海港城令人真開心 ~~

之前玩果個海港城既朱古力攝影比賽, 結果會係聽日宣佈. 但我真係忍唔住, 一定要係到先講兩句~~

海港城早兩日將呢次比賽既相upload左去facebook, total有131張, 當然我地都交左幾張啦....

我地最後就係交左呢幾張勒, 幾好幾唔錯呢~~

雖然比賽既結果仲未公佈, 但我同熱奶小hee都一致覺得呢次堅開心~~
開心係因為我地係呢次既比賽得到好多人既讚賞wor~~~

即係點呢.....當d相upload左去harbour city既相簿之後, 竟然有好多人都like我地既相, 有d朋友更加留言話我地d相影得過癮tim! 須知道讚我地好果d人, 好多都係我地唔認識, 所以佢地既讚好都係出自真心既喜歡架!!

雖然大數量既讚好唔代表會嬴個比賽, 但係成件事去到呢個位, 都足夠我地開心幾日勒....
直到衣家28/2/10, 20:30 我地d 相total已經袋左145個好勒 !!!

多謝各位 !!!
另外, 當然都要讚一讚海港城d負責人啦, 佢地個facebook acc run得好好, 直接令到網友間d互動都比其他既公司黎更加多, 更有趣!!

TVB他媽的蘇good

呢篇係自己野, 眾players唔好介意借個版位黎!

係屋企坐低, 唔覺意望到電視個大台做緊一個叫蘇good既節目.唔知實際壇野係點樣玩....只係睇到個主持人對住幾個唔同既呀姐整出黎d野食評頭品足.

隻眼就放左係個電視既影像之上(係未叫慣性收視呀呢d), 睇睇下覺得好唔對路, 唔知個主持人一向既作風係咁樣串串貢, 定一話係導演要求既節目效果, 佢真係句句都頂心頂肺, d 說話pk到爆炸.

人家整碟野食出黎, 佢爆左呢句: 呢d野擺得上枱既咩!

跟手個主持仲要將碟野放落地(因為佢覺得呢d野放唔到上枱) ......

再黎係有個參加者, 要整炒飯..omg, 條友倒左一大穫油出黎, 完全無可能叫做炒飯, 個場境擺到明係炸飯!! 睇到我頭都痕, 諗緊呢個世界點可以有人咁癲, 最後條友亦都俾個主持窒到一棟都無~~~~

我真係唔明上面呢間公司點解可以有d 咁既節目....

捉d觀眾上黎表演白痴既內容, 再用勁刻薄既說話去奚落人, 就咁堆砌到一個節目出黎......大台, 你去死啦 ~~

根本tvb係有好睇既野, 就好似星期x檔案之類既節目, 但偏偏呢d廢既低能既始終佔左大多數, 可能係9..1之比, 而且係所畏黃金時間出現既就硬係呢種不倫不類既垃圾..

tvb d野愈來愈無value其實已經人所共知...tv buddy, 我已經係互聯網見到你既死期勒~~

呢個係我留俾蘇good既評語!!
呢d節目放得上電視既咩, 拎晒d母碟出黎燒左佢, 俾地獄d人慢慢欣賞啦, 果到d友仔應該岩用呀, 鐘意互相指責丫ma, 唔好係凡間到播, 教壞晒d人呀..mlm

睡前投入番我的最愛--高登討論區, 雖則我無留言既習慣, 但只係閱讀果到d偉論都足夠叫我身心舒暢, 各路巴打絲打既創意, 說話果種直接, 見識之廣博真係嘆為觀止.

頂住呀.....電視已經廢左....網絡言論既自由唔可以死架 !!

美麗狂奔競技賽

雖然我地係第一次接觸荷里活廣場攪既活動, 但估唔到一黎就咁爆破 !

美麗狂奔高跟鞋競跑大賽..

--第一, 著既衫一定要夠型夠爆
--第二, 要著一對2寸高既高跟鞋去跑

--第三, 有情侶組, 男女都要著高跟鞋

如果我地sob所派出既幾個參賽單位都抽中可以去參加呢個活動的話~~~~成件事一定會更加非常之咁 fantastic!!

剩係諗到幾條佬走去試高跟鞋都夠過癮啦 ~~~~

到時我地都要影一張 !!
當然我可以保証, 我地既衣著會...........更very g good.

世杯夢未碎 ~~~

曾幾何時, 我為今年定左個目標, 就係要嬴足夠既金錢帶我地一眾既players免費去南非世界杯玩一轉.....不過到目前為止我地離呢個target都有一段好farfarfar away既距離~~~

不過咁 !

有左呢一個活動............我地都仲有機會派代表出席!!!!!!!

SONY make.believe 仲有你!

呢次要鬥多人一齊去sony shop一齊影相....

一個好有挑戰既活動, 平時我地自己3,2條友, 幾下手腳就可以贏比賽既模式已經原全用唔到係呢到, 呢次我地一定要諗一d活動吸引d邊緣朋友出黎幫下手玩呢張相.......

用咩方法好呢......我地暫時諗丁到兩個字......騎刧 ~~~~

Dream date 變成 Day dream ~~

一下摔角手式既HIGH FIVE, 呢一篇BLOG 就交由左SIU HEE去主筆, 因為LUNCH ACTUALLY.....call左佢去出席個會面, 做 final interview 呀~~~~~

心悠離我們.....這麼近(會面前), 那麼遠(會面後)!!

人地門面留倩影

SIU HEE:

與劉心悠 lunch dating 活動有進一步發展, 要上 lunch actually 公司傾下~

本住 "本死無大礙" 既精神, 附會係 no excuse 架! 更何況 SOB 0既面皮, 厚過黃頁

其實件事簡單0既程度, 追到 "放隻大笨象入雪櫃"......只係上去, 對身份, 留低資料, 落返黎

但就咁幾隻字就交代左成件事...會對唔住兩位工作認真又 nice 到爆既interviewer, elaine 同 仙小姐 ~

(可惜呢度無 "like" 功能, 唔係我like 妳地~)

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

第一位接待我0既係 elaine 小姐

要克服緊張, 同時加快 腦轉數, make fun, 仲要搵位派咭片, 唔係易事

尤其我感覺到人生第一次, 自己vs自己 舌戰0既情況下....即係點呢, 好似 一人羽毛球咁, 打去對面... 接果個係自己...

雖然 elaine 小姐係一個可愛的女生, 但佢好似對local 既爛 gag 唔太明

我俾個例子黎說明一下..

佢話我似一個人~~ 哈~(冷笑) 走唔甩啦~ 又係話我似邊個邊個靚仔藝員架啦~ (暗爽)

((s: siu hee e: elaine))

s: 係呀~ D 朋友都話我似鄭嘉穎

............... 佢呆左~ 果一刻靜到差 D 要為死去既 air 默哀...ok ~ 打去對面... 要跑過去自己接返~~

s: 講笑者~ 唔好咁認真....

e: 似小柏霖呀~

s: 陳柏霖?! 咁益我?!

(聽到都扮聽唔到啦...小柏霖...廿年前既character...何況真係聽唔到...)

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

第二個 interviewer 又係一位 GFable 0既美女! 仙小姐~(咁攪法間公司做唔長架喎..D 客人直接問佢地拎電話得啦...仲使乜入會搵呀.)

我問左一個還原基本步既問題:

劉心悠都應該唔使搵你地幫手搵男朋友掛...(咁膚淺既問題當然唔敢問出口啦... 所以成左潛台詞)

正經既: 究竟今次個比賽預期既效果係點呢??

仙小姐佢答我, 其實上年官恩娜都係經佢地幫手攪既一個活動, 而同一個法藉靚仔醫生開始左架~

當然, 今次0既對象換左係我地0既女神, 當宣傳也好, 當真係幫女神又好, 我地都要記一記呢件事..

..不過好明顯..以一個學生既身份上去呢次既interview. 今次個比賽我地, 落已敗...

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

係一個 "情人眼裡得 LV" 0既現實世界, 搵個好既情人睇黎真係難過係尖咀行路過中環~~

所以 高度私隱, 一對一 lunch dating

screen過以確保人選質素及配合既程度, 再幫你/妳安排埋一個合適0既飯局地點

的確有佢0既市場.

雖然有呢類高質素中介人公司, dream date 不再是 day dream

但同女神黎個 lunch, 比起 SOB 上市 更能肯定為一個白日夢...

(唔緊要~ 賺玩)

lunch actually~ 0岩中產又單身0既你

歡迎到此查詢

入會4大要求已大大隻寫係廁所門之上, 如果唔係心悠.............

p.s.: 其實... 日日對住 D 咁高質素0既人選...

Elaine 同 仙小姐做問卷0既同時,會唔會有對六合彩0既感覺...

中喎... 又中!? 第三樣 ~ 中埋!!!唔會係我掛....oh, mr right~~~~~~~

仲有, 補番我地因為呢次活動而出既口號先!!
愛情 give and take
情愛如交易

以愛作貨幣 給妳我的溫柔
以承諾作貨物 伴我長廂斯守

給妳, 我的心悠

Elain, 仙小姐, 我真係有交個心出黎鬥呢50隻字架, 一齊細味一下啦 ~~

呢到仲有多d間公司既相可以睇下

為朱古力...加甜又加fun~~

又係海港城呀, 呢次既活動主題叫(我的情.尋朱古力)

喺22/2前將閣下同「情‧尋朱古力」既朱古力藝術品合照, send 俾大會, 最甜蜜/鬼馬果3張合照會得到海港城送出既海洋公園日間門票4張

呢個就係其中一件朱古力藝術品勒, 好膠架.

大會搵黎 baby 同 GEM 為大家示範左咩叫做合照

幾咁...整齊企理.

我地SOB就為大家示範, 咩叫鬼馬合照.

打雀ing

滑倒ing

貪婪ing

MJing

呢次係由小hee, 我同 軟人傾力演出.

上面既相只係一部份既作品, 可想而知, 我地係果個展覽區玩左幾耐~~~
當時我地已經對其他人既奇異眼光視若無睹架勒, 反而我係記得一個又一個唔同既朋友都對我地投以親切既笑容.

最後既參賽作品, 遲下再upload啦..

btw

Harbour city 玩既野, 係幾得意既 ~~~~

想睇再多d photo? 可以去呢到 ~~

恭喜大家一個發財!!!!!!!

新年第一件事, 祝各位心想事成, 身體健康, 事無大小都好似輝哥咁虎虎生威 !!!!!!

嘩 !!!!!!!!!!!

呢個虎年一開始俾我最深既體會既一件事, 並唔係無端端唔見左既半日假, 又或者係凍到反胃既天氣.......而係上邊個圖入面既頭套.

係08年尾, 因為小小甜生日既關係, 我地第一次接觸到呢件玩具. 一年入面不停咁recycle, reuse 個頭套, 玩到件野都充滿野生既味道.

不過都真係估唔到, 個頭套竟然因為虎年而跑紅左...成個年肖市場都係~~~

個個都戴

連 vivan都戴

我地有相為証...攝於08年尾小甜生日

唔好講話老虎, 其實虎對上果隻牛我地都有玩架(不過上年隻牛又紅唔起wor), 仲有另一件大紅玩具抓!!

所以我話, sob玩既野真係走在時代既最最最尖啄.

香港首隊遊戲組合 ~~

早兩日睇果本pandaa, 見到一隊叫 jelly girls既少女組合.
講真之前都睇過佢地d video 架勒, 係youtube......

無錯~~~佢地堅係得意既....係一班經常著好少布既model 少女, 不過我真係一個都唔認得, 因為佢地一出場時實在係太誇張勒.

大家自己睇下, 你話係未會睇到眼花丫!

你可能會問我, 咁點解今次要講佢地先~~

因為.....雜誌係咁樣形容佢地 !!

我真係, 唔多like佢地咁去形容自己...香港首隊遊戲組合

pandaa裡面, 幫呢一班jelly girls既每個成員都加左d功能, 有計時, 計分, 試範, dj ing, mc, dance.......

問題有兩個, 係未有左呢d 計分計時咁既position就算係遊戲組合先...........而佢地又真係香港既第一隊ma?

我心入面有好大既問號.

要稱得上遊戲組合, 我覺得除左要令人開心(jelly girls 一定無問題), 自己對玩遊戲又或者係創作遊戲應該都要有一定既敏感度, 不過我係佢地果d遊戲短片入面真係feel 唔到呢...

咁我又覺得sob係唔係遊戲組合呢? 應該都唔算.
我地只係貪玩組合..

話又說回來, 能夠係海量既靘模市場內, 將呢班女仔包裝做遊戲組合推出市場, 仲要搵到wnp係 pandaa影左輯靘相, 我地真係要讚佢地既老細....你真有腦筋!!

好耐無見既朋友 ~~~ CX HK SEVENS

好明顯國泰真係玩上癮, 今年佢地再黎多次短片比賽wor ~~
呢次既主題係, THE FUN IS BACK.

整個比賽結構同之前果次係完全一樣, 只係個主題唔同左, 咁你話我地都有左一次經驗, 又有咩理由唔參加呢~~

片, 我地衣家仲未出到, 亦未有咩野IDEA, 因為我地希望睇下大會既主題廣告會點演繹, 希望自己條片可以同單位互相呼應一下.........等緊你呀, 國泰~~~~

另外, 個web page見到應該仲有一個攝影比賽, 到時一定要玩埋一份 !!

BTW, 早陣子收到國泰既信件, 表示會MAIL兩套今年hk sevens比賽既門票俾我地作為上年比賽既禮物, 係到講聲 THX 先!!
仲有就係, 我地上年條片係official條link可以重溫!!

再黎,口號 !!

Sanyo攪既口號創作比賽, 整段簡短而又易上口既口號形容呢部高清機仔, 一連4個星期, 每一個星期都送出hd dv一部.

我地而經參加左, 大家一齊黎比拼下勒畏~~
熱生整左段咁既口號, 真係好想分享一下...

三洋齊賀耀新歲, 高清攝錄現虎威 ~~~嘩

佢試範左咩叫做............離題, 不過句野好有火!! (個嘩字我加既)

________________________________________________________________

一間叫 lunch actually既公司, 舉行一個名為My Dream Date With Annie Liu(劉心悠) 既活動.

基本上我地都唔會理玩咩類型既野架勒, 因為得獎既話可以同女神食一餐飯.........所以作品已經交左. 我亦都唔打算放任何呢次活動既link勒, 有心同女神食飯就自己做下野啦~~

不過講真丫, 應該無人夠我地果段說話鬥架勒..........hahahahaha!!!!!!

我地要親手交 sob張咭片俾女神~~~~~~~

後加// 同小hee玩左陣口舌之戰

零小 say 說:

我見到心悠.... 即刻醉了....

CHINA TOMY 說:

我見到你見到心悠．．我 的心碎了

零小 say 說:

我見到你見到我見到心悠, 我笑了

小hee睇下點 ~~~

幾咁無常~~~~

今日好.....唉~~
本來想記一下我地sob做左一件有意義而又開心既事, 但係呢一刻個心情真係唔多好.

下邊就係條time line勒.
---中午, 我係sob既玩樂基金裡面拎左少少錢出黎, 捐去 unicef 果到幫助海地果邊既災民(都拖左好耐), 希望算係對個世界付出番小小小小既貢獻...

我覺得超開心, 受惠機構係 unicef 香港區單位

---跟手睇左本叫panda 既雜誌, 裡面介紹左周啟邦伉儷既一d事跡...睇得開心

---大約兩點幾, 睇新聞話有人跳樓, 仲要壓死一個女途人...

---海地有個人被埋幾個星期都無死到, 救得番!! 實在係好好既消息

---6點幾, 消息指果個被壓死既女途人係前年銅鑼灣塌天秤意外其中一個死者既遺孀...

---7點幾, 有報道出左黎,周啟邦係醫院病逝....

---10點幾, 新春金多寶, 一注獨得, 3千8百幾萬....唉

---12點勒, 新聞話果個跳樓既人可能只係晾衫時跌落街~~~~~~~~~

呢排攪咩呢...漒水彈, 塌樓, 小朋友俾人掟落街, 行行下街俾人壓死...

一齊感恩, 大家可以健健康康睇到我地呢個 blog 啦

文化創意你懂多少 ~~

一個名為 <港文化.港創意> 既活動係中環荷李活道舉行左個展覽~~

呢到係活動既詳情.

文化創意既野, 我確實唔多認識, 不過裡面既呢件玩具真係不得了!!!!!!!

我地做件好有意義既事, so kisssss me ~~~
實在好鐘意呢件作品!!!

又貼下另外一d花絮先

好大既....轆

任你掟既飛機欖.

我都有幫襯過呢d老店 ~~

一貫作風 !

有興趣去走一轉啦~~

多謝diana介左我地去睇呢d玩具!

荷里活道已婚警察宿舍(鴨巴甸街35號)
其間限定.