不是一時貪玩: 香港旅遊發展局

顯示包含「香港旅遊發展局」標籤的文章。顯示所有文章

2012年2月7日星期二

林村拋寶牒之...行運一條龍!!

幾經辛苦而完成既作品, 係比賽當日安全落街, 向林村進發~~

俾個龍頭特寫大家睇下!!!

祝大家, 龍年由頭旺到落尾!!!

其實條尾都好精緻 ~~~

細超, 好野 !!

出發勒!~~~

再一次...要將紙皮道具運入超叔既戰車, 好迫呀~~

係車程入面依然要為作品加工.......何其急趕

半個鐘既車程話咁快就到,

一落車....大家就即時張牙舞抓了~

又真係好開心既~~

因為大家都好滿意今次既作品

跟住落黎有關比賽既花絮, 我打算用圖片記事......入黎facebook睇吧~~

另外, 我亦都準備左少少比賽片段, 有興趣欣賞既朋友就要加多兩分忍耐勒....因為無論剪接定拍攝既水準, 呢次都係......係囉.......慢用~~

無錯呀, 最終SOB既成績係季軍, 龍年第一次出賽就有進帳勒~~~~

跟住既篇幅, 主要想講多兩句關於玩呢次比賽既感覺~~
當初我地知道有份入圍, 但準備時間實在無多之下, 依然選擇去趕趕趕趕工, 用左一個晚上去打造呢隻SOB飛龍, 其實背後有咩意義呢??

老實講句, 比賽既獎金, 冠軍有HK$ 10,000 亞軍係HK$ 5,000 季軍都有HK$ 3,000! 攪手又同我講參加隊伍係有9隊, 我盤算左一陣, 1/3既參賽者都可以有野落袋....對SOB黎講似乎唔難.

但, 真心同大家講, 呢次我個擺位, 獎金唔係咁前~

解說.
SOB經常係訪問會講, 希望有朝一日能夠發起d具本土特色既民間活動, 香港人玩落會覺得開心, 外地人睇過又覺得非常獨特, 唯香港獨有既事情!! 好可惜一路以來, 我地都攪唔到d乜特別野出黎... 所以當我第一次係電台聽到呢個鬼馬造型掟寶牒活動既時候, 我心諗.......

掟寶牒呢件事情已經夠爆裂, 仲可以加埋鬼馬造型, 主題更加係龍的傳人.......中晒 !!!

係聽到廣告果一刻, 就已經認定左呢個比賽SOB係無理由唔派隊架勒. 既然我地未能build up屬於自己既一件事, 但坊間又有呢個咁合心水既活動, 所以即使當日既製作時間再急d都好, 面對呢個比賽, 棄是絕不能放的~
相對西班牙掟番茄..泰國潑水..芬蘭掟聖誕樹同掟電話比賽~ 我地既掟寶牒活動, 其實絕對唔會比下去的!!

我地就係帶住呢個定位黎林村玩架勒~~

最終我地得到季軍~

得到季軍開唔開心?? 開心呀, 點會唔開心!!
雖然老實d講, 係我(黎生, 唔一定代表客觀既事)心目中, SOB既行運一條龍, 無論係造型, 演出, 基本上係整過主題同演繹配合入面都已經超班~~ 不過我地都唔會介意賽果上面既少少失利, 因為....學輝哥佢果日講, 總之今日想得到既野, 我地都拎到~~

例如.

聽到呢隊十全十美, 嚇瓜客家美少女既歌喉

睇到呢對小兄妹玩我地個大頭佛時候既開心

係唔同新聞入面搶灘, 俾更多既人見到行運一條龍呢件咁偉大既作品. 尤其係我地都希望更多人可以見証到香港依然擁有充滿活力而且創意無限既年青人!!!

超鐘意姐姐果句, 我曾經美麗過~~~
以上種種開心, 都足夠叫我地唔再去研究有關比賽既失利啦. 而且我深信行運一條龍既出現係成功令比賽生色不少.

最後, 再講多句有關整個比賽同林村俾到我地既感想丫.....ummmm, 其實應該可以做得更好~~~

加油啦, 林村!!!
有緣的話, 下年再會吧~~

btw..主辦單位, 你地一定要一定要一定要補番個獎杯俾我地呀~~~

2012年2月5日星期日

林村拋寶牒之...什麼是deadline!!

早兩篇文章提過, SOB報名參加左林村既香港許願節其中一個活動, 鬼馬造型拋寶牒大賽. 報左名之後, 一路都音訊全無, 直到30/1個星期一!!!!! 終於收到大會既聯絡, 講番有關比賽詳情.

老實講句, 我早就以為SOB入唔到圍架勒, 因為章程寫左參賽名額有限, 超出左有限隊伍數目的話就要抽籤決定參賽資格. 我又點會諗到30號都仲可以收到比賽通知丫.

由30/1早上收到通知電話至 4/2中午比賽之間, 有五個工作天, 係真真正正要工作既日子....點攪好呢~ 死線當前, 但人人都忙到反肚, 個個都約晒朋友一放工就踢波跳舞, SOB應該決定參賽, 定退出算數??
um...當我考慮到個比賽咁富有香港特色, 而且仲有咁大既創作空間既時候, 唔好理勒, 上呀 !!!!

只係剩番 5個晚上~~~

星期一, 二我地都成功放空!! 直到星期三夜晚, 終於都開工勒~
首先將一批物資運到工場!!

所謂既物資, 未又係呢d由藥業大王, 細超sponsor我地既紙皮箱囉~~

跟手我地就決定左設計既草圖!!

因為活動主題係龍的傳人, 好直接, 就做一條龍啦~~~~~

前後攪左兩個幾鐘, 下面幅圖就係我地離開工場時完成既部份..

我仲決定左下一個SOB工作天係....3/2, 星期五晚上, 如果你係我, 會擔心爛尾ma~~

到左星期五, 工作時間大約係傍晚六點開始, 我地既策略係用力做好個.....龍頭!!!! 只因時間無多,幾大就幾大, 燒賣就燒賣~~~

係趕工既呢段時間, 實在係非常咁集中, 照片其實影得唔多. 不過, 都足夠交代有份係呢個生死存亡既晚上一齊出心出力趕左條飛龍出黎既朋友 !!

不死黎生

帶左一隻好幫得手既小野貓出黎, 仲整左條勁浮誇龍尾既超叔

上到工場訓左好q耐, 最後只係貢獻左一對龍眼既輝哥 !!!!!!

最緊要果個一定係放棄左一晚趕自己工作既時間, 又借出工場既星哥!!!

正常既朋友係好難忍受自己既屋企變做一個混亂既工場, 但佢做得到 !!!

星, you are my man !!!

就係以上5個單位, 經歷差不多5小時與紙皮既戰鬥.....一條霸氣十足既行運一條龍就係工場橫空出世勒!!!!!!!

仲有呢個DIY既大頭佛

實在太過不可思議, 短短5個小時就可以完成呢個咁圍大既作品, 唔好忙記我地SOB仲要未總動員tim架!!!!!
我好相信除左玩之外, 紙皮製作都已經成為左我地專業既一部份~~

待續..

2011年9月5日星期一

比賽態度!!

最新關於visa go購物王決賽當日既照片已經upload左去 facebook, 有興趣可以入去望下當日既花絮.

所以我話, 女生.....天生購物狂~~

就連勝出既單位都係女士包辦!

恭喜新加坡同南韓既朋友!!

講番我地, 之前話輝哥呢次比賽入面, 其實係有d無奈, 講緊係咩呢??

講緊就係佢地兩個比賽態度既不同....大家sync唔到.

驟眼望佢地呢一身造型, 唔差, 其實同outdoor既主題幾配合!!!

實情係點呢~~~

聽傻輝講番, 其實佢拍擋sunny係press當日見到其他強大既參賽者之後, 心入面已經打定輸數~~~~ 所以, 即使係仲未抽出dress up主題之前, 佢已經計劃好利用手上果$10,000去購入自己既心頭好----當中包括佢手上既 ipad.

最終主題係outdoor wear.........um, ipad x outdoor wear~~

其實真係好難向平審解釋一個 oudoor活動既 look點解要襯部ipad....

明顯地sunny已經將自己日常所需既考慮放左係購物時既第一位, 比賽既原意已經唔係最重要.

而佢地最終為ipad既出現, 解釋做行山出門時可以用黎睇...地圖~~~ 勉強都ok啦!!

其實都無得怪既, 始終贏輸真係無得話實, 如果為左個比賽, 買左好多唔適合自己既衫褲, 最後又輸左.....成萬蚊就泡左湯, 係幾陰公!! 所以sunny既選擇, 傻輝同我地都respect既~

但係, sunny哥......其實我地同勝利之間只係有咫尺既距離!!

我地一齊拆解下新加坡同韓國隊呢次比賽既勝利要素丫~~

新加坡隊

韓國隊

老老實實, 兩隊勝出既隊伍, 佢地呢套衫真係非常之出眾?

我只會話...唔差! 佢地呢個造型同其他隊比, 係無必勝既把握.

其實佢地最優勝既地方係舞台上既表現, 即係果10 min既 presentation.

用個簡單既例子去說明, 當日活動主持人係佢

joe(當日joe既表現, 真係好ok)

joe既職責係當每team完成1分鐘天橋show之後, 幫佢地主持埋剩餘既9分鐘時間, 盡量令每一隊都fully utilize果10分鐘. 如果無記錯, 只係唯獨新加坡同韓國隊兩team人係無需要呀joe出場幫手主持大局. 兩隊人自己已經完滿地安排晒台上面果10min既走位同對答.

唔使呀joe開口幫手之外, 韓國隊仲...

安排左一個靚女(左一)mc, 帶動場上既氣氛. 最右邊果位參賽者仲唱埋歌tim ar ~~~

至於新加坡呢, 佢地係台上面套衫的確係最搶眼既單位, 而佢地(兩姊妹)既合作其實亦都做得好好, 一個行, 轉身, 擺post....一個就專心為拍擋做解說, 真係淡淡定, 有錢剩!!!

一句講晒, 佢地每個人都好齊心, 睇得出真係決心要黎香港贏個比賽架!!

呢種齊心真係無得羨慕, 明查暗訪之下, 原來韓國隊兩個代表係自己地方已經玩左4個月既true man show先贏得呢個代表韓國, 挑戰香港既機會....4個月呀!! 至於新加坡隊都唔少野, 之前已經講過啦, 一樣係過五關斬六將. 亦都因為咁, 我地留意到呢兩個國家既crew係比賽入面係特別地多.

相比我地~~

呢個少少既pose同大澳買蝦醬已經係presentation既爆點...too bad~~~

佢地個presentation 仲係要由主持帶住, 如果無左呀joe, 可能5分鐘已經番埋位tim.

唉, 始終只係一張相咁簡單既投稿就可以得到既機會, 真係唔夠人地上心勒.

sob既另一個綽號......遊戲之鬼!! 呢個名雖然係我地自己俾自己, 但真係無亂黎, d玩樂比賽經驗唔係講假架...

我地心知呢一類比賽係舞台上面一定要有亮點!!!

所以呢, 歌, 我地都有預備唱~~

睇下我地個whatsapp group chat入面...

當傻輝shopping緊既時間, 一班狂人已經叫左輝哥準備支guitar唱首好歌(呢隻歌堅過韓妹果隻啦~~~).

當然, 輝哥最終係時間安排上面都略有不善.....唉, 攪唔掂~

算啦, 算啦, 算啦... 過去左就由佢勒, 雖然係有d可惜.

講番sob既定位丫, 我地當然想贏啦, 唔係話因為個獎金(其實都緊要既~~hehe), 係講緊為港爭光呀!!!

本來呢支旗真係拎黎俾輝哥披住, 繞場一週~~

由press當日開始派d飛龍襟章, 到完呢日我地拎住呢支旗, sob既人真係想盡量俾多d新邊既朋友感受到作為香港人既開心!! sob精神不死的, 我們不是一時貪玩 !!

最後比賽輸左都無辦法啦, 輝哥佢話自己已經做得唔錯勒~~ 尤其係一路幾日既活動入面, 有某2,3個地方既朋友都係比較含蓄, 佢係有主動去同呢幾個參賽者交流, 只可惜自己既英文真係有限公司. 就連台灣參賽者奈奈都有讚自己(講起又係, 奈奈既拍擋為左比賽, 攪到要去急証室tim!!! 呢d就係比賽態度!!)

我心諗, 話晒係東道主ma, 招呼客人呢d野, 很正常吧!!
你件幾千蚊既風褸都袋袋平安啦~~~

都未計其他!!!

仲有, sob無收adidas錢架wor, 點解要攪到自己成身都係先~~~~
褸褲鞋最主要既都係 adi !!

好啦, visa呢個活動就就告一段落勒, 真心多謝hktb 同visa既朋友選左陳生出黎, 俾我地一次可以識到好多外地新朋友, 同玩得咁過癮既機會. 仲有sunny哥, 你d英文, 勁!! 多得你, 輝哥先可以勉強招架到外地既傳媒. 仲有仲有, 肥郭sir同我拉旗!!!

嚴格黎講, 我地無輸,

因為我地呢次係玩得好鬼開心！！ (基本上sob無輸過)

2011年9月4日星期日

翻滾吧, 輝哥!!

有睇新聞都知架勒, 我地既輝哥.........

敗陣了~~~

你問我香港隊係未完全輸晒, 無得鬥?? um....論當日係決賽舞台上既表現....係~~

但當我有機會一路跟進晒整個活動過程之後, 我敢講--唔是無得鬥的 !!

點樣有得鬥? 一齊回帶去活動既第二日開始講起.

呢日入面, 一眾參賽者要係8小時之內就住佢地所抽到既潮流主題去變身, 有咁潮得咁潮. 而為左公平起見, 大家都係呢一刻先一齊抽出自己既題目.

俾大家揀, 你prefer??
傻生之前被訪問果時答sport wear, 因為佢覺得兩個人都黑黑地, 運動型. 襯outdoor既衫褲應該可以幾好, 面且sport既衫褲可以有大d變化. 至於最唔想中就係職場果個, 因為呢類衫好難可以著得有咩突破.
拍檔sunny哥剛剛相反, 佢最想抽到職場型格主題!! 原因係---d衫可以番工著番!!! 呢個論點非常之好, 始終成萬蚊, 如果最後買左d野番去用唔番(大會係唔會收番參賽者所購買既物件), 又真係幾灰~~~

我地sob應大會要求, 並無搵人一齊跟住輝哥shopping做記錄, 負責人話香港隊已經佔左天時同地利既優勢啦, 如果仲要容許我地加多個人係買衫既時間俾意見, 就實在對其他人太唔公平勒~~

結果, 我地既策略係用whatsapp既group chat, 希望可以同輝哥交換idea!!!

一斑sob既戰士由9點幾開始已經係個group chat入面講過不停, 東拉西扯....最奇怪既係, 輝哥一路都無搭嘴. 我地不停問佢衣家既情況係點, 抽到咩主題, 叫佢講講講講野, 仲係潛水ing!!

差唔多打算要報警搵失蹤人口架勒!!!

11:14am 傻輝: out door.

yeah !!!! outdoor !!!! 開到正一正啦!!!!

萬分歡喜, whatsapp入面我地繼續熱烈地彈琴, 熱烈地唱!!! 意見口水橫飛!!!
但輝哥..........從此亦都不再回我地一句.
最後問番佢, 原來一路都有大會既人跟住, 唔方便去睇呢d msg(公平問題), 而且又有大量既記者要應付, 再者............佢地既時間真係好趕!! 亦都係呢個原因, 上面打左咁大篇野都無出幾多張相(輝哥無問間影).

我地唯有睇大會既巡邏影片啦

終於, 令我地心急如焚既8個鐘過去勒......

我地亦都接上左輝哥!!!!