不是一時貪玩: 3月 2011

2011年3月30日星期三

大家都加油~

日本地震其實已經過左一段時間, 但係一日又一日既新聞都不停地提住大家身處既香港似乎好快會出現種種既危機...其實有少少....(我覺得)唯恐天下不亂既感覺. 唉~~~ 呻下jei.

入正題!!

好多唔同既機構係呢個時間都走出黎做d慈善活動.

Bee 攪左個Hong Kong Union Charity Tee for Japan 聯名慈善tee 設計招募活動.

活動背後好堅呀, 佢地line up左香港好多可遠觀而不可褻玩既牌子一齊做呢件事, 犀利!!

簡單講, 件慈善tee既背面就留晒俾d牌子架勒, 只係剩番個正面, 參加活動既朋友就係要設計呢個graphic勒.

其實活動完左架勒, 我地緊係有玩啦, 不過亦都好快, 好直接咁出左局.........呢到係入圍既名單

雖然, 我地無入圍~~ 不過, 我覺得sob首席(唯一)設計師付出既堅持同努力, 係應該表揚一下既, 所以都我要出呢篇blog, 向佢讚好 ~~~

肥星, 俾個大頭你 !!

講左咁耐, 好應該放番我地既作品出黎勒~~

union, give power

其實我唔覺得差架, 不過堅持要用白色底衫呢到應該係死位.

睇下入圍果d全部用黑色, 網站demo果件都係黑色, 最重點, 黑色既衫先係潮架ma.....haha

唔打緊啦, 我地都唔係話一定要贏既, 想借個機會又試下做善事jei, 所以都係果句....做自己想做既事. 我地既designer真有性格.

最後, 希望勝出個單位都會張d獎金捐番出黎啦.

呢次活動, 背後既意義大過一切

ps. 想再補多句.....幅射呢d咁大劑既危機輪唔到我同你去處理架勒? 不如, 好好地用盡每一日既時間, 繼續做自己想做既事啦.

2011年3月29日星期二

枕戰, pillow fight~

黎緊星期六 2/4/11, 中環既皇后像廣場將會有香港既第一場pillow fight!!!

香港呢邊既負責人, 好有心咁準備左個event picture !! 呢位攪手真係好犀利, 佢由身邊既人開始聯絡號召, 衣家係fb event入面表示出席既人數已經過左千勒!!! 唔知到時, 呢個場面可唔可以出現呢~~ 呢d咁既盛事, SOBplayer點可以唔出現呢, 我地一定準時到呀!!!

如果你地唔多人, 又有少少怕醜想搵人陪既話, SOB既人約左4:30係中環站H出口既((地底))拎住個枕頭等, 大家可以JOIN埋一齊起行~~

最後, 有興趣既就不防dress up一下, 到時記住玩得放d勒~~

不過, 我地仲未有 idea 點著 !!

2011年3月23日星期三

又有一堆比賽

係一位網友專程send俾我地睇既一個比賽~~~

Metro Advertising Challenge, 為都市日報設計品牌型像廣告. 內容可以係平面廣告, 戶外廣告, 網上廣告, TVC/Viral Video 都無問題.

最大問題係...........參加年齡 16-28!!

我地~~

唉~~

好hot既主題: low carbon

低碳點子齊分享, 家家生活更理想.

好直接, 用30-60秒既短片去fun 享你既低碳生活.

好強勁既名稱: 恒生銀行青年華人短片創作大賽2011

有兩個主題可以選擇: 身邊的一點愛 / 挫折之後

留意, 比賽有短片組同戲劇組之分....有意者, 自己再睇下勒.

National Geographic. 好奇看世界攝影比賽2011

主題就係"好奇看世界", 如果你係中學生既話, 仲可以參加埋短片比賽tim, 主題係"小城大事"!!

LAST呢個最犀利威!!!!

剩睇個名都夠殺 ~~

係澳洲昆士蘭旅遊局攪既活動, 可能對上果一次the best job in the world太成功勒, 衣家黎多個下集!!

呢次最主要既唔同在於參加單位會由個人變左做.......公司, 一間最少3人既公司.

參加方法好簡單, 只要先得到你老闆既同意, 再運用同事既大腦, 製作出有趣短片去展現為何你既公司係最棒的工作地方, 並且可以展示公司文化, 企業精神及熱情, 之後就等入圍!!

大獎係請晒d員工去旅行!!! 價值1000000澳元

老實講句, 要嬴呢個比賽, 談何容易丫 ~~ 不過係呢d世界性既活動平台入面, 其實都係一個無型既比拼, 希望會有香港既公司可以做到好既作品放上去, 為港爭光下啦!!

但係我心諗....究竟生活迫人既香港有幾多公司可以存在呢種工作氣氛, 又有閒情日誌去做呢d事呢...

sobplayer呢次想參賽既話就真係好蚊水.....但係假如有幸地, 你地既公司真係有以上既條件, 我覺得一定要向老闆提出去參與, 從中再去加強你地同事之間既sob !!!

tvb 後群

自從出現左係星期日檔案之後, sob既際遇似乎有左一個幾大既 breakthrough.

同大家分享一下.
首先, 我講緊既breakthrough唔係話 Facebook fanspage既人數大升呢d數字遊戲(呢一點之前已經提過), 我口中所講既係一d機會既offer.

黎勒wor-----玩左兩年有多既sob
第一次有小fans send email黎介紹我地去參加網上比賽,
第一次有活動單位邀請去玩佢地既活動,
第一次有有PR公司聯絡我地,
第一次有電視人搵我地一齊"度橋",
第一次有學校叫我地去同學生分享經驗. < 呢個最正 !

好多野都仲係屬於非常初步既階段, 之後點樣發展落去仲係未知之數.

當然啦, 做咩都好, sob既人都一定會記住自己既宗旨, 唔會distract左既. 不過, 呢d邀請都等於某程度上既認同, 我地都非常開心, 又可以見多d, 學多d勒~~

少少預告丫, 上面咁多個第一次入面, 衣家confirm左既只有一個, 就係sob會派員去一間中學分享我地既爛玩經歷.

當然, 衣家我唔開學校名.....住!! 因為我想俾多少少神秘感果批學生. 唯一tips: 如果你地中四既通識科係要睇星期日檔案做報告既話....可能就係你地學校勒 !!

最後, 送多一張相俾大家. 因為比賽而去影既相

影果時只係keep住諗個動作設計, 衣家先留意到句slogan原來咁有meaning.

Cheers to Win. 幾時都啱用 !

2011年3月15日星期二

地球公民

呢幾日眼見好多日本人既家園被毀, 心都翕晒.

Sense of belonging 講緊對身邊出現既事物一份投入感, 希望佢變得更好既心意. 一齊將呢個心推得再遠d, 我地大家都係地球既公民.

我地可以做既真係唔多..同海地果次一樣, 只有係 sob 既基金抽少少出黎支持一下.

如果你都想做捐款, 網址係呢到

曾經, 我地係日本既天空下有過開心既時間, 呢到的確係一個多方面都值得去學習既地方.

日本既朋友, 加油

2011年3月14日星期一

我地想人支持一下.

有件事....好唔開心既事...我好想同大家講.

踏入2011年, 雖然我地過左第4關, 可以上埋電視, 仲得到左好多朋友仔既留言支持~~~~~

但係, 我地仲有一樣屬於sob本質既事, 今年.........仲未做過.

就係.....我地既blog入面, 今年無打過一篇關於嬴左呢個tag既文章..

簡單d講, sob既營運今年無入過賬~

不過!!

呢個斎係3月就要打破, 我地既機會黎勒 !!!!!!!!!!!!!!!!!!!!!!!!!!!!

Air new zealand攪既比賽.

我的7天夢想之旅, 唔使解釋啦.

我地既作品係呢到.

大家入到去, 覺得呢個作品唔錯, 幾滿意既話就支持下, 投一個票俾我地啦!

話實, 我自己就對呢次個作品好滿意勒~

當然, 大家覺得有其他更好既作品亦都可以支持下人地既.

最後, 要俾另外幾位無份上鏡既朋友都出下鏡先.

要再跳出香港呀 ~~~

2011年3月10日星期四

To 朋友仔

自節目出街後, 我地收到史無前例咁多既feedback, 有d係黎自facebook, 有d係email, 當中有男有女, 有小朋友(我估), 爸爸媽媽, 老師, 同事, 朋友既朋友, 四方八面~~~~

好彩, 眼見大多數既意見都係表示支持我地, 希望可以快d見到有新活動一齊玩, 一齊參與. 有人什至表示希望成為sob會員之一, 有d更加開到口話願意幫手準備活動tim!!

感動~~~~~~~

認真講句, 我地sob每次收到呢類坊間俾我地既feedback都非常開心, 因為每個回應都係一種無型既推動力, 俾到我地信心去繼續發展sob既故事. 所以, 我對每一個朋友既留言/email都係好認真地回答, 無交行貨!!!! 大家不防去睇下d facebook既 reply!!

我地有用個心去答架.

所以大家都唔好收埋自己既聲音或者意見, 我地係會認真思考去回應你地架 !!

講到有心, 真係不得不俾番一個credit我地既母校, 因為我地發現到呢篇學校入面既專題

it is gratifying to note that they have lived up to the expectation of our school Motto, not only while they were in school --- when they are in the society

俾學校咁樣去讚, 真係攪到我地紅都面晒~~~

最後, 我想同各位表示想加入sob既朋友講聲, u ar already a sobplayer!!