TEMPO紙手巾, 送你去旅行~~

由於我地呢陣子個勢幾好, 所以一鼓作氣之下用左好少既時間就出左以下既作品去挑戰tempo既旅行勒 ~~

打頭陣係呢個~~

短片作品, 1 take 開盒有幾難 ~~
演出, 輝哥 & 湯麵

拍攝及剪接, 小白

小白真係幾好野, 講左個 idea出黎, 佢真係跟到. 如果最後個music既尾收得唔好咁爛會更好!!

不過, 只係用咁少時間就出到呢個水準既作品, 算係咁勒 ~~

拿, 小白~~你成日投拆話自己要做幕後無得出鏡丫ma.

下面呢個版位, 我送既~~~見你條片整得咁鬼快手 !

識你咁耐, 最令仔係呢張架勒 ~~

: )

ok, 去番正題~~

第2 part既作品係文字創作

通常呢類既文字創作都係會交俾小hee/軟人去用歌詞(rap/數白攬)去做, 而呢次都唔例外~~

小hee, 用左好短既時間就交出以下功課.

一Take攪掂唔好拖~

tempo 紙巾, 方便易用一張一張

好過廁紙, 一唔小心 拉到匹布咁長

呢個品牌, 香港名牌, 陪住我地成長

最近既產品, 仲識得散發陣陣清香

紙巾一張一張, 代表住一種思想

就好似做野, 就緊係想一take過

今日既事今日做, 唔好拖得就拖

今個月尾仲做緊, 上個月既功課

所以大家唔好學我, 呢D 叫自食其果

人生一take 過, 點可以無老婆~~

我既人生目標, 係搵到個好太太

同佢結婚生仔, 遊遍海角天涯

保佢生活無憂, 成為我終生成就

婚姻一take 過, 對其他無慾無求

選擇再多, 我既人生, 只得一個妳

我淨係想拖住妳隻手, 同妳共詣連理

我會聽哂妳話, 妳叫我坐我唔敢企

老婆我愛妳, 希望妳聽到都唔好骨痺

其實每次都好期待睇佢地呢類既小品文字創作.

短短既幾行字, 唔會同你大講人生道理. 不過一定係你我都好容易遇到, 又或者一時間好易遺忘既生活態度! 仲要押下韻, 的確幾過癮~~

面對呢方面既作品, 我都真係甘拜下風.

SOB果然係周身刀, 張張利 !!

作品就介紹完勒, 好應該輪到朋友你為我地做出少少貢獻勒掛~~~

去呢個網址, 俾d support黎啦.

要撐我地既作品可以係搜尋作品既icon, 打入呢d ~~

短片作品: martin ho
文字作品: yip wai lam, lam hiu hee

唔好覺得我地咁少票數就唔撐我地呀!!

我估 tempo呢公間公司唔會咁蠢, 走去頒個獎俾果d暫時以萬9幾票領先緊既參賽者掛...講真果d作品真係.....好一般law ~~~~~~~~~~~~~~~~~~~~~

黎啦, 送我地去德國同日本啦 !!!!!!!

CX同我地..有緣無份~~

Oh No, 付出左勁多心機既短片.....

The fun is...watch your back, 係CX個Hong Kong 7既比賽都係輸左呀~~

未能打入最後3強走入大球場部電視同大家見面tim.

好似佢咁衰左收埸tim ~~

不過咁, 雖然今年條片入唔到大球場, 但我地反而可以親身去入場睇HK7 wor~~

就係因為上年既入圍, 今年我地得到2套既門券~~

終於可以親身入場感受咩叫.....party, 咩叫盛事勒

以前讀緊大學既時候, 基本上年年都講話想入場睇seven架勒~~

真係估唔到, 又係sob幫左我地, 一齊睇下我地d開心情況啦~~~

更多既相片, 大家隨時都可以係網上面搵到, 我都無畏再貼勒~~
不過呢次既經驗...點講呢~~

開心之餘會有少少~~~~~下面講.

置身於坐爆左既大球場果種感染力除左呢次, 我之前睇東亞運足球決賽果陣都感受過, 兩次既經歷其實分別好大.

嚴格黎講HK7唔係一個比賽, 係個一年一度既party~~

一個比較屬於洋人既 function, even在場既華人, 佢地都可能有7-8成係果種操一口流利外語既後生仔女. 至於我地呢種未出外浸過salt water既香港仔, 係呢個function始終係屬小眾.

當然, 置身當中係一定開心既, 但感覺點都係有少少怪怪的.

掉番轉, 上一次東亞運足球決賽既爆滿..係一個完完全全屬於香港人既活動(雖然觀眾並無扮鬼扮馬咁入場)wor, 直頭係上下一心tim. 但我可以講呢個經驗係可一,但唔知幾時可再...

唉..幾時先可以有一個屬於我地呢種香港仔既 party式大型活動攪到出黎呢....

講真果句, 我係堅唔抵得點解班外國既朋友可以每年都一定有機會係我地個香港大球場玩一轉架 ~~

算啦, 睇黎我都係諗多左勒.

你可能問我成篇blog都好似無咩提過呢次短片比賽d野 wor~~

點解?

因為呢次既失利, 我地又唔係睇得咁重wor, 反正拍野果日玩得勁開心, 跟住又有得入場睇HK7.

都係果句啦--賺玩

不過~~最後都要多謝番每位player對呢次條片果種出心出力既, 特別係呀浪大哥啦...我估條片你都剪得好辛苦架勒!

SOB 到新城電台吹吹水~~

可能我地SOB所做既野, 實在太另類勒, 呢次連我細妹都忍唔住.....

佢將SOB介紹左俾自己既老板--新城財經台及新城知訊台節目總監--劉婉芬(大家姐)

大家姐就係中間呢位勒～～

估唔到份量咁重(節目總監)既大家姐都會覺得SOB做既野值得佢花一個鐘既時間係自己既節目入面討論...結果就促成左呢次訪問勒 !

呢一次既訪問係早幾日前已經錄左音, 明天(30/03/10) 早上11:00-12:00就會出街, 有興趣聽下我地表演口咬鏍絲而不死既朋友, 一定要留意. 節目叫做智慧. 創富, 而我地既被訪主題係...凡事有可能.

內容唔多講住, 聽日自己留意番個收音機啦..

我地一齊去睇下d 花絮先~~

等埋位

無葉生, 因為佢遲到

訪問時既setting~~

當然仲有揸緊機既茶水部主管小甜及係panel負責錄音既細妹.

由於場地及訪問性質既關係, 我地只係帶左呢3位players既精神過黎, 而細超就最慘, 連紙仔人都無份tim~~

唔好嬲, 呢到俾番個特寫你 ~~

係未覺得我地(由於小hee長期俾大家姐擋住, 小甜影唔到, 所以特寫....無你)好專業呢, 好似好啖定咁呀.....我話你知, 果日d鏍絲好硬, 好大舊 ~~

最後都順順利利, 完成訪問, 開心左一晚~~

再黎大合照, 不過唔知點解張相會爆左光.

留意, 3個紙牌人係處於大家姐手中的!! Oh yeah...你地3個既運有排行啦 !!

講住咁多先, 等我又聽番個訪問錄音之後先再講多d 事後review ~~

記住 30/03/10.. 11:00am 新城997. 智慧創富, 有我地sob既處女專訪.

Tempo x Sony Ericsson~~

一take攪掂你最賞~~

今次既牌子係紙巾入面既皇者~~~Tempo

主題, 一take過. 喻意佢地既紙巾抺咩都係一張過就攪掂晒!

而比賽分兩邊, 一個係文字組, 另外一個就係短片組, 兩邊既冠軍都有旅行去!!

等我地又試下先!

你又想玩的話就要快, 因為31/3就截止.

再生父母, SONY 攪既一個短片比賽
sony ericsson 既 Vivaz(個名點解要咁難讀)手機推廣活動.

因為呢部 Vivaz 手機係可以拍攝同播放到高清HD 既video, 所以活動主題好簡單, 就係HD !

主題你話事, 最緊要夠創意.

不過呢次無世杯既 ticket送啦, 嬴左送你呢個 Vivaz啦.........記住, make. believe

enjoy !

先吐一口烏氣~~ 再講句, We did it !

一張相, 可以為你帶黎d咩?

當然, 簡單一張相只可以將一刻間既時間, 地點, 人物同感情記錄低.

而呢張~~

佢帶黎俾sob既野, 堅個石堅!!

雙人南非世畀杯((決賽))之旅!!

你話係唔係堅秋先~~

事情源於之前已經提過兩次既sony推廣活動.

既然個比賽只係鬥多人一齊影相, 咁即係要好多好多既朋友出動啦. 但係無端端叫朋友出黎幫手, 又好難開口架ma.

結果我地就好似之前既planning咁決定, 騎刧! 而影相時間就定於海洋公園既 function之後, 食晚飯之前!

我地真係好well prepared, 明知 sony 唔會有足夠既3d眼鏡俾我地架勒, 所以我地好多人都預備左自己既黑超扮佢地果幅 3d眼鏡!!

最後我地當然好成功地靠一班朋友 KO 左個活動啦.

yeahhhhhhhhhhhhhhhhhhhhhhhhh !!

雖然結果未正式公佈, 但我真係忍唔到勒......

好想同大家一齊分享呢件咁令人激動 既事呀~~~

就好似之前係呢篇目標入面所講, 去睇世界杯的的確確係我為左sob係 yahoo start the trend project入面所定既短期目標~~

估唔到, 曾經放棄左既target竟然可以襯一次機會..........俾我地攪掂左!

雖然成件事並非靠原先所plan, 嬴好多既錢再去換黎機票酒店開支, 反而只係因為一個簡單既活動就得到呢個達標既機會. 但我覺得能夠成功叫到咁大班既朋友現身支持, 完全係因為一路以來我地係唔同朋友既心入面都種落左好多既感情, 而呢種感情並唔係簡單靠錢就可以買到既一種關係.

所以, 我正式宣佈---SOB絕對成功地做到左個目標勒!!!!!!

WE DID IT.

當然, 呢次我地只可以送2個人去南非睇ball~~

不過兩條友, 已經足夠將我地sob既精神宣揚出去架勒.

11/7/10 香港既區旗同SOB既旗織將會係約翰尼斯堡既 Soccer City球場上面出現~~
希望到時可以搵到 cable 電視部 cam 啦~~~

最後我一定要係到多謝番相入面既所有朋友呀!

上至下, 左至右

Emily, 細孖, 小甜心男友, 小甜心, 捷, freddy, 天估, 大孖, 肥龍,

Bowie 男友, Bowie, 小小甜, liz, 珍姐, 棒棒, sandy, michelle, hang, sorlui

傻輝, 熱奶, 細超, 我, wanwan, 肥星, eason, 法國

cat, michelle lee, 大超, 小hee, 連弟, 軟人, 小白

allen

Total 35人. Thank you.

仲有係sony, 多謝你地, 多謝你地既 ~~~ make. believe

PS. YAHOO, 雖然我地START唔到咩野好勁既trend, 但最後我地都可以將屬於自己既精神帶到南非世界杯, 而你地黑箱所選的冠軍, 出色在那, 成功在那 ~~~~

黑超噴跑海洋公園--成功 !!

尋日21/03/2010, 一件普世歡樂既事情好成功咁舉行左.

就係我地SOB 攪既第一個海洋公園旅行團!!

呢次活動既人數比上次迪欣湖既陣容更加頂頂頂頂頂盛!!

41人 !!

呢一次既活動之所以有咁大既吸引力, 除在因為有我地一班 SOB既核心帶隊之外, 更因為我地SOB一律入場只收 100 ! SOB 為每一個朋友仔津貼105蚊, 痴線架, 著數到咁~~~~~~~~

成功既旅行團一定要有一支好令仔既領隊旗, 而我地一樣有 !

正斗, 熱生出產呢支旗仔..係唔錯架~~~

一如以往, 我地每次既活動都會有個主題, 而呢次主題係...... 黑超!! 因為我好早已經知道活動當日既天氣一定會好到暈!

最終呢日的確係好天到驚.

出住幾張.....最過癮既相先~~

我唔係話張相影得令~~

我係完完全全地諗起無著呢件 sobtee, 而被迫使無得影相果個肥仔~~傻仔 !

帶黑超之後...更7~~

影完時有個伯伯同我講, 小心騎虎難下...

我心諗, 一野就跳左落黎啦 ~~~

重點落係輝哥既表情之上....最泰仔既一面~~

呢張應該係全日之最, 點解咁都俾妳諗到架小小甜 ~~~~~~

每次出動都走唔甩既指定動作...跳吧 !

(仲有好大批既跳相, 遲d再up)

41人開開心心咁就玩左大半日.

不過呢日既分唇仲未完結.......好戲遠在second part~~~

補多句..

多謝天公, 個天--藍到癲~~

CX FINAL WORK ~~

經過係迪欣湖果4個鐘既搏鬥, 再加上呀浪大哥既鬼斧神工~~
我地今年 CX HONG KONG 7 既短片出世勒 !!!!

The fun is....watch your back !!!

呀浪大哥呢次做到野丫~

係朋友既你應該知點做勒掛,
去呢到俾個票我地啦!

果到仲有其他精彩既片架(不過一定唔夠我地啦), 慢用.

剩低既就要等國泰睇下我地條片可唔可以取悅到佢地勒~~~
希望可以成功入圍, 將條片帶入大球場個電視啦.

雖然 final work 都好成功出左, 但我都想係到發表一下cx既原來 story board wor!

Fun is black !

Fun tutorial !

其實個 idea都唔差丫 ~~

玩相玩出樣 ~~

Canon攪得既活動當然同攝影有關係啦, 但又唔應該簡單叫做攝影比賽wor, 係多少少野架~~

點解? 衣家dry賣相機係唔夠架, 所以canon仲好著力去promote~~print相

程序係咁既, 先Print一d得意既相, 再勾出相中主角, 將佢放係有趣既地方, 最後影出得意相片.
你明唔明我講咩呀?講真, 我自己都唔明~~~~~~

睇相啦~~

我地出左以下咁多既作品:

就係呢.....7張((杰))作, 主角都係我地幾個啦 !!

再加呢張人地做主角...JESSICA 玩(立)~~

我堅覺得呢次參賽動機除想玩之外, 應該有人係睇中左個獎品架....AAAA既主腦ar kot設計既一個小包包.

今次活動既全部作品, 可以係呢到睇到~~

睇完所有既作品, 我發覺到個現象!

直到目前為止(20/mar. 11.01am), 所有既參賽作品入面, 係無 人將自己個樣擺上去架~~~唯獨我地上面果7張, 用晒自己既大樣, 仲要驚死人認唔到, 放鬼大埋個頭tim(你睇小hee同相機果張) !

即係點, 講緊咩??

講緊SOB呢種態度---- 玩得出, 唔怕認

等你地既票(lke)呀~~

01/april/10, 多謝 like 左我地既朋友.