Tomy x Coke開心大使, featuring sob

同可樂玩呢次既開心長征--香港站, 真係少d腳骨力都唔掂~~我地10:45am由青衣城起動去北角集合, 直到5:00pm係上環解散, 中間真係full到暈.

不過~~~~呢個經驗係絕對值得回味而又開心既 !!

講番, 點解呢篇blog既heading會話係 featuring sob 呢~~

其實大會係活動之前已經同我講過希望係玩既過程同訪問之中都唔好提到關於sob既野, 因為佢地怕>x%*@*)!&()#%_*(一d 解釋啦).

唔打緊, 唔掛sob既名, 我地都一樣可以玩得勁開心~~況且, 我一條人, 真係攪唔掂!

活動入面要特別嗚謝既兩個sob人....由頭玩到尾, 同我一齊由青衣出發: 軟仔同熱奶.

佢地係架地鐵到......

好專心咁溫緊之前分派左既旅遊景點之英文介紹講稿.

d資料係我地自己搵! 不過好可惜......最後全部都無講過 -_-

點解? 一陣話你知.

由於行程真係好full, 呢次我既文字唔會去到太仔細勒, 反正可樂果邊都拍晒片同影左好多相, 到時大家一定有好多渠道可以睇得番既 ~~

真接fast forward去到..中環啦

最左邊既女仔係另一位香港既開心大使, 叫做JASMINE, 勝出者之一, 讀緊中一, 佢真係好叻女呀.行程入面佢同身邊既人都對答如流, 就算英文都係難唔到佢!! 面對一斑記者既提問亦都表現得非常之咁啖定. 叻女!!

我手上面果支旗就係熱生既出品, 得到左好多人既讚賞呀!

最右邊3個就係可樂既大使勒~~
女仔叫 Kelly, 紅帽個男仔係 Antonio, 擺左個好浮誇POST屎既就叫就 Tony.

我地身上面所穿既tee, 係大會提供...俾d close up 你地睇下

分別係領口同心口既 print.

睇黎可口可樂黎緊兩個大主題可能會係..

1. recycle 2. live positively.

一行 n 咁多既人, 就係好似我咁

拎住個小冰袋, 開始快樂之旅~~

係整個行程入面, 我覺得自己個表現都算係咁囉~~好多時我地一行人同路人之間既交流都係由我去initiate.

我就下下都係用呢句..呀姐/師父, hay!! 天口熱呀, 整罐可樂丫~~~好野黎架 !!

我征服左既單位有以下呢d.

派緊傳單, 同開緊飯既姐姐~~

魚檔同肉檔.......好血腥. (不過又襯番可樂既紅色wor~~)

台灣黎既朋友

我覺得自己呢次都真係做到加零一架勒~~

當然, 一路上都遇到d好大既問題架~~

就係佢地久唔久就要我講解....點解要帶佢地黎呢d景點~~~
我呢d英文只係有限公司既真係滴晒汗, 而由於身份關係, 又唔可以叫軟人熱奶佢地出手, 真係呢~~


最後...熱奶軟人果d繞口摻手既英文script, 就交左俾我係無準備既情況下講, 佢地就負責捉果幾個開心大使吹吹水~~~
我決定, 要學好英交.....miss tse, 我對妳唔住呀 ~~

講下我對果3位大使既感覺先~~

我覺得佢地的確係好容易開心同hyper既人, 不過係香港呢站...應該係有小小力不從心勒, 出現左一d疲態~~
尤其係我由佢地口中得知, 香港呢站係玩左70幾個站已黎最多指定動作(影相, 拍片, 訪問)要佢地攪既一次, 佢地係其他地方既行程都未試過有咁大班crew跟住一齊去行~~

呢個相點, 蘭芳園.

影一張相...要滿足既單位有咁多.

換句話說, 香港呢站應該係佢地最唔能夠 freestyle既一次~~不過, 佢地都話其實係好enjoy呢一個經驗既.

需然佢地既面上係有少少疲態, 但都依然係好專業, 有求必應, call 佢地影jump photo, 兩下就攪掂, jasmine都好叻女, 時間都捉得好好!

張相ok架, 係我地既角度拎得差d.

至於果3個大使會點睇我? 我估ok掛, 係下面果個moment, 佢地係服左我架!!

我同佢地講, 數3聲之後就要hyper起黎俾攝影師拍野(當時天氣太好, 佢地都熱到呆呆地)....
1.2.3之後, 我既爆seed, 係成功將佢地嚇倒既.

佢地面上既笑容, 相信係代表左一個服字. lmL

當旅程去到尾聲既時候, 我地完成埋可樂果邊既指定動作!

將有香港特色既罐裝可樂交俾佢地3個. 隨團既記者好多都已經散去.

時間就落番去SOB果到勒~~

其實我地都好多謝3位大使同可樂果邊既同事俾左呢個經驗我地, 所以最後都送上左兩件SOBtee俾以下單位.

分別有

可樂既代表Antonia

PR公司既陳凱妮小姐.

最細個係妳, 最多野做果個好似又係妳~~加油啦.

話實, 我又有野真係想問下~~ 原來妳唔係可樂既人, 點解interview既時候係都唔俾我影下可樂既office呀, 攪到之前interview篇Blog咁dry.

最後, 真心希望我地做既野係成功令到3位開心大使對香港既印象加分啦.

因為..SOB就係Sense Of Belonging~~

想睇多d呢次活動既相片紀錄可以去呢到.

飲罐可樂慶祝下先 ~~~~

朝9晚5係一般打工仔既(理想)office hour, 所以我今日既集中力都放晒係呢段時間入面~~

不過唔係因為工作wor, 而係希望我既念力可以帶黎可口可樂果邊既得獎通知.

終於, 16:55pm, 俾我等到妳勒~~~~~~~~~~~~~~~得獎呀, 羸左呀, 攪掂呀, lmL !! (Tiffany小姐..下次唔好咁遲啦, 我地呢d小參賽者好緊張架ma~~)

真係開心到, 紅都腦埋 ~~~

同可樂果邊溝通過, 佢地表示行程主要都會跟番我地個idea~~中環電梯

而主要既check pt暫定係下面呢幾個.

1. 中環街市

2. 荷理活道

3. Soho

4. 勝香園

5. 文武廟

睇黎我都要做下d research, 睇下點可以用英文介紹呢d地方勒~~

另外, 我地係個行程入面仲會有幾個task 希望做得到架.
詳細唔講, 不過其中一個同下面隻歌有關係.

就係半斤8兩勒...好野黎架!!

有咩用? 自己估下啦~~~

今日係同可樂果邊d同事傾有關個行程既大綱既時候, 我感受到佢地真係好尊重我果一次interview既時候所講過既所有提議. 可行,唔可行既都同我交代番晒, 真係very之good.

既然你地咁重視我所講過既野, 我地sob都一定唔會揸流攤~~~

因為唱好香港係我地最愛做既野 !!

lmL

30/04/10 見

今日, 27/04/10 終於見到officail 既 公佈勒~~

唔怪得可樂果邊d人成日叫我全名啦~~~
真係下下都黎華~~
叫tomy得架勒.

可樂.勁緊張interview~~

我地成日話, 每次領獎最希望就係可以同主辦單位互相交流, 希望藉呢個機會可以俾佢地知道sob係點樣既團隊....

不過講真, 又有幾多次真係做得到丫~~

唔係我地唔肯呀, 多數係人地無呢個閒情日誌law.

不過呢次唔同勒, 可口可樂既大長征入面..因為有interview呢part既關係, 直頭係攞正牌要傾計tim呀!

上去之前其實係少少緊張架勒, 不過見自己都準備得唔錯, 信心係有既.

去 reception搵 tiffany報完到, 跟口問佢可唔可以幫我係果到影張令相, 因為個reception d 佈置係ok令架 .......

嗚呀, 俾佢reject左呀~~大大大舊檸檬擠落黎~~~~~~~~~~

佢話個reception係唔可以影相. 當我想偷影時, 又俾佢睇到~~

攪到我真係堅緊張起黎呀. 好嚴緊呀, 身邊又無其他player啦我作戰...呢到, 我輸左.

就係因為咁, 呢篇野......無咩可樂office果邊既相lu.

下邊係...僅有既兩張

佢地reception出邊, 等lift時影~~

係lift 入面...

手上係佢地既小小紀念品, 一支紅色vitamin water.

另外果個 fred perry入住既就係今日既道具(嘩...sob tee走光呀!!)

講番少少interview既野, 我一對4, 一個計時, 3個評審, 分別係黎自可口可樂, 廣告公司同青恊既代表.

開始 5min既presentation之前, 我係評審張枱上面放低左呢幾件野.

唔好誤會, 呢張係熱奶屋企果張枱~~

雖然呢次, 因為大會安排既關係只係可以一人上場, 不過我又點會掟低你地呢.

我既開心行程presentation入面, 方向係咁既~~ 行咩地方, 什麼名勝完全唔係我所考慮既重點.

行程要3位快樂大使開心難忙. 佢地需要既唔係什麼美麗既名勝, 而係一班懂得開心, 能夠俾佢地感覺到香港人係幾咁有活力既一d 團友! 亦即係我地 sobplayer 勒.

所以, 我地創作既開心行程重點係, 點樣同開心大使之間創做出一d互動.

詳細既唔講啦, 有機會真係贏到的話, 大家就到時留意下啦.

講番, 今次雖然只係我一丁人走上去, 不過都不能沒殺佢地既付出既....

最後既旗仔(轉頭講)係佢print既

art work 佢出既

我要多個特寫! 因為呢張貼紙隨時就係唯一獎品(唔計支vitamin water).

今天, 一張相總結晒

墊底果張野係我presentation最後既殺著, 你睇唔睇得出係咩野丫......
係一支.....旗
每個旅行團都不能缺小既一支旗!

意思係, sobplayer已經 ready, 等可口可樂既開心大使就出到團勒~~

快樂長征206, 10大勒 !

經過一番既龍爭苦鬥, 最終SOB(我自己)係可口可樂呢個206project總算達到左at least既目標-- 入到最後十大, 可以同可樂既評審團會面.

入圍既過程真係..苦過deedee, 詳情就無畏講勒. 不過係呢到都要多謝投過我地票既朋友, 你地果票真係好幫到手, 好重要!

知道入左圍啦, 我衣家要做既野就係好好準備一下黎緊星期六既野勒. 到時我會同大會既評審團有一個大約15-20分鐘既見面時間. 我一定要好好去利用呢段短短既光陰去將xxxxxxx(唔話你知)清楚咁同佢地分享, 藉此爭取到.....

同佢地一齊玩既機會!

因為大會早前定下規矩既時候, 說明左活動只係個人參與, 所以係會面既時間我只可以單刀赴會, 諗起都真係緊張.

雖然呢次活動既過程, 其他player既參與度最終都唔會係好高, 但係講真果句, 唔係有SOB既使命感係後面撐住, 呢次既10 大一定無份!

所以 我係會面果日, 一定會諗到方法將佢地帶係身, 再叫佢地賜D力量過我既!

嗚呀 ~~~

lmL

Always coca cola! 我地要既係.......票 ~~

可口可樂 個快樂長征呀~~唉
由於眾人工作繁重既關係, 原先打算出去拍拍外景既planning都係閣置左 ~
換黎由我用文字帶大家出走中環勒!

沿著電梯走, 開心唔使愁

要玩香港不能沒有 維港一遊
舉世聞名 因它的兩岸高樓
水深港闊 帶來香港無限成就

要嘆靚海景 黎個渡輪往中環
上岸再往街市走 新裝會令你驚嘆
再隨登山電梯上 與你遊歷中半山

踏著石磚路 兩旁皆是特式樓
西式建築群 時間洪流沖不走
中式小店鋪 別緻手作 應有盡有

拾級而上至羅便臣, 動植物公園在左近

猩猩馬騮蜥蝪蟒 嚇到你我心慌慌
溫室種植珍貴蘭 大家見到一定讚
喜見動植物生生不息 學懂欣賞生態環

離開公園行落山 蘭桂芳就係尾站
燈紅酒綠俾你嘆 開心大使樂忙返

插圖係呢個

用呢張相做插圖係因為當我交作品既時候, 大會系統死都話我既字數超出限制(實質真係無超出206字), 攪到我最後要delete左關於中環街市果句! 為左要令到個行程完整番, 我就用左小hee係中環街市影既呢張相law~~~都唔係好差jei !

咁你要識做啦.投票既 webpage 係呢到!
投票既step: 選擇作品, 加入投票藍, 按此投票, 輸入email同姓名....最後唔好miss左, 去返email確認投票.

黎啦, 睇文字係唔夠架, 送我地去親身同果幾位快樂大使行一轉啦!
之後去埋上海, 咁我地SOB好快會有旅遊特輯架勒

Coca-Cola, 206 project

活動全名係, 快樂長征206, 尋找香港快樂之旅~~~

簡單講, 就係早前可口可樂己經舉辦左一個叫快樂長征既function, 由全球既朋友(但我身邊無人聽過)選出左3個快樂大使. 佢地將會係一年之內遊歷世界上206個可以買到可口可樂既地方, 目標係從中搵出快樂既真締(應該係要搵大纜先扯得埋既關係, 哈)~~

襯住4月尾果3位快樂大使就會黎到香港, coca-cola就攪左呢個尋找香港快樂之旅既活動, 希望可以由唔到既網友之中搵到一d富有香港特色既行程俾呢幾個大使去體驗.

活動16號就會截止, 要玩就快勒.
你可以用文字+相片, 又或者係短片去表達個快樂之旅(206min之內).

羸左就醒你世博之旅 !!

可以介紹香港, 為香港出一分力既野, sob係一定喜歡的, gogogo !!