久違了的...

好耐無見, 等得好辛苦ma?? (我堅信唔會係自己一相情願的!!!)

當大家等緊我地有咩事發生既同時, 其實我地都等緊............

獎杯呀 !!!!!!!!!!!!!!!    SOB 既第二個~~~
係之前參加林村掟寶牒比賽既季軍獎杯.

唔好以為我地只係對相機電話呢d獎品先會感到興奮....SOB一眾player對個獎杯都虎視眈眈~~

經過左一番龍爭虎鬥之後.......

最終......

 獎杯...落戶軟人屋企~~

由於打鬥過程異常激烈精彩, 諗諗下真係無奶油浪費左呢輯好相片. 決定用黎提交下面呢個比賽.

活動既網址係呢到

兩大主題
~ '1'做主題既 snapshot
~ 冠軍一刻


係未正式睇到SOB既作品前, player之間早已經視下面呢張相為最大假想敵....

真係一個好爆裂既對手!!

過兩日, 當edit好幾張參賽相片既時候就會再放上黎同大家分享架勒.... 等我地 ~~

最後要特別嗚謝兩個單位~~

生日飯局被騎劫既恆恆, 祝妳一路 no.1

好用力幫我地紀錄打鬥情況既攝影師, 良  from SC lab

其實 良 前前後後已經幫我地出過好幾次唔同既作品, 所以都希望透過呢次機會俾番個支持佢既 SC Lab, 加油 !!!!

update,

黎緊就係新年假, hae都hae唔到咁多日架啦~~~
誠意推介大家下面一系列既消閒活動.

你會點玩tablet PC.

好簡單, 用文字或相片, 創造出你自己獨有既一套----玩部 tablet PC既方法.

睇番d參賽者既作品, 都幾係天馬行空, 有興趣就自己腦風暴下啦. 留意番, 你想嬴既話又要同人鬥like(最無畏既一步)~~~

佳能保鮮貼士分享比賽

點樣玩法都好明顯啦, 下ma~

如果佳能可以將你同我既夢想保鮮.....你話幾好!! 呢個世界就唔會有咸魚勒.

屋仔命名大賽

(估唔到, 竟然再有一次玩中原呢d活動比賽~~)

簡單d, 即係幫呢隻係中原既廣告入面好hot既公仔改名

你對佢唔會無印象啦~~

Bon weekend, 攝影比賽

利用呢新假期送既呢部toy cam

影底自己個開心weekend...((唔使同鬥like~~))

至冧一刻拍拍獎

參加呢個比賽, 有一個條件....要有一個可以同你咀咀既 partner~

抵丫! 嬴左包你酒店機票去旅行!!

如果覺得只係兩條友走一轉, 都係唔夠...呢到有一個終極活動俾你挑戰

Travel the World in 80 Days

送機票, 酒店, pocket money俾你去旅行!!! 很想要吧~~
好可惜, 如果你要參加的話, 要先問問自己既英文去到咩程度勒.......

事關活動入面, 你準備既所有介紹短片, 故仔通通都要用 鷹古劣殊!!

唉...香港公司呢架ma.....都唔使攪到唔受廣東話玩架 ~~

活動update就去到呢到先啦, 夠飽架勒. 跟住我想緊接番上一篇提過既比賽.

無錯, 我地係入唔到圍既果個~~

大家一齊欣賞下個得獎作品

冠

亞

所以呢, 講真果句... ok 架. 我地抵輸, 原全唔係果個 approach~~

迎接女朋友一號 ～～～

3/12既下晝, 我同肥星懷住一個興奮既心情去接女朋友lu ~~~~~~~

雖然今次既領獎活動人丁單薄左少少, 不過我地既戰衣依然有出場.

zoom in

我已經係第二次黎呢個office, 佢就第一次, 所以俾左男model 呢個位佢做...

我覺得呢個藍色牆身既樓梯, 其實幾係一個 icon去令人記得呢個地方, at least 我就係呢種人~~~因為上次黎interview時, 唔知點解好記得呢個位, 牆身上面掛既相, 都唔夠d藍色令人印象深刻.

星哥佢話要做番得獎作品既表情wor......

不過我真係唔明點解佢鐘意拎d咁慘, 咁衰既樣出黎~~

等左一陣, 電話入面既林小姐帶左我地入一間房

跟手黎左個簡單而又隆重(因為值7000幾蚊)既簽收儀式, 我地就正式將女朋友收歸國有勒 !!!!!

我地同林小姐講, 不如妳同我地影張相啦, 當係妳頒獎俾我地咁樣, 紀一個念...

佢答..唔好啦(勁灰)~~因為佢知我地會將幅相放係呢個blog, 既然係咁, 我地都無畏強人所難啦. 當然, 我地都好多謝妳有睇我地呢個不是一時貪玩既~~ 不過咁! 因為同妳電話傾過幾次計, 我覺得妳真係好好人, 而我又有義務為一眾既讀者(可能只係其他無黎既player)報告領獎既賽況wor~~~咁點呢 !!!

..

..

..

..

..

..

..

..

..

..

唔好意思呀, 我唯有用其他人既相代替妳既真面目啦, 林小姐~~~~

..

..

..

..

..
各位觀眾, 林小姐大約就係咁既樣架勒 ~~

..

..

..

..

..

係差唔多似架勒 ~~~~~
你都想見佢一面ma>>? 咁大家就要多d參加新假期既活動勒, 羸左佢未會聯絡妳law, 呵呵 !!

番黎正題先, 接左女朋友之後, 林小姐叫我地留一留低, 佢話有位同事想同我地就住不是一時貪玩呢個blog傾下計~~咁得意!! 我地緊係留低啦!!

等左陣, 果位朋友入左黎勒~~眼前出現既小姐係之前負責幫超級玩家做interview既同事, 佢叫 Clara. 我地傾左幾分鐘既時間, 佢一開首就同我講唔好意思, 佢指因為超級玩家既 interview入面, 佢地要求既野同我演出既有d出入, 所以先至未有揀我入十強, 當然我既表現都好特出(佢真係咁講架). 不過講真丫, 有咩所畏呢~~我地呢d出得黎玩既, 又點會介意呢d羸輸丫, 玩過, 開心過就得架勒(湯麵好型呀!!!).

大家客氣幾句後, Clara就講番點解今次想留底同我地傾陣計, 原來佢有上過黎呢個blog(hello, Clara, 妳唔介意我紀錄番呢d野ma), 覺得我地呢jar人做既野都有d特別, 想再了解多少少.......

詳細既對話唔講太多勒, respect番人家丫ma~~但我可以話大家知過程係開心既, 睇得出佢真係對sob既野好有興趣, 當然我都好樂意將去同佢分享, 我地從來未試過領完獎之後有咁多時間同d活動既負責人溝通交流架~~

開開心心傾完計, 我地就帶女朋友番屋企lu ~~

係囉, 正正經經未好law, 肥仔~~

返到屋企, Clara有個問題係我個頭到轉左好一陣子, 佢問我呢個blog多唔多人睇, 果下真係唔知點反應~~~~~我笑騎騎地, 有少少唔好意思地, 好老實咁講---真係唔多, 跟住b li 巴啦東南西北, 都唔記得仲講左d咩野.

Blog既人流的確係我每日都留意既野, 講真人流係唔見得有d咩野突破...不過咁!! 我信, 只要我深信不是一時貪玩係有質素既blog, 我地呢到只會愈黎愈多正面既, 令人開心既內容, 咁樣其實已經好足夠. 人流既野其實唔應該太在意, 就讓這一切隨風 ~~~~~~~~

最後, 送條片俾Clara, 條片係我地之前為一個台灣既比賽而做既, 你可以睇下我地d player...


Enjoy..
新假期, SOB多謝妳!!

羸左個女朋友1 號 ~~

30/11既傍晚時間, 見到電話有個不知名人士打黎既miss call, 仲好有心咁留左個遺言俾我...

*92, 我聽...
留言既第一句.......你~~係未sob呀?
不得了勒, 呢句野好明顯話左俾我知, sobplayer又有勝利事件勒!!!
我覆番個電話, 開開心心咁同一位林小姐傾左陣, 原來我地係贏左早前新假期個比賽呀～～

其實結果應該係27/11公布架, 果日我地勁期待架.......仲等我地灰左2日. 不過遲call, 緊係好過無call啦! 等到你啦, 新假期 !

下邊就係我地既得獎作品勒 ~~

搵好野食!

caption by william
Official 既 result page 係呢到.

肥星問, 係未真係可以做一期封面wor? 好可惜, 呢次活動既獎品只係panasonic既GF1, 呢件獎品當然比做cover boy 更加very g good啦。

Sobplayer, 等領獎!

PS. 軟人, 你law右既犧牲無白廢到架 !

超級玩家 ？!

新假期雜誌係早陣子攪左一個招募超級玩家既活動，目的係選出一個最懂得玩既終極玩家, 並以120,000既年薪包佢周遊列國, 幫新假期做宣傳~~
當然, 我無放過呢個玩既機會, 仲單人匹馬參加左個比賽tim...只可惜事情黎得快, 去得仲快, 我當日既表現得唔到評判既賞識, 出局~~

有相為証架, 我仲改左個名做sob tim, d staff問我個名點讀.....我答: "soup"
事後我心諗....算啦, 成壇野快過打針, 好似無野好寫, 諗住唔去記錄件事啦. 啍..原來好戲仲在後頭.
2/11收到一個新假期既email, 原來超級玩家個project仲有第二波活動. 佢地用左play office既主題係times square做左個booth去宣傳...


佢地個booth好好好過癮!!
成壇野都係立體架, 真係好值得讚賞 .

個booth分左兩part既game,
第一part玩法係要玩家做晒事先set好既幾個check pt, 之後就可以參加一個獎品好勁既抽獎!!


第二part就係我地既主打, 利用佢地呢幾個巨型雜誌cover既backjob, 影低有趣既合照,參加比賽。


除左要贊個booth外, 我覺得新假期d仕打夫都好值得加許, 睇下佢地幾鬼投入去同我地互動先!!

幾咁識搶鏡....

仲要我地幫佢...影


ok..無問題, 幫妳吹埋泡泡~~~

花絮.


幾咁開心先得架 ~~
當然最緊要既仲有呀葉生提供既兩件道具, 大叉同大刀啦 !

因為我地果日比較遲黎, 影緊相既時候有新假期d同事同我地講, 叫我地快d玩左part 1果到d game 先, 因為果d先係重點, 有大獎抽....果陣時, 我地幾條友竟然真係對果part 野無咩興趣, 我地寧願係d 大cover 到影多幾張作品, 希望影到滿意既相, 都唔過去用少少時間博佢果個有機票抽既遊戲....最終我地真係無玩到果part野, 無得抽獎(仕打夫, 你地太絕情勒.....).
雖則無得抽獎, 不過我再一次係呢到體現到sob既精神---有得開心係最重要, 獎品只係其次 !

我終於知點解自己唔入圍勒, 因為我唔係超級玩家, 我係屬於一個叫sob既超級(專業)玩家團隊.

合照~~

lmL

參賽作品已 ready~~新假期, 我等你 !