Blog 濕你個 Yahoo!

Yahoo, 呢次我地真係唔俾面你勒~~
講真, 我地都累積左唔少既網上比賽經驗, 每當參加一個比賽, 我地都一定會好仔細咁睇番大會評審既標準同過程, 希望做到盡善盡美. 如果每一個步驟都做足晒, 無留野, 個過程又開心, 結果其實未必係我地最在乎既一環.
不過呢次真係..........火都黎 !

Yahoo呢個start my trend 既十周年 function, 我地一路都覺得好過癮, 一直等緊入圍既通知, 因為我地知道呢個比賽遊戲既結果其實係決定於一個網上公開既投票

我地一路等等等....等到勒~~~不過唔係等到一個投票既介面....
竟然直接出左一個結果!!! 結果係呢到.....
我地輸左~~

我唔會評論勝出既朋友做得好與否, 我地著眼點係.......究竟點解無左一個投票既步驟既呢, 上面幅圖明明仲係寫住評判係由網上公開投票架wor ~~會唔會係只有呢一個Blog既主題合資格去參賽呢? 又唔係丫, 我地個yahoo id有出現係start the trend既水杯得獎名單, 仲有隻b wing 杯送架wor~~
點解無端端會出左個贏家 ???
點解無左個投票???

呢幅圖送俾你既 黑箱yahoo

我認某程度上自己會對呢個比賽有少少既信心, 不過唔係因為覺得自己比別人做得好, 係因為我知比賽既勝負取決於網絡既公投, 唔會count on任何既評審制度. 而一路以來玩落既web game, 我地得到既經驗就係只要有評審既比分count in左, 我地就知道勝負既重點一定唔會再係網投之上, 反而係睇作品既表達會唔會hit到評審, 贏輸一定要認命, 因為唔中就係唔中.......
但呢次....無左個網投, 本身又無評審既計分.........真係唔明點解會出左個冠軍 ~~

算啦, yahoo一定係活動條款既最後做左一d類似......我話點改就點改, 自己話事之類既聲明架勒, 唔打緊啦...
不過咁, 呢一口氣, 我麵大哥真係吞不能 !!

yahoo, 你等等我啦~~

U Magazine x SOB 教你踩單車

可能係因為之前幫U Magazine做左個訪問既關係, 佢地d同事就留意到我地呢個blog同之前個單車地圖勒~~~~今期我地sob個名就出現左係本雜誌到呀 !!

如果閣下係因為睇完呢期u magazine對東涌條單車徑既介紹, 從而吸引左入黎既話, 等我便利一下你, 放番條link係下面, 等你唔使搵得咁辛苦啦~~

路線1) 主打係海景, 加廸欣湖
辛苦程度: 爆燈, 來回約要6小時(連影相)

路線2) 主打係呢個椰林樹影
辛苦程度: 零難度, 來回約2小時(連影相)

睇黎我真係要問東涌單車鋪收番d介紹費先得勒 ~~
最後送上一個短片, 裡面你可以睇到路線一沿途既風光 !

enjoy 啦, 各位朋友 ~~

我們的最愛 ~~ ADIDAS

一定要玩既活動, 因為玩左我地就可以將最愛既3葉adidas original logo帶入黎呢個blog.

活動原於呢陣子, ADIDAS推出左一連串既特別版同聯名作, 將Superstar、Stan Smith、Samba、Nizza及Forum共5款經典波鞋變成最熱最潮既鞋款, 俾一眾年青人潮聖

為左推廣呢一個系列既產品, adi 就係海港城擺放左波鞋既巨型版俾朋友合照. 下面既圖片就係果五隻巨鞋勒~~

d鞋係幾令架, 不過用發泡膠製, 唔係好硬整 ~~

呢次既玩法好簡單,只要著住Superstar、Stan Smith、Samba、Nizza或Forum其中1款波鞋，再同呢d巨鞋合照就可以參加佢地既snap-shot比賽, 而照片拍得最有趣鬼馬既5位朋友就會得到一系列即將登場的「Five-Two-3」新作.

先黎熱奶,

解說一下, 佢話個意思係準備跳入隻鞋wor~~佢左腳係著左一隻全白samba, 右腳只係穿左一隻小白襪, 準備跳入隻大samba, 一個字......失敗.
完全出唔到想要既野, 只係一張簡單既跳相, 不過佢感情搭救, ok 啦

到我 !

本來諗住示範一下綁巨下鞋帶既, 不過一拎起隻鞋.....(xx). 攪到有d唔好意思, 結果呢張都係失敗.

大家都無咩頭水既時候, 呢位哥哥仔都黎湊熱鬧

個post....有d奇哥~~

終於...小hee黎到, 我地學似eason話齋~~~~~ 終於搵到個突破位 !

先係刷鞋~~

再黎飛腳 !
最後都總算影到呢2張幾好既相~~~

同場加影..........你鐘意normal, 我鐘意靚模....我鐘意我鐘意我鐘意 ~~~~~~~~~~

估唔到 sob 都有靚模fanssssssssssss

最後係合照 ~~

實在very good

當我地玩到參唔多夠皮既時候, 有一個海港城既同事, 黑住面走黎同我地講唔可以將佢d鞋搬黎搬去咁樣玩法.....

唉, 唔搬都搬左, 唯有係到同你講聲sorry啦, 我地唔知唔可以架, 下次唔敢.

順利完成左呢次adidas既function, 我地對自己既作品都幾滿意, 你又點睇~~

維他奶, stand by me !

有睇電視既你, 應該對呢次活動有少少idea架勒, 就算唔知有呢個比賽活動都一定聽過維他呢次既主題曲stand by me掛 !
呢個就係活動既網站勒 !
一d 咁開心既function, 我地當然無錯過la, 不過呢次事情既鋪排就黎得無咁刻意. 做法係一眾朋友騎刧左三個生日人士既生日會, 然後將outdated既生日歌忘記, 改唱左維他奶既stand by me, 之後就輯錄成呢次既參賽作品lu~~
雖然呢次唔係話用左d咩野心機時間去諗個作品既方向, 只係好隨意去做, 不過整個過程都好開心, 亦都hit中左我地玩比賽既宗旨ma, ((唔贏唔打緊, 有得開心玩就最要緊)) !!!!!
作品呀 !

Edit by allen 浪大哥. Thx

成段野唔計輝哥既guitar (搭Q), 最精境莫過於超哥最後果句>>>

我又睇下剪到d咩出黎 ~~

非常之好 !!

講番成件事, 熱奶同我都有一個同感, 個function雖然暫時都唔係吸引左好多既作品去參加, 不過參加得既真係幾有心機, 係d片段裡面你會體會到stand by me既歌詞裡面d感情(友誼)野架, 真係睇得人幾開心wor.
總結維他奶既stand by me廣告係做到野既, 最少我地真係俾d參賽片段既感情hit 到(唔係廣告既本身) !
當然維他奶真係陪住我地大既 ~~~

BTW
送番隻生日歌俾生日會被騎刧既3位朋友, 生日無生日歌聽係灰少少既~~~

3個單位分別係.......呀 SAM, 榴槤, 同~~~~~我 呀 !!

lmL !

REEBOK 十強.

Reebok 十強作品已經上架, 大家可以上去睇下.
話實, 我地槤弟既作品絕對唔差, 一定係十強中既黑馬之一 !
雖然~~其他pro fat 唇既參加者d作品都唔差........不過悶少少law, 我事但拎起本milk, 入面大把呢d相啦, 講玩, 講作品既爆破程度, 我地sob既作品一定跑出呀 !!!!
不過~~

入到圍, 有雜誌上, 又有風褸送, 仲要玩得咁開心. 贏左架勒~~

美中不足係...我地既作品改左名架, 唔再係頭文字re.....係叫((摔角手Reebokman都有元氣彈出賣)), 仲有就係我地既隊名係叫 sobplayer 唔係 sob player.

如果milk可以幫我地改番就好勒~~~
最後.............投票呀 !!!!!!!!

謝 !

將會出現係milk既作品~~

上回講到我地既榴槤成功打入 reebok yourstyle既十強後, 須要再影多一張改良版既造型照去參加最後一輪既比賽.
經過左一晚既努力.....

今晚主角係你架勒啦...抵你開心既 !

一眾幕後非常賣力

Reebok俠造型出左勒

加左架戰車, 影到槤弟腰都直鬼埋

總算攪掂呢次既外拍

跟住, 搵左好朋友出手幫助
MingLo photography

完成.............Reebok俠 !!!!

milk見　！

另外, 呢到係reebok為呢次活動開既facebook, 裡面放左d第一round既作品. 除左10強外, 竟然仲有其他既大作, 而我,sorfai同細超竟然都係座上客, 真係多謝晒reebok.