2011年12月27日星期二

SOB 聖誕(分享)快樂~

咩都唔講住, 先祝每一位睇到呢篇文章既朋友.......

Merry Christmas!! (雖然係遲左少少~~)

由blogger改左版面, 我攪唔掂個blog, 再到我地都不停趕工生產上圖既每一隻character, 最後開開心心咁出動癲左一晚, 其實已經積起左好多墨水想要分享下~ 不過, 我又組織唔掂件事... 直到今日俾我見到呢兩篇新聞,

呢兩篇文章可以幫我講左好多想分享既野.

1. 教宗痛批聖誕變質商業化
呢篇文章咁講既, 教宗講道的時候,指時下聖誕慶祝活動過度商業化,注重消費主義,令人忘記了聖誕節的真義。他說:「今天,聖誕節已經變成一種商業化的慶祝活動,奪目的燈飾掩蓋了上帝的奧秘。上帝教導我們謙卑,過簡約的生活。讓我們祈求天父,看穿這個季節閃閃生光的表面,重新發掘聖子在伯利恆馬槽內出生背後的真正意義,從而找到真正的快樂和真光。」

2. 呢個係葉生cap出黎既~
美國紐約一位市民唔抵得個碼頭禁止聖誕既佈置, 自己出錢出力做個人肉聖誕樹去搞氣氛, 文章最後佢講左句, 人人都笑著迎接我, 多謝我, 這便是聖誕節精神吧.

咁.....即係點?
我當然唔會強行騎刧教宗既演講, 認為聖誕應該扮鬼扮馬周圍走啦~~  我只係想指出自己都真心覺得香港既節日氣氛(唔單只聖誕)已經完全由消費主導, 仲記得自己有一年睇香港既花車巡遊, 精彩得黎好睇, 有特色而又吸引既車隊都係外地既代表. 至於香港既代表,  有好幾架車夠膽死放上一個個大大隻好以紙紮產物既LV手袋同勞力士手錶堆砌左一舊野就出黎就去巡遊.....救命~~~ 

真心唔想自己個社會窮得只剩...錢.

我地啟動((聖誕.......趴地))活動, 做出咁多隻character只係純粹想襯聖誕俾大家一個開心既機會, 成件事入面, 除左sob既每一個成員都開心到反轉之外, 當日好多係我地身邊經過既朋友市民都因為見到我地既公仔而報以會心既微笑(這正是我們想要, 簡單的開心).



當然更直接既係會捉我地黎個紀念合照啦~~
























成個平安夜, 由青衣站去到九龍站, 於溜冰場遊走3小時後, 再由佐敦沿彌敦道落去尖沙咀, 我地所帶俾身邊人既歡樂, 我夠膽講, 比起我腦內所記得果架香港巡遊車代表.........一定好很多 !!
相簿係到
大家慢慢欣賞

你呢個咁難忘既經驗背後, sob所負出既, 只係 ~hk$1700, 同少少時間, 值得丫 !!



最後真心多謝朋友, 朋友既朋友, 網友, 網友既朋友, 係言語上, 讚好上, 物資上支持呢次function, 當然啦, 當日有份出席既, 就更加更加 thank you very much~~


相信大家都have fun吧 !!












2011年12月22日星期四

紙皮, 無所不能

由於我地仲未熟習到新既blogger界面.........好難出blog呀(圖同字飛到上天) !!!!

暫時黎講, 我真係無計仔~~~

直接d, 一齊入去facebook, 睇下我地d製造過程啦.

呢到!!
我地會keep upadate的.
呢次真係好俾力 !!

活動當晚有幾凍都唔使怕勒, 因為我地一定會笑到個人好慶 !!!
況且, 我地有大量紙皮保暖.

究竟你黎唔黎先~~~

2011年12月15日星期四

趴地.....準備是停不了的~~

上一篇講到我地已經馬不停蹄咁制作緊唔同既裝置, 第一件完成得7788既係呢個.

流動薑餅屋~~
仲有個外層裝飾未攪咋 !!

好勒, 下邊係第二件作品....
又係呢d大氣球呀, 你估唔估到會用黎整咩呀??

再睇多d~
係未有少少似曾相識呢~~
係呀, 就係你同我讀書既時候都會整既復活蛋呀!!!

當然, 我地最終唔係要整隻蛋啦, 我地要攪既係一隻.....
不死雪人 ~~

好可惜, 雪人個身驅係制作途中自尋短見, 爆ed.....真係出師不利!!
最後得番個頭!!!
唔緊要, 無野可以阻止到我地既 ~~~~~~~~~ 明天再續!!!!

呢兩日見個event既上客量都幾慢.......咁啦, 我做多少少預告呢~~~
係我地既planning入面, 當日出現係活動既人型道具除左上面兩樣之外, 應該仲會有以下呢d..

胡錦塗夾子, 靈巧薑餅人, 同馬身廘..等等等等

諗起都好玩, 黎啦~~~~
怕咩羞JEI.......


2011年12月13日星期二

齊來聖誕.......趴地

SOB 正式宣佈, 一場盛大而華麗既騎刧趴地即將會係 24/12, 於九龍圓方溜冰場上演.
可能會有朋友問.....點解又去呢到架?? 上年你地未攪過囉~~~

um...........說話唔可以咁講呀~~~~
話你知, 呢次我地係超級無敵認真去準備呢個活動, 同上一次簡單溜下冰係.....完全兩件事(下面, 睇下你就會知). 況且, 我地真係無辦法搵到一個比溜冰場更有聖誕氣氛既地方舉辦聖誕活動...

個參加辦法好簡單, 當日8:00pm 穿好一身既聖誕打扮, 出現係圓方溜冰場就得勒 !!!
我地會準備一d道具俾大家感受一下.......大雪下既聖誕節可以做既........一d野, 一d好開心既野(賣下關子先)!!

我知道就咁講兩句, 一定吸引唔到大家架勒, 所以..我用以下既篇幅, 記錄左sob其中一個...聖誕打扮既面世, 希望俾大家睇到我地呢次有幾認真.

造型: 移動薑餅屋!!!

主要物料:
幾大個紙皮箱

開始埋首苦幹了!!!

草圖~

大約半時時之後, 開始成型勒!!
上面3位就係呢個薑餅屋既主力設計者勒!!

正當工程進行得如火如茶既時候, 補給小隊都黎到........幫手!!!!!


仲愈幫愈忙tim ~~~

繼續落去, 唔好比佢地影響到!!!
男人既走光, 都係黎得特別浪漫, 而又不羈(俾支青島我~~~~) !!!

最後係個屋頂 !!

大約用左4個鐘!!!
流動薑餅屋既初型已經完成~~
當然啦, 間屋既外部其實仲未裝飾好, 但我夠膽講句, 到時個output一定會令大家眼前一亮.

另外, 流動薑餅屋只係我地其中一件產物, 其他既聖誕打扮仲會陸續有黎, 但就未必會咁早放晒上blog同大家分享勒, 留番活動當日俾d surprise ma~~

所以我話, 呢一次活動既準備同心機真係數一數二!!!! 有留意開sob既你, 無奶油唔參與其中掛~~~當然啦, 我地都明白 24/12係一個好重要既日子, 市面上會有n咁多個活動/飯局俾大家參加, 所以我地都作出左調整, 最開心, 最好玩既環節都會係 9:00pm前完成. 大家到時先再去其他局, 都無問題啦~~

少少目標啦, 我地希望活動會有 40 - 50人一齊玩, 其實我地都知衣家先出活動細節可能有d遲, 不過唔打緊既, 即使到活動當日只係得小貓十幾隻都唔會有問題..

因為佢地都會係
.
.
.
.
.
.
.
.
.
.
.
.
.
.
開心既貓~~

event在這裡, 入面仲有一d造型可供參考

2011年12月5日星期一

Sobplayer LA 追蹤雷神 -- 第一篇: 出門係真要靠朋友~!

黎生: 呢篇偉大既功課係由咬住暏叻辛苦地一邊工作, 一邊寫作既葉生所完成, 我地俾d掌聲佢!! ((((啪啪啪)))))

來吧......葉生 !!

續住上一篇出發去LA 既Blog( Sobplayer 第三小隊), 轉過頭已經三個多星期........
無有錯!!!! 我地已經返左黎差不多一個多星期了! 好似渺無音訊未係Blog 發報過咩野(只有FB 出現左幾張照片,實在係小....小...小......小!)
我地的而且確全身而回,已經完成左征服美洲既偉大行程......



雷神又是否追蹤到呢???! (下回分解)

要整理既太多: 我地既心理(由放假,到又返黎地獄開工...),幾千張精彩照片,手信分配(可能你地都係FB 睇到一落機已經被騎劫手信,大佬人地坐左19 幾個鐘機嫁!!) ....仲有...仲有...long flight 之後既大敵 Jet Lag !!(媽呀!!我終於玩過啫叻了!!)

所以,到左一個星期後至同大家Flashback 返去咁多日既行程同感受.......

我地呢個blog從來都唔係旅遊雜誌式部落格,所以唔會好詳細講每一個境點,反而想由player 感受出發,等大家知道LA 究竟有咩野真係咁好玩,有咩野地方藉得我地香港學習又可以借過黎參考,或者攪到更好玩!!!

好了,第一篇首先要講下係!!!!! LA 既人~~~我地Sobplayer 朋友呀~
出遊之前一向知道有海外既sobplayer朋友, 心諗今次LA 之旅會唔會真係遇上呢?!

要講LA 既朋友係要講佢地點幫我地兩個---半自由行既player, 雖然雷神package 入面已經包左機票酒店同一部份行程,但大家要知LA 係美國加洲(而加洲就已經有4 個台灣版圖面積咁大),加洲絕對係一個用車最多既地方,人人一部車,出去買支水都開15 min. 車.....

如果幻想可以好似New York(或者平常東南亞自由行國家,用腳行曬景點)坐metro,坐巴士四圍去就錯曬~~

我地最深刻親身體驗係行程day 2 原本係坐直昇機遊覽LA 荷里活一帶,可恨天下大雨需要改期,兩個player 冇可能就係酒店白過一day. 於是,我地決地坐巴士!!!!!!!出去走走~~朋友口中25 min 車程既Shopping mall.......我地來回足足用左4 小時 (未計等車各最小45 min.),結果成日行程就係坐車等車,食左個food court 再等車跟住坐車...完!

上面呢張相都幾表達到我地等車時既心情: LA 冇車....同做homeless 冇分別!! 你真係乜都冇,乜都唔駛做,就係原地訓啦!! (最好搵個車站訓tim)
勸各位如果真係要去LA 走一轉,一定一定要有車,最好緊係好似我地搵到朋友車,如果自己出車都要小心....上freeway 下下開到150/160 Km/hr.......

好啦好啦~~~LA 朋友要出場,排名不分先後....



可能好多去到異地既朋友都有類似既目的--留學.
Bryan 係我地個friend 既細佬,已經由香港過左去LA 做留學生兩年, 過住同香港不一樣既學生生活,我地第一Day 落機就多得佢放棄左寶貴既溫書時間(佢呢個星期要考試呢!)帶我地去報Local Tour, 亦係佢車我地先走左一轉Downtown 感受一下LA 既危險地帶.....

佢話過左LA 咁耐都未試過坐地鐵,你就知公共巴士同地鐵本身係唔似香港一樣既集體運輸公具,係分分鐘會有危險發生.



Yan 係我地大學同學既家姐,係香港都見過次面.

因為家人都過左LA 生活,Yan 都變成半個地道既美國人,過左去好幾個月LA 既佢同其他係LA 短時間工作讀書既朋友唔同,係有深入了解過係美國長時間生活既各項問題,而佢亦準備移居LA(佢同我地探討過既生活問題都比較深入,有機會可以係blog 講下)所以深切了解係美國生活冇車係不可能,所以係佢能力所及範圍內,Yan都為我地準備車接送,由LA 安排到拉斯維加斯,仲陪左我地去universal studio 玩左成日.....出心出力又係勁多謝佢!!



Tony 係由台灣過去美國工作既華僑
出生夏威夷既tony 熱情好客,只係朋友搭朋友,面都未見過就肯借出地方俾我地住兩日,仲車接車送我地四圍去(咪講話香港地方細,唔方便客人黎住,俾你有間三千尺大屋,你又會咁熱情俾未見過面既朋友黎住嗎???呢份熱情,同分享之心,真係異常感動........)可以話台灣人真係熱情好客!! 我地真係好應該學習呢種好客之道,大家黃皮膚就係一家人啦(Jml)


Tammy 算係真正因為Sob 而認識既LA 朋友,
由香港過去LA 生活左成7/8 年既Tammy 雖然都係朋友既朋友,但佢真正認識我地都係從對SOB 活動有興趣開始,由香港朋友得知我地攪既事,再睇我地Blog,再進而係美國真係招待我地去玩.可能佢真係覺得我地係一班好玩既人,會帶到好玩既野去美國同大家分享.Tammy 係FB好主動 同好客地接觸後,都多得佢車左我地出去玩成日......最後仲連行李箱都提供埋......你話好到咁仲去邊到搵!

其實,除左呢四位出鏡既朋友仲有亞Sam, SaiL ,JoeyYan 既親戚....真係萬份感激招呼,就係四海之內好兄弟既感覺~~
睇到以上各單位點盡心盡力協助我地兩個無關痛癢既player/遊客,你就知我地點解咩野都唔寫就先黎一篇感人既致謝Blog 啦!!!

(不是一時貪玩咁樣出credit 真係絕小絕小...........)

LA 朋友出場及致謝完,再講多一單攪笑野(真係可以體驗到好美國本土文化),當日tony 接左我地準備去食晚飯之時,我地再叫左Tammy 一齊食飯,同時仲有tony 同屋亞Sam,一行5人開車出去食晚飯好不正常,但車係開足三部!!!!!好難幻想香港明明一部車可以坐滿5個人但就係分左三部車出去,我仲同佢地講如果香港三部車,最小迫滿15 人一齊返屋企啦!!!

未完既,去到第一個食飯既地方搵唔到位,我地居然轉車!!!開其中一部再去第二個地方搵位食飯.....車真係即時變到好似一個handheld 既工具,超方便亦好依賴~ (佢地好多地方都free parking,可能就有左呢d 轉私家車文化,又因為車又實在太平,一半香港價錢,實難怪個個開名車,鐘意揸車既朋友過到去就正lo~)

真心,再三多謝LA 各招待過我地既朋友!!! 下面呢張靚夜景係LA 個天文台拍既,望住香港同樣都靚既夜景,期待好快LA 既朋友們會黎香港等我地款待返你地...突然好感性!!! (雖然我唔太建議係香港開車四圍去! )


簡單講句: 在家靠父母, 出門靠朋友 (至老土既名言永遠至實用)..................

最後我要update 一下......香港各位sobplayer朋友們, 記緊12 月有大function!!

2011年11月18日星期五

你兩個, 同我好好sob個美國~~

南非, 第一團
上海第二團

明天, 我地既美國第三團....即將起行!!

記得帶護照!!

上面果張貼紙係我地為呢次旅行做既, 幾令架 !!


佢地會令一批去騎刧LA果邊既地標~~

我地呢次就送唔到機勒, 不過最後都提提兩位, 唔該你地訓少d, 玩盡d, 買多d手信, 影多d相番黎啦!!
香港既野唔使掛住架~~~


我相信, sob始終會有一次帶到我地去另外既 LOVE !!

節目預告, 當佢地番黎之後, 12月我地就會全力籌備sob既....聖誕活動 !!
stay tune呀, 朋友!!