last but not least (roadshow) 26_07_2013

之前講過我哋喺電腦公司同毛crossover果個攝影比賽入面已經羸左（右邊係我哋！！「幾禾～～～」）

繼續落黎就係領獎呢個部份.

一講可以出鏡, 閒日office hour都無問題, 我哋多人到…

講起領獎, 大大話話都已經有十幾次以上嘅經驗, 老實講句, 喺一般朋友嘅眼中,領獎嘅最大意義應該係個獎品本身, 總之份禮物袋袋平安就夠, 點樣拎或邊個頒, who cares~~

但我哋偏偏就係呢個世界嘅異數, 好在意每次領獎個過程, 由聯絡我哋得獎嘅溝通開始, 直到份獎品到手, 其間所經歷嘅都係我哋會重視嘅野. 話俾大家知, 真係林林總總, 有隆重其事, 有求求其其. 我又不訪喺到同大家分享下

因為領獎, 可以去到傳聞中好有趣嘅google office, 見埋當時最大粒嘅google人, 傾埋計, 又有台板企上去分享得獎感受, 無限snack任咬, 難得嘅經驗.
Google果一次, 我哋只係拎部ipone4就已經咁大陣象, 咁如果係拎一部notebook呢?

跟住呢張相…

所謂嘅領獎, 最終係要去信用咭迎新禮品換領果類中心攪...拎嘅係一部notebook!! 白色膠袋入面就係勒, 真係估你唔到~ 求其到呢….

仲有一次, 負責人係將禮物放係reception, 再約我哋上去拎…

點解會係自己人頒俾自己人?
因為reception姐姐唔理我哋, 負責位同事亦無現身….我哋唔影番張相自娛, 就會好似上去收速遞咁~~

如果要數最開心…

隆重到要請埋明星做嘉賓, 勁多野睇, 熱鬧非常!!!!

去到領獎呢部份每每都已經係一個campaign入面最後嘅果步, 能夠參與其中一定只有小數單位, 咁係未就代表可以馬虎處理呢….講真, 都做到最後一步啦, 點解唔做好埋個尾呢~
掉番轉講, 呢d單位嘅作品其實係喺一眾參賽者之中成功突圍, 最能取閱到大會本身, 係未應該更值得用心機去對待呢? 唔係話一定下下要大事鋪張去處理, 但幾句互動嘅交流, 我哋認為係最少應有嘅尊重. 真係試過幾次, 聯絡條友好似唔想講野唔識講笑咁..

唔係人人眼入面就只得果份獎品架.


痴線….講左好多唔關事嘅野~~  其實我係想講尋日上毛領獎.
呢本雜誌算係最近幾個月入面其中一個最熱嘅topic, 久唔久就會見到某一兩個專欄係facebook上面人傳人. 雖然係平平地10蚊本, 但論創意, 呢本野真係交到功課的.

就當係幫大家揭秘一下丫, 一本咁有創意嘅雜誌, 究竟背後個創作基地係點嘅呢~~

門後係一條走廊, 貼住一系列黑紙

登登..佢哋嘅基地.
我都唔知呢到會唔會係唯一一個地方, 但一定係其中一個.

呢張係正式頒獎嘅大會相片.
兩位攪事人(認得佢哋的, 對吧~)係有趣嘅, 手並唔係同得獎者握的.

留意睇下小白手上面嘅野~~

電腦公司為頒獎而製嘅一張咭board, 有埋名!
好有心機, 所以我影完相無俾佢掉走張野, 帶埋番屋企~

全港獨有(暫時), 毛嗰邊幫我哋準備嘅pass, 每星期可以憑pass換取一期毛.

呢個就係毛同電腦公司開排俾我哋嘅一個領獎經歷勒, 你問我滿唔滿意?
More than expected ~

多謝晒兩個單位: Lenovo HK 同 100毛!


一個完整嘅活動過程由參加到拎部電腦番黎就係咁簡單, 三篇文章已經完整呈獻晒出黎, 但咁係未就代表左件事已經完結呢??? 梗係未啦~~

那天，我跟空氣...(roadshow) 19_07_2013

呢條片, 你睇左未?




聽講話係微博上面已經走紅左, 我一路睇既時候, 都邊笑邊起雞皮, 兩位小朋友好成功 !!

呢種表演叫做air guitar, 係其他國家早就有比賽, 興左好一段日子, 我哋亦都曾幾何時....

我哋個level只係去得到相片嘅水平, 真正專業係下面呢位長毛先生

2012年國際空氣結他冠軍



呢種投入同忘我, 真係唔是講笑!!!  大家不防關埋房門自己試玩下就會知道.

你話!  Air guitar係未難玩得黎又有趣先!!!  發明得出呢項活動條友一定好有創意~~

好勒, 講完咁大抽關於air guitar嘅野, 其實想講乜呢~~

既然有得air guitar, 大家都不如諗下仲有咩活動係可以air進行?
Air drum?
Air violin?
Air piano?

話你知, 早係2008年, 我哋仲未接觸過air guitar之前, 果一年嘅台灣旅行入面, 我哋就已經發明左....

Air 踢毯+Air tennis (聽埋聲,呢個真係似到呢~~)+air skateboard都好好睇





無聊! 但堅好玩!!
呢班人走埋一齊就係會產生呢類玩意...

你有無另類air活動提意??  有嘅不防提出, 我哋可以啦你一齊空氣一下.

媽，我番來囉~~ (roadshow) 11_07_2013

係厠所做緊正經野嘅時候, 手上面嘅電話(無錯, 電話係入得厠所, 上得床的~~~)傳來一個whatsapp 信息, 單字一個''win''.

無頭無尾, 完全唔明條友up乜, 繼續黎多幾個短絀嘅msg後.....組織番, 原來係關於我哋個作品''引睇上升鄭多燕''已經喺上篇blog入面提到果個比賽脫穎而出.

我好冷靜咁用一張相回應位朋友.

心情似乎都未算好驚喜, 但都當然係開心嘅!!! 話晒我哋已經好耐無獎落袋, 黎到7月都終於開到dry.

或者, 多次嘅勝利已經令我嘅心入面早就認定左大家係born to win嘅戰士掛~~
贏? 平常野姐, arahaha

有圖有真相呀!!

略厭手臂肌肉嘅陰影唔多夠~


其實, 呢次都過癮! 第一次辦緊大事時收到得獎通知~~ 淨完身就再投入番得獎後嘅討論.
起初以為活動獎品會係入間雜誌社做100個鐘員工或者外賣自取呢本雜誌100期, 二擇其一, 但傾傾下先知原來大會真係會送部電腦俾我哋. 哈, 咁我哋真係可以黎一次真嘅''引睇上升鄭多燕''勒!! 等下~~

關於呢次嘅得獎作品, 原來係有人唔明相片上面''幾禾''係咩意思....其實佢係普通話發聲 ''給我''.
已經唔記得左係幾時開始, player之間已經好興用''幾禾'' 黎做叫囂時嘅語句, 而效果又奇佳, 習慣就係咁形成勒.

''幾禾'' 係好野黎, 我誠意介紹俾大家.

獎. 我哋當然未拎, 但我就有絕對嘅信心, 大會一定會俾果部NOTEBOOK我, 唔會要我日日去佢哋個facebook吹佢哋出貨~~ 另外, 究竟應該派人入條毛裡面做野定自取其毛好呢?

比賽--kai oriented (roadshow) 04_07_2013

一款新出嘅NOTE BOOK為左可以標榜自己個多用途性(摺得, 反得, 企得), 搵左最近果本紅到發毛嘅雜誌聯手攪左個攝影比賽.

比賽宗旨係要影出一部咁多變化嘅noteobook 究竟可以點樣溶入你個生活, 感覺好似幾考創意咁~

不過, 當睇到佢哋俾左嘅一d舉例.....真係吹到''啤''一聲~~

寫潮文

研究量子力學

相士睇樓

跑步機上睇進擊之巨人

播住YouTube示範做yoga

睇住YouTube示範堅做yoga
etc.....

明晒!!!!
即係玩野!!! 目標為本, 呢次張相嘅方向係三個字 ''K  A  I ''

好啦, 既然大會鐘意玩鬥kai, 我哋當然要搵番最kai嘅player俾意見, 佢係熱奶. 呢次, 全盤由佢指揮.

真係不負眾望, 佢俾左一個好cake無聊嘅idea出黎.

''引睇上升鄭多燕''

概念係利用果部notebook嘅特質, 摺成V型, 放喺呢個健身架上面.

故事主角就可以一路睇住燕姐, 聽住個beat, 一路引體上升勒!!

為左d相, 真係做到手震, 出晒汗....


最後加番少少ps

我哋呢個概念夠KAI了吧.



呢張相就係我哋最終嘅作品勒~~

我完全唔明一個工程師嘅notebook入面, 點解唔可以有d好睇少少嘅字型用下....攪到我哋個 ''幾禾'' 無晒霸氣~~~

直頭係有一陣娘味出左黎tim...

關於創作就講到呢到, 跟住記錄下過程入面嘅一點點7吧~~

你有幾耐未試過影相時先發覺部相機無入張sd card?

我真係未試過! 最多都係唔記得叉電架姐, 呢次俾奶哥拎左第一次~~


一如平時嘅工作, 死線前先交野, 結果亦都好順利地upload唔到張相去大會網站, 唯有inbox俾佢哋啦.
下面係我哋嘅msg


我真係嘗試左, 用晒所有BROWSER都UP唔到張相, 好努力架勒....但條死線又就快黎到WOR(我PRINT 左SCREEN 你地睇).....咁未唯有INBOX你地囉.
呢到係我既資料
Xxxxxxxx
xxxxxxxx
你侵埋我玩啦~~~~

本人認為呢個msg KAI到出汁.


最後, 要補充一句, 佢哋呢個比賽其中一份獎品真係好趣緻
一係入間雜誌社做100個鐘員工(俾你體驗, 唔好諗住有人工...)
一係送你呢本雜誌100期(但係要自己上佢OFFICE攞).
咁都諗得到, 心情特別好!!  呢一舊毛真係好有創意 ~~

大手作仔 (roadshow) 27_06_2013

可愛嘅屈不得雖然離開左, 但並唔代表香港人無野好影~~ 反而, 各大商場好似打仗咁, 各自拎左唔同嘅公仔番黎攪展覽. 

時代廣場有怪獸大學, 海港城有龍貓, 我屋企果邊低個檔次嘅青衣城都有despicable me. 鐘意影相嘅情侶又多幾個check point勒, 不過付帶條件係....幾個大蛇餅你受.

本來都影左幾張相, 打算寫下呢個character騎劫商場嘅情況, 但攪攪下又覺得都已經日見夜見(商場, 7仔, 海報, 雜誌....) 算勒!!  

倒不如, 睇我哋嘅character, 我哋嘅手作啦!!   

反正roadshow嘅朋友應該都唔係好清楚我哋嘅手作技能~~

哈~~~~

因為呢個雷神, 我哋就去左美國.

當日佢係好俾戲, 好有心機

原來要買咁大個東同西瓜都有難度的

第二變, 屍巴達!!!

完全俾雷神哥比下去嘅CAPTAIN輝

簡單而又易認嘅讓笑彈飛

我無野講...脾達

行運一條龍

龍頭特寫, 勁精緻!!

可愛大頭佛

終極大製作! 左起, 薄切薑餅人, 胡很塗夾子, 骰盅雪人, 聖誕裱一隻, 可以不理聖誕老人

仲有佢, 有MUSIC PLAYER, 有小便開口(男性專用)嘅流動薑餅屋

點可以無我哋呢架小反車呢~

入面嘅PARTS, 法拉利式死氣喉

呢個頭叫咩名呢, 唔記得左

領航員燒米, 果粒蟹子最精境!!

極受歡迎的回魂LEO

睇番呢d相, 真係唔可以唔服自己咁有心機去做呢d野出黎, 仲要多數都係廢物再用, 呢d手作野character, 係未正斗先!!

如果俾我揀, 個龍頭一定係我嘅最愛~~  但好可惜, 佢同其他嘅道具都只得一個下場........堆田區~

無陰公呀.....我哋都好想有地方擺放自己嘅作品架, 每次親手放低件玩具喺垃圾筒質邊嘅時候, 感覺都好差.

激死我.


最後, 俾多張無心插柳之下做左出黎嘅手作大家睇!!

期待下次嘅玩具.

我哋都唔知自己....值幾多錢!!!

題目係引用左葉生兩年前嘅說話, 當時有人問我哋收幾多錢去HOLD一個function....

最終, 我哋無收到果班朋友嘅錢, 直接去左人哋地方倒亂.

今日, sobplayer終於第一次, 收到一個機構嘅錢, 完成左一個''交易''

係黎自roadshow, 我哋嘅稿費, 哈~~

多謝晒呀

不過呢, 最終呢度嘅錢係無落到我哋任何人嘅袋, 因為已經用左黎買禮物俾我哋個edit神.

佢竟然唔知自己手上面份禮物係好值錢!!!


話說回來, 睇得出roadshow依家勁燒緊錢去請好多明星(不包括我哋)去佢到開筆, 為左可以繼續又食又拎, 要搵多d野玩先掂 !  因為無野寫~~~~~~~~~~~~


btw, 尋晚餐飯, 呢張單都幾可愛, 好有港式味道~

估佢寫乜都幾好玩...七汁涼~

佢係好人 (roadshow) 20_06_2013

朋友, 早幾日睇新聞時, 見唔見到呢一幕?

哈~~
對於一時貪玩呢幾隻字, 我哋的確係有些少吻感.

呢次, 因一時貪玩而出事嘅事主衰咩呢?  佢係一位的士司機, 有一日早上, 當知道接載緊嘅乘客睇日出落空而回之後, 提意左同佢哋玩轉.....飄移

最終''飛越太空山'' 失敗而回, 攪到的士撞樹之餘, 司機叔叔又要叫幾位乘客隱瞞自己提出飄移嘅要求, 最終被判妨礙司法公正同危險駕駛罪.

好多人話呢位司機自己攞黎衰, 無端端飄乜鬼移, 攪到自己一鑊粥. 老老實實, 我真心覺得佢好可愛!! 

仲記唔得得劉華果句, 今時今日, 咁嘅服務態度點得架~  (今時今日左...有無十年??)

作為一位的士司機, 服務態度再好, 最多未只係同個客吹下水, 又或者上落車時幫你拎吓行李咁... 而出左事呢位司機就真係好正勒! 知道個客睇唔到日出, 自己主動提出方法去令個客人開心, 真係好唔話得. 佢最衰最錯, 其實係揀錯左個方法, 佢唔應該玩飄移!!  

司機應該即時搵部電話, 打開youtube 播呢隻歌!!!

一齊大大聲聲唱住開車~~~



咁就唔使下下都俾外國嘅人威晒, 話我哋唔懂得苦中作樂啦.

外國有人起唔到機, 係飛機唱''i believe i can fly'', 香港有人睇唔到日出, 係的士唱''太陽星辰'' !


司機, 加油呀!!!

戀戀(女子)沙排-下集 (roadshow) 13_06_2013

上篇blog講到我哋已經準備好一系列別出心裁嘅應對去同沙排女將黎個交流, 係未好心急想知道場面有幾過癮呢~~

哈, 同大家講, 直到果日去到沙灘之前, 我都一樣好期待同興奮, 不停咁準備即將發生, 而又唔可以預期嘅狀況, 始終呢班人......係難控制嘅.

最後, 事實再一次証明, 理想同現實始終存在一個觸摸唔到嘅距離, 就如你永遠唔會親眼見到一個廣告入面嘅麥記巨霸一樣.

呢次嘅交流過程, 甩溜之嚴重可以話係災難性, 哈~~
其中, 最大一個問題就係..........唔記得同兩位港隊代表講, sobplayer都想同佢哋打番場友誼賽, 結果佢哋無準備多一個場出黎, 但我哋又唔可以阻住個訓練場嘅常規練習......

呀, 我個鳥巢驚魂式嘅扣殺....出唔到場呀~~~~~~~

你話....點算?
有一剎那, 我哋以為自己拍幾個飛撲片段..

再交俾我哋嘅edit神, 佢就可以好似賭俠1999入面重拍98世杯決賽嘅橋段咁, 剪番個沙排SOB 2013.... 我哋真係好天真, 好傻,

咁, 最後點收科? 

放心啦! 我哋咁多人齊集埋, 又點會有冷場丫, 交流過程最終都依然開心無問題, 大家HEHEHAHA又一個快活嘅下晝.

去片

我哋個edit神, 其實都係堅得架!!

btw 水彈唔肯爆, 係第二個好大嘅問題....火!!

其實, 今次攪呢壇野係為乜呢?? 

我哋係真心想俾到少少支持香港嘅運動員, 一件寫住HONG KONG嘅代表隊 TRACK SHIRT一定係用左好多汗水時間去換取番黎, 佢哋應該值得擁有一個更好嘅待遇. 

多嘅, 我哋又真係做唔到d乜, 所以就攪左呢壇野出黎囉~

多謝妳哋嘅紀念品

加油呀, 奧運會係妳哋嘅目標吧~~

相簿!

Cat Ng & Mei Wong - Beach volleyball Hong Kong

https://www.facebook.com/pages/Cat-Ng-Mei-Wong-Beach-volleyball-Hong-Kong/199897883384732?fref=ts