爆呀 !! 甜品

今晚係電視就會見到SOB出現, 真係緊張到反胃~~

尤其係爆波呢個重頭戲, 煞科一幕, 究竟好唔好睇呢? 個效果會係點, 夠唔夠熱鬧?

睇完呀浪條片, 放心左好多.

果日, 應該很高興.

We do having fun~

多謝呀浪大哥既拍攝同剪輯
多謝photoblog既合作
多謝呀恆既意見
多謝各玩家既參與
多謝SOB大帝既組織
最後, 多謝呢首好歌, 馮曦妤--- I Love Sunshine !!!!

睇完你有咩感覺?

熱生係呢句: 其實開心好簡單,

我補下一句: 最緊要好玩

lmL

爆呀 !! 主菜

影完裙底相, 係時間進入主菜活動勒~~

要做既第一件事就係將波波橋上面既氣球分派俾在場既每位玩家.

但問題出左黎勒...普遍既朋友都係太怕羞勒~~

佢地只係攞1.2個細波......

你睇下面兩位人兄

下次大家要搶多D特別/大波擺係身架ma, 唔好咁快爆晒, 抵玩好多~~~

無意中發現爆波都可以出現既政治元素, 真係估你地唔到

各就各位之後, 就係我地既起爆禮~~~

啪~~

開始 ！！！

睇下其中一段, 現場實況~

一輪激戰之後, 最後既戰士分番男女子組, 再被人群圍起, 收細範圍隻揪~~

男戰~

女戰~

話俾無黎既朋友知, 女方既決勝戰比男方既激烈程度, 有過之而無不及!!!!

最後經過左大約15min既跑跳踫, 全港第二界爆波帝同爆波后都成功產生~~

佢地分別得到珍藏版sobtee同龜苓膏禮劵之外...仲有特別獎品~~~

就係.......無線既專訪機會 !! (不過, 唔知出唔出到街.)

呢個獎勁過上次果 $500 it coupons啦 !!

爆波果日黎到呢到總算係完滿結束, 我估有份參與既朋友應該都無失望掛.

感想我係呢到唔寫....住~

但係最後, 我都想同大家講呢次爆波活動入面, SOB既總開支, 係 HK$2509.6

至於我地既收入? 唔係$...

我地其中最主要既一個收入就係呢張有聲既相入面, 你地呢個樣~~

thx~~

keep lmL

爆呀 !! 前菜

26/2, 天晴氣朗既一日, 兩項活動係迪欣活順利地舉行~~

Photoblog x SOBplayer

果日既早上, SOB分開左兩個小隊去行動

a. 熱奶, FAI哥, 軟人, 同細超帶領住一批青衣人直接提早出發去迪欣湖準備氣球

b. 我, 小白, 肥星,同呀浪就去九龍塘預備另外一批氣球同帶隊上車出發~~

之前一晚都心知不妙架勒, 呢個分隊....結果一如所料, a隊發生既野就唔知, 我呢邊真係要去到集合時間1:30先係個站頭埋首泵波...激死~

好采, 我都搵到eason同郭sir做我呢邊既緊密戰友jei~~

唔知咁多位大帝幾時先可以學懂睇錶. 人都癲.

等埋photoblog既朋友, 一行幾十人就上車向目的地進發勒.

我地支旗同城巴, 點睇都係咁襯 !!

今次我地架車full好多勒, 尤其係多左一批photoblog既朋友, 成架車都熱鬧非常. 亦都因為咁, 我地係車程入面準備氣球既地方亦都細左, 而且又要顧上顧下, 又要拍野......一個字, 倒瀉籮蟹~~

我都話左早d到, 唔好係車到攪d氣球架啦~~

可幸既係, 車上面既朋友都好樂意幫手, 一齊準備d細ball.

大約30分鐘既車程, 到勒 !!

一問之下, 原來有圍數唔少既朋友都未黎過迪欣湖!!

呢次活動, 總算最少都帶左呢個新景點俾果幾位朋友啦~~~

門口7仔既5分鐘補給時間..

氣球一路都係小朋友既好伴侶~~

幾唔夠人手~~~

攪掂晒之後我地就大大步向大草原進發!!

入緊去呢個時候, 我都唔知a小隊咩情況架, 不過離遠見到佢地既時候.....

a小隊合照, 放心晒!

嚴格黎講, 佢地呢邊係準備得比我地好tim~

大家settle好之後, 第一件事除左繼續泵波之外,就係要升旗

SOB既草地之上, 小熙,! 你無離開過我地~~

跟住落黎既時間就係photoblog既see you around勒~

可能因為早上熱左身既關係啦, 一團人好快手已經圍成一個圈, 起左個壇. 效率極高~~
不過呢, 我地呢邊既人就有d....怕羞.


結果, 我地就要出手勒~

經過熱身之後, 情況都好左好多~


跟手我地就去左解決另一個問題--d氣球係草地上面吹黎吹去...keep住自爆!!
唔知邊個就決定將d波掛起佢.


無心插柳之下...成為左呢次活動既一大景點~~


我地幾個人一路係到攪呢條波波橋既時候, 大家一路都繼續自娛緊

玩板, 玩泡~


當大家都玩得7788, 我地就開始左個mass game去熱身~

先用大風吹分組~


再分出6條人型蜈蚣進行玩報紙比賽




講真, 呢個小遊戲都係試下水溫, 睇下大家既反應jei,


幾好..唔錯wor ~
扮完蜈蚣後就進入我地既主菜勒.....爆波!


不過~~~
我地要先同果d綁到我地手指劇痛既氣球黎一張裙底照, 就當係送d波最後一程啦!!



80人齊集!
P.S. 要特別向黎自photolia既mr關講聲唔該, 張相影得very之good~~


再續...