2009年7月30日星期四

CASIO 高速躍動炎夏攝影比賽



當知道左呢個比賽之後, 我覺得成件事係為我地而設, 點知一時既掉以輕心, 我竟然唔記得upload d 相片去參賽 ! 結果比賽既第一round, 我地miss 左. 呢一round 既勝出者, 其實唔差既, 不過好老實, 我地有比佢更好既作品.

痛定思痛, 我已經準備好勒. Casiooooooooooooooooooooo !

我地第2 round首先派出墾丁南灣怒跳作品參賽
http://www.photohighspeed.com/high-speed-summer2009/detail.php?type=p&id=275

係朋友既就入去支持我地!

小白你既高速影片組ok ma?

2009年7月29日星期三

卡樂B-全城快脆拍.





今次既目標係 卡樂B 全城快脆拍攝影活動比賽.
我地既作品經過左熱奶既調教之後已經完成, 而且成功上載比賽網頁.

網頁在此:http://www.calbee.com.hk/snackNsnap/html/tch/main.jsp
由於網頁所顯示既太細, 我直接POST 張相係到, 鍾意既記得入去VOTE番我地 !

主題: 想食就食, 框架不敵
內容: 我地就係鍾意食卡樂B薯片, 無人可以叫我地唔食! !
當中既潛台詞係, 雖則人人都話食薯片唔健康, 不過我地真係鍾意食丫ma, 無計啦! 媽咪,女朋友你地唔好阻我啦.

呢次要特別多謝浪哥出山相助, 仲有熱奶既框架 !

身水身汗去領獎! (Bossini)

Bossini 呢次既頒獎地點係浪澄灣, 我地真係好唔明, 呢個明明係一個屋苑既名! 點解一個屋苑可以攪到頒獎禮既呢~~

其實係出發之前, 我地已經知道呢一次既頒獎事件, 應該會係一個非常簡單既領獎過程. 因為我地曾經打電話俾Bossini, 問佢地呢個頌獎禮會唔會有呀sa.(呀sa 係呢次活動既代言人!)不過得番黎既回覆係: 無架, 呀sa 唔會出黎架...... sooooo sad
跟口我地仲問, 可唔可以帶d朋友黎一齊領獎, 個負責人當堂窒一窒, 跟住答我地:下, 可以既, 不過我地都係影番張相架ja~~
好明顯, 呢次真係一個簡單既領獎活動. 唉 ~~~


我曾經幻想領獎時可以好似呢兩個細路咁開心,同sasa影相~~

因為自己問題, 我遲左去join 大隊既行程. 於攝氏大約33度既高溫之下, 搵左大約10min, 身穿爛鬼工衣既我先去到.......浪澄灣 !!
嚴格黎講, 果到係一個club hosue既空間, 不過唔知點解, 竟然做左 bossini 既 office.
我去到時, 佢地原來已經攪掂晒成個領獎既過程, 只係等我過黎一齊走人, 早知我唔使趕到大汗搭細汗啦 !! 算, 由佢!
去相!


佢地係門口既第一個活動, 空中SOB. 似到呢~~


SORFAI 落地又整親腳連環圖


你係主角, 俾多d相位你, 小熙 !


兩個傻仔, 肥星及軟人


THRESA 都黎撐場
聽小熙講, 佢地只係同呢位 Frankie 哥哥接觸過, 而佢亦都非常好人, 大家仲閒聊左幾句, 無話俾左份獎品就掟我地走, last 都同佢影左相.
得獎者笑到四萬咁口既開心!!
一場辛苦黎到, 我點都同呢15張$1000蚊康泰旅遊禮劵影張相既 !
總結: Bossini開心好橋活動, 完美結束. 美中不足係無得同 sasa合照.

2009年7月27日星期一

領獎呀 ~~(大新銀行)

尋日我地去左領取大新銀行個比賽既勝利獎品, sony netbook. 地點位於旺角 mk1 商場既濠匯禮品換領中心.

呢次經驗真過癮, 我地呢d所畏既勝出單位, 原來都係去番果種換領credit card同寬頻迎新禮物既換領中心領獎.
唉...想搵一個大新既代表同佢地握個手, 影張相多謝番聲都唔得~~

下面一段係熱奶既心聲
每次知道SOB win 左都已經唔係令我地最開心......反而,最開心係大家約埋去拎禮物...因為大家都有無限既幻想....究竟邊個會頒獎俾我地呢...我地又會係邊本書同報紙見到自己呢....今次都唔例外....SOB 一行人又黎啦!!!我的大新頒獎禮.......把鬼!
無錯, 熱奶先生佢係用左把鬼去型容呢次既頒獎禮 !
講多無謂, 去相勒.

親愛既戰友, 佢地對事唔對人既~~


呢到就係個換領中心既門口, 你睇佢地個樣, 不滿得幾鬼開心.


一視同仁架, 你估嬴左大晒咩, 都係要同其他換迎新禮物既哥哥姐姐咁一樣排隊架.

留意下, citibank送果張咁既 ITcoupon 都要個客專程走出黎換.
好心啦, 寄過去唔好要d客走黎走去丫.

呢位姐姐就係今次負責頒獎俾我地既代表勒. 你睇下部機, 真係好鬼死型呀 !!
我問姐姐, 可唔可以握手影張相, 佢笑住咁話: 唔好啦~~
雖然俾人reject左, 但佢既笑容好親切架wor, 一d 都唔難受. 呵呵

走勒, 換領中心個姐姐好好人呀, 問我地要唔要袋, 而我地都好唔客氣, 要 !
就係呢個袋, 真係無得頂.
雖然呢次領獎, 無茶點又無明星, 不過我地都覺得好開心wor, 因為我地一行人一齊沿路都有講有笑, 大家都估唔到一個領獎既過程可以咁 hae, 老實講係有surprise tim!
PS.呢次貼唔到集體照出黎, 因為有女姓朋友將照片源頭軟禁......過份呀

2009年7月23日星期四

嬴得我真開心(Bossini) !

實在太開心勒, 由衣家開始要叫小熙大哥做 ((口號大師)), 因為佢負責既 bossini x smiley world 開心好橋比賽. 再嬴呀 !!!!!!!!!!!

今次係獎品係價值 HK$ 15,000 既旅遊禮券 !!!!!


lmL !!!!



official 公佈結果既網址: link


以下係其中一段佢抽起左既內容, 等我將佢放係到同大家分享一下.


原來健康既身體, 係我收過最大既禮
家人為我地付出, 實在難能可貴
對於父母 佢地既仔女大於一切
但係對於仔女 ...你地有無諗過咩叫回饋?


其實有無人真係會見到?
有無人真係諗過回報?
而我最近只係見到好多父母
上左東方太陽或者蘋果日報
好言相向 勸個仔女回歸正途
換來既 只係仔女被毒品擺佈
金錢物質 錯誤思想入侵大腦
難怪既 呢個世界就係壞人當道

其實你地究竟明唔明, 平凡就係足夠
直至到有一日 我發覺我窮到無路走
我可以依靠既野 就只剩自己同一對手
仲有我d朋友 好彩佢地唔鍾意張毒品放入口

實在不得否應, 小熙大哥實在係有呢方面既天份....堅 !


認住佢.佢就係小熙


2009年7月21日星期二

MJ, RIP



MJ 既離開當然使人傷心, 不過地球上面既人並唔會忘記佢 !!


Michael Jackson Tribute - Stockholm. July 8, 2009

呢件事, 實在太美麗勒.

當呢個模式既紀念方法係唔同地方都開始左之後, 終於.....香港有人發起勒!
請一齊支持!
http://www.discuss.com.hk/viewthread.php?tid=10114350

2009年7月15日星期三

Bossini x Smiley world Be happy 我有(橋)活動


呢個係 Bossini x Smiley world 既 Be happy 我有(橋)活動比賽.
各網友可以分享令自己開心既好(橋), 最GOOD 最好既就會得到呢次比賽既冠軍.

我地再派出口號大師, 小HEE 全力出戰.
佢既開心好橋就係 RAP 出下面呢首歌~~

yo~! smiley baby 大肚臍!
咁開心 究竟發生咩事?

我發現 開心根本唔使擇日子,
呢個答案 其實無人不知//

其實smile 真係可以好容易,
就好似 我地出世 個陣時,
雙手空空 黎到世界 只係一個baby,
第一樣 擁有0既0野 叫做 "daddy mami"(加埋me)//

年紀輕輕 我就已經有個 family,
開心 大概就係由 個時開始,
見到咩都識笑 儘管我仲未有牙齒,
笑到唔見牙唔見眼 亞媽以為我係白痴! //

仲要好肉緊抱住我 走去問daddy,
"亞仔 笑容燦爛到 好似有d silly,
我俾架車仔佢 佢竟然鍾意 barbie!"
我心諗 作為男仔 我緊係揀個lady...//

不過個時 仲未識得講說話,
我望住爸爸 爸爸
叫佢幫我解畫 解畫//

佢就話: 媽媽 媽媽 妳唔需要太擔心,
擔心咁多 只會令 自己激親,
小朋友 一向本性 就係天真,
佢有手有腳識得笑, 我地應該感恩//

原來健康0既身體, 係我收過最大0既禮,
家人為我地付出一世 願意奉上一切,
又何止供書教學 三餐一宿 油鹽柴米,
霍金出動埋個計數機都 難以估計//

加埋身邊一班行正途既好朋友,
其實你地明唔明 平凡就係足夠,
你以為握緊拳頭 就可以捉住所有?
放開雙手 先可以隔空抱住地球//

係呀 我係無車無樓 我係窮到得返幾粒豆,
我係無乜野成就, 但我地都唔會一無所有,
因為我仲有 家人 健康 仲有知己好朋友,
我仲可以依靠自己
同埋我0既一對手//

所以 開心好橋 我諗亞sa妳唔使四圍搵,
其實每個人都有自己一套 高低好難分,
唔需要同人比較 原來幸福就係左近,
只要滿足所擁有
人生就會 ready for fun//

小HEE 呢次又係用左成日既時間先攪掂, 雖然唔知係未 hit 到 呀sa同評審既心意, 不過絕對係須要係到多謝一下佢付出既心機 !

俾個你 !

再有勝利事件(大新銀行) !

首先緊係要多謝番大新銀行攪左呢個比賽先啦. 另外就係幫我地投過票既所有朋友 !


多謝 !


「潮人潮拍心頭好」作品上載比賽---------讚呀

我地今次交左兩份作品, 結果由(給我.~~~~跳)成功跑出, 贏得一部 SONY VAIO P Series Pocket-Style PC(VGN-P13GH). 正呀! 價值成5千幾蚊呀.


video
(給我~~~~跳)
概念: 麵
相片: SOBplayer
movie edit: 小白
Background Music : Chemical Brothers - Surface to Air

卡樂 B...我地黎勒~~~~~

2009年7月10日星期五

YAHOO ! start the trend



YAHOO 為左係香港成立 10 周年攪左一個都好勁既活動, 名為 START THE TREND.
羸左的話係會有 HK$30000獎金做夢想實踐基金 !
我地一眾成員都覺得可以將SOB喜歡用比賽同人交流既概念放上去試下, 所以由衣家起我地會有兩個BLOG勒~~

我地既 Y! Blog係呢到~~http://hk.myblog.yahoo.com/sob_hongkong
當我準備緊YEHOO第一篇文章既時候, 我諗左一陣, 究竟我地sobplayer既目標係咩呢? 就係咁簡單要嬴到足夠既旅費去睇世界杯? 定一話純粹想要嬴既感覺? 諗諗下, 我自己都攪唔清楚, 俾d 時間我諗下先 !
28/7 update.
呢次既比賽, 去到15/8就會截止, 但係到衣家為止仲係好少人參加, 點解呢?
有無人想玩架, 唔好怕醜啦, show me your trend !

2009年7月9日星期四

出局呀 ~~~

我地sobplayer出局了.
台灣果個世界最棒的旅遊既比賽, 我既行程設計竟然得唔到評審既欣賞! 唉~~下次唔敢勒, 我唔亂話事勒, 睇黎我既創作能力仍雖改善.

不過 !

我係唔會停落黎既...............南非世杯夢 !!!!!!!

有邊個擋到我 !
牆我都撞爆你 !

PS 呢次麻煩左 LOVER 剪果段團隊介紹片勒, 我地支酒留番係 15/7慶祝用 !!

2009年7月6日星期一

一網既比賽 !

有興趣既人士, 一齊挑戰 !

http://www.photohighspeed.com/high-speed-summer2009/
比賽分幾個階段進行, 自己細閱啦
終極獎比: 雙人布吉來回機票 及 雙人沙巴來回機票

http://www.bossini.gig.hk/
本活動於香港時間2009年6月25日正式開始,至2009年7月17日截止
2009年7月22日於http://www.bossini.gig.hk/公佈
禮物HK 15000 旅遊獎金

http://www.calbee.com.hk/snackNsnap/html/tch/main.jsp
31/7/2009 前upload以 (與摯友fun享卡樂B)為題
投票日期 1/7/09-10/08/09
每ip 地址最多可uplaad 5張相, 每天只限upload一張
每ip 地址最多可投 5 票, 每天最多一票
結果將於 1/9/09 於calbee網站公佈

http://hk.promo.yahoo.com/exam/2009/hkal/index.html
(留留言.打打氣)為題圖片加文字(最多100字)創作
15/5-31/8參賽日期18/9公佈結果


http://hk.promotions.yahoo.com/10th/celebration/
15/8前完成一個 blog, tag with (start the trend)




2009年7月5日星期日

OpenRice 開飯遊蹤


呢個活動比賽係由OpenRice攪既, 名叫愛旅遊.愛分享 食住玩遊記分享大賽.

話說有一日上網搵地方開餐時, 就係openrice見到呢個比賽既 link, 咁好自然入去睇下咩情況, 研究有無勝算啦. 睇下睇下, 原來openrice繼成功打出hk搵食地圖個名之後, 睇黎想再殺得更遠, 做埋旅遊方面既生意, 攪左開飯遊蹤呢條戰線去開發一下. 而佢地第一步行動好似就係利用呢個比賽去吸引各網友去分享自己既旅遊事件, 而個比賽獎品都唔差呀, 有成hk$3000既cx旅遊禮劵.我就打算利用之前台灣之旅去攪攪呢件事勒

Openrice好野呀, 整左一個好得好犀利既系統去俾人利用做分享遊蹤時既介面.
http://travel.openrice.com/home/index.htm
不過當我自己用落, 反而覺得個系統好多時都限死左我想分享既方法(或者係我唔明點用啦), 結果攪攪下, 整左兩野就放棄左lu~~

成件事最得意係咩呢, 過左一個星期, 收到個email, openrice 竟然話我得獎呀 !!!!!!!!!
我成為左「最快手獎」既得獎者, 可以得到「Wyndham Estate BIN 555 Shiraz 紅酒」乙支, 死未!

yeah!!!!!!!


之後我check番個得獎條件, 原來頭170個朋友參加呢個比賽都可以得到呢支酒架, 但我其實參加既時間都好遲, 係最後一個星期! 真係估唔到, 咁都可以 -- 最快手 !
點都好, 多謝 OpenRice
希望呢支酒可以用黎為台灣besttrip既入選同大新既勝利慶祝啦 !

2009年7月3日星期五

Wilson x hTC 既花絮.

呢個係wilson出既official 報導

我地既集體照可以係左下角搵得到.

下邊係熱奶既無聊賽前分析

雖然已經做左咁多準備功夫, 但都只係攻到個大獎, (黎生好慘)竟然食唔到個第二,三既安慰獎, 激死 !


出番個credit先


國寶後台實況:
熊貓=麵 / 小熊貓=小熙
攝影,概念=麵同小熙
場地=我張床
後期製作=熱奶


黎生好慘:
黎生=麵
攝影=小熙
概念=麵同小熙
場地=青衣機鐵站
後期製作=熱奶


Wilson x hTC故事攝影比賽-完美結束 !


2009年7月2日星期四

TAINWAN besttrip ! final version

呢次認真辛苦晒天右勒~~
要隊長係一個好短既時間之內幫我地整左段VIDEO去參加 taiwanbesttrip 既比賽.
希望可以順利入到 final 50, 唔好浪費左隊長既呢一份心血啦.


呢次我地唔單止有video同相, 仲有新既元素加左入去, 就係sorfai既music !
段片個blackground music 就係 fai 哥為 sobplayer 獻出既第一首主題曲呀 !
贊 !!!!!!!!!!

睇黎下次我地要為fai哥添置番一d音樂器材, 等我地既所有比賽作品都可以變得更加完美.

10/7就知入唔入到圍勒 !!!!

VISA 終於update左勒.



由收到 VISA經 e-mail話俾我地知得獎直到衣家, 已經有2個幾月既時間, 佢地今日正式俾左個名份我地勒 !!


呢張相入面我地會睇到3位舞者既英姿 !
順序左至右分別係 ..天右, 小白, 熱奶 !
名份就有左勒, 咁我地實質既獎品又要等幾耐呢...........us 500 呀 ~~

其他既得獎短片可以係呢到睇番:

http://www.visatravelhappy.com/ch-hk/index.shtml

多謝 VISA!

update...係 8/july/09 終於收到 visa 既 獎金勒 !!