2012年11月6日星期二

2012 萬聖節Leon style~~

今年萬聖節, 雖然我地唔能夠完成最初要致敬既目標......羅蘭姐.

唔緊要, 因為代替佢既後補角色, 一樣係咁值得我地尊敬!
佢係回魂夜入面, 周星馳所扮演既 Leon





 

 

乾濕褸, 小白裱, 白底衫......唯有最唔似既係.

盤花..可惜





















點解要搵Leon補上?
除左因為星爺係我地呢一代既icon, 回魂夜又係佢唯一一套鬼片(我印象中係), 值得我地tribute之外, 仲有佢係戲入面呢一段對白!!

好話唔好聽,我由bb仔開始已經見過飛碟,啫係世人所講既ufo, 4歲果年我又見過傳說中既尼斯湖水怪,又同喜瑪拉雅山既大腳八傾過計,猜過媒,再加上我由細到大日日朝頭早都玩過山車,晏就玩海盜船亦都會朝頭早玩海盜船,晏就先玩過山車,黃昏再玩多次海盜船都試過
我講你聽吖,所以我成日都同d 後生仔講,要成功唔好諗住一步登天, 我有今日呢份功力係經過無數咁多既考驗,我奀恐佈既野都見過, 奀經險既事都遇過 , 仲有咩可以嚇到我呀?

萬聖節, 妖魔鬼怪周街都係.....我地既 Leon 哥絕對都應該一齊浦下街啦.


講番呢晚, 其實都好好玩, 好玩在我地leon哥頭套可以隨時拎出黎, 俾任何有興趣既朋友都一同享受變身既感覺, 做一個被蒙頭既主角.   難得大家唔介意果種................頭套入面既.....um....

一齊回顧下當晚leon佢既造型

最原始, 最受歡迎就係咁囉~~~~
大家衣著差唔多, 但...你就係輸左~~








一個字 KAI
Pose黎講, 佢的確係贏既~


 呢對朋友.....真係一個 STYLE架 wor


比較lady既選擇
 


跟住係一個family !!
媽媽主動提出可以玩埋一份!!    
小朋友, 你生活一定特別開心~
因為你爸爸媽媽都好得意

最後仲有一個怕羞仔, 佢見我地玩得咁開心, 都忍唔住要變埋一份!
下次個pose可以唔使咁含蓄架~~


























Leon當晚既造型係咁多勒,  合照吧!!!!!





















.

玩左成晚, 我地有2個總結

1. 下次要再出動的話, 真係唔應該得一隻 character.......太寂寞勒~~


2. 原來萬聖節係街頭派糖......對香港既小朋友係並唔吸引既~

我地無機會咁樣玩d細路勒~~~~


last, 最唔想發生既事.....
前前後後都唔知掉左幾多個心血結精勒




















相片我地仲有好多, 有興趣可以入去呢到慢慢睇~
多謝SCL既老細呀良幫我地影左咁多相!!!


2012年10月29日星期一

玩萬聖節 !!

每年萬聖節夜晚, 尖沙咀中環一帶既街上面都會有好多人著住奇裝異服走黎走去, 佢地既打扮由從前主力扮鬼, 去到扮電影/電視角色, 黎到近年就乜鬼都扮.

呢個創作幾好, 見晒樣
同我地係聖誕節既創作係異曲同工~






















31/10既萬聖節仿佛變左一個藉口俾大家去變身, 發揮創意.
Trick or Treat 好似已經...唔關事了~

話晒我地自問係扮鬼扮馬呢個專業範疇入面有少少經驗
幾受歡迎 !!!


今年我地一於都玩次萬聖節, 攪番d野出街娛樂下大家!!
可惜既係我地剛剛先紅牛完無耐, 無乜時間, 唯有主力做一件有代表性既character啦 !!!!

萬聖節.....只攪一隻.......最具代表性......鬼怪........CHARACTER

估唔估到我地最原始個idea係乜野??




下面係設計圖





草稿(左上角)








































無錯, 我地係想整一個人(仲要係3d), 佢可以話係香港靈異界別既一個代表人物, 呢排亦都係好紅!!

一齊估下, facebook相簿繼續 !!


2012年10月23日星期二

Red Bull Soapbox 10 死氣喉的事後煙


已經反左車成個星期, 係網上面睇左好多關於比賽既報導, 相同短片都有~~  一個又一個遺留左既片段由唔同既渠道入面出現, 每隔一陣就有更清晰既影像, 有d由朋友/網友, 有d係傳媒報導, 呢個過程既趣味性其實好高.

尤其我地幾條友既吸睛度從來都不弱....haha!!! 

星島呢次好俾面






又多一段值得回味既事件, 太好勒~
雖然已經睇番好多爆裂既場面, 但係我地知道依然有一個source, 入面會有大量精彩而獨家既畫面未流出, 講緊係tvb j2幾位記者朋友既源頭, 剩係小熙頭上面個第一身go pro炒車片段都已經叫我地望穿幾個秋水!!  (我地個ftp等緊妳 kate & 嘉姐, 1分鐘出街果個版本係唔會滿足到我地架~~~~~)

何其鼓舞既片段
番正題, 講下關於呢次活動, 我地作為參賽者既少少感覺先.
如果有留意傳媒, 又或者活動當日有親身去左沙田既話, 都會知道果日既場面係非常之熱鬧, 熱鬧到--失控,....

我個人認為, red bull應該無預計到呢次活動既反應原來係咁熱烈, 一切都因為低估左個入場人數而引至~

我仲記得起步之前, 我地影緊上面d相既時候, 主持人已經不停開mic去控制人潮, 最後佢仲宣佈活動場地滿左, 唔可以再俾觀眾入場. 事後朋友之間聽番, 有唔少人最後充滿怨氣咁離開, 有部份觀眾就為左要觀賞賽事, 更加繞過晒行車/人路, 走到去山上面黎睇....辛苦之餘仲好危險!!  
佢地又話red bull同警察既溝通好差, 上山落山, 邊到通, 邊度唔通, 兩邊既指引都唔夠清晰....總之就係....亂~~

睇下個山坡~~
多人到呢
我咁睇啦~~ 
成件事第一個問題係舉辦地點選左沙田多石街, 果度唔止地方細, 而且又唔就腳, 先天性個場地就有缺憾.........但話又說回來, 點解red bull要係一個客觀條件咁惡劣既地方去攪呢件事呢? 我記得開始公佈比賽資料既時候, 比賽地點寫住係尖東果頭, 如果係尖東攪就好好多啦, 最少觀眾入唔到場, 都可以去付近打發時間, 對比多石街....老遠過到黎又入唔到去, 真係企左係度.

仲有一樣關於場地可以改善方面就係當我地賽完之後, 係無方法上番去起點拎自己既隨身物品, 因為兩邊既路已經塞晒人, 就算有朋友係起點, 我地亦聯絡唔到佢地, 因為個地段太多人勒, 電話網絡完全負荷唔到. 

聽到呢度, 可以想像當時有幾失控呢~~

成個環境要去到比賽中段, 大約賽左一半既車之後先有番改善.....可能有d人唔耐煩啦, 而且比賽又有少少進入左悶場, 電話通番, 路又通左, 我地先可以同其他朋友重聚.
sob x j2

不過向好方面諗, 問題主因都係當日太多人(當然, 亦等於紅牛準備得唔好), 我見在場人士入面, 好多都係一家大細黎參與, 呢一幕其實好難得. 始終, soapbox 既戰車設計好多真係別出心裁, 我真心認為可以激發到唔同人諗野既空間. 尤其小朋友睇既時候, 如果大人可以俾多幾分創意去做下解說, 效果一定更好.  呢類教育, 我自己覺得比起迫上個島買包, 年年睇人諷刺時弊, 更有創意同好玩~~

解釋呢隻野都夠講一日啦~
雖然話好多問題都係因為參與人數遠超預期而引至, 但有d地方其實係可以做得更好的, 少少個人意見丫, 唔o岩聽唔好鬧~~

--時間控制
去到比賽中段, 大會已經開始叫往後既隊伍唔好再有出車前果30秒表現, 好慘!!
因為我知道有部份單位為呢30秒時間, 做左好多準備, 硬生生要人取消, 其實好陰公.  講真, 我寧願大會賽前選擇減少出賽隊伍, 會好過臨場cut人表演. 話晒你地之前都講呢部份表演係計入總分ma~~

另外, 比賽都完晒, 我地嘗試等大會公布個結果.....我地等左..應該都有30min
這係等到天黑!
走既時候都係未出到黎~~~   
只能之後上網睇番.
無晒氣氛啦~~
起步同終點果條紅牛吹氣大門無左!! 得個黑背景
--戰車安置
係比賽流程入面, 戰車去到終點之後, 會被放左係一個只有參加隊伍先可以進入既休息區入面, 觀眾係唔可以進入既. 其實可以的話, 我認為應該畫一個公眾區域出黎泊呢d戰車, 俾觀眾可以埋去同車手及戰車影相留念丫~~  講真, 又有幾多個隊伍會原原本本拎番走架車呢, 果到根本就係戰車既臨時棄置區, 係戰車被送去堆填之前.....點解唔俾多d value佢地呢~~~
可憐
真心覺得戰車有種被用完即棄既感覺...

--關於比賽結果
係facebook既official event page入面, 觀眾主要鬧人潮安排, 至於參加隊伍呢? 
有部份人好大力咁聲討個比賽結果, 因為當晚公佈既結果入面, 第二名果隊, 戰車只係完成到1/3賽事, 餘下都係人手搬運...以我地既經驗, 呢d投訴最後都係不了了之~~  哈, 估唔到件事不停係 facebook 被加溫後, 大會又真係隔左陣就修正番個賽果~  
另外又有人質疑評判對己隊既評分都太過嚴苛, 1分0分2分.....
死啦, 我地真係對呢d結果無乜感覺, 或者係因為無其期望, 又或者係慣左,......幾黑暗既賽事都見過啦~~ 
不過呢, 我地會明白佢地個心情呀!!! 
作為參賽者, 負出既唔只係錢, 仲有時間心機, 唔同隊伍一齊攪架車出黎, 幫大會堆砌左成件事, 做評分既真係應該認真同嚴謹d. 雖然話好多人都志在參與, 開心一下, 但都無理由太求其呀~~
(衣家都仲有人未吞到啖氣呀, 慘~~)

死勒, 我好似打左好多字黎話紅牛既不是......其實係少少意見姐~~
um....唔緊要啦, 經一事蔡一智, 我地依然希望往後既日子有呢類得意野玩!! 唔好俾佢停!!! 
始終當日既人山人海已經講緊, 香港須要呢類活動!!!  


睇番條片輕鬆下先~~

紅牛好快就出左條巡邏影片, 抵讚丫!

係!  仲有樣野要讚, 比賽呢日都無聽到話有咩嚴重意外, 亦即係成件事安全地完成,  呢樣野都好緊要呀 ~~
俾番個credit大會吧!!


好啦, 我唔想再打字勒........用小反車既成長為文章作結吧 !!!!!

































最後, 容許我再讚下自己同一班player....由零到上面既戰車, 只係幾個晚上~~
人地燒焊鑽鐵配單車架既同時, 我地紙皮木板膠紙, 用做勞作既姿態去完成red bull soapbox 呢個壯舉,

服左自己!!!!





2012年10月19日星期五

Red Bull Soapbox 9 無人可以係我地前面既!!!


千呼萬喚, 香港第一屆 Red Bull Soapbox Race比賽係 14/10/2012 正式舉行ed ~~

起步stage ! !

有留意我地facebook既話當然知道小反車係比賽之中已成功反轉~~
巧high唷
d觀眾又點會估到呢個位都有炒車睇丫!!


比賽當日, 由朝早開始已經不停發生n咁多樣事情, 我地架小反車最終可以係跑道上面成功反轉其實已經算係萬幸~~  

記錄下先.
一大清早, 大會要我地8點有一個人去到火炭車房睇住架戰車運去比賽場地, 當然---住係沙田既肥星無奈地接受左呢個任務, 須知道前一晚我地整車攪到成45點, 佢落得床黎真係.......慘.

至於其他人呢, 大會要10點去到會場(其實我係果朝先收到電話通知)集合既時候, 我地先起身, 親愛既肥星就已經單拖係比賽場地玩緊上山落山, 簽文件, 影相.

team pass屎, 我地一人一個




















唔同隊伍既戰車陸續運抵起步區




















呢個時間入面, 星哥穿梭於山上起跑區同山腳既終點站之間, 佢話果陣都無乜idea下一步應該做乜, 我地又未到, 大會俾既指示又唔夠, 到佢簽完文件, 拎埋pass後, 無端端又多個好頭痕既任務要去面對.  試剎車系統!!!

大會指定, 每一架車係出場前都要經一個剎車測試, 如果指定範圍內唔能夠成功剎停架車, 隊伍會被取消參賽. 呢個咁重大既任務, 對於未曾坐上過司機位既肥星, 緊係唔敢亂試......佢唯有等, 等我地呢班剛剛起床, 由青衣出發既救兵.
佢一路睇住其他車完成測試(聽講真係有車dq左), 另一邊係電話好冷靜(佢心明 X 係解決唔到問題)咁警告我地快d去到.......最後, 所有車都完成測試, 負責人同佢講...5分鐘內, 你一定要上車試, 唔係就要dq.

無勒無勒, 佢只好慢慢地, 辛苦地, 無奈地, 死死地氣咁推架車出場, 等待奇蹟既降臨.

 肥           星    ~~~~~~~~~~~有人大聲地叫出!!!
青衣既我地.........趕到勒 !!
呢刻, 星哥佢回敬一句    X你, 快 Y  D 啦!!

星哥x完我地之後, 車手即刻跳上車, 黎啦 !!!!!!
video


好似軟人所講....唔成功 !!!!!!!!!!   條路好斜呀~~~~~~~~
大會好人, 俾多次機會!!!

我地就係3分鐘入面, 用左大量牛皮膠紙幫個制動器加工.......
之後再分咐車手, 一定要一路行車一路剎......

當然最後係成功啦
但第二次試車既時候, 我真係無望過一眼.....好大鴨力呀 !!




呢個朝早唔夠訓, 又要趕, 又攪到咁緊張........真係心血少d都唔掂

點都好, 總算係舒左口氣, 可以輕鬆下, 影番張靚相~~
條路...真係好斜
係呢個時候, 我地再收到第二個問題, 就係車手超超因為工作事忙, 未必可以趕到出賽前番到黎跑道!!
唉, 為左安全起目, 同賽會交代左出賽既車手將會由小熙頂上....而小熙到當時為止, 係未坐上過小反車, 對戰車既貢獻只係車身上面既貼紙.

sobplayer既車手第一次坐上戰車既同時, 亦都係最後一次 !!  
我地根本就係讓賽~~~

不過唔緊要, 當我地親眼見証左路段既險要之後, 比賽既目標已經轉為只係希望小熙全身而回!!!

所以, 我地下即時要做既野係.....搵料幫制動器加工!!
原型
改裝後









.











睇唔睇得出有乜唔同??  簡單講, 我地綁左一對拖鞋上去. 哈~
係呢到, 要好多謝終點隔離條村果位王伯捐出呢對拖鞋, thx !!!!!!!!!  好人黎架你~~

終於, 有d時間可以俾我地再玩下, 同埋啦 tvb j2既朋友傾下計(無錯, 佢地都跟我地攪左成日, 好辛苦下!!)
同其他朋友交流, 好應該丫~

















組件合體





組件(有組織地)解體
軟人叫我要特別為組件加兩幅圖講解.....
講緊乜, 自己參透

我講唔出口
















































到左最後要處理既正經野勒---戰車落跑道前果30秒表演~~
我交代下最完本既構思先.

一開始, 只有車手小熙一個人同未變身前既小反車係台上面.
跟住我係後台大叫....走鬼呀!!!
車手小熙做出一連串慌亂既動作.
跟住, 佢為左成功走鬼, 會掟出呢d
燒米


























掟左呢d燒米之後, 3個燒米神會走出黎台前跳part舞~~
跳完就用最快既時間先運小熙上車, 再幫小反車變身, 極速走鬼 !!

what a great story !!

下面係巡邏影片

大至上, 係完成左既~~~~
我俾8.5分
其實直到比賽前大約15min, 我地都不停咁去討論呢個30s既表演, 最新消息只係keep到幾分鐘就變過氣消息.....真係好ad hoc~~


一路傾, 我地就一路睇住山腳至跑道慢慢有好多人潮聚集, 大家既手機亦都變到無晒signal,  緊張既心情亦慢慢型成...始終第一隊出場就係有種無型既壓力.

呢個時候, 突然又有幾個player出現!!!!


太好勒...多個人, 就多分力量, 就連超超都趕到番黎(但可惜名已改)!!


























佢地話樓下已經封晒場, 多人到癲...攪到我地好鬼興奮~   心情由當初怨緊點解40幾隊都抽到做第一隊變做好慶幸排到第一隊!!!  因為..

我地係香港第一屆red bull soapbox race, 第一隊出場, 亦都係第一隊衝線既隊伍 !!
無人可以係我地前面既~~~~~~


我地係服左自己既!!
完全係為左滿足細個時希望可以好似電視入面果d超人一樣, 係變身前勁chok既肢體動作~

記錄下跑道上既光景勒~
太仔細既野都唔記得勒, 最深刻既印象....個燒賣係咁撞住我粒唇瘡, 而架車又比想像中既行得好, 行得遠!!  我真心諗住一路斜台就玩完.
sob既舞台係勁多人的
草堆都過到 !!
 其實我地知道其他人係唔應該落跑道架, 但隻腳唔聽個腦話~  無辦法.

去番我地反車一幕, 我好有誠意咁為軟人cap左兩張相
失控前半秒(點解可以係呢到炒粉)



失控一剎


軟人, 你自己睇下第一件飛脫既野~~


當架戰車反左之後, 我同小熙依然同架車一樣處於失控既status

辛苦晒

我地真係諗唔起要推番走架車

死推爛推先將架車帶到番終點, 再俾小熙上番車衝線.......不過可惜, 搵黎搵去都無一張清晰既小反車衝線圖, 睇下遲d紅牛send黎個dvd可唔可以cap番先!!


送上小反車既車頭相作念
滿足



這次是好玩的



mission accomplished

其他關於賽事既sidecut野, 再講~
好眼訓...