我地既東華, 140周年勒~~

尋日返工既時候, 見到有人賣旗...
我離遠已經認得套校服. 無錯, 呢次既主辦機構係東華三院.
又一年勒~~~

而由於要趕上班既關係, 我只好簡單咁留低左個一蚊, 就買左呢支旗.

上到地鐵細心望下支旗, 發覺原來今年係東華既140周年!

而亦都可能因為咁, 呢一次支旗既設計的確同以往有好大既分別.

既然係咁, 食東華奶水大既sob都真係好應該回饋一下東華既養育之恩!!

我講既東華奶水, 分別係黎自: 東華三院黃士心小學 及 東華三院吳祥川紀念中學

唉, 睇番條片先知...我真係唔應該搵monkey同學啦我一齊做對手戲~~~

我最後係條片入面講果句, 叫monkey要知道咩野係SOB....講既唔係sobplayer, 係講緊sense of belonging.
同學仔, 如果你有睇到呢篇文章既話, 有時間就諗下自己 belongs to 咩野勒, 又諗下點解我地要捐呢$500蚊俾東華, 希望你諗得通啦~~

一齊去睇真ｄ支旗～～

又真係幾令既~~

你地邊個無呀, 我呢到有 15張.

last but not least, (讀書時成日用, 出到黎做野無用過, 衣家拎番出黎先~~)
thx 東華

sense of belonging

今日係中五放榜既日子, 係到祝願各中五同學成功考取到自己心目中既分數!

除左放榜之外, 今日仲係一個好特別既日子! 我唔係指果隻天鵝既來去匆匆, 反而因為佢走得快, 我今日先可以係返公司途中, 遇見及支持呢一日既賣旗團體--東華三院.

對於作為飲東華三院奶水大既我, 真係諗唔到半個理由唔去支持. 我拎住一張$10膠鈔, 跟一位東華三院張明添中學既同學仔交易, 佢表現得有d怕羞. 我問佢可唔可以用$10 蚊交換成張貼紙, 佢有d 手足無措, 奇怪緊我點會問呢個問題!? 佢可能心諗呢條友傻架, 你俾錢, 我俾旗, 話知你俾幾多啦! 無錯勒, 原來佢心諗既一張, 即係一格仔, 但我指既一張係成張未用過既一整張, 所以佢將旗仔貼左俾我後, 我地兩個呆望左一秒, 我睇住佢嘴上代表青春既汗毛同眼神, 有d閃動及放空. 跟住我再講多一句, 我係想要成張....

當然, 張旗最後都成功入手. 再多口問佢一句, 你地張明添係東華既第幾中? 佢d放空既眼神又出左黎, 果下我真係笑左. 我同佢講, 東華三院有好多間中學架ma, 跟番個成立時間, 有個排位, 以我讀果間吳祥川為例就係第十三中! 我問佢聽過未, 佢答我......未. 咁我唯有笑住同佢講byebye啦.睇黎衣家d學生, 對自己學校既sense of belonging (sob) 都愈黎愈少架勒~~~

返到office, 聽到有關放榜既消息, 發現一個好奇怪既報導. 原來衣家有部分中五既學生即使考得唔錯, 有廿幾分可以原校升讀中六, 但佢地竟然會選擇放棄, 走去什麼恒生商學院之類既地方繼續升學, 道理係因為呢d商院既入大學率較高 ! 唉..咩世界. 難道一間母校真係唔可以俾到學生歸屬感嗎, 那兒的人和事, 真的是這樣不值得學生去留戀? 作為老師會唔會有難受既感覺呢? 一班培育左五年既學生, 對自己既學校竟可如此冷漠...

係我既角度, 讀書升學當然緊要, 但一個人的成功, 隨了學業外, 還有更多雖要配合既原素, 空有亮麗既成績單, 並唔足以叫我去欣賞一個人.

上年我係背包釘上左呢個母校既校徽..東華三院吳祥川紀念中學.