2010年7月19日星期一

SOB 個上海, day 2b, 做個世博大圈子

同可口可樂玩完遊戲, 我地就去左另一個館(亦都係唯一一個勒~~)...上海企業聯合館.
如果唔係多得領隊係早前既安排, 輪候呢個館須要既等候時間係..

雖然叫做預約左, 但都等左大約20min先可以正式入場參觀.
整個tour有幾個部份, 需時共30min. 講真, 對我黎講, 裡面果幾個唔同主題既展示真係俾唔到驚喜~~


last果part機械臂炒飯..真係睇到眼都凸...佢地仲要用黎賣錢~~
總結: 呢個地方, 扼左我地1粒鐘.

離開呢個館之後, 我地就要過番對岸食午餐...一路上都係見到呢d牌..

當然, 呢個真係好誇..而佢就係石油館勒, 聽講話裡面有全世界最大既4D影院架..可惜, 我地無願見証.
都係一路行, 一路自己影下相仲開心d~~

媽.........我地跳到黃埔江勒 !! lmL !!!!!

落船之後, 我地就去左呢到食飯~~
呢餐飯係好老正既鴨仔團飯, 無野好講, 勝在唔使等位.

輝哥, enjoy唔到餐飯, 就唯有自娛

離開餐廳, 我地就向中國館同香港館出發勒~~~
見唔見呀....中國館真係好鬼大, 好有霸氣 !!!

係條世博軸上面..
我只可以講...中國館.....強!

輝哥要寫個服字.

同最強大既中國館合照完, 緊係輪到我地既香港館啦.....不過, 我地都無忙記搵番一班係上海世博期間好努力為國內外朋友效勞既志願者影番張合照.
我尤其鐘意裡面果兩個好搶鏡既另類志願者, 好搶鏡.

見到勒.......
先係澳門館

跟住就係....
香港館 !

呢兩個館本身都好鬼細粒, 點知仲要痴住咁鬼爆破既中國館......
澳門館都還好, 個設計係兔仔一隻, 都搶番唔少印象分.
至於我地既香港館ma~~自問, 真係比下去勒. 唔係話唔令仔呀, 之不過又真係講唔出有咩香港特色呢下衰law...算啦, 鬼叫佢係香港館, 我地都會撐既.......下次俾心機啦, 呢次真係輸左俾隔離屋.
唔好話我睇野偏面呀, 我的確係無入到個館, 只係講緊個外型ja. 當然, 亦都只係自己意見, 不喜勿插.....

一場黎到....((得到好友提點, 全部相片已 mirror 再上下掉轉, 務求區旗展示正確))

終於~~~ 幾經努力...
SOB 第二小隊, Mission clear !


當我地影呢張相既時候, 有好多人係身邊行黎....行去, 佢地亦都投射左好多奇異眼光落黎.
講真, 我地都慣架勒, 不過我依然係有d唔自然......因為, 呢張相既鏡頭外大約廿米既距離, 停泊左架公安車. 救命, 點解我真係會驚佢架, 都係舉支區旗JEI !!!!!!!!!!!!!!!!!

影完相, 我地決定唔再同陽光玩遊戲.........走人勒~~
離開前, 我地見到呢幾件好得意既展品
我覺得呢幾隻野都絕對係景點之一, 必去!
係到借個機會同呀pat講聲'thx'先, 麻煩左佢要晒住咁幫我地影左好多張令相~~~~~

結果, 我地咁就完結左個世博之旅勒...........

後記.
雖然可樂方面俾左3張入場劵我地, 方便我地係第二日再黎世博參觀, 但係我地真係怕左d人龍同咁熱既天氣勒, 所以果d好熱門既英國/日本/澳洲/瑞士館...真係連尾燈都無見到...
而當我地係返香港既飛機入面同其他團友講起, 佢地話我知, 原來去到入夜既時間, 世博原來就無咩人架勒, 佢地可以用一晚既時間....以走馬看燈既速度睇成幾十個館, d展館不分冷熱門, 都唔使排隊~~~~~(跟住再補多句)~~~~~~~~園區既夜境仲要好令仔tim !!!

唉, 激死 !!

待續


2 則留言: