2010年6月30日星期三

我地緊係香港人啦 ~

開始之前, 問大家一個問題......你係咩野人?
有四種人俾你選擇, 「香港人」、「中國的香港人」、「中國人」、及「香港的中國人」
你會點答?

一齊入去睇下個答案

只係得25%人話自己係香港人. 痴線架 !!! 真係諗唔明點解咁低........
竟然話自己係中國人既比例仲要多d~~尤其係呢排日日對住電視, 睇住世界杯入面d球迷, 為自己個國家隊打氣叫囂, 跟手就係報紙睇到呢個香港人身份認同感下降既報導, 真係悲哀~~

話你知我地呢個 blog 既角度~~
SOB 就係 SENSE OF BELONGING, 而我地所 belongs to 既就係香港~~
好簡單地, 我地就係香港人. 亦都proud to be a HKer

而為左可以更大聲地俾我地既players係外遊既時候向途人表明身世, 下邊既sobtee出世勒~~
有紅白兩色..

tee既背面印有呢個 logo~~

我明白呢朵花其實係強搶番黎既~~

呢兩件sobtee已經好大聲咁shout out左我地幾咁認同自己作為一個香港人既身份~~
We should proud to be a HKer.

其實可以做到呢件衫係非常非常勁開心既一件事. 當初 sob 之所以出現, 完完全全就係因為我地希望做到一件同香港有關係既t-shirt, 雖然一路落黎所做既, 所經歷既同我地所預期簡直係南轅北轍, 不過今日我地終於可以做番呢個跟sob原點有關係既事情...總算皇天不負有心人勒~~~

講番轉頭, 呢件tee係黎緊既時間將會有好高既補光率, 因為期待左好耐既南非同上海之旅將會於明天(1/7)同埋下星期二(6/7)就啟程, 為sob the world系列展開序幕. 當然, 我地仲有好多你意想不到既道具/玩意, 到時就會係旅程入面慢慢show off俾大家欣賞.

記得留意我地既channel勒.


2010年6月26日星期六

咩野都唔好諗, 除左一個字, 飛 !

之前寫左關於flugtag既文章之後, 收到唔同朋友既回應表示佢地有好多concern, 例如有咩物料先可以做咁大件飛行器, 件野點運送, 個跳台咁高, 趺落水有無事~~

為左擴闊一下大家既思路, 互相腦震盪一下, 我可以先舉一個飛行器例子.

我覺得呢個idea唔錯wor~~

認真, 可能我地真係會向呢個方向出發去設計件飛行器, 因為我地唔嬴, 都要玩得開心 !!

咩野都唔好諗, 除左一個字, 玩 !!

衝呀 ~~


2010年6月23日星期三

可樂206短片summery ~

日日都沉淪係世界杯既比賽入面, 攪到都無咩update 呢到 tim.........
所以, 係等待緊南韓knockout尼日尼亞既呢個時候, 幾夜都要update番小小野俾各位欣賞..

呢陣子日日都講住世界杯同南非旅行, 我真係差d已經唔記得左可口可樂果個206既比賽.
話說之前同可樂果3個開心大使遊歷完中環之後(詳情係呢到), 一路都見唔到官方既facebook又或者網頁放番果日既巡邏影片/相片出黎(反而報紙既報導就堅多), 須知活動當日果兩位負責拍野既哥哥仔感覺真係好鬼專業, 我係非常之咁想睇到佢地既作品~~

終於, 今日係fb俾我見到條 coca cola既notification, 佢地終於出左兩條 official 既片勒~~

我既口齒的確唔係咁伶俐~~

edit 得唔錯丫~~

兩條片, 你地覺得效果點? 我有一個問題....點解無music架~~ 我覺得有番個底既music應該會更好..

至於係Expedition 206既official page入面, 3位大使亦都已經update左香港站既review.
一齊又睇下佢地 edit既短片.
我既感覺. 真係...我要攪攪d英文.....咍 !!

可樂呢個function既officical 野應該都出晒架勒. 再進一步既分享應該要等我地去左上海世博先可以再做.
話又說回來, 好似仲未同大家講黎緊呢個可樂206既獎品--世博之旅會係邊個同我一齊去wor.

受惠單位係佢
傻fai先生 ~~

我地既出發日期, 正正係南非部隊回程當日既上午. 真係好可惜, 2個 sob小隊都係緣慳一面, 唔可以係機場黎一個接棒儀式~~
當然, 我地一定會做番好自己既本份, 係返黎既時候幫大家好詳盡咁去分享個旅程.

SOB the world既 episode 2 上海篇....睇我地表現勒~~~


2010年6月18日星期五

好快就.....向世界杯出發 !!


尋日, 兩位即將代表 sob 踩出香港, 直飛南非去參觀世界杯既戰將: 軟人, 星哥出席左由sony舉辦既旅行茶會~~

我夠膽講, 好少人會對呢d出發前既茶會感到興奮, 不過唯獨呢次...
呢兩位朋友仔, 佢地竟然癲到特登去左kfc食一轉雞...再換購支 vuvuzela拎去個茶會~~~
無他既, 呢陣子日日係電視對住個世界杯比賽, 諗起自己好快就可以出現係果d看台同唔同國家既人一齊癲, 真係無幾可~~~

聽星哥同軟人講番, 呢次既活動係由sony既同事直接帶團, 並無join到其他既旅行社去organize, 亦都因為咁, 行程入面係有好多既空間俾佢地去提出意見, 而sony都會盡量聽取佢地既所需, 作出相應既配合. 軟人同我講, 其中一個最過癮既地方係sony將會提供一系列既相機電玩, 甚至dv機俾佢地係行程入面慢慢享受, 慢慢玩~~ 而佢地亦都已經表示以下既用品係唔少得...

好期待...會唔會真係咁過癮呢~~~~

講左咁多, 大家可能都已經好羨慕呢兩個細路可以出席世界杯架勒~~(講真, 我都係......)
不過, 唔緊要既, 佢地兩個除左去玩之外, 亦都背負左個好緊要既責任, 就係為我地一眾既朋友直擊報導成個行程既一點一滴, 而佢地為左俾自己更加熟習面對鏡頭.....茶會之後, 佢地出左以下呢個直擊~~


很爛嗎? 10分滿分, 你俾佢地幾多~~~

唔該, 兩位大哥要再拍好d呀.
我地既節目, SOB the world既 episode 1 南非篇, 靠你地架勒.

ps. 為左貫切番SOB希望為香港做到少少野既精神, 大家覺得呢兩位細路可以係南非做d咩呢, 你有無意見俾到我地?
有既話可以send 黎 sob_hongkong@hotmail.com
意見一經接納, 小小地.....一件sobtee即時送上

黎啦, 俾 idea我地~~~

2010年6月14日星期一

903, 犀利(下)

之前既文章提到由於係903講左關於sob事情之後, 為呢個blog同facebook都帶黎左好多既人流.
呢個改變其實已經令一眾既 player好開心, 因為大家做過既野又可以俾更多既人接觸得到~~ 但係更令人振奮既事情係呢斑朋友入面有其中兩個網友非常有心咁send左封email俾我地~~

佢地分別係署名, 不是一時激動的力高 同埋 仍未行動的夢想插畫家雪貓

係email 入面, 佢地分別都提及到好開心知道有我地sob既存在, 而透過呢個blog入面既分享, 就更加得到多一重鼓勵, 因為佢地可以係呢到搵到一班跟自己有相同理念既人--大家都想為香港地做少少野.
另外, 佢地都不約而同咁表示好開心我地有將呢個理念一步一步咁行, 而且仲好有心去提及唔同既意見俾我地參考, 更甚至表示希望有一日, 大家可以一齊玩埋一份tim!!

認真講句, 我睇完呢兩封字數都不下於200既e-mail之後, 我真係非常非常之咁感動!!
感動, 不在於多左人認同我地做既野, 而係在於有人因為我地做既小事情而震盪到佢地既思緒, 因而踏出改變既第一步...
真心講句, 我係兩篇email入面都感受到sob既所作所為都為佢地帶黎到一定既衝擊! 當然, 我好相信呢個一定係正面既影響啦. 簡單一句, 我開心, 因為我地既正能量燒到人 !

係到我想同不是一時激動的力高仍未行動的夢想插畫家雪貓你地講, 你地封email實在俾左好大既正能量sob~~~攪到我都好想多謝番你地tim, 如果你地唔介意的話, 我想送番件小禮物做回禮.

我地做左第2批tee勒, 唔介意的話, 請笑納.

其實除左上面提到既兩位朋友之外, 我地都係facebook入面收到幾位朋友表示希望日後可以一齊參與我地既活動, 或者表示希望成為我地既一份子~~~
哈哈, 很好, 好開心, 非常多謝你地既支持....我都希望係好快既將來就可以招集到大家一齊去做有意義既事呀, 俾小小時間我, 我都好心急架~~

2010年6月12日星期六

903, 犀利(上) ~

前晚臨訓前如常聽一陣1872既節目.
當我聽到3個主題入面其中一個係為社會做過既野~~~ 我隻手好自然就自己飄左去拎起個電話, 1872903 !!


903既同事好快接通左個電話, 交代左幾句想講既野, 好順利...就進入左等待接入直播室既時間.


呢次係sob自小hee玩完維他vlt個game之後再一次接觸到903既大氣電波. 老實講, 等待既時候真係超級緊張~~~除左因為呢穫野係我william 黎自己一人擔正之外, 更加因為呢次要同幾位主持人即時交流, 而我........真係無準備過!



黎, 一齊聽下..

多謝葉生同天右既精心edit同upload, 不過呢~~ baleno果壇野過晒架勒.


整個對話內容, 大家都聽到, 我唔再詳談當中少少聽錯野果d細節勒~~ 簡單一句, 我覺得william 黎既表現不過不失啦~~~ 而且亦都聽得出3位主持都幾支持sob做既野wor!! 得到別人既認同, 感覺真開心~~
不過, 更開心, 更過癮既野, 係之後既時間先慢慢隨之而發生.


發生d咩? 由於903呢個平台太強勒, 佢為我地呢個blog同 facebook既瀏覽量都帶黎左一個好大既轉變. 往日久唔久就去check個website counter既我, 果晚一睇.......一個小時既流量就已經係平時一個月總數, 而 facebook兩日內新加入既朋友仔亦等於年半以來所加入總人數既1/3...903,犀利~~~


好明顯, 主因都係因為我係個節目入面同大家講話可以經由搜尋((不是一時貪玩))就會搵到我地既資料, 結果就係咁走左入黎啦~~~


係呢到, 我搵到d得意野同大家分享一下....大氣電波入面, 我叫大家可以search...不是一時貪玩
最終, 下面呢d好精彩及過癮既search tag出現左係我既 counter既 data入面.
不是一時偷玩, 我不是一時玩, 不是一時含玩, 不是一時人金貪玩, 不肆一試貪玩, 不事一時貪玩, 一時不是貪玩, 我們並不是一時貪玩, 不是一時玩下.....我覺得大家都好鬼 funny !


另外亦都因為咁, 我每日都好細心咁分析既數據圖表, 係呢d search engine既幫助之下..
變左咁...




簡單d講....以前既圖d bar就好似九龍塘d屋咁, 有高有低, 不過都係好矮.
經過903一講之後, 情況如同係果到起左幢ifc一樣......成幅圖好似無晒分析既空間咁, 之前既數字縮到低晒~~
當然, 見到呢個情況我係開心既!!!


但都唔夠下篇blog將會講既野咁興奮...


待續....

2010年6月10日星期四

準備起飛勒 !!!

早兩日做做下野, 收到個電話問我係唔係屋企, 話有份速遞要我去收~~~
我個腦盤算左好耐..............都諗唔通究竟邊個要寄速遞俾我~

終於, 今日個件到手勒.
好大份(左邊係一個打火機), 仲好重(最少成2 lbs野)

好明顯啦, 一眼就睇穿呢個咁透既膠袋.
真係估唔到原來係..........Red Bull 既 flugtag ~~~真係未試過, 玩個遊戲都會收到d咁有份量既application kit.

一齊再睇睇個packing~~
制作真係好精美!
由於份野真係成個生日蛋糕咁重, 我心諗裡面應該會有d得意野wor~~~~
會唔會就係相入面隻牛既模型呢? 會唔會係有d飛機玩具既手作仔可以攪下咁呢? 定一話會係一個紙鎮呢?
係未好心急呀 ~~~~~

一齊再睇真d...
wooo, 好令仔~~~
上面係一隻cd rom, 下面係一份個 file.
令我更期待下邊份禮物勒 !!!!!!!!!!!!!!!!!!!!!

黎勒, 拎開個file...........我見到,
.
.
.
.
.
.
.

.
.
.
.
.
.
.
.
.
.
.
.
.
.
.
.
.
.
.
.
.
.
.
ok, 我認我諗多左.
redbull 攪分唇, 送番redbull, 有咩問題先~~~~~~~況且呢到都唔少錢架勒.
我都係打個電話, send個email, 咁就送黎4罐 red bull, 仲想點~~

去番個file, 裡面有既野
都有唔少野要填~~~
睇黎真係要用少少時間去準備一下勒.

眼見redbull呢份野做得咁有心, 希望佢地係宣傳方便都會做得好成功啦, 因為我係 youtube見到外地既 flugtag function真係攪到有聲有色, 而且仲要係勁多人去參觀tim, 基本上就係萬人空巷.

一齊期待10/10/10
起飛

11:50 pm 追加 以下片段~
由application kit入面隻cd rom取得..

crash 6, 先係皇道~~


開始全情投入世界杯~

已經係10/6, 所以我可以再開始blog下大家勒~~
但係我又好眼.........訓, 所以今晚先黎一個前奏

為左適應黎緊既旅遊特輯, 我地既 軟人已經 ready勒.

呢次既主題係青衣城既 fifa 大賽.
video
幾好丫~~記住去到南非唔好變到口啞啞呀 !!

至於當日既戰況ma....
請看下回分解


2010年6月7日星期一

好簡單. 我地要 VOTE

衣家直到9/JUNE之前, 呢篇文章都一定會KEEP住置頂 ! 我咩野都唔會update住架勒~~
直接, 呢篇blog只有一個主旨!

如果我地呢個blog曾經有個一刻令你有想笑既衝動(就算無笑出口)的話.

黎~~~ 請出手, 走入去呢到.
搵我地張相出黎, 給我地一個支持.
當然, 我明白SOB張相未必係最好既一張, 可唔可以一樣自私地俾一票我地呀 ~~
如果已經投左既話, 多謝你~~~不過, 可唔可以黎多round 呢 ~~

我地好希望將呢個function既獎金, 撥入SOB既營運儲備呀.

再應承你地, 有幸達到呢個目標的話, 大雄百人斬分唇會即時開動, 而所有開支會由SOB一力承擔!!
到時就一齊扮大雄啦 !!!

我真係怕大家投錯票...俾番張參賽圖大家望多眼先.
感激.

2010年6月5日星期六

未開波先興奮 ~

仲有一個星期就係世界杯既開始, 所以各大媒體商場都已經攪左好多足球相關既活動去推廣生意勒, 等我又黎d分享先~~


首先係港鐵同JEDcaux攪既tick ball 活動, 其實我之前都提過下呢個game, 亦都已經報左名...
不過活動既初賽係今日(星期六5/6)既早上9:15已經舉行左, 呢個時間我仲係公司未走得~~~真係好可惜, 唔可以為大家再報導更多~~

亦無機會踏足呢個位於香港站既決賽舞台勒~~

跟住係呢個~~~
位於時代廣場出面既呢壇野 !!!
鬥快! 用最快既時間繞過果幾舊地上既物體, 邊個啦我去呀~~~
最後一個
個格局係未好熟口面呢...
無錯, 就係青衣城勒~~~~~
聽日, 6/6既2:00pm, sobplayer 就會出現係呢個大電視前面, 用ps3既 fifa world cup 殺敵.
gogogoal !!!!!!!!

有閒過黎支持下啦 ~~

2010年6月3日星期四

年度分唇 ~

經常都諗, 會唔會有朝一日host 到一個萬人空巷既活動俾一眾既朋友參加~~~
講真...距離好遠.

不過, 我地一日未散band, 邊個夠膽話我地一定唔得先!!
衣家, 係我地既眼前將會有一個好好既學習機會.
就係red bull 呢個 flugtag 活動勒.

就咁睇個名, 你未必知佢up 咩, 不如睇下片呢~~

係未正先 !!!!!!!!!!!!!
我真係好想知係邊一個咁有腦筋, 諗到呢個game出黎.

今年既10/10, 呢個活動終於走到黎香港勒, 仲要係亞洲既首次tim. 基本上, 我諗唔一個唔參與既理由. 出動!!做亞洲首個flugtag比賽既優勝者吧!!!!!!

btw. 睇住d參賽者落水果下...真係好 rock!!

如果你都有興趣去玩既, 就快d send 個 mail 去呢到 eric.thain@hk.redbull.com 問佢拎份 application kit啦. 活動詳情可以係呢到睇到.

條片入面, 大家都睇到個function係有幾咁多人一齊參與, 基本上同一個嘉年華係無分別. 雖然唔知道最終flugtag香港站會唔會有咁既效果, 但我想講呢類嘉年華式既活動正正係我地既目標, 所以我地一定要去玩下, 取下經先得.