2013年1月18日星期五

好多好多 (下) -- 雞煲

之前講到....我地要以雞煲參賽, 但點解咁多款菜色唔揀, 偏偏要係.....雞煲~~~

其實雞煲呢個字入面隱含左無限既回憶同意義....

雞煲--gay post也~~

點解會有 gay post 呢個 term ?

首先, Gay----唔會唔明啦 (當然我地唔係對任何性向帶有歧視~)

係某d人既眼中, 我地一堆佬, 成日唔著衫.....




跟住攬頭攬頸






經常一齊出雙入對~~

種種因素所得...
係令佢地之間有一種gay情散發係當中...

至於 Post, 又係邊到黎?
所指既只不過係我地呢斑gay 情洋溢既朋友之間, 互相溝通既一個 whatsapp 谷~~
盤古初開既時候, 呢個whatsapp 谷就係叫做 不是一時gay post.
加上谷入面所交流既資訊.........咁囉..

攪攪下, gay post呢個term 就俾 雞煲所取代勒~~
呢個煲係 2011年 5月4號出世, 就快兩歲, 由於呢個煲充滿左經歷, 所以我決定襯呢個機會, 將雞煲帶黎現實世界!!!

好勒, 太遠勒, 番黎個煲先.
係處理呢個雞煲既時候, 我係完全明白點解美女廚房係咁好睇....
當晚既貢品
真係唔好講話d美少女甜姐兒, 我地呢到兩個大男人, 剩係劈雞頭呢下野都.....high 番天.
利益申報--兩個主理人都係未湯過雞....
睇我地, 幾high~
甩左個頭之後, 下一個要處理既問題就係, 請把雞仔劈開!!!
呢個又係極大既麻煩~

video


幾經辛苦, 先可以打開雞仔既胸襟.

既然分開左兩kai, 我同星哥就黎一個比賽, 睇下邊個既雞件可以再分得靚仔d

先係星哥既作品..
留意脾翼係原隻, 無斬件 !!

黎生呢個正常好多
完全勝利

跟住呢步就係...醃隻雞.
我地對於用咩材料, 同埋要醃幾耐係零頭緒!


識我地既應該認到條蛇啦~~
真係俾星哥吹到咩一聲, 佢拎左大家樂既糖出黎.....落左兩包~~
我心入面有個疑問, 我飲一杯奶荼隨時都落兩包糖, 老老實實, 呢到係一隻雞wor....夠??

主角, 萬字醬油
當時做少左一個步驟..係呢個嚴寒底下, 其實隻手有大量既((爆察))
結果無帶套既手, 俾支醬油攪到好((拿)), 加上d雞汁....好噁心.

咁睇係...幾好樣

最後.........完成圖 !!
不是一時兄弟雞煲就是這樣練成的 !!
唔好問我好唔好食~
我只係記得果晚好好玩 !!













同埋, 我地最後是入唔到圍的.


好可惜........可惜唔係我地入唔到圍, 可惜係我唔能夠用影像記低晒我地第一次劈雞既激惰, 浪費~~~





2013年1月13日星期日

好多好多 (上)

真係好難想像....對上一篇文章竟然係 11月6號 !!!
但中間我地係未完全無玩過野呢?
又唔係bor, 只係發生既事未係太得意jei~

等我一野記晒佢先!
就由回魂夜既Leon哥開始, 大家除左可以係fanspage睇到相之外, 朋友呀娘都幫我地做左一條紀錄片!!


如果想睇高清版本可以係呢到.
話說回來, 回魂夜呢套係我地心入面認為係儈炙人口既戲, 原來係會有一批較年青既人唔認識, 可惜...

跟住係另一條短片

J2 呼喚未來, 我地係呢一分鐘既主角!!

知道大約片段開始出街既日子, 我係電視前面睇左5個鐘....2套台劇, 2套卡通片, 1 套韓劇 結果果晚都係睇唔到.....直到第日, 終於俾我係電視前面見到---不是一時貪玩幾隻字, 同我地既LOGO走出黎既時候, 何其感動 !!!
再一次, 多謝 KATE, 嘉, 型仔CAM MAN.













Go Snap﹗氣蓋趣拍大賽
由於我地家附近氣蓋所處既位置十分惡劣, 發揮有所影響, 結果令人失望....

先睇下當時既情況
要同呢個機械人合照



感覺到幾咁難就位~~



今次參與既單位係以下.


大獎係無我地份既, 但亦成功進入優異表現既final50, 有野落袋!!







係一件仲未拎既獎品.







ASUS MOBILE, 得一享二投賞大賽
影一張, 有得一享二呢個概念既相片去演繹佢地最新產品既idea.
以下係我地既作品
鉛筆 !!!


筆同擦膠!! 仲唔係完美既得一享二 !!!
我唔明點解會有人覺得甜酸醬會更好~~~~~

我地既獎品係.....一年asus cloud 50gb web storage......
不敵既冠軍作品係呢個.....sosad.



最近期, 亦都係最過癮既一個比賽活動







一句講晒, 用萬字醬油煮餸 !!
而我地最終係決定, 整雞煲~~~~~

待續.....