不是一時貪玩: 世界杯

顯示包含「世界杯」標籤的文章。顯示所有文章

2010年8月28日星期六

SOB 個南非, 世界杯之旅 5

上次好草率UPLOAD左世界杯的相片，今次交代下周邊花絮先！

當日我地一早就懷著興奮莫明的心情去食早餐跟開會！開會主要都係講講一陣要注意唔好咁唔好咁，講真唔係我地唔專心，之不過開一個雞腸會對我地係有難度，加上諗起一陣睇波個情景就真係開心到要嘩嘩嘩出黎！睇波WO，世界杯WO，如果你都係個種就算聽日返唔到工俾人炒都要睇波個種人，你就會明白我個一刻心情係點，現場呀！世界杯呀！我的朋友係香港連直播都冇得睇呀，我可以現場睇八強阿根廷對德國！I LOVE SOB！！！

開會的情怳

開會最緊要梗係！到手啦！

為表示我地支持阿根廷，我地係酒店大堂變左身

肥星﹣阿凡達版

就係呢位小姐幫我地化妝，開頭佢問，“HOW BIG DO U LIKE？”

我答：“PLS COVER MY WHOLE FACE！”

之後佢就哈哈哈哈！”TRY MY BEST！“

最後變成咁，雖然吸引到好多朋友埋黎影相，不過後來睇返，化到好似冇左隻眼咁，ANYWAY，好多謝佢幫我地變身！

波衫！VUVUZELA！毛巾！化妝！一齊都準備好！出發！

我地就係坐住掛上SOB，阿根廷及香港旗的旅遊巴！區旗掛係另一邊！

途中食LUNCH時候遇見一家西班牙人，閒談幾句後送上我地香港飛龍襟章！

記住“WE COME FROM HONK KONG！”

一張相已經交代哂！冇錯，我地黎左綠點球場啦！好多謝我地團友肯為我地高舉SOB同區旗！

OUR DREAM RELI RELI RELI COME TURE！！！！

2010年7月28日星期三

SOB 個南非, 世界杯之旅 4

由於好多朋友都追問球場情怳，而家立即跳入球場睇睇。

兩隊出場陣容

步入球場

美斯當然會有個大特寫俾佢啦

迪馬捷利以一敵四

現場見到肥馬，真係又肥婑

睇住相先，今晚再寫！

2010年7月21日星期三

SOB 個南非, 世界杯之旅 3

上次提到，食完飯我地就出左去石灘影相。

下一站當然係酒店啦，酒店呢一Part都要講講，基本上成間酒店都係Sony Book唒，出入的人九成都係黎自不同國家的Sony的員工，每人都有一個Pass，係酒店範圍都要掛住係心口，隨時都有Security Check我地個Pass，去到邊都有實Q，由個一刻，我地就冇擔心過安全問題，肥星都可以著少條褲，唔洗再驚有人會爆入房。

Check-in前黎左個Briefing，Briefing的地點係酒店入面一間Conference Rm，呢間房最特別的地方就係有波睇，仲有野食，房間裡面提供各式各樣飲品及小食，包括酒精飲品，營業時間係早上8點到晚上8點，即係話我地隨時隨地落黎都有野食! 大家都知道架啦，我最關心就係呢樣野! 我地就一路食一路聽住Briefing，內容大致講下我地聽日睇波要注意的咩，係酒店要掛Pass等等，及後仲每人送左一份神秘禮物，係咩黎? 今晚就會公佈!

安頓好的行李，好快就要出去，我地去左酒店旁邊一個商場，叫waterfront，環境係點? 睇下相先。

聽到有一位團友話好似意大利威尼斯，我冇去過，唔知係咪真係似，不過知道開普敦係俾英國荷蘭等歐洲國家統治過，建築物普遍都有歐洲特色，環境真係好靚，就算唔係有世界杯，呢個地方都係好值得黎。

成個海港周圍都見到呢種雀

跟得團都知道，導遊一定會帶你去買下好野，今次就帶我地去買讚石

當然，我地咁高消費力，莫講話買，真係聽都冇聽就走開左，最抵死就係間舗入面都有波睇，我地就成班人入左去睇巴西對荷蘭，情況就係咁。

鏡頭下有8位團友，鏡頭另一邊就有5位，即係我地一團16人，有13位坐左係度睇波，好彩，仲有一位團友有興趣，俾3個Salas姐姐圍住，旁邊仲有兩位領隊陪佢，睇左好耐，不過最後都好似買唔成，如果呢團係內地個隻80蚊香港兩日遊，我地乜都唔買，應該會同導遊係門口玩真人版Street Fighter。

離開商場後就係自由時間，我地就急急腳咁搵地方睇波，領隊話犞另一邊有大電視直播，我地當然要過去感受下!

就係呢度啦，我地就係到睇到巴西點輸，由於周圍有幾十種不同的人種，個個都講o的我地聽唔明Ge話，我地當然用我地最地道睇波方式用融入呢個環境啦，即係點? 咪就係一有埋門呀，入波呀，緊張關頭就「妖」兩聲lor! Actually ，其實都唔止兩聲，直頭所有爸爸媽媽都出哂黎，因為我地全部人都係捧巴西的，下半場無端端咁俾人入兩球真係，可以想像到當時粗口真係滿天飛，加上附近有成千上萬個vuvuzela係度vu，成個環境真係嘈到拆天! 肥星直頭慶到想衝去踢爛個電視! 當然最後冇做到，只係賽後電視台訪問荷蘭球迷個時攪下破壞! 係個camera面前揮手跳舞，如果有朋友係荷蘭電視台見到我地的話，麻煩單聲，我想睇返!

我地就好辛苦咁搵到個位攝，其實呢度實際係得3個位，不過就容納左我地6個人。

大家都知巴西輸左，完場後，有一大班阿根廷迷係度唱歌跳舞慶祝，我都入左去一齊跳，因為我係支持阿根廷的，個個都攬頭攬頸，不過...清一色男粉絲，跳左一陣就走左。

待續

2010年7月15日星期四

SOB 個南非, 世界杯之旅 2

想在這裡補充一下在機上的情況

記得我在機上我問肥星: 「驚唔驚呀? 1/4男人會強姦人，你可能會俾人姦架WO?」

「驚咩JE，買左保險架嗎，俾人姦都有得賠啦，其實我驚而家多D...」他細聲地回答

我說:「驚咩呀? 你驚架飛機撞呀?」

我未等到他回答續說: 「你知唔知飛機發生意外機會有幾多，我上網睇過，每飛2500萬次先會有一次意外，而且都唔係大意外，驚黎做乜!」

說時遲那時快，一股氣流令飛機有點不平穩，一陣陣離心力出現，機上的燈光都好像變得昏暗，馬上扣好安全帶，捉緊坐椅上的扶手，凝望著窗外機翼的震動，滴滴溚溚的聲音響過不停，我倆互相對望。「冇事GE，有事有我同你一齊死!」充滿信心的我說。

「可唔可以淨係你死。」

「我頂你呀」

「哈哈哈哈哈」

一陣笑聲過後又回復平靜。想不到肥星牛高馬大，是害怕搭飛機的，說真點，我自己就不怎麼害怕，對我而言，機上最難忘的是照顧我們的空姐，說照顧好像說不上，正確點應該說玩我們的空姐，人生第一次搭長途機，十多小時，這樣的態度... 容許我用較粗鄙的文字形容。

「頂佢個肺，問佢拎橙汁又唔俾，淨係問COFFEE OR TEA ，我飲橙汁唔得GE，飲多杯都要CHECHE 聲，D橙汁又唔係你買，你CHE 乜鬼，叫你幫手收野又走鬼左，問佢拎杯面又唔俾，最慶就係俾我地知道原來佢條仔都上左機，仲坐正係我地隔離，佢就要乜有乜，呢頭話冇杯面轉頭佢就食緊，要飲乜有乜，食完野又係度攬身攬勢，用個籮友DUK住我地，我地十幾個鍾就好似盤景猫縮埋一堆咁訓，佢就叫走埋佢男朋友隔離坐個客，4個連位咁俾佢訓直，我地張氈就張張都紅色，唔知點解佢個張就藍色GE，你好野!
另一單野, 大家都知肥星D英文有幾好架啦，人地問佢TEA OR COFFE，咁都無乜得揀GE情況下面，肥星好型就咁要COFFEE啦，之後個空姐又講左一兩句野，肥星唔明，冇理佢. 當杯COFFEE去到肥星面前時，佢居然要求個空姐俾MILK!!! 你要MILK做乜JE，即係俾位佢入啦，個死空姐之後就講左一大輪英文，內容大約係，頭先問你要唔要奶，你又唔出聲，而家又話要奶，你係咪玩野呀! 當然，加入左少少個人情感，但佢不滿我地GE要求係真GE，我地又好不滿佢態度又係真GE，及後時間，肥星咩都唔敢要啦，訓覺啦! 」

就是右邊那位空中服務員，南非航空公司出品，以為是我們對她的偏見? 誰不知一下機，坐單邊位的團友都不約而同對她有埋怨，這次的經歷很差，但很難忘，或者怪就怪肥星不老早把他溝到手，為我們的膳食出一分力，改善一下服務質數。

待續

2010年7月14日星期三

SOB 個南非,世界杯之旅 1

第一日

終於等到出發的一天，時間是晚上十一時三十分，想不到你們會送機，突然間暖在心頭，有種感覺從心底裡湧出來，你們的動機可能很簡單，但對我們意義卻很大，送機一刻哈哈笑，但誰都明白，這次到南非的機會，是SOB給予我倆的，想多謝，但開不了口，相信你們會明白的，我想代肥星，親口講一聲，多謝!

旅程在香港機場接駁列車開始，我們在車上遇見一位南非藉男士，跟幾位家庭成員，與我們閒談幾句，他問我們到南非的目的，介紹好望角的景點，提醒我們小心財物等等，最後送上他的卡片，說如果在南非遇到什麼問題，隨時致電找他，他會幫到我們的。哇! 心底裡叫了一聲，很想知道南非治安差到什麼地步? 他又可以怎樣幫我 ? 算吧! 不要想太多，有人買重了保險嗎，擔心不來的。第一個紀念品其實好應該這時送出，但飛龍襟章跟卡片都寄倉了，卡片收下，然後說聲BYEBYE就走了。

上機前的一刻。南非 WE ARE COMING!!!

十四小時過去，到達後就已經聽到VUVUVUVU，一個個新奇士橙在機場遊走。那天是荷蘭對巴西的八強比賽，他們在辦手續轉機到開普敦。中間穿裙的男士問: DO U WANT SOME SOUVENIR FROM HOLLAND? OF CAUSE! 我答! 之後送上一支橙色面，頂附有一個足球的原子筆，原因同上，因為我們的紀念品寄倉了，錯過了第二次宣傳香港的機會。

專車接送我們到了開普敦陶源酒家，之前在SONY開會的時候已經問過，這次膳食主要是中菜，但想不到每餐都用上鮑魚，龍蝦，生蠔等海鮮，在此先多謝SONY。