2011年8月29日星期一

Super Shopper 強戰香港 !!

已經黎到visa go 香港購物王呢個緊張既時候!!! 比賽正式開始前一日, 主辨單位係尖沙咀macro polo hotel攪左一個 press conference歡迎一眾參賽者.

為左迎接呢個時刻.....

我地再準備飛龍襟章, 以親善大使自居!!! (話晒都係做主人家, 無d紀念品俾人點得先!!)

題外話---呢批襟章真係難拎!!
我地都係想幫香港做少少事jei, 使唔使守得咁緊呢? 妳出多少少心機睇下d email, 望下係咩事就一定知個function做咩架啦~~ 如果唔信個blog未自己google下囉, 好似我地要水d紀念品走咁, 激死人~~~

萬事俱備就直奔macro polo!!
中外參賽者, 傳媒朋友...全部到齊, 都有成5-60人, 大少攝錄機又好多部, 場面係令到輝哥....腳震的

係你勒!! sunny, 傻生呢次活動既partner, 亦即係成功擊敗另外幾位sob成員既本地參賽者.....果然, 係高質素~~~ 最緊要係d英文勁丫ma!!

唉呀, 無得著sob tee去比賽, 要用大會指定~~~~

好大個pin, hard sell 過sob, arhaha~~

好啦, 聽左頭一part既 briefing之後, 開始第二part, fashion tips之前, 輝哥同sunny就展開佢地親善大使之旅勒.

第一個收到紀念品既係馬來西亞代表, 大隻型人, 輝哥變左細路!!

日本代表真係一個亮點, 佢地竟然諗到著和服黎!!!!!
幸運地, 我地都係唯一一隊有為其他朋友準備紀念品, 呢個回合.....同妳地打和~~

泰國既代表, 有人以為右邊係 angelababy~~

韓國既朋友, 佢地有人講到普通話!!


新加坡team, 4個人陣容最強大!

內地既隊伍, 佢地應該係一對夫妻~~

台灣強人--跟佢地第一個話題就是: 左邊譚雅, blog一天有4,5千人去看. 右邊貴婦奈奈, blog一天係4,5萬. SOB一天係4,50人, arhaha.

仲有好幾隊都未收到我地既紀念品, 但係合照交流暫時去到呢到. 因為大家都要去上堂, 聽下今季既fashion look~~

用普通話解說既呢邊, 講者嘉賓:
周汶錡小姐!
呢張相, 本來周小姐係搭住輝哥個膊頭影架!!! 高到呢~~

好專心聽講, 亦不忙..

工作 !!

上完堂, 黎個合照.
黎到今日活動既尾聲, 我地既輝哥開始解放到自己勒.

幾型 !!

好勒, 最後送上陳生今日被訪時既代表作.
一齊祝我地既香港隊, 旗開得勝, 唔使講野!!!!

2011年8月25日星期四

去同外地朋友玩遊戲 !!

美麗華個比賽, 真係唔夠打....輸左俾一個戰鬥力好橫強既妹妹仔!!! 佢手持果16xx 個like, 同衝鋒槍一樣, 將大會所謂果50%既評分比重完全摔倒.
呢位小妹妹真係好應該更努力地利用自己呢個優勢, 再接再厲, 繼續橫掃呢類比賽.....媽, 太強了, 千六百幾個!!!
當然, 我地都好多謝post入面每位留言支持我地既朋友. thx~~

本身都打算再做d道具去美麗華玩, 但睇黎都唔會有好結果, 所以我地既專注力將會放晒去準香港購物王, 輝哥既身上!!

visa, long time no see ~~

旅發局同visa攪呢個活動, 隨住愈黎愈多既資訊流出.....事情亦都愈見有趣~~~
我地要同外邊既朋友玩呀!!!!!

今日大清早就收到幾個whatsapp 既surprise.
唔知點解會有呢篇報導?!
跟住先知原來係因為傻輝果壇野....但好奇怪d相無傻輝, 仲要交個輸左既作品去刊登....最癲係sob應該無人識英文!!

再過一陣...
連都市日報都出埋, 原來今日旅發局發左好多新聞稿出去~~~

斷斷續續, 開始搵到好多關於比賽既資訊, 等我係到講下呢次究竟有幾好玩!!!!
唔計香港, 另外有10個地方既代表會黎到作賽--中國, 台灣, 日本, 印度, 南韓, 泰國, 菲律賓, 新加坡, 澳洲, 馬來西亞, 全部都係亞洲既國家.

由報導得知, 上年度呢個活動舉辦既時候, 大會遇到參賽者唔願上鏡呢個問題! 唉, 夠膽玩唔夠膽露面, 太弱了!! 因為咁, 今年既比賽加入左類似true man show既完素, 大部份參加者亦都係自薦參與. 由始可見, 到時一團都會係玩得之人!!

睇住d報導, 一路google唔到地方既參加者...不得了!!! 某d參加者係本身既國家原來已經過五關斬六仗, 真係經過左好多既評審先走到出黎~~~

例!!

新加坡活動網站
要寫文章, 拉票, 又要面試, 仲要再係自己既地方先做一個pregame, 用香港做主題, 襯一次fashion look!!
最終跑出既代表:
有個係..當地既地球小姐~~~
佢地既面試片段!

同新加坡既參加者一樣, 兩個代表都係幾經辛苦, 經過初選面試先跑出既.....強者!!
一個係台灣blog界既周杰倫, 一個直頭係造型指導, 勁呀~~

睇到呢兩個單位既入圍過程....um, 我地有份玩真係相對地好好運, 只係靠一張相!!

再講, 印度其中一個代表係....演員(gaurav khanna)!!
google 番黎既相, 好型, 好大隻!!

日本既一個代表係專業攝影師(chihiro ishino)
早陣子受香港人追捧既一批tee(上圖), 就係出自呢位攝影師既作品!!

仲有仲有...中國既代表, 有報導話係每兩個星期就會陪太太黎香港血拼既內地幹部~~~

嘩, 睇到呢到, 仲有一半既參加者我都未google到, 但係應該都足夠俾 10 個趣啦!!!

輝哥, 到時唔好掛住識女仔!!!
殺呀!! 唔可以辜負你背面支旗!!

2011年8月20日星期六

被like, 多好!

玩唔同既比賽, 好常時要面對一個歷久不衰既麻煩問題---為自己既作品投票(雖然話我地既宗旨係要賺玩, 但都唔想下下陪跑ma)!!!

而呢個問題我之前都講過. LIKE, LIKE, LIKE, LIKE~~~煩到噁
我地都化晒勒, 已經好少再為某件事/作品, 非常用力去叫人投票(其實係之前d quota用得太盡, heeee).

like黎 like去呢種做法最終都淪參賽者之間互相拉攏朋友, 可能仲攪到有人鬥開acc既情況, 最陰公係出現互相攻擊既留言~~好少見到 fanspage 可以型成到一個互相為作品鼓勵及打氣既現象.

不過美麗華呢次, 真係估你唔到, 樣樣有齊~~
大會已經將我地既作品upload左係佢地既album, 不過d相縮到好細~~

張相公開左之後, 我無即時放上自己profile, 亦無放上sob個page去拉朋友既票. 我觀察左大約一日, 估唔到會有70幾個like係張相出現, 當中只係有5個自己人! 而一d讚揚既句子亦陸續出現. 好開心呀~~~

唔敢講我地呢張相一定係最好, 但見到有人留言: 你好正! <<< 你話, 仲想點丫!!! arhahahaha!!!!

btw, 我都有投票俾另外幾個唔錯既參賽者架!!

2011年8月17日星期三

呢排最興既野, 我地都有玩!!

Chok!!
唔使多講, 係香港人都知chok字既用法同解釋.


當然, 唔係個個人可以似佢, chok 得咁入型入格 !!

至於sob 最chok得果個是誰??

係佢
小白!!
當然, 我地其他人都絕唔係善男信女!!

為左不負大家呢個天份, 以下活動...名已報.

先send一張自認chok得最型仔既相片俾大會, 入圍之後再黎個即場既大激鬥.
目標係 CHOK 贏少爺 JIM


飄浮相!!
其實我會解做 hae 跳.
自從果個日本少女既飄相網誌愈攪愈紅, 再加埋傳媒既追捧, 飄浮相已經成為各大機構攪promote既一大主題..飄飄飄~~~

其實數埋都有好幾個飄浮game, 但我地只係揀左呢個黎玩. 因為主辦個單位堅有heart攪, set晒場境, 仲要幾過癮!!
講緊係美麗華商場既浮游照相館.

裡面有8個特別既場境.
當中最最最最過癮係呢個扮水底既setting~~

佢有heart攪, 我地俾heart玩. 帶備晒道具!
黎生手上既都市日報

相片左邊既泡泡, 打造一個水底既景象!! (但失敗)~~

肥星頭上面既防水鏡, 同豬咀.

駕駛者既勁力頭盔.
我地交足晒功課啦!!
再多D既相可以係呢到睇.


2011年8月9日星期二

愈刻意, 愈不智 之 唔覺意竟會贏一次(下)!!

尋日講到, 輝哥順利地成為左 visa go香港購物王比賽既香港區其中一位代表!!


係呀, 就係佢勒~

係未好有興趣知道我幫輝哥交左邊張潮相俾大會呢?
.
.
.
.
.

就係呢張囉~~~

簡單既t shirt短褲+cap帽就順利跑出. 所以, 好明顯真正既潮, 係屬於黃色sobtee !!!
呢d就係潮童s囉~~ 睇番張相, 基本上邊個舉手去認自己係傻輝...應該都無問題.

由於本來對呢次比賽實在係零期望, 所以當我收到入圍電郵既時候, 真係surprise到反胃, 不禁要即時叫葉生為身處外地既輝哥好好地回覆個email!!!!

你好!!以下消息確係令人興奮,高興入圍了你們舉辦的2011 「Visa go 香港購物王」,高漲的心情應該令我立即致電李小姐,詢問活動有關詳細情況.
無奈我身在外地, 通訊亦不便.如果可以請先以本email 溝通.同時,如果有緊急事情需口述交代,請致電我一位朋友: Tomy Lai (tel: 94XX XXXX) 他都有參加這個比賽,但今次未能入圍,相信他可以幫忙交代有關我的資料.

我地既興奮之情真係表露無遺!!

講番個比賽, 最終既勝利係靠輝哥同拍擋係比賽當日, 用hkd $20,000打做今夏最強潮look, 再行一個貓步介紹自己既服飾取悅評審.

買野, 襯衫, 行貓步.....完全就係為輝哥而設!!!!!
對手們(Australia, India, Japan, Mainland China, Malaysia, Philippines, Singapore, South Korea, Taiwan and Thailand.) 要你們白走一趟了~~~




看我的輝哥 !!

2011年8月8日星期一

愈刻意, 愈不智 之 唔覺意竟會贏一次(上)!!

之前講左啦, 我地好多時愈刻意去玩既game, 愈做好晒planning!! 愈覺得有機!! 最終得番黎既結果都...只係賺玩. (打破呢個宿命既責任已交俾air zealand)

但係...如果個情況掉番轉, 又會唔會成立呢...
即係我地好唔在意一件事, 好隨意去攪個比賽作品出黎去參賽, 會唔會出現令人surprise既結果?

個世界有無咁鬼呢~~~



媽.......我們見鬼了!



呢個surprise黎自佢地. (SOB係開站初期都受過VISA恩慰!!)

Visa go 香港購物王大賽, 成件事係一個國際性既活動!! 由香港旅遊發展局為香港夏日盛會所舉行既其中一個個項目~~
VISA hk會係香港招募兩位(((潮人)))代表, 迎戰黎自另外幾個國家既挑戰者, 競逐香港購物王呢個寶座, 奪取visa hkd$ 200,000簽賬額!!

我只係用左10min, 將sob每個人既facebook都scan過, 為佢地呈交左幾張潮童相片俾主辦單位參賽!!
結果sob真係有人潮到入左骨.....一野就入左圍做香港代表!!!

我地個輝哥, 攪掂 !!!
究竟輝哥係靠一個點樣既潮look而得到評審既like呢? 我賣個關子先 .....hehehe!!

先唔理最終可唔可以順利擊敗其他對手, 但被選出既輝哥已經同另一位不知名既香港朋友手握hkd$ 20,000簽賬額可以遲d去血拼!!!!! 亦即表示sob又可以入賬了, 我地入數一萬啦~~~~~yo!


冬西 stil hot~~

為左証明我地既唔信邪, 大大穫野既冬西瓜人作品已經上架!!!

resize image
作品名稱: 冬西 still hot~~ (當然唔係上面呢幅.)

咁最後edit成點? 我唔放係到啦, 有心既朋友仔不如入去一轉, 係投票支持果到望下呢, 覺得好囉wor~~~未真係投個票咁囉!!!!!

我地個票數目標係入到前10名就夠架勒~~
如果覺得其他參加者都有好作品, 當然都可以支持下啦.

話俾大家知, 我地同其他作品比較起上黎, 係走得前左少少....arhaha!!!