英超狂熱.

話說我地睇中左一個活動, 呢穫野呢, 真係犀利, 我都服左自己~~

巴克萊英超聯賽賽會係香港攪一個名為--香港狂熱球迷大募集既比賽

"將你們對巴克萊超級足球聯賽的狂熱盡情展示。你們不但可利用任何例如賽前儀式、球會會歌、慶祝活動、球會大事等方式來表達外，還可透過別出心裁的方式，在眾多球迷當中脫穎而出，成為真正英超香港狂熱球迷!"

睇完呢一篇講解, 我即時就諗到英超個獎杯!! 每一次係電視見到足球比賽入面既冠軍隊隊員, 高舉起獎杯果一刻都係最叫人激動既時間.

我地既構思就係要以球迷身份, 一齊享受呢個英超獎杯, 展示出相入面果種狂熱既激情!!

係呢個大前題抵下, 我地要有既係....

呢個獎杯.

獎杯當然難唔到我地!
只係須要一日, 1個73cm高, 1:1既獎杯已經到手~

好采我地有佢, 專業既 product engineer~

跟住要準備既係...波衫. 為左令件事更加有氣勢, 我地希望相入面可以出現愈多英超球隊既波衫就愈好.
係呢個情況之下, 問題就黎勒...因為我地無買靚靚波衫既習慣, 最後就諗左下面幾個方法去解決.
1. 去郎豪坊7樓間futbal trend, 逐件英超既波衫試上身, 再係人地既更衣室影相.
2. 同1.一樣, 不過地點轉去旺角d波衫專門店, 依然打算係強行騎刧影相.
3. 用少少錢, 買1-2件波曼魚同車仔波衫算數, 番去慢慢影.

係葉生既引領之下, 基本上第3個選項已經一野被ban, 佢話太過唔爆破了~~~
而我既理智亦都話俾大家知, 第1&2項既選擇太唔可能! 唔係講個膽既大細問題, 根本就係零騎刧空間.

咁...點...呢~~ 最後, 我做左個自己都服左自己既動作!

我上網隨意搵左一間旺角波衫鋪既電話就直接打去問!!!! 開口就向電話入面既朋友講: 妳地公司介唔介意借d波衫俾我地影相, 做project !! (大約係咁啦, 我都緊張到唔多記得勒~)
真係估你唔到, 電話入面既朋友........一口答應!!! 佢仲話如果我地黎得咁急(我當日12點打去, 話3點就會黎到)拍招呼唔到呀 ~~

嘩!!!!!!!!!!!!!!!!!!!!!!!!!!!!!!! 呢d咁好既鋪頭邊到搵!!!!!!!

呢個係佢地既公司網址!! 我強力誠意推薦大家, sob對sfalo既評語一個字---讚!!!

就係咁...sob呢次就唔使騎刧勒, 係攞正牌去玩呀~~~

忍唔住要幫佢地出多個廣告, 地址係: 香港九龍旺角砵蘭街101-103地下

因為人家幫左我地咁大既忙, 所以我地都好respect, 真係鍚住d衫黎穿, 亦都盡量每次都將影左既衫放番去原先既位置~

真係花多眼亂, d款好齊!
我地影左好多好多相, 大家可以係呢到望下.

另外想講多少少呢兩件

輝哥身上面係最最新既其中一件, 今年英超升班馬昆士伯流浪, 我覺得可能係香港市面獨家都唔定!
肥星身上面係富咸, 但佢要著呢件衫唔係因為富咸, 係因為心口個sponsor, 佢要sob to pizza hut!!

大約半個鐘既時間, 要影既宦影晒. 亦唔想打攪人地太耐, 臨走之前既合照~

我地支sob旗, 再一次動L了.

最後, 為左感激SFALO呢次頂力協助, 我地將 1:1既英超獎杯...

致送左俾佢地.
祝願妳地既業務拎晒冠軍!!

呢次真係體驗到路在口邊呢個說話...路唔單只可以行出黎, 問~~都問到出黎~!! 有時真係睇黎夠唔夠膽架ja.

好勒, 講番最後既整成品.

Facebook入面既相只係一部份, 而且只係最著通既一批, 係用黎show俾大家睇我地影左邊幾支球隊jei. 其實我地早已經精挑左最有力量既相去俾葉生做final edit.

唔錯, 唔錯...係隻綠色有d娘jei.

講真, 呢次活動既過程已經賺左~

咁樣俾我地搵到sfalo既支持, 呢個經歷.....幾好, 唔錯!!

補多兩句先

早兩日只係好心急地想同大家宣佈sob既開dry, 都無好好去講下呢次既得獎感受, 家陣終於有d時間勒, 點都要補番幾句!!!!

呢次玩雷神造型比賽, 我地用左一個下午既時間去外拍, 之後由葉生一個人用左2晚時間去tune相, 講真付出真係唔算多, 但成個活動俾到我地既 reward睇黎就絕對唔小野!!


LA之旅!! (一陣再講下呢個旅程)

仲記得係我地玩外拍果日, 葉生佢講, 就咁用呢d相就交呀? 削d囉...出段video啦~~
最後佢得到既回應就係...無人理!!



但又真係估唔到, 我地呢份誠意只屬一般既功課, 竟然可以成功突圍而出.



係呢到, 除左要多謝當日幾位誠意十足, 將自己身體完全奉獻既player之外, 仲有就係一批見到個比賽之後心郁郁想玩, 最終又無行動既朋友...多謝每一個潛在對手既承讓, 造就我地既得獎.


真係 nothing impossible...hehe!!
就好似之前得獎一樣, 我要將個獎品價值列番係左手邊個bar, 但呢次真係幾難計~~
我上網做左好多research, 發覺呢個活動應該係由製作Thor個paramount pictures公司發起. 佢地係世界各地, 幾個有份播影Thor既地方都攪左類似既活動去做推廣, eg:澳洲, 英國, 意大利..
洲立影片只係一個中間人既角色, 負責係香港攪個活動去搵位得獎者, 之後再交d聯絡資料上去(當然, 我地都好多謝佢地既選擇).

好勒, 講得太遠了, 去番個獎品本身. Paramount pictures既出手, 真係非同凡嚮. 機票呢d最基本既野都無畏講勒, 包既酒店會係呢間華麗既W Hollywood hotel !!


我地連W Hong Kong 都未住過!!!
個旅程最最最重要既一個環節係可以送我地兩個出席既人士去LONG BEACH一個studio扮雷神.....


呢個係我估計既情景, 簡單講就係要由專業人士協助下, 俾雷電劈過自己身體, 再俾攝影師影低呢一幕!!
要為呢個環節評估個價值, 大家話點好~~~
幸運地, 負責單位俾左一個方向我去諗! 由於呢個被劈既活動有一定風險, 對身體質素都有所要求, 所以佢地提供左另一個package俾我地去選擇代替被劈, 而呢個就好計好多勒!!

The alternative package we are offering includes

• spa treatment at Bliss Hollywood to the value of $150 per person
• an LA adventure helicopter tour, including private transfers
• $500 spending money
• a trip to the Griffith Observatory, including private transfers

原來呢一劈咁鬼值錢!!!
好啦, 左計右計...我決定為呢次既得獎價值評為.........HK$50,000 !! yeah~~~~
好感動呀, 一黎就可以開個大dry.

好勒, 獎品既野就講到呢到啦.........點呀各位, 我夠唔夠晒呀?? arhahahaha!!!!
講真既, 唔使眼紅我地勒, 我講咁多其實係想帶出一樣野...................機會仲有呀 !!!!!!!!!!!!!


國泰又一大壇野 !!!!! 快d入去睇啦~~~

咁多位網友仔, 真係唔好話我唔提大家.....呢個活動, 頭頭尾尾送成 1800套機票, 有900個得獎者! 以我地玩左2年幾呢d網game既經驗黎講, 如果大家係有心做d作品出黎既話, 真係好有機會跑出, 再者就係個 game唔使你like我like佢like邊個, 係純技術既較量!! 短片, 相片, 文字, 音樂...任君選擇.

如果有興趣你可以參加葵青區同沙田區同我地直接比拚tim!!

真心, 有能力既你快d出手, 4/7 就cutoff架勒.........賺番張短途機票去個 relax trip都好丫~~

又有一堆比賽

係一位網友專程send俾我地睇既一個比賽~~~

Metro Advertising Challenge, 為都市日報設計品牌型像廣告. 內容可以係平面廣告, 戶外廣告, 網上廣告, TVC/Viral Video 都無問題.

最大問題係...........參加年齡 16-28!!

我地~~

唉~~

好hot既主題: low carbon

低碳點子齊分享, 家家生活更理想.

好直接, 用30-60秒既短片去fun 享你既低碳生活.

好強勁既名稱: 恒生銀行青年華人短片創作大賽2011

有兩個主題可以選擇: 身邊的一點愛 / 挫折之後

留意, 比賽有短片組同戲劇組之分....有意者, 自己再睇下勒.

National Geographic. 好奇看世界攝影比賽2011

主題就係"好奇看世界", 如果你係中學生既話, 仲可以參加埋短片比賽tim, 主題係"小城大事"!!

LAST呢個最犀利威!!!!

剩睇個名都夠殺 ~~

係澳洲昆士蘭旅遊局攪既活動, 可能對上果一次the best job in the world太成功勒, 衣家黎多個下集!!

呢次最主要既唔同在於參加單位會由個人變左做.......公司, 一間最少3人既公司.

參加方法好簡單, 只要先得到你老闆既同意, 再運用同事既大腦, 製作出有趣短片去展現為何你既公司係最棒的工作地方, 並且可以展示公司文化, 企業精神及熱情, 之後就等入圍!!

大獎係請晒d員工去旅行!!! 價值1000000澳元

老實講句, 要嬴呢個比賽, 談何容易丫 ~~ 不過係呢d世界性既活動平台入面, 其實都係一個無型既比拼, 希望會有香港既公司可以做到好既作品放上去, 為港爭光下啦!!

但係我心諗....究竟生活迫人既香港有幾多公司可以存在呢種工作氣氛, 又有閒情日誌去做呢d事呢...

sobplayer呢次想參賽既話就真係好蚊水.....但係假如有幸地, 你地既公司真係有以上既條件, 我覺得一定要向老闆提出去參與, 從中再去加強你地同事之間既sob !!!

呢到有一大堆既比賽

見我地成日都有獎品落袋咁過癮, 你地又想唔想贏埋一份呀?
下面有.....10個機會 ~~

呢個應該叫繪圖比賽, 幫HONDA 架Jazz設計個獨一無二既車身圖案, 勝出既單位會獨得成HK$20,000 既獎金呀...

肥星~~~~~~~~~~~~~~~

有興趣就入去睇下啦~~~

好簡單, 用50字講出妳喜愛英國既原因
勝出單位會得到2套來回英國既機票去轉旅行~~仲包酒店tim!

資料係呢到.

SOB未去過歐洲wor...可以諗下.

一年一度既大型國際性既活動, 不過參加者一定要係讀緊書既學生.
呢個條件, 無問題wor, 因為我地有小hee.........hahahaha

係學生既你就入黎啦, 入黎為港爭光呀 !!

都市日報既短片比賽

主題有3個任君選擇, my city, me and my friends, my funs

都係一個國際性既活動. 加油加油~~

information

u magazine, 好明顯係同旅行有關啦!
呢次係要大家扮導遊, 用相片或者video都無問題~
仲分埋本地遊同外地遊...夠晒多獎俾大家爭啦!
我地要玩呀 ~~
資料係到.

迪士尼channel既活動, 同世界最大既史迪仔影一張創意合照.
活動地點自己入去搵啦, 不過我可以話你知就快會完架勒, 有興趣就要把握時間.

贏左包你去東京迪士尼玩餐飽既~~

Sasa既32歲生日, 幫佢整段恭賀既生日短片
贏左送你HK$2000蚊coupons入店同自由人死過!

入佢地facebook可以睇到更多資料.

都係好簡單同直接, 係創意攝影.
不過佢地既冠軍獎品都幾名貴..canon EOS 7D~~
真係要認真...諗諗佢. 一齊入黎玩啦

含金量最高既活動.

用office2010 beta版既power point, 設計一個創意之旅
呢個比賽好鬼過癮...整ppt...係個must play function!

再者活動含金量係講緊每一個勝出單位都會有US$ 2010既現金同旅遊coupons做獎品!
即係每個得獎單位既所得價值係講緊......US$4020呀, 仲有成 3個名額tim

快d入黎睇下啦.

一口氣俾左咁多information大家, 自己都覺得好飽.....頂住

不過呢個係last 勒~

呢個function有咩特別?

因為呢個係唯一一個, 我地已經交左參賽作品既活動.

參與活動既朋友只要去citysuper既分店入面, 同佢地d同事影一張開心合照就得勒.
俾個貼士大家, 你搵果個同事係好重要架, 佢究竟俾唔俾到戲你.....會決定你張相, 夠唔夠特出!
至於我地邀請果個ma~~~ very g good!

俾晒戲 ~~~~

機會就係晒到架勒, 快d約埋三五知己去玩啦!

出左作品之後亦都可以係呢到reply番wor, 大家交流一下丫ma ~~

Always coca cola! 我地要既係.......票 ~~

可口可樂 個快樂長征呀~~唉
由於眾人工作繁重既關係, 原先打算出去拍拍外景既planning都係閣置左 ~
換黎由我用文字帶大家出走中環勒!

沿著電梯走, 開心唔使愁

要玩香港不能沒有 維港一遊
舉世聞名 因它的兩岸高樓
水深港闊 帶來香港無限成就

要嘆靚海景 黎個渡輪往中環
上岸再往街市走 新裝會令你驚嘆
再隨登山電梯上 與你遊歷中半山

踏著石磚路 兩旁皆是特式樓
西式建築群 時間洪流沖不走
中式小店鋪 別緻手作 應有盡有

拾級而上至羅便臣, 動植物公園在左近

猩猩馬騮蜥蝪蟒 嚇到你我心慌慌
溫室種植珍貴蘭 大家見到一定讚
喜見動植物生生不息 學懂欣賞生態環

離開公園行落山 蘭桂芳就係尾站
燈紅酒綠俾你嘆 開心大使樂忙返

插圖係呢個

用呢張相做插圖係因為當我交作品既時候, 大會系統死都話我既字數超出限制(實質真係無超出206字), 攪到我最後要delete左關於中環街市果句! 為左要令到個行程完整番, 我就用左小hee係中環街市影既呢張相law~~~都唔係好差jei !

咁你要識做啦.投票既 webpage 係呢到!
投票既step: 選擇作品, 加入投票藍, 按此投票, 輸入email同姓名....最後唔好miss左, 去返email確認投票.

黎啦, 睇文字係唔夠架, 送我地去親身同果幾位快樂大使行一轉啦!
之後去埋上海, 咁我地SOB好快會有旅遊特輯架勒

Coca-Cola, 206 project

活動全名係, 快樂長征206, 尋找香港快樂之旅~~~

簡單講, 就係早前可口可樂己經舉辦左一個叫快樂長征既function, 由全球既朋友(但我身邊無人聽過)選出左3個快樂大使. 佢地將會係一年之內遊歷世界上206個可以買到可口可樂既地方, 目標係從中搵出快樂既真締(應該係要搵大纜先扯得埋既關係, 哈)~~

襯住4月尾果3位快樂大使就會黎到香港, coca-cola就攪左呢個尋找香港快樂之旅既活動, 希望可以由唔到既網友之中搵到一d富有香港特色既行程俾呢幾個大使去體驗.

活動16號就會截止, 要玩就快勒.
你可以用文字+相片, 又或者係短片去表達個快樂之旅(206min之內).

羸左就醒你世博之旅 !!

可以介紹香港, 為香港出一分力既野, sob係一定喜歡的, gogogo !!

TEMPO紙手巾, 送你去旅行~~

由於我地呢陣子個勢幾好, 所以一鼓作氣之下用左好少既時間就出左以下既作品去挑戰tempo既旅行勒 ~~

打頭陣係呢個~~

短片作品, 1 take 開盒有幾難 ~~
演出, 輝哥 & 湯麵

拍攝及剪接, 小白

小白真係幾好野, 講左個 idea出黎, 佢真係跟到. 如果最後個music既尾收得唔好咁爛會更好!!

不過, 只係用咁少時間就出到呢個水準既作品, 算係咁勒 ~~

拿, 小白~~你成日投拆話自己要做幕後無得出鏡丫ma.

下面呢個版位, 我送既~~~見你條片整得咁鬼快手 !

識你咁耐, 最令仔係呢張架勒 ~~

: )

ok, 去番正題~~

第2 part既作品係文字創作

通常呢類既文字創作都係會交俾小hee/軟人去用歌詞(rap/數白攬)去做, 而呢次都唔例外~~

小hee, 用左好短既時間就交出以下功課.

一Take攪掂唔好拖~

tempo 紙巾, 方便易用一張一張

好過廁紙, 一唔小心 拉到匹布咁長

呢個品牌, 香港名牌, 陪住我地成長

最近既產品, 仲識得散發陣陣清香

紙巾一張一張, 代表住一種思想

就好似做野, 就緊係想一take過

今日既事今日做, 唔好拖得就拖

今個月尾仲做緊, 上個月既功課

所以大家唔好學我, 呢D 叫自食其果

人生一take 過, 點可以無老婆~~

我既人生目標, 係搵到個好太太

同佢結婚生仔, 遊遍海角天涯

保佢生活無憂, 成為我終生成就

婚姻一take 過, 對其他無慾無求

選擇再多, 我既人生, 只得一個妳

我淨係想拖住妳隻手, 同妳共詣連理

我會聽哂妳話, 妳叫我坐我唔敢企

老婆我愛妳, 希望妳聽到都唔好骨痺

其實每次都好期待睇佢地呢類既小品文字創作.

短短既幾行字, 唔會同你大講人生道理. 不過一定係你我都好容易遇到, 又或者一時間好易遺忘既生活態度! 仲要押下韻, 的確幾過癮~~

面對呢方面既作品, 我都真係甘拜下風.

SOB果然係周身刀, 張張利 !!

作品就介紹完勒, 好應該輪到朋友你為我地做出少少貢獻勒掛~~~

去呢個網址, 俾d support黎啦.

要撐我地既作品可以係搜尋作品既icon, 打入呢d ~~

短片作品: martin ho
文字作品: yip wai lam, lam hiu hee

唔好覺得我地咁少票數就唔撐我地呀!!

我估 tempo呢公間公司唔會咁蠢, 走去頒個獎俾果d暫時以萬9幾票領先緊既參賽者掛...講真果d作品真係.....好一般law ~~~~~~~~~~~~~~~~~~~~~

黎啦, 送我地去德國同日本啦 !!!!!!!

CX同我地..有緣無份~~

Oh No, 付出左勁多心機既短片.....

The fun is...watch your back, 係CX個Hong Kong 7既比賽都係輸左呀~~

未能打入最後3強走入大球場部電視同大家見面tim.

好似佢咁衰左收埸tim ~~

不過咁, 雖然今年條片入唔到大球場, 但我地反而可以親身去入場睇HK7 wor~~

就係因為上年既入圍, 今年我地得到2套既門券~~

終於可以親身入場感受咩叫.....party, 咩叫盛事勒

以前讀緊大學既時候, 基本上年年都講話想入場睇seven架勒~~

真係估唔到, 又係sob幫左我地, 一齊睇下我地d開心情況啦~~~

更多既相片, 大家隨時都可以係網上面搵到, 我都無畏再貼勒~~
不過呢次既經驗...點講呢~~

開心之餘會有少少~~~~~下面講.

置身於坐爆左既大球場果種感染力除左呢次, 我之前睇東亞運足球決賽果陣都感受過, 兩次既經歷其實分別好大.

嚴格黎講HK7唔係一個比賽, 係個一年一度既party~~

一個比較屬於洋人既 function, even在場既華人, 佢地都可能有7-8成係果種操一口流利外語既後生仔女. 至於我地呢種未出外浸過salt water既香港仔, 係呢個function始終係屬小眾.

當然, 置身當中係一定開心既, 但感覺點都係有少少怪怪的.

掉番轉, 上一次東亞運足球決賽既爆滿..係一個完完全全屬於香港人既活動(雖然觀眾並無扮鬼扮馬咁入場)wor, 直頭係上下一心tim. 但我可以講呢個經驗係可一,但唔知幾時可再...

唉..幾時先可以有一個屬於我地呢種香港仔既 party式大型活動攪到出黎呢....

講真果句, 我係堅唔抵得點解班外國既朋友可以每年都一定有機會係我地個香港大球場玩一轉架 ~~

算啦, 睇黎我都係諗多左勒.

你可能問我成篇blog都好似無咩提過呢次短片比賽d野 wor~~

點解?

因為呢次既失利, 我地又唔係睇得咁重wor, 反正拍野果日玩得勁開心, 跟住又有得入場睇HK7.

都係果句啦--賺玩

不過~~最後都要多謝番每位player對呢次條片果種出心出力既, 特別係呀浪大哥啦...我估條片你都剪得好辛苦架勒!