遊戲節目, 輸得喜

我地有份果集贏得樂, 玩得喜已經出左街成個星期勒!! 你睇左未? 有無興趣望下咁呢?

一路都無update係因為我衣家先可以搵到條片放俾大家慢用.

(rthk個重溫質素好低清)

點解個cap圖...咁~~~

遊戲最終, sob所屬既男組輸左...實在係有負遊戲之鬼呢個稱號....唉~~~~

如果要我為呢次落敗搵一個原因的話...

我會咁講: 節目入面有一定既人數, 其實裡邊每個人都有唔同角色, 亦有唔同目的. 佢既出現負責攪氣氛, 佢既職責係帶領遊戲進度, 佢出現為左令節目帶黎更多noise, 佢希望藉節目宣傳自己, 等等等等.

至於sob出現既角色責任呢? 我地其實只係想做玩家.....玩~~

點都好, 呢次都係難得既經驗,

thx, edde

再多d...講個game show.

等到了...呢篇文章出街既時候, 之前一路都講果個港台遊戲節目(贏得樂 玩得喜)終於都播影(9/7開始逢星期6, 7:30-8:30)勒.

一路都無放太多相上黎係因為要專重番人地d行規, 節目未出街就唔好流太多野出去.

依家就可以好放心咁再同大家分享多d野勒.

最初...

第一次見識到港台個電視廠...幾塊簡單而又灰暗既佈景~~

呢次~~

一個放滿佈景版, 色彩繽紛既廠景!! 身處其中, 人都開心d啦~~

講下拍攝日d得意野先!

果日我地到左港台個化妝間, 係到等緊指示既時候, 慢慢開始見到呢次節目既另外一d嘉賓朋友...見下一個, 見下一個, 我地開始發覺身上面既牛記粒記...haha.

為左要幫sob加下分, 我地唯有玩下第d野law~~

先玩隻手.

人地既selling point係爆型既外觀, 我地自知無得鬥....

咁我地就玩...乜都要一致~

米老鼠腳..

he hae ha hoo..

玩完~~~

一集1個鐘既program, 頭頭尾尾攪左4個幾鐘, 前後玩左4個遊戲.

sobplayer x rthk

諗番之前係pre-game果次仲玩左另外2個遊戲, 即係已經6個...

講真, 好似都無乜邊個game係我地題議過既idaea, 所以嚴格黎講我地個腦呢次都唔係好幫到手.

真係唔好意思勒, 港台既朋友~~

講番個節目丫, 正式播影就未睇到(呢篇野, 我係8號打既), 不過由第一身玩家既角度出發...我相信都仲有好多改善空間, 始終呢類綜藝節目係rthk黎講都係一個好新既嘗試(以我既認知), 尤其係佢地作為政府機構, 好多野都要好小心, 自由度亦有限. 但呢次一定係個nice try! 加油呀港台既大哥們, 俾多d得意野我地睇丫, 我唔想睇咁多勾心鬥角既電視劇呀~~

最後勒, 如果你有興趣睇高清sobplayer....

下個星期六, 730-830. atv, 我地係第2集既朋友~~
btw..高清肥星好令仔 !!

少少花絮~

因為要尊重製作單位既關係, 關於節目場境暫時唔會post太多, 但我都有唔少得意野可以同大家分享下~~

呢一輯Game show入面, 每一集都會分兩組去比賽, 紅同藍組, 而呢次我地被分派入藍組.

有樣野好可惜, sobtee並無藍色既版本, 所以...

黑tee加個body-print上手. 我唔明點解肥星要咁樣對我隻右手law ~~~

以為已經完成造型啦..點知我同肥星哥原來仲要獻出人生既第一次!!

化妝!!!
3條黑蚊蚊既人都要上粉底, 梳眉毛~ 感覺對我黎講真係不多良好.

係人地個化妝間攪下望下, 跟住就見到我地呢集既其中一位嘉賓.

袁彌明小姐~

原來佢好好人wor, 仲幾好傾tim!!
拍攝當日留意到袁小姐佢的確係有腦之人, 節目出街既時候留意下.

睇圖大家可能會以為玩家就只得3位(黎生, 輝哥同小肥星), 但其實我地都好齊人出黎係後面support~~

就係細超, 呀浪同軟人.

再俾多d節目入面既亮點大家望下..

唔使介紹啦, 忠哥係呢一輯節目既主持, 就連個場景佈置都係用佢既Q版人型去做包裝.

話俾大家知, 現場所見, 佢既腦轉數都真係好快, 亦無咩架子, 會同我地呢d閒角傾計, 好人黎架~~

呢位美少女就係節目既game girl, 戲份都好重, 係唯一一個有私家咪長駐口邊既人! 亦都因為咁, 拍攝現場經常有((怪聲))產生, 服左佢~~

左邊叫奇寶, 右邊係anna. 佢地都係呢輯節目入面經常會出現既比賽者.

奇寶先生佢既特點係短期記憶力---強! 至於anna既selling point就係---笑點高! 有腳眼咁高!!

最後送上當日藍組大合照~~

想睇以遊戲之鬼自居既我地係個節目入面既表現, 7月留意留意勒~~

同港台有咩關係先 ~

仲記唔記得我地之前講過sob踩入香港電台果件事? 等我 remind 下大家, 係呢到.

原來已經足足兩個月之前既事, 係時間可以俾d膠袋大家勒~~

講下呢個cross over既來龍去墨!!

24/3

我地係青衣城mc 記同港台既朋友黎左一次會面

港台電視部係7月初將會有個1小時既game show遊戲節目係亞視高清台播影, 佢地構思緊個節目內容既時候, 其中一位導演巧合地睇到我地係星期日檔案既內容, 覺得大家可以交換下係 玩 方面既心得, 就係由呢刻開始, 我地同港台拉上左....小小關係.

2/4

經個第一次既互相介紹認識, 我地係呢日就同港台黎多次約會.

誠意絕對十足, 我地拎住個枕頭過黎打算長時間作戰 (你信唔信?)~~

先走去參觀人地個廠同控制室~~

最後仲入埋房同各位大導演"撞橋"開會, 睇下我地既玩樂經驗可唔可以俾到個節目少少衝擊.

30/5

我唔知道之前兩次既會面究竟幫唔幫到手, 但就有幸出席左呢個遊戲節目既pilot show(試玩, 但當真去拍攝).

個節目就係叫做--贏得樂 玩得喜.

20/6

可能因為我地有份係個program入面俾過少少意見既關係, 所以sob都被邀請成為其中一集既玩家~~

而呢日就完成左個拍攝勒, 應該會係第二集既嘉賓.

戰鬥啦~~~

由第一次接觸到衣家, 足足係3個月既時間, 我地sob已經玩埋電視既廠境拍攝, 仲可以有機會睇到佢地制作背後既其他細節, 經驗係幾難得, 過癮~~~

拍攝當日既情況, 待續...

四月, 應該係個好日子~~

短短幾日, 開心既事情已經不停地發生係身邊~~

1. SOB係今年既活動比賽入面, 終於打破左個悶局勒, 有獎呀!!!

my picturetown 旅遊達人路線大比拚.

我地再一次利用東涌單車果批相片參賽, 入圍左第五周既推介之一(衣家個個都知黎生個全名...).

個活動既感覺真係有d似我地最早期拎第一個獎, google mymap個比賽, 所以做起上黎都算係比較易上手.

雖然, 我地衣家只係入圍左第5周既精選路線, 得到既獎品係.....價值hk$17.44 既6個月金會藉, 哈哈!!! 始終都係2011既第一次, 點都要好好記得既~~ 況且, 我相信sob呢個作品絕對仲有機會問頂最終既獎項~~

得閒一齊俾d念力出黎啦!!

2. SOB x RTHK

機緣巧合之下, 我地搭上左港台既朋友, 黎緊會有d 交流....

早幾日, 我地就好似番到小學時期去可樂廠參觀一樣, 去港台走左轉~~

詳細情況就唔講太多住勒, 始終要尊重番製作單位, 況且我地既參與都係屬於好初步階段.

呢個機會真係好值得開心, 我地終於有機會嘗試發揮呢個角色既能力勒~~~

究竟我地會點樣參與係呢個programme入面呢? 請各位朋友......息目以待!!

遲d再同大家分享多少少果日既活動相片~~

有相勒, 係呢到, (07/april/11)