媽，我番來囉~~ (roadshow) 11_07_2013

係厠所做緊正經野嘅時候, 手上面嘅電話(無錯, 電話係入得厠所, 上得床的~~~)傳來一個whatsapp 信息, 單字一個''win''.

無頭無尾, 完全唔明條友up乜, 繼續黎多幾個短絀嘅msg後.....組織番, 原來係關於我哋個作品''引睇上升鄭多燕''已經喺上篇blog入面提到果個比賽脫穎而出.

我好冷靜咁用一張相回應位朋友.

心情似乎都未算好驚喜, 但都當然係開心嘅!!! 話晒我哋已經好耐無獎落袋, 黎到7月都終於開到dry.

或者, 多次嘅勝利已經令我嘅心入面早就認定左大家係born to win嘅戰士掛~~
贏? 平常野姐, arahaha

有圖有真相呀!!

略厭手臂肌肉嘅陰影唔多夠~


其實, 呢次都過癮! 第一次辦緊大事時收到得獎通知~~ 淨完身就再投入番得獎後嘅討論.
起初以為活動獎品會係入間雜誌社做100個鐘員工或者外賣自取呢本雜誌100期, 二擇其一, 但傾傾下先知原來大會真係會送部電腦俾我哋. 哈, 咁我哋真係可以黎一次真嘅''引睇上升鄭多燕''勒!! 等下~~

關於呢次嘅得獎作品, 原來係有人唔明相片上面''幾禾''係咩意思....其實佢係普通話發聲 ''給我''.
已經唔記得左係幾時開始, player之間已經好興用''幾禾'' 黎做叫囂時嘅語句, 而效果又奇佳, 習慣就係咁形成勒.

''幾禾'' 係好野黎, 我誠意介紹俾大家.

獎. 我哋當然未拎, 但我就有絕對嘅信心, 大會一定會俾果部NOTEBOOK我, 唔會要我日日去佢哋個facebook吹佢哋出貨~~ 另外, 究竟應該派人入條毛裡面做野定自取其毛好呢?

小進帳~

一個好無人留意既活動入面, 我地得獎了.

Shark energy drink~你地聽過未呢?

我估佢地係嘗試搶 REDBULL既市場掛. 當然啦, 佢呢壇野既規模同flugtag真係無得比架勒. 不過, flugtag有周秀娜, 佢地都有! 我估參加 shark 呢個 party就更加可以更更更近距離地見到tim~~ 當然, 能夠親眼一賭娜姐既風采都係我地呢次參賽既目的啦 .. we did it !!

講番個比賽, 我地既得獎作品係呢個

台灣墾丁既呢張~~

都用過好多次囉.

個比賽基本上係無評審架, 只係講網上投票既結果. 而我地係無咩叫人出手既情況之下, 靠2.3條友一人一日一票既情況下竟然真係上到頭3名...得到既獎係 it$500蚊 coupons~~

好明顯, 我地呢次既得獎原因係搵到一個無人玩既比賽...very 之 good

我地係超級動感兵團.

雖然話個影相比賽應該只係得到個唔多理想既反應, 不過shark將個活動頒獎禮安排左係一個叫做shark x 周秀娜狂熱派對入面舉行, 拎到件事又變得有意義好多勒..

我地係活動當晚既代表係佢兩個

另外仲有兩位小fans 神哥同呀 sam

當晚好似都幾得意呀~~

有人跳舞, 有肉男show muscle~~

最期待既一刻勒.

我地仲贏到娜姐既一個偷望 !!

雖然我無親身出席個活動, 不過聽幾位朋友既口吻就話個 function既感覺係..妹仔大個主人婆 !!
意思係出席既人對shark應該留唔到d咩野深既印象, 大家既目光都係去左娜姐身上~~

娜姐, 好野!!

史上最頂癮...禮品~

之前都講左架勒...就係u magazine果個扮導遊比賽入面既獎品.

早幾日單人赴會, 代兩位戰士領獎.

呢到就係個門口勒, 感覺同佢地個競爭對手新假期有好大分別~

好快手, 好簡單, hae 爆腸地...就拎到我地既獎品勒.

汶萊旅遊書1本

初級日文課程1個月 (4堂)
高級日文課程1個月 (4堂)

運動家 cash coupons HK$100 X 2

星光大道婚紗攝影套餐

因為成個活動其實都拖左好耐~~衣家我地得到既獎品好似同一開始時佢地所講既都有一定既出入. 不過, 相差左d咩野就唔多記得勒, 亦無畏去深究........因為, 我地一路都將個集中力放左係果個攝影套餐入面, 真係唔知點處理~~

除左呢個攝影套餐之外, 我亦都真心覺得果個日文課程同汶萊旅遊書真係令人好頭痕~~

好勒, 呢個活動黎到衣家都應該close file勒. 最後..........多謝你!! u magazine~~

後記: 唔知點解, 我覺得u magazine呢次個活動攪得有點hae....攪到我呢篇野都haehae地...算啦, 等我地遲d利用套攝影coupons攪番d爆破野先再寫過!!

又update, update獎品 !

如果你無係facebook add到我地幾個core朋友既話, 你未必知~~
你未必知...........我地又得獎勒 !!!!!!!!!!!!!!!!!!

呢次既活動根本就係黎得快, 去得快, 獎品怪~~

無錯, 係u magazine攪既比賽活動.

講番轉頭, 我根本連參賽前既紀錄都無係blog呢到寫低過, 所以就算係幾個players 佢地都係到我正式宣佈有獎拎既時候, 先知道自己既名字,資料被拎去參賽. haha !

我呢次本身係target左兩個機票大獎希望送團員出國去 SOB the world架....真係可惜, 最終事與願違~~

細節唔多講, 不過想分享少少關於呢次活動既陰公野.

話說, 比賽本身分開左係相片組同埋短片組, 而兩個組別入面就再細分本地遊同外地遊, 簡單一句, 即係話有4個唔同範圍既比賽可以俾網友競逐. 而主題就係叫做 扮導遊.玩世界. 簡單d, 即係叫人分享旅行經歷勒.

得意野係邊? 如果你有走入上邊條link, 又夠細心既話, 應該已經知我想講咩架勒.

兩個短片組既比賽........爛左尾~~~

雖然唔知道爛尾既真正原因, 但俾我估既話, 多數都係因為無人參加架勒......

唉, 點解我地唔玩短片組呢~~~~~

講番呢次活動既獎品先. 下邊, 就係我地呢次活動所得到既獎品.

香港婚紗攝影套餐 >> 無端端邊到搵個人黎影婚紗相呀~~~

YASHICA數碼產品

日語高班課程 x 2 >> 日文初班都未上, 點上高班呢~~~

時款羽絨外套

你話, 你話......呢d獎品真係唔知計數, 點入脹~~

都唔好講計數, 點用都係一個大問題~~~

呢次活動, 暫時黎講可以話係得啖笑.

與我常在New Balance!!

要講SOB 第一次crossover New Balance (下稱NB), 不如首先講下NB 同SOB 係幾咁夾先.
NB 做得最出色最經典既一定係波鞋,而SOB 既活動,次次唔係上山下海就係追跑跳碰,冇番一對撞得跳得500000次以上既戰鞋點掂!!
簡單d 講……….咪又係NB 既鞋款易襯好夾Sobplayer 既做型,上身鮮色SOB Tee,下身單色短打,最後一對NB 戰鞋,唔係指定SOB活動 gear 係乜野~我問你?!
對NB 既鍾愛更加令我地傻到自己係Facebook 開左個unofficial group – 新巴聯 < http://www.facebook.com/home.php?sk=h#!/group.php?gid=5083607489&ref=ts>（我地改既!食曬中英文字個音嫁），有時間加入一齊分享你同NB 既靚相

NB 閃中閃
係Sob 活動入面時常出現既NB 鞋款主打都係577,574….當然仲有經典576, 其他日系M1300, M1400等等….都有朋友著既. 不過,我想講出鏡最多既NB 唔係邊個特別鞋款, 而係NB 既光.樓下睇左張相你地就明乜野係NB 既光~

雖然我地最開始時候有諗過用NB 閃光做呢次既參賽主題,不過最後都冇收集到各player既靚相………轉左去另一個approach Wo !不過比賽結果呢,出人意表得黎又令人興奮----我地係2nd runner-up!

Shine with your NB aNytime, aNywhere ~~

What’s Your Balance? What’s Your Balance Point between game and fun?
今次比賽(http://www.newbalance.com.hk/whatsyourbalance/)係好朋友Eason (下面special 都有佢嫁~~)推介,佢一收到風就即時叫我地睇下有冇機,當然我地咁鐘意NB, 而比賽又係最撚手既相片創作類, 當下無限意念上曬頭, 同黎生MSN 開左兩輪會, 意念係有啦, 但究竟點去實行呢? 呢下至係每次比賽最難行落去既一步~

一個好open end 既topic “What’s Your Balance”,相片內容係一個問題, 相片表達方式亦係一個問題,理論歸理論,想做就去做此終係SOB 最徹頭徹尾既理念!!我打開電腦幾千張外境為主既相,同NB 合照既都唔小,點都有張會有用既,最簡單想表達出我地心目中既Balance 意思就係呢張啦: (係開首選既第一張亦係參賽唯一一張lo )

我地好早交左作品上去,一來比賽採用網投機制, 早交早享受, 遲交冇人投.(雖然呢種網投我地遇上好多次,當中問題一定係有,不過-可以不理)二來出名制作認真既SOBplayer 又點會只係交一件作品咁hea ?(最後的確咁hae~~(tomy)) 之前講過既NB 閃中閃同下面呢兩張合成照我都覺得係得意之作,因此好想都一併交上去同其他參賽者一較高低,不過當中涉及到有電腦加工同合成既因素,如果比賽單單只係一個用snap shot photo 做主題好似又唔合適wo......

思前想後,我地決定先交一張做試點再觀察一下其他作品如何才再行下一步………….. 當然我地開始時係有投下票拉下票,不過睇住其他單位標升其快既票數,不禁心中又係個句:都係數字遊戲姐唔駛太認真,最後直程冇理賽事票數了~好快經歷左SOB奔向世界既6,7 月一路忙住其他 support 既野,上面觀察戰況,再交其他作品既戰略……..居然就咁冇左件事, 話咁快呢幾日居然收到消息攪掂了:2nd runner-up!!!

再一次,創意擊倒人海票數,從評審手上公正win 左,當然我地個o個唔係最高票獎(人地係幾千票既!) 我地高興一方贏到評審雪亮既眼睛,另一方面係得到其他人既認同,我好記得當中一個comment: the only pic can impress me here. 夠曬,原來有人認同我地既諗法,又一次驗證左我地既大方向:"做你覺得正確,想做既事!!就用實證同其他人既目光去證明你既想法係咪o岩!!"

完左賽事,獎品未拎,不過知道都係現金劵之類,睇黎今次唔會變賣做發展基金,但會直接用係各player 既 gear 方面,到時等實物出左世再講. 不過, 現家可以肯定今次New Balance 比賽再次啟發到我地game and fun 係balance 既重要性, 唔駛日日係咁click 黎加票既, 結果唔係第一重要, 重要係比賽個時既投入, 一班朋友映張相個時既fun 已經夠回味滿足~~

最後係賽果條Link 再加SOB X NB special (一次過sum-up 曬花絮同創作意念)
http://www.newbalance.com.hk/whatsyourbalance/result.html

飲罐可樂慶祝下先 ~~~~

朝9晚5係一般打工仔既(理想)office hour, 所以我今日既集中力都放晒係呢段時間入面~~

不過唔係因為工作wor, 而係希望我既念力可以帶黎可口可樂果邊既得獎通知.

終於, 16:55pm, 俾我等到妳勒~~~~~~~~~~~~~~~得獎呀, 羸左呀, 攪掂呀, lmL !! (Tiffany小姐..下次唔好咁遲啦, 我地呢d小參賽者好緊張架ma~~)

真係開心到, 紅都腦埋 ~~~

同可樂果邊溝通過, 佢地表示行程主要都會跟番我地個idea~~中環電梯

而主要既check pt暫定係下面呢幾個.

1. 中環街市

2. 荷理活道

3. Soho

4. 勝香園

5. 文武廟

睇黎我都要做下d research, 睇下點可以用英文介紹呢d地方勒~~

另外, 我地係個行程入面仲會有幾個task 希望做得到架.
詳細唔講, 不過其中一個同下面隻歌有關係.

就係半斤8兩勒...好野黎架!!

有咩用? 自己估下啦~~~

今日係同可樂果邊d同事傾有關個行程既大綱既時候, 我感受到佢地真係好尊重我果一次interview既時候所講過既所有提議. 可行,唔可行既都同我交代番晒, 真係very之good.

既然你地咁重視我所講過既野, 我地sob都一定唔會揸流攤~~~

因為唱好香港係我地最愛做既野 !!

lmL

30/04/10 見

今日, 27/04/10 終於見到officail 既 公佈勒~~

唔怪得可樂果邊d人成日叫我全名啦~~~
真係下下都黎華~~
叫tomy得架勒.

先吐一口烏氣~~ 再講句, We did it !

一張相, 可以為你帶黎d咩?

當然, 簡單一張相只可以將一刻間既時間, 地點, 人物同感情記錄低.

而呢張~~

佢帶黎俾sob既野, 堅個石堅!!

雙人南非世畀杯((決賽))之旅!!

你話係唔係堅秋先~~

事情源於之前已經提過兩次既sony推廣活動.

既然個比賽只係鬥多人一齊影相, 咁即係要好多好多既朋友出動啦. 但係無端端叫朋友出黎幫手, 又好難開口架ma.

結果我地就好似之前既planning咁決定, 騎刧! 而影相時間就定於海洋公園既 function之後, 食晚飯之前!

我地真係好well prepared, 明知 sony 唔會有足夠既3d眼鏡俾我地架勒, 所以我地好多人都預備左自己既黑超扮佢地果幅 3d眼鏡!!

最後我地當然好成功地靠一班朋友 KO 左個活動啦.

yeahhhhhhhhhhhhhhhhhhhhhhhhh !!

雖然結果未正式公佈, 但我真係忍唔到勒......

好想同大家一齊分享呢件咁令人激動 既事呀~~~

就好似之前係呢篇目標入面所講, 去睇世界杯的的確確係我為左sob係 yahoo start the trend project入面所定既短期目標~~

估唔到, 曾經放棄左既target竟然可以襯一次機會..........俾我地攪掂左!

雖然成件事並非靠原先所plan, 嬴好多既錢再去換黎機票酒店開支, 反而只係因為一個簡單既活動就得到呢個達標既機會. 但我覺得能夠成功叫到咁大班既朋友現身支持, 完全係因為一路以來我地係唔同朋友既心入面都種落左好多既感情, 而呢種感情並唔係簡單靠錢就可以買到既一種關係.

所以, 我正式宣佈---SOB絕對成功地做到左個目標勒!!!!!!

WE DID IT.

當然, 呢次我地只可以送2個人去南非睇ball~~

不過兩條友, 已經足夠將我地sob既精神宣揚出去架勒.

11/7/10 香港既區旗同SOB既旗織將會係約翰尼斯堡既 Soccer City球場上面出現~~
希望到時可以搵到 cable 電視部 cam 啦~~~

最後我一定要係到多謝番相入面既所有朋友呀!

上至下, 左至右

Emily, 細孖, 小甜心男友, 小甜心, 捷, freddy, 天估, 大孖, 肥龍,

Bowie 男友, Bowie, 小小甜, liz, 珍姐, 棒棒, sandy, michelle, hang, sorlui

傻輝, 熱奶, 細超, 我, wanwan, 肥星, eason, 法國

cat, michelle lee, 大超, 小hee, 連弟, 軟人, 小白

allen

Total 35人. Thank you.

仲有係sony, 多謝你地, 多謝你地既 ~~~ make. believe

PS. YAHOO, 雖然我地START唔到咩野好勁既trend, 但最後我地都可以將屬於自己既精神帶到南非世界杯, 而你地黑箱所選的冠軍, 出色在那, 成功在那 ~~~~

Samsung 輕取 ~~

尋日我先講話sob係創意攝影 d比賽真係有一手~~
今日就....................arhahahahahaha

o黎, 我地一齊認住呢隻雀 ~~

就係呢隻samsung 自來雀, 佢令我地sob又進賬多一份名貴獎品 !!

作品既誕生好簡單, 只係靠下面呢d野.....

Out晒date既 samsung Q30 notebook

勁 in 既 i mac

一個手揸衣架及3吋魚網, 然後露出貪婪眼神既肥仔~~

呢幾樣野交織起黎, 最後付上一句好獨到既 CAPTION---嘩, 我屋企黎左隻自來雀呀!

就係咁簡單, 一部40吋既 SAMSUNG LED TV~~~~YO !!!!!!

前後既制作過程應該唔到30 min~~~

不過咁, 小hee對呢次既勝出都俾左d好中肯既意見(勝利都仲保持到咁冷靜既腦袋,讚)~~

佢話呢次既 idea的確係唔錯, 不過我地既制作真係草率左少少~~

就以肥星一身既衣著為例...我地真係無咩tune過...

我地應該, at least都要張肥星攪到咁樣!

小hee, ok呀你..講得有道理 !!

我地下次d制作真係要認真一d~~~~呢次贏到都算有luck 勒!

認真, 我自己都覺得呢次跑出, 應該有好大既程度係因為個活動無咩人參加(偷笑)~~~

唔緊要啦, 總知經驗值又升一級!!獎品又多一件!!

最後講句.........多謝SAMSUNG !!!!!!

7/3/10,呀浪生日玩到癲 ~~

7/3對sob黎講係一個好重要既日子, 呢日就係我地呀浪大哥既生日!!

o黎! 我地一齊為呀浪講聲~~~~生日快樂!!!!

7/3/10根本完完全全就係屬於呀浪既一日,唔只係因為佢生日,仲因為我地參加既呢個function.

大會選擇將活動安排係7/3號舉行, 又要改個活動名做美麗(May Lai)狂奔, 你話呀浪有朋友係呢間公司做我都信!!

大會話呢次既活動係為左襯3.8婦女節, 希望俾個機會一眾男士腳踏高跟鞋, 體驗下女伴日常因呢對鞋所帶黎既辛苦.
um..我覺得失敗左wor 呢個主旨, 玩左個幾鐘, 我真係無留意當中既皮肉之苦......我只係再一次見到有sob既時候, 身邊既事情會變得有幾開心, 幾過癮~~~~~~~

基本上我地都可以話係成功騎刧左個分唇架勒~~

點騎刧~~等我用圖片說明一下果陣時既盛況 !!

setting

開始攪攪陣了 !

高跟鞋ma....ok的, 唔太辛苦(如果夠大隻)

sob最有心就係去競逐最佳造型大獎, 一齊睇下我地既styling啦~~

有度西施同佢果個成日keep住露兩點既男朋友 ~~

住15樓既牛牛, 國寶仲有勁食暴龍~~

現代愛戀補習社同開心樂園踭兩隊既代表 ~~

主角呀浪, 同佢既腳 ~~

ps佢地係今次既最佳造型獎得主黎架~~

面對連弟....犀利哥都要靠邊站

超超好值得讚賞, 佢無忙記我地既sob tee

人地係到攪起步禮既時候, 我地係另一邊自娛~~~

一齊睇下比賽情況

條肥暴龍又跑得幾快wor ~~

牛牛, 睇下妳玩得幾開心 !!

我地係玩得好enjoy架~~~

小小甜呢到真係要講兩句~~留心少少大家可以睇到佢既戰意係有幾咁唔旺盛, 一路shake住個mc記紙袋, 一路勁傻笑住, 開心地跑過呢條跑道...佢表演左俾大家知咩叫做-- Have fun oriented~~

其實成個比賽入面, 我地參加既人數加加埋埋都應該佔左大部份, 但最終我地都唔係話嬴左好多獎ja wor~~

唔係話我地跑得慢架...但係點講呢...

玩得比賽就緊係想贏架啦, 不過當我睇到第一場比賽有兩個參加者唔小心仆親既時侯, 我個心真係寒一寒! 再睇落去, 見到有d人既爭勝眼神....好啦, 算把啦, 安全最緊要~~ 我真係好驚有任何朋友會跌親.

結果我同每一個出賽既朋友都會講呢句~~~慢慢呀, 唔好趺親, 開心一下就算啦 !!

最後我地都係 have fun oriented....不過由於人多既關係, 我地都袋左d獎走wor !!

完場總結我地得到既獎有, 情侶組第3名及最佳造型獎

而我地得到既獎品有呢d

HK$ 1600 海皇粥店 coupons(唔係因為羸, 係因為多人參加所得, hehe)

所以轉個頭就變左

呢張單, 15條友, 食左1000蚊海皇粥店 ~~~

HK$ 4000 百佳coupons

HK$ 8380 酒席一圍

HK$ 2000 旅遊禮券

其實係幾豐富架 ~~

除左獎品之外, 下面呢d唔同既媒體報導亦令我地係之後既時間得到好多好多既歡樂 ~~

新華網

明報同yahoo

cnn asia

得到cnn同新華網既報導一定係最令我開心既原因.

開心, 唔單係因為d相影得靚, 更加係因為我相信佢地既報導可以張件事帶得更遠, 俾更多人知道, 更多人見到, 香港既年青人都有充滿活力及活潑既一面 !!

一定唔少得既!

集體相 ~~

Information俾番大家知, 個比賽既個人組有 30個人參加左, 當中有5個sob成員~~~

情侶組有10個參加單位, 7個係sob既情侶~~~
咁樣既參與人數同投入程度---------我夠膽講句 !

SOB 成功騎刧 !

ps 多謝呂sir係百忙中抽空同我地影左勁多靘相~~