Red Bull 又黎勒~

Red bull 前年係香港攪果個 flugtag 比賽, 我地入唔到圍, 無份玩之如, 仲食左一個屎無前例既炸糊.

就係因為佢.....傻生

算勒, 前事不提, 再蠢既人都應該得到寬恕~~

事隔一年, 我地覆桌既機會黎勒!!! 終於俾我地再等到red bull既大事件...















今次玩既叫做 soapbox, 玩速度, 玩造型, 唔似 flugtag咁要落水.

即係點??
我精選左下面3條片出黎~~








真係不得了, 睇片已經心癢癢!!!!
其他活動細節唔多講架勒, 快d入黎報名先!!

有興趣落手參加既朋友留意, 雖然話呢次入圍名額有60隊咁多, 但我記得睇過前年入圍flugtag final果幾隊d草圖(雖然最終好多都起唔到機, haha)係異常咁專業同靚仔, 有d仲 build 晒 3D 圖!!! 所以, 由草圖開始, 真係唔好掉以輕心~~

我地兩位SOB既專業車手....賽道上約定大家!!!

呢次活動既冠軍.....是跑不掉的 !!!   入唔到圍的話, 我會delete呢篇blog~~

最後補充埋呢次比賽既獎品....(quote 自活動網站)


得獎者可獲得什麼獎勵？


對車手嚟講，能夠成為當日主角已經係最佳獎勵。更加唔少得嘅係比賽所帶來嘅難忘及過癮經驗。


very 之 good !!!
我地就係要做主腳 !!

這就是sobplayer

剛剛既星期一, SOB係商台巴巴閉 afternoon d 個錄音訪問終於都出街.

究竟我地果半小時縱橫交錯既訪問, 最終會變成點樣既境像呢, 負責剪輯既gigi會唔會一邊剪一邊後悔捉左呢班甩繩馬騮入錄音室??

未聽, 又或者想重溫既朋友, 可以一齊入黎欣賞!!

我自己聽完第一個感覺係-----------------正 !!!!
呢個正唔係俾我地自己, 係俾負責edit既gigi~~ 短短13分鐘既時間, 完全感受到佢用左幾多心機去挑選同鋪排我地既內容(尤其係聽埋下面3段uncut既version就更清楚), 再配合幾隻好跳脫而且match晒時間既background music(btw, 我好鐘意果幾隻歌). 聽完勁熱血呀~~~~~~~

滿分係10分的話, 我俾夠 20分妳, edit神 !!!!!  果晚番去, 我即時就重溫左個錄音3次~~

再夜d既時間, 葉生就放埋訪問既uncut version出黎(gigi效率好高, 好快就寄番個錄音俾我地~), 呢個uncut version有35分鐘長.......唔聽由自可, 一聽又係停唔到!!!!!!!!!

原來又係精很彩, 真係不得了!!!

站係第3者角度去欣賞自己一班人35分鐘uncut既吹水.....我更確切明白到點解我地攪d活動比賽, 就算結果點失敗都好..最終都唔會太失望, 成日掛係口邊既賺玩, 咁點係點賺玩?
入黎聽呢段完整既錄音你就會知!  內容高潮跌起~~


裡面, 就係sobplayer既真身!

btw, 我仲加左相片說明內容, 增加可觀指數~~
因為俾無線投訴我地upload左自己既記錄片(他媽的反智), 我地既youtube acc變左只能夠每次發放不超過15min既短片....結果錄音要分3條片放上黎.!!!!




葉生話呢段edit得最好wor~~

大家係當日既表現...何其放!!!

果日訪問既期間, 我都已經發覺大家都好快就進入狀態, 尤其係小熙! 真心講, 佢地都唔當呢次係一個訪問......真係唔識得再怕羞了~~

我地每次既聚首, 就係充斥住呢d狂妄既笑聲, 實在不亦樂乎, 仲唔係賺玩??

証明左傻生真係無去個party!!

林村拋寶牒之...行運一條龍!!

幾經辛苦而完成既作品, 係比賽當日安全落街, 向林村進發~~

俾個龍頭特寫大家睇下!!!

祝大家, 龍年由頭旺到落尾!!!

其實條尾都好精緻 ~~~

細超, 好野 !!

出發勒!~~~

再一次...要將紙皮道具運入超叔既戰車, 好迫呀~~

係車程入面依然要為作品加工.......何其急趕

半個鐘既車程話咁快就到, 

一落車....大家就即時張牙舞抓了~

又真係好開心既~~

因為大家都好滿意今次既作品

跟住落黎有關比賽既花絮, 我打算用圖片記事......入黎facebook睇吧~~

另外, 我亦都準備左少少比賽片段, 有興趣欣賞既朋友就要加多兩分忍耐勒....因為無論剪接定拍攝既水準, 呢次都係......係囉.......慢用~~

無錯呀, 最終SOB既成績係季軍, 龍年第一次出賽就有進帳勒~~~~

跟住既篇幅, 主要想講多兩句關於玩呢次比賽既感覺~~
當初我地知道有份入圍, 但準備時間實在無多之下, 依然選擇去趕趕趕趕工, 用左一個晚上去打造呢隻SOB飛龍, 其實背後有咩意義呢??

老實講句, 比賽既獎金, 冠軍有HK$ 10,000 亞軍係HK$ 5,000 季軍都有HK$ 3,000!  攪手又同我講參加隊伍係有9隊, 我盤算左一陣, 1/3既參賽者都可以有野落袋....對SOB黎講似乎唔難.
      

但, 真心同大家講, 呢次我個擺位, 獎金唔係咁前~   

解說.
SOB經常係訪問會講, 希望有朝一日能夠發起d具本土特色既民間活動, 香港人玩落會覺得開心, 外地人睇過又覺得非常獨特, 唯香港獨有既事情!!  好可惜一路以來, 我地都攪唔到d乜特別野出黎... 所以當我第一次係電台聽到呢個鬼馬造型掟寶牒活動既時候, 我心諗.......

掟寶牒呢件事情已經夠爆裂, 仲可以加埋鬼馬造型, 主題更加係龍的傳人.......中晒 !!!

係聽到廣告果一刻, 就已經認定左呢個比賽SOB係無理由唔派隊架勒. 既然我地未能build up屬於自己既一件事, 但坊間又有呢個咁合心水既活動, 所以即使當日既製作時間再急d都好, 面對呢個比賽, 棄是絕不能放的~  
相對西班牙掟番茄..泰國潑水..芬蘭掟聖誕樹同掟電話比賽~ 我地既掟寶牒活動, 其實絕對唔會比下去的!!

我地就係帶住呢個定位黎林村玩架勒~~

最終我地得到季軍~

得到季軍開唔開心??  開心呀, 點會唔開心!!
雖然老實d講, 係我(黎生, 唔一定代表客觀既事)心目中, SOB既行運一條龍, 無論係造型, 演出, 基本上係整過主題同演繹配合入面都已經超班~~  不過我地都唔會介意賽果上面既少少失利, 因為....學輝哥佢果日講, 總之今日想得到既野, 我地都拎到~~

例如.

 聽到呢隊   十全十美, 嚇瓜 客家美少女既歌喉

睇到呢對小兄妹玩我地個大頭佛時候既開心

係唔同新聞入面搶灘, 俾更多既人見到行運一條龍呢件咁偉大既作品. 尤其係我地都希望更多人可以見証到香港依然擁有充滿活力而且創意無限既年青人!!!



超鐘意姐姐果句, 我曾經美麗過~~~
以上種種開心, 都足夠叫我地唔再去研究有關比賽既失利啦. 而且我深信行運一條龍既出現係成功令比賽生色不少.

最後, 再講多句有關整個比賽同林村俾到我地既感想丫.....ummmm,  其實應該可以做得更好~~~

加油啦, 林村!!!
有緣的話, 下年再會吧~~

btw..主辦單位, 你地一定要一定要一定要補番個獎杯俾我地呀~~~

林村拋寶牒之...什麼是deadline!!

早兩篇文章提過, SOB報名參加左林村既香港許願節其中一個活動, 鬼馬造型拋寶牒大賽. 報左名之後, 一路都音訊全無, 直到30/1個星期一!!!!! 終於收到大會既聯絡, 講番有關比賽詳情.

老實講句, 我早就以為SOB入唔到圍架勒, 因為章程寫左參賽名額有限, 超出左有限隊伍數目的話就要抽籤決定參賽資格. 我又點會諗到30號都仲可以收到比賽通知丫.

由30/1早上收到通知電話至 4/2中午比賽之間, 有五個工作天, 係真真正正要工作既日子....點攪好呢~  死線當前, 但人人都忙到反肚, 個個都約晒朋友一放工就踢波跳舞, SOB應該決定參賽, 定退出算數??
um...當我考慮到個比賽咁富有香港特色, 而且仲有咁大既創作空間既時候, 唔好理勒, 上呀 !!!!

只係剩番 5個晚上~~~  

星期一, 二我地都成功放空!! 直到星期三夜晚, 終於都開工勒~
首先將一批物資運到工場!!

 所謂既物資, 未又係呢d由藥業大王, 細超sponsor我地既紙皮箱囉~~

跟手我地就決定左設計既草圖!!

因為活動主題係龍的傳人, 好直接, 就做一條龍啦~~~~~

前後攪左兩個幾鐘, 下面幅圖就係我地離開工場時完成既部份..

我仲決定左下一個SOB工作天係....3/2, 星期五晚上, 如果你係我, 會擔心爛尾ma~~

到左星期五, 工作時間大約係傍晚六點開始, 我地既策略係用力做好個.....龍頭!!!!  只因時間無多,幾大就幾大, 燒賣就燒賣~~~

係趕工既呢段時間, 實在係非常咁集中, 照片其實影得唔多.  不過, 都足夠交代有份係呢個生死存亡既晚上一齊出心出力趕左條飛龍出黎既朋友 !!

不死黎生

 帶左一隻好幫得手既小野貓出黎, 仲整左條勁浮誇龍尾既超叔

上到工場訓左好q耐, 最後只係貢獻左一對龍眼既輝哥 !!!!!!

最緊要果個一定係放棄左一晚趕自己工作既時間, 又借出工場既星哥!!!

正常既朋友係好難忍受自己既屋企變做一個混亂既工場, 但佢做得到 !!!

 星, you are my man !!!

就係以上5個單位, 經歷差不多5小時與紙皮既戰鬥.....一條霸氣十足既行運一條龍就係工場橫空出世勒!!!!!!!

仲有呢個DIY既大頭佛

實在太過不可思議, 短短5個小時就可以完成呢個咁圍大既作品, 唔好忙記我地SOB仲要未總動員tim架!!!!!
我好相信除左玩之外, 紙皮製作都已經成為左我地專業既一部份~~

待續..

商台881, 吹吹水

雖然今日已經係龍年既初九, 但其實係兔年最後一日, SOB都發生左一件未被紀錄既大事情...就襯天氣削為回暖......趕緊記低吧~~

22/01/12 年廿九, 地點: 商業電台





























商台雷霆881係sob接觸到(被邀請)既第4個電子傳媒機構~~  (唔計有一次自己都聽唔番既迷離溫哥華電台訪問).  由新城, TVB, 香港電台, 到今次商台..其實每一次有機會接觸到呢類媒體既時候, sobplayer都係處於異常投入同興奮既狀態........大家睇下幾咁齊腳, 仲未計揸機既我, 同遲到既肥星~~

無他既, 佢地都太喜歡接觸新事物/新朋友勒, 尤其係當我同佢地講今次訪問既聯絡人, 係一個叫gigi既女生....把聲幾甜~~~~       只係需要一句, 幾齊人!!

講番呢次邀請我地個節目先, 就係由林曉峰同車婉婉主持既巴巴閉Afternoon D.
起初知道呢個消息既時候都開心架, 尤其係諗到可以同轉數好快既林曉峰過下招之外, 又可以同車車影下相, 研究星座........結果, 事與願違~~
因為我地都係被捆綁既打工仔, 又無理由要兩位主持人就我地架ma. 最後既安排變左由聯絡我地既gigi代兩位主持人同我地會面訪談, 然後加工, 上剪下加再變番做兩位主持人同我地既對話先出街, 犀利 !!

不過, 老實講句係有d遺憾, 因為過去幾次, 我地都可以直接同節目主持人傾計交流.......唯獨呢次, 我地只可以係另一個平行時空相聚~~

亦都因為咁, 我地準備左.........

一個節目, 無左主持人又點成事呢~~~
因為時間既閞係, 車車同ar LO已經由SOB準備好勒!!

不經不覺, 試過幾次訪問, 我地都變得較易進入狀態.

非常之咁愉快地就完成左個面談......過程入面我地(沒有被要求下)久唔久都講住呢幾句~~
車車..妳頭先真講得好好!!     ar LO ...你點睇呀?
sobplayer真係好合作!!!  gigi, 妳唔介意丫ma~

節目幾時出街, 我地都未係咁清楚, 到時大家就支持下啦. 但我覺得uncut version 都應該會好好笑, 有機會一定放俾大家聽 !

最後, 多謝巴巴閉Afternoon D既朋友們(kenny, gigi, 車車, ar LO), 多謝你地俾SOB踩入商台~~

BTW 果日既訪問入面, gigi最後問左個問題, 佢問...

SOB有咩夢想? 或者....SOB今年有咩目標?

我地竟然真係答唔出.....
快d搵人黎同我研究下呢個問題~~