蘋果日報~~

機緣巧合之下, SOB搭上左蘋果日報...做左我地既第2次既媒體訪問~~

篇報導係上個星期六 31/8/10 出左街, 你有無睇 ?

小hee 同 呀浪應該係報導入面最出既兩位~~

原文:

八方人物： SOB小子遊戲人生　贏在有創意

遊戲人生，一群 20多歲的年輕人，平日做工程、教師、資訊科技，在職場上只是散兵游勇，但集合起來，在各種遊戲競賽中卻幾乎所向披靡，去年至今在大大小小的遊戲中，獲獎 30次，贏取獎金、獎品近 18萬元。不要以為他們兒戲，其實十分有組織，名為 Sense of Belonging（ SOB），口號是：不是一時貪玩。
SOB九名成員各司其職，策劃、文字創作、拍片、配樂以至動畫，分工仔細，媲美小型公司，過去兩年，他們出擊 50次，得獎 30次；最彪炳戰績，是今年中參加電器品牌的攝影比賽，奪冠而回，獎品是總值逾 7萬元的雙人同遊南非睇世界盃。
這個攝影比賽，是要找人拍大合照，人數最多者勝出。成員 Tommy說，報名後他們總動員呼朋喚友，最終「搭上搭」找到 40人合照，初時以為勝算不大，怎知輕易奪冠，亞軍及季軍的照片，人數加起來也不及他們多。

了解港人弱點輕易取勝

「香港人好怕羞，知道要拋頭露面，或者要上鏡就唔敢參賽。」另一成員 William說香港人的弱點，正是他們致勝關鍵。在一個高跟鞋競步比賽中，他們豁出去扮印度西施、扮乳牛上場，出位裝扮成功奪得最佳造型獎，還贏得情侶組季軍；獎品旅遊禮券、超市現金券及酒席總值 1.6萬元。
SOB首次參加比賽，緣於一次郊遊， Tommy到東涌遊覽，看到沿途風景優美，在老友協助下，設計了一條單車遊覽路線，參加一個網上旅遊指南設計比賽，結果一擊即中，獎品是一部 iPhone，嚐到甜頭，他們遂開始發掘這些刀仔鋸大樹的機會。

不會玩屈機不公平遊戲

參賽經驗多了，他們發現原來不少參賽者都是主辦機構「自己友」，因此有時只能坐季望亞；有些比賽以網上投票定勝負，個別參賽者「屈機」在網上化身多人投票給自己，為免浪費精力， William說他們不會玩這些不公平遊戲，「因為造票情況我哋控制唔到。」
玩遊戲不屈機， William說勝利方程式只有一條，就是靠創意，「人人都做到類似嘅作品，評判唔會 buy」。如何取悅評判，鬥心思也鬥體力， William以去年參加七人欖球賽短片比賽為例，他們想到與真馬騮打欖球，便找來多套動物服裝，到金山郊野公園，在馬騮山與猴子打欖球，過程極盡辛苦，扮鬼扮馬的成果，是短片打入三甲，即使不是冠軍，也令他們樂翻了，「我哋條片喺大球場大螢幕播出，全場叫好，尤其係外國人，更加拍爛手掌」。
得到萬人鼓掌，平日難以得到的成功感、滿足感一下子滿瀉，還贏到千金難買的樂趣、友誼，相比之下，那些獎品區區幾萬元，何足掛齒？玩得越多，玩得越大，來自青衣，都是中學同學的九名 SOB成員，利用獎金在青衣搞遊戲，召集街坊參加「搶軍旗」，一於與眾同樂，還打算衝出香港，玩到海外，「我哋係貪玩，唔貪玩就冇呢個組織」。遊戲人生，結局人人一樣，如何玩得精采，卻人人不同。
記者　王家文

講番少少典故先, 其實訪問早係25/7已經做左..

地點係青衣新開果個東北公園. 我地呢次好齊腳

佢就係當日既記者, 呀 joe~

本來話會有動新聞架~~~~~~

最後無左, 攪到熱奶有少少失望, 佢話好想見到自己既cg 呀!!

講番個報導本身, 點解等左足足一個月先出到街呢~~

其實呀joe係完左個訪問之後, 一路都有同我跟進好多補充既問題, 而之所以用左一個月既時間先出到街, 係因為佢同公司同事一齊搵緊一個較有張力既角度出發去寫呢篇文章.

最後, 佢地就用左遊戲人生呢個heading 入題勒. 聽呀joe講番, 篇稿件其實都用左唔少心血去寫架, 所以, 我係到一定要大力多謝番你(JOE, 王家文)呀, 幸苦晒, 加油 ~~~

遊戲人生, 嬴在有創意~~
一半一半啦, 用到人生呢個字又heavy左d既, 都係果句.....我地貪玩jei~

至於講到創意呢一層, 我覺得有少少啦, 但又唔可以否認有一部份比賽係因為無咩人玩, 我地先可以輕鬆勝出, haha.

始終, 由別人既手, 寫我地既事....一定唔及我手寫我心咁到位既~~

好啦, 筆我黎緊用番少少時間寫個關於SOB既維基百科先!!

最後, 再一次, thx APPLEDAILY, thx JOE, 仲有拍片果個哥哥(雖然出唔到動新聞,哈)

點好, 點好, 我想要意見~~

上一篇已經講左, 我地收到一d 唔知點去處理既禮物~~

係呢到, 我真係好想問下你妳您既意見.

講番先, 日文課程已經搵左人接手勒, 希望佢地加油, 並祝願兩位同學學業進步啦.

一齊將個集中力放番去果套......攝影套餐上面~~
經過我既一輪咨詢, 原來套package 係可以唔使影結婚架, 所以我有一個念頭, 就係結集sob既朋友仔, 無論players定fans, 一齊利用大會提供既攝影同燈光師影一套 team photo~~

至於個型式同地點, 暫時真係未有好實在既idea..所以, 呢篇blog就出世勒!!!

雖然, 我唔知呢到有幾多個人會經常走入呢到, 而又好想一齊玩....不過, 唔好怕羞, 呢次我地真係想好好地利用張coupons俾大家開心一次~~

俾d 意見我地啦.

而暫時, 我只係有一樣野諗到...影張大合跳~~

一張香港開埠以來, 最多人影既大合跳~~

黎啦各位 ((紀wor))... 怕羞, 你便輸~~

史上最頂癮...禮品~

之前都講左架勒...就係u magazine果個扮導遊比賽入面既獎品.

早幾日單人赴會, 代兩位戰士領獎.

呢到就係個門口勒, 感覺同佢地個競爭對手新假期有好大分別~

好快手, 好簡單, hae 爆腸地...就拎到我地既獎品勒.

汶萊旅遊書1本

初級日文課程1個月 (4堂)
高級日文課程1個月 (4堂)

運動家 cash coupons HK$100 X 2

星光大道婚紗攝影套餐

因為成個活動其實都拖左好耐~~衣家我地得到既獎品好似同一開始時佢地所講既都有一定既出入. 不過, 相差左d咩野就唔多記得勒, 亦無畏去深究........因為, 我地一路都將個集中力放左係果個攝影套餐入面, 真係唔知點處理~~

除左呢個攝影套餐之外, 我亦都真心覺得果個日文課程同汶萊旅遊書真係令人好頭痕~~

好勒, 呢個活動黎到衣家都應該close file勒. 最後..........多謝你!! u magazine~~

後記: 唔知點解, 我覺得u magazine呢次個活動攪得有點hae....攪到我呢篇野都haehae地...算啦, 等我地遲d利用套攝影coupons攪番d爆破野先再寫過!!

SOB 個南非, 世界杯之旅 5

上次好草率UPLOAD左世界杯的相片，今次交代下周邊花絮先！

當日我地一早就懷著興奮莫明的心情去食早餐跟開會！開會主要都係講講一陣要注意唔好咁唔好咁，講真唔係我地唔專心，之不過開一個雞腸會對我地係有難度，加上諗起一陣睇波個情景就真係開心到要嘩嘩嘩出黎！ 睇波WO，世界杯WO，如果你都係個種就算聽日返唔到工俾人炒都要睇波個種人，你就會明白我個一刻心情係點，現場呀！世界杯呀！ 我的朋友係香港連直播都冇得睇呀，我可以現場睇八強阿根廷對德國！I LOVE SOB！！！

開會的情怳

開會最緊要梗係！到手啦！

為表示我地支持阿根廷，我地係酒店大堂變左身

肥星﹣阿凡達版

就係呢位小姐幫我地化妝，開頭佢問，“HOW BIG DO U LIKE？”

我答：“PLS COVER MY WHOLE FACE！”

之後佢就哈哈哈哈！”TRY MY BEST！“

最後變成咁，雖然吸引到好多朋友埋黎影相，不過後來睇返，化到好似冇左隻眼咁，ANYWAY，好多謝佢幫我地變身！

波衫！VUVUZELA！毛巾！化妝！一齊都準備好！出發！

我地就係坐住掛上SOB，阿根廷及香港旗的旅遊巴！區旗掛係另一邊！

途中食LUNCH時候遇見一家西班牙人，閒談幾句後送上我地香港飛龍襟章！

記住“WE COME FROM HONK KONG！”

一張相已經交代哂！冇錯，我地黎左綠點球場啦！好多謝我地團友肯為我地高舉SOB同區旗！

OUR DREAM RELI RELI RELI COME TURE！！！！

再接再厲, 開始玩吧~

SOB 係時候重拾戰意再出發勒~~~

GOGO! POWER rANGER ~~

地鐵公司攪既我的103態度(My Idea of 103)短片比賽

應該係為左配合佢地衣家係某幾個地鐵站等車時會見到果個 103吋極大 LCD TV而做既推廣~~

嬴左的話, 除左可以將你段片放上呢個大電視到播, 而且仲可以得到部Olympus Mju7040數碼相機同7000獎金.

講真, 如果個獎品可以加埋同olympus姐姐影相就好勒~~

呢陣子印象最深既地鐵廣告~~

估唔到kingston都會舉行呢d比賽活動黎吸客呢~~
飛出框框之旅, 尋找旅遊新樂趣.

簡單d就係, 4張相+500字, 分享自己既最過癮旅行. 羸左送你ipad !

準備用 summer sonic 赴會~~

goal ~~~

煤氣為左推廣低碳生活而做既一系列活動
低碳.好生活 攝影比賽

有興趣仲可以買呢兩隻吉祥物做善事, 順便參賽tim~~
獎品係....依然有ipad 另外仲有 olympus EP L1

呢次唔關劉華事....主角係 jessica c~~~~~

望望呢到
跟之前既活動有少少唔同, 分別在於要有機會同jessica c 玩之前, 先要買道地既飲料...仲要俾佢地抽中~~嘩, 確實有d難度.
如果入到圍既話, 我地就真係可以已遊戲之鬼之名出戰勒!!!

最後勒..

交低你既明日大計, 說明samsung既產品點樣可以幫到你去實踐~~
被選中既參加者就可以得到samsung既coupons去買你既產品, 幹你既大事!!
呢個係我地唯一交左既作品...一人一日一票...入黎為遊戲之軌投下神聖既一票啦.

ps. samsung既網站又被攻破勒...可以出現到>2k既票數 -_-

玩啦 !!!!!!

RIP

食緊晚飯既時候, 聽到隔離枱有人話...d人死晒呀
個心當堂沉左落去....

結果一路食飯, 都用個電話上網睇d最新消息, 睇到無電時就打電話問人, 又聽收音機.....

可幸並非傳言所說...全部人受害

但係死既人, 1 個都嫌多.

過左身既你..rip
搶救中既你..加油

活著的你..珍惜

SOB x NB un/officially

咩野係 un/officially ,
我地同 nb之間仲有野玩呀~~~~~~~~

我所講既係, sob 同 nb 將會有2個 cross over ~~
1個係 official, 1個就 unofficial

先講個unofficial~~~
我好想係呢到多謝new balance既sponsor. 你地既HK$1500已好好地發揮了.

呢個合作, 好明顯係我地一廂情願既表白. 哈哈哈哈 !
量產型 10條, 已分配~~~ 一定唔會再有貨!

輪到official 既合作勒~~
呢個堅秋呀, 早兩日收到nb果邊既email, 內容大約係話黎緊第4季既推廣入邊, 佢地將會利用番係攝影比賽既得獎相片(即係我地果張都有份)做 post card/紀念品.

實在太令人開心勒, 我地既作品會出現係別公司既產品身上呀....呢個情況應該係第一次.

衣家既我係懷住滿腔熱血地期待緊呢批制成品既面世......如果NB整得太精美既話, 我真係怕自己會老實不客氣咁將呢d post card/紀念品強搶番屋企, 收歸國有~~

雖知道相入邊既主角.......就係我丫ma

只可惜, 我並無身穿 sobtee~~~~~

朋友, 應該給你驚喜~

Surprise !!!!!!!!!!!!!!!!
Red Bull 果到, 我地原來無得起飛勒, 10/10 一齊留係屋企摺紙飛機啦~~~

好一個山窮水盡疑無路，柳暗花明又一村. 點知呢條又一村24小時之後就好似灰姑娘咁消失左勒~~

呢個surprise究竟係邊個大帝送俾我地既呢?

係佢, 下面呢個.

係你呀, 仲妙咀~~ 星巴你丫那~~

好, 我要將件事完整咁記錄低先.

由於我之前要離港既關係, 專程打俾 redbull講左聲, 如果有幸入圍的話, 可唔可以聯絡番果位姓傻既參賽者~~~

16/8 23:59收到最後通知期限既日子已過~

17/8 11:45 熱奶先生問, 係未要宣佈失敗~~ 我話, 唔一定既, 呢d 大公司做野好多時都係差少少架啦.

17/8 15:24, 傻輝先生打黎俾我, 佢第一句係話: ok

我跟手問佢: ok d咩野, 買左個琴呀?

佢話: 唔係, redbull果到ok 左 .
之後我同佢開始吹左一陣水, 講d關於過左16號都可以收到通知入圍, 我地真係好勁之類既廢話.
最後佢再問我: 你聽日2:00至6:00係唔係屋企, redbull果邊有野要寄黎wor~

我心諗, 咁緊要!! 即刻就有呢d 文件要簽收準備.

死諗爛諗先醒起, 可以留熱奶既公司地址去收件, 唔使搵人專登去等(差d叫左銀姐留係屋企架勒).
17/8 23:58, 捱住眼訓, 懷住興奮既心情攪左呢篇入圍既blog

18/8 16:05 好啦, 件野寄到黎勒, 熱生笑到gapgap聲咁打俾我 !!

原來又係4罐redbull, 仲有一封信~~

oh, what a bigbigbig surprise

Sobplayer 起唔到機!!!!!!!!!!!

btw, 睇得出red bull呢封信係用過心機既, 抵讚.

成件事. 完 ~

朋友既你, 分析到嗎? 問題出係邊到呢?

點都好....我超真心多謝傻生送呢個咁好既 SURPRISE俾我地, 作為RED BULL呢件事既 ending~~
u did a real good job ~

我好相信佢睇緊呢篇blog既時候, 個樣一定係咁既~~

你好野!!!

last but not least(中學最愛用既一句), 除左呢個好朋友傻生之外, 我都要係到對兩位人兄特別嗚謝多一次~~~~

小熙

你幅野, 其實真係ok 架, 可以係咁短時間之內攪得掂~~

銀銀姐

拖住疲憊既身驅為我地好似罰抄咁, 寫左呢篇野.

好! red bull project 正式宣報. game over~~~~~but still 過癮.

ps, 好耐無大project玩...好悶~~~~~出動啦!!

黎勒畏!!! 飛勒!!!!!!

雖然呢到有一陣子無update到, 不過我地唔係無野做過, 只係一路等...等...等

我現在, 正式宣佈 !!!

sobplayer 可以係red bull既跳台 ~~~~~~~~~~~起飛勒!!!!!!!!!!!!!!!!!!!!!!!

我既念力終於令到我地可以係8月17號, 即係過左最後通知限期後一日都仲收到呢個 qualify 電話~~~~~~~勁呀 !!

熱生, 我都話唔好咁快宣佈失敗架啦 , arhahahaha !!!

衣家除左要開始攪攪我地架ufo 之外......其他周邊野都應該要細心綢備一下勒.

當中最緊要既一樣係, 我地需要組成一個會係 10/10 出現既強大應援團, 同sob一齊享受當日既party time~~~

年度分唇, 有無得玩呀~~~~

早兩日收到個電話, 當佢同我表露身份既時候.......佢話: 我地係redbull打黎架.

屬於正常人既我, 緊係諗住佢會話我知呢句: 恭喜, 你地入左圍勒

最後, 原來佢帶俾我既 msg 係.....黎生, 入圍既隊伍將最遲會係16/8之前收到通知~~~~
都唔知好嬲定好笑, 真係灰到 high high.

好野丫....redbull, fake 我.......... 俾我空歡喜左2 秒.

當然, 我都捉住呢個機會, 搵果個同事傾左兩句..佢話成件事情(flugtag)既反應都非常之好, 收到意料之外地多既 application, 所以要用d時間去挑選最後既作戰隊伍....

聽到呢到, 真係心都實埋. 我堅係擔心入唔到圍, 無得玩呀!!!

當然, 我係對小hee既作品, 同wanwan手字有絕對信心既 ~~~

不如一齊.......欣賞下我地既 application kit 丫

封面, 有我既小勞作~

封底, 有我地既..lmL

wan wan 手妙不可言既字, 而內容就係出自我既手筆~~

小hee既神級設計.

想保持多小小既神秘, 所以縮起左

好啦, 係朋友既你, 由呢一刻開始, 為我地祝福啦...........

我地要上呢個台呀 !!!

點解會怕醜先~~

早一篇既文章先至扮晒型咁話.....怕醜,你便輸 !

轉個頭, 幾條友就親身示範....真係另人失望呀~~~~~~~~~~

點攪先 !!!

話實, 雖然呢次真係77地, 但我都留意到d野, 係個好好既經歷, 下邊話你知點解.

今次成功ko我地既活動就係 vitamin water果個影相 function~~呢到就係活動地點, 世貿個門口.

由始至終, 我地都並無諗過要嬴呢個比賽, 我地一心諗住係去騎劫, 純粹想幫我地既sobtee影一張令仔d既相, 話晒大會都講過係有駐場專業攝影師丫ma.

一去到銅鑼灣, 我地就開始諗係個booth入邊既時候應該點影~~仲行埋玩具反斗城搵道具/靈感tim. 好可惜, 我地最终都係空手而回.

好勒, 當我地去到個booth外圍20米處既時候, 我地竟然腦袋一遍空白, 3條人你眼望我眼企定係到猶豫不決....個個係到點影呀, 點影jei, 點攪先, 點呀...真係好老土.

呢個大約5分鐘既放空時間, 我真心覺得, 我地已經輸左啦~~~

之後我真係分析過點解會咁, 結論係--我地呢次真係無好好做下準備. 當然, 我地之前好多時都係零準備出動架勒. 但點解呢次會咁慘烈呢.....我諗係因為我地知道個活動有駐場影相佬既關係,呢個position既出現真係俾到絕對既鴨力我地~~ 從前既活動都係我地自己攪架啦, 有幾可會搵到街外人幫手丫...

就係因為呢少少既鴨力, 我地輸了.

但係山長水又遠出到去, 無奶油就咁走jei ~
死就死, 軟人一句:　事但擺ｄ野上身　！！入去跳啦～～

咁就去左排隊勒！

好快就輪到我地, 好快就拎起道具, 好快影左相, 好q煩地先麻煩到d大哥俾我用coupons晒到多一張好值錢既相.

上面果張係我地自己影既....好難得係最後有一張可以投入到.

大會影果d 相係呢到 (唔使投票架, 我地玩下only)

我覺得d相係....好唔掂呀~~~
根本大家都未入狀態, 真係好可惜.

由行入個booth至到離開, 應該係10 min之內. 不過我都好想係到讚賞 3個在場同事
佢地係一對孖女, 同果個講唔正廣東話既竹星仔.

孖女既其中一個~~
我相信佢地應該係呢個場入面既part time, 又或者係屬於比較 junior既同事. 佢地做既工作好簡單, 派product啦, 紀念品啦, 等等...

點解要讚賞佢地？ 因為入到個booth, 接觸左幾個場地入邊負責唔同部份既同事, 而 只有佢地3個, 俾我見到係對自己做緊既野.........有heart !

詳細既野, 唔去再提勒~~ 簡單d, 除左佢地3個, 我所接觸到既每個人都只係get the work done. 但係一d都唔過癮.

junior 同 senior 所演繹出既態度, 真係有好大既分別.

最後我同呀輝哥自己去地鐵站玩, 無大會既人係到. 感覺更正斗, 更好玩 ~~~

講番轉頭, vitamin水, 好飲既(紅紅地果支)