日攪到部 pc 銀銀聲~~~
專責人士, 可唔可以交番呢個ball 俾你地呀 ?

好勒, 正式宣佈, 天真爛漫大朋友. 腳綁氣球跑跳走~
very 之 good 地..........done !



2010年10月22日星期五

扑, 易佰 !!

真係忍得非常之咁辛苦呀~~~~陰公!!
身邊既事情即使有幾柒不可耐, 匪夷所思, 幾咁x file都好, 呢段時間入面都唔可以記低, 為既只係讓不是一時貪既第200篇...值得記念 ~~~~

呢穫野.....終於都等到勒 !!!!!

就係我地出現於第256期 u magazine既呢一篇專題入面呀....天生遊戲狂 ~~
書既封面選擇用黃色成功過3關...我覺得係非常之應棍既選擇!! (最後話你知點解)

咩都假, 勁真心地先係到謝過u magazine俾左幾個版面我地呢班麻甩仔!! 係我地既第一次, 第一次將完整既sobplayer呈現係雜誌上面!!
另外, 就係要多謝記者 Eliza勒, 如果唔係識到妳, 我地應該無呢個機會做個訪問. 當然啦, 都真係辛苦左妳架.......要妳係一個天晴氣朗既星期天走到老遠既東涌陪我地玩.....之後又夜晚晚再入荃灣幫我地埋個尾. 最後仲要用左妳好多既腦汁去為我地寫左下面篇咁生鬼既報導, 真係打攪晒 !! ((各位, 掌聲))


拿, 係未一眼睇上去就兩個字呢-------精彩 !!
張相既內文, 你一定睇唔到架啦...唔好叫我SCAN大 d 張圖呀~~
快d動手自己去買本啦!! 話你知呀, 呢本書既升值潛力...極高 !!

講真, 睇番呢個報導既時候真係感覺特別深, 尤其係入面提起番好多呢兩年以黎玩過做過既野, 另外又可以係雜誌到睇到咁多自己既相....突然間, 一d已經放左入雪櫃既記憶又走左出黎, 過癮過癮~~
當然啦, 我唔係話之前既蘋果新城既訪問唔好玩或唔重要, 絕對唔係...而係我好覺得呢一次既報導....點講呢~~~
即係咁, 有左呢一次u magazine既報導, 連埋上果兩次訪問, 即係前後已經跨越左3個媒界(收音機,報紙同雜誌). 學呀熱生話jar, 3個報導加起上黎真係已經好立體地將我地sob既野都講晒出黎, 少一份都唔完整.
而呢次成功過埋第3關((之所以文章開首時我話既應棍law, 而黃色根本就係sob既本色, hehee~~)), 就好似一個中期報告咁, 好應該再審視一下, 俾d咩野大目標大家. 尤其當我係做呢次u 仔訪問既時候呢......
果日有我, 熱奶同小hee幾位腦作家出席, 我地同eliza傾左勁多野, 真係上天下地, 好多好多大家以前想做, 但又唔記得/無能力做既野都up晒出黎, 所有經歷睇驗以及對sob既期望都係有意無意間爆左出黎....當然啦, 係雜誌上面大家主力都係見到我地係玩果方面既少少過程同體驗, 但我想話果一晚我地3條人所爆出黎既野............對我黎講, 一個字------感覺良好~~

所以係到我要再一次....
Thx Eliza ~~ 妳幫我地, 加左油 !!
如果佢..........就好勒. (妳明架啦, haha)

最後係到要為一個人補多幾句.
大哥 ~~~~~~~~~~~~~~~~~~~~~~~~
你原諒佢啦, 佢唔係有心留左呢個張大頭相架!!!
我係呢到幫你補番~~
動.畫.創作總監--爽浪
角色: 超強肢體演繹能力+唯一CG能手
技能: 另人頂佢唔順

SOB 要去過第四關勒 !!!

24/10追加~~
繼軟人同肥星上左sony既網站首頁之後....
有點吃不消吧 ~~