馬年第一GIG

已經係 2014 年既 3月, 對上一次UPDATE係 2013年 9月.
的確, 係懶到入左骨髓.

本身想早D出今年第一篇文, 用一篇勝利既文章開2014年個靚頭.
無錯, 雖然無UPDATE個BLOG, 但久唔久係仲有玩下比賽.

一如以往, 我地充滿信心咁等, 慢慢等, 慢慢慢等, 個結果係前日終於出到.......所以, 到今日先有呢篇文章.


活動係新年果陣攪既, 要對聯!!











主辦單位係我地個前金主 ROADSHOW


果陣聽朋友話個遊戲主題要玩對聯果陣, 感覺其實一般, 普通野, 唔似會好好玩.
直至睇到大會出果D 上聯既時, 番晒黎 !!!

睇下D 上聯

一豹而紅
馬年日日做女王
馬年打得又睇得
馬年ROCK起來
馬年有HEART兼有火

哈 ! 明晒 !  D上聯有英文既 ! 玩味都好重 !


參賽策略好簡單, 係我地個雞煲(WHATSAPP谷)入面, 掟晒D上聯出黎, 幾條人自然會對穿牆上身.


原文俾大家欣賞下D聯 !

部份文字, 為左保護作者形象....所以黑左~~~


經過維持約一個鐘既 WHATSAPP 糾纏, 最後派左6句見得人既出戰.


結果~~

4個得獎者, 2個係我地~~
唔太差吧.
(排第一果句, 六馬XX, 原全唔明~）


得獎, 其實算係意料中事, 無特別...反而有個後續野幾好笑~~


話說, 4份獎品入面, 我地真係無敵想要果條頸巾, 但實情係無得揀, 應該係RANDOM派發.
跟住就開始討論起究竟可以得到條頸巾既機率...

討論左好耐, 直頭係FACEBOOK出埋POST問.

雖然真心覺無聊, 但都仲未有肯定既答案....

就係咁, 馬年一個唔錯既靚頭就由兩份名貴既獎品開左.
唔怕同大家講, 黎緊應該好快又多份APPLE 野落袋, WAHAhaaaaaa

成件事雖然係遲左少少, 但遲到總好過無到. 話得係用黎開年, 就係到補祝番大家......

不是一時貪玩吧.

我月餅你呀 (roadshow) 17_09_2013

要數中國節日, 最有氣氛, 自己最享受, 唔使講一定係春節(新年), 至於排第二.....細個果陣一定係揀中秋, 因為難得可以攞正牌出夜街, 玩火, 煲爉, 燒燈籠. 但自從唔知邊年開始見住有屋村管理員會拎住滅火筒喺八月十五巡街之後, 煲爉---完成左佢嘅歷史任務, 就連爉燭點多幾支都會俾人口頭警告, 唉~~~

家陣人大左, 對中秋嘅感覺更開始會有點灰, 因為各大商家都睇準我哋---禮多人不怪嘅(惡)習, 導致氾濫嘅月餅同月餅廣告鋪天蓋地而至, 真係睇同食都飽.

好啦, 一於襯住麥記仲未推出月餅之前, 教大家如何尋回節曰送禮嘅真諦!!

今日我哋黎一個月餅do it yourself !!!!
我哋要整 冰皮月餅 !!

整野食, 首要任務緊係搵食譜, 其實唔難,  一野就google到!!  跟手去買材料嘅期間, 發覺原來有好多店舖都預備左自製月餅package, 有埋教學仲溝好晒材料份量~~

一見到呢個禮品包, 心入面不禁歎聲very之good

一間鋪頭就買到晒所有要嘅野, 連埋解說~~




呢次活動嘅兩個負責人, 分別係..

靚仔界別嘅代表, 黎生

可愛教主系, 肥聲

講多無謂, 去片最實際!!

片長6分零鐘, 大家可以睇到我哋係幾咁認真對待每一個步驟, 一絲不苟嘅精神, 細緻到就連攪拌嘅速度都係非常注重, 跟本就無不成功嘅可能!

好可惜, 事與願為

真係千算萬算都唔明點解會攪唔掂 !!

味道, 我唔品評勒.

如果要我總結一個失敗原因, 問題好明顯一定喺個食譜上面!!

雖然月餅係攪唔成, 不過咁! 作為一篇提醒大家節日送禮的意義嘅文章, 我認為係絕對成功.
送禮唔好攪到好似習慣咁啦, 我心諗一年都不知有幾多未開封嘅月餅最後去左堆田區.  diy唔成月餅嘅材料, 起馬可以用黎做pancake丫~~

攤開晒tography (roadshow) 30_08_2013

有無發覺最近朋友圈入面多左一類相片, 好似下面呢張咁嘅style~~

張相係早陣子同朋友開party前, 幫當日d酒水食物影嘅遺照.
有無似曾相識??




簡單d講: 呢類相片係將一堆相關主題嘅野, 整整齊齊排好再影嘅相.

我唔知坊間有無呢種相片嘅正式學名, 不過我哋就暫稱之為---攤開晒tography !!

攤開晒tography 之所以吸引到我哋嘅眼球, 係始於最近 instagram 入面一眾潮流人士樂此不疲咁分享得到自己寵幸嘅衫褲鞋襪.

去instagram search outfitgrid 呢個 tag 就會有大量俾你參考



名正言順, 9成9以上真係得outfit, 唔會有底衫底褲show 俾你睇~~

事情再發展落去, 多左呢個變奏

煮飯前要黎張

整燈泡前都黎張



要search到呢類相, 個tag打 thingsorganizedneatly, 又蠢又準嘅tag.

上面d相都影得好睇, 細心望下就會發覺呢類相片其實有幾個重點!!!!
1.相入面嘅野排得齊之外, 仲一件一件分開, 好少有重疊位
2.有一個好簡潔嘅background.
3.最後階段係好興加番d濾鏡效果, 倍感格調

我哋搵黎兩個players做一個示範.

下面呢張係星哥一個好錯嘅演練.

邊爐嘅攤開晒tography…好嚴重嘅求其. 鬆郁濛有齊之餘, 背景同物件嘅擺位都未見心思

另一張, 屬於頂級作品.

肚痛攤開晒tography

解說: 因為我哋無辦法將整個屎塔起出黎好discrete去影, 所以用左imply consent嘅手法, 利用個屎塔蓋同最平民嘅白色磚牆去表達厠所入面個屎塔本身. 此外, 攝影者對相片主題嘅觸覺亦顯得相對細心, 就連要黎送藥杯水都影埋.

最後, 係張相加入一個Romance嘅濾鏡效果 --- 不得了, 成件事溫馨晒

呢段Facebook 同 instagram依然當道嘅時間, 人人都係品牌, 攤開晒tography絕對係其中一個好好用嘅工具俾你有效宣示所長, sell 感性, 玩性感, 去旅行, 定玩烹飪.

來! 一齊攤晒d野出黎 !!
挖埋條腸出黎影丫, 笨~~

你問我問點解你訪問我 (roadshow) 16_08_2013

上篇BLOG入面, 我哋聲稱自己得到ROADSHOW誠邀去做佢哋STARBLOG入面其中一個highlight單位. 明眼人應該唔睇都知係吹水架勒, 正常人一睇條片都實會知係玩野, 尤其係個...字幕~~  (朋友話呢個係進撃之巨人主題曲歌詞, 我唔識日文......信住先.)

講番點解會有呢壇野嘅出現~
其實D相同短片係黎自一個訪問, 雜誌毛幫我哋做嘅.

估下係乜丫~~

今日(15/08)已經出左街, 有興趣就整番本啦, 毛本身都好睇, d編輯又有慧眼, 買!!
早係安排呢個訪問之前, 心裡面都已經打算玩呢個star blog惡攪.

Star  blog----真係唔應該無我哋份. 適逢毛又搵我哋做訪問, 就一於借個機會, 自己影d花絮, 剪剪貼貼, 攪掂.

喺呢到都多謝兩位小編同兩位攝影師吧! 加油, 你哋得架(仲未畢業嘅你哋, 好青春呀~~), 篇報導有爆點, 好好呀!!
另外都講聲唔好意思啦, 騎劫左你哋個訪問.
既然講起訪問, 就研究下我點睇訪問呢件事呢(四句, 有三個訪問, 訪問夠未?)~~

成個香港咁多傳媒, 久唔久都會見做呢行嘅朋友好努力喺facebook問/搵故仔去報導..

當然, 香港雖然地方細細, 都會有好多得意野發生, 而我哋都算係其中一個單位啦, 幾年間大大小小嘅傳媒都叫做觸及過下. 但我想話, 衣家遇到訪問邀請嘅時候, 心情同開始果陣已經有幾大分別. 因為兩三次嘅訪問之後, 我哋發覺內容好似總係離唔開下面呢d:

我哋點解/點樣開始,
有乜目標,
點睇香港,
點叫好玩,
有乜難忘…等等
真係有少少公式左呢, 而且好多野….blog都寫左的~

拿拿拿, 先唔好話我囂張住, 我哋仲係好welcome俾人(女性優先)訪問, 除左因為可以識多個朋友, 同多d人傾計外, 又可以見報(sob除左愛玩, 可能更愛出風頭), 何樂而不為呢~

以前, 即使人唔到, 相都要參與去個訪問入面

認真講句. 所謂嘅訪問對我哋黎講只係----有野玩, 一次玩樂嘅機會.

由始至終我哋都無諗過要借報導/訪問去宣傳自己的什麼什麼, 又彧者帶出咩野警世信息, 都係當玩only. 所以曾幾何時, 我哋係諗過可唔可以喺全統嘅訪問入面, 搵個突破位. 例如:

--搵一個同我哋素未謀面嘅網友一齊去, 搵佢代答
--叫軟人做小熙, 傻輝做湯麵, 小白做肥聲, 熱奶做大哥, 自己玩自己
--叫記者答, 我哋邊個最靚仔, 點解, 詳述之, 解到我o岩聽先準停
--叫記者自己報導番雜誌鮮為人知嘅一面俾我哋聽(即係….同我哋吹水)
其他老正嘅問題, 係blog入面搵就攪掂啦~~

所以呢, 我哋並唔係覺得訪問無聊/無價值, 而係想個訪問黎得比較特別, 有其他得意野可以發生, 而呢次毛嘅騎劫, 的確算係一個幾成功嘅突破, 哈!

話說回來, 訪問入面, 有一類問題我自己係好鬼驚, 關於’’點解你哋咁鐘意香港?’’ 或者 ‘‘點解要拎住支區旗去旅行?’’
唔係話介意去答呢類問題, 但好怕講完之後, 報導入面就會無端端多左個好愛香港嘅光環喺入面……我哋都係鐘意講玩多d~~

Star blog煉成了﹣感恩 (roadshow) 06_08_2013

當初一心諗住創作一個能夠代表香港嘅產品, 幾個人誤打誤撞之下開始, 演變到久唔久有公司''送禮''-----相機電話又旅行...不特止, 仲可以上埋電視電台雜誌做被訪者, 呢一切嘅發生對我哋嚟講已經係超額完成(未完架, 但我詞窮)~~


而早兩個月開始, 我哋更有幸喺roadshow呢個平台分享sob嘅一點一滴, 呢種得到別人肯定同欣賞嘅感覺, 真係令人好鼓舞~~


而更估唔到嘅係.....真係點都唔會諗到...我哋竟然.....

話說roadshow呢個平台剛剛推出左個project, 叫做''star blog是如何煉成的''.

大家可以入嚟睇吓


http://www.roadshow.hk/star-blog/

主題係star blog!!  星!!!  明星個星!!!

即係點?
細心望下你會發現網頁入面係由一眾有份喺roadshow 連載文章嘅博客之中, 精選左一批最為人所共知嘅單位走埋一齊, 而且個別拍左段介紹自己個blog嘅短片.

重點嚟勒..........

見到ma !!  大家見到ma !!
(張相係未出街架, 今日優先為我哋嘅粉線送上)

我哋得到roadshow嘅邀請, 將會成為star blog入面嘅一員呀!!!  Roadshow咁樣嘅安排真係叫我哋受寵若驚, 自問....我哋依家嘅知名度又點可以說得上係''星''呢~~

不過, 同roadshow果邊嘅朋友傾完之後, 發覺人家真係誠意拳拳, 好難推却...

結果, 我哋選擇左盡自己嘅努力去配合, 一齊完成呢個星級訪問.





精彩無??
已經好認真架勒.....始終, 呢顃型認真嘅見樣訪問都唔係我哋嘅強項, 有講得唔好嘅地方, 大家就多多包涵勒.

由幾個唔知醜嘅中學同學, 一味靠玩去到成為''star blog''嘅一員, 可以同千萬票房電影導演彭浩翔, 女神吳若希, 甜姐兒糖妹做鄰居. 我哋一定會好好珍惜呢個機會, 繼續玩好自己嘅blog俾大家睇!!

最後, 關於我哋呢個star blog嘅內容將會喺下一個phase由roadshow果邊update, 大家等下啦~
stay tune

以上內容, 純屬虛構 >0<

那天，我跟空氣...(roadshow) 19_07_2013

呢條片, 你睇左未?




聽講話係微博上面已經走紅左, 我一路睇既時候, 都邊笑邊起雞皮, 兩位小朋友好成功 !!

呢種表演叫做air guitar, 係其他國家早就有比賽, 興左好一段日子, 我哋亦都曾幾何時....

我哋個level只係去得到相片嘅水平, 真正專業係下面呢位長毛先生

2012年國際空氣結他冠軍



呢種投入同忘我, 真係唔是講笑!!!  大家不防關埋房門自己試玩下就會知道.

你話!  Air guitar係未難玩得黎又有趣先!!!  發明得出呢項活動條友一定好有創意~~

好勒, 講完咁大抽關於air guitar嘅野, 其實想講乜呢~~

既然有得air guitar, 大家都不如諗下仲有咩活動係可以air進行?
Air drum?
Air violin?
Air piano?

話你知, 早係2008年, 我哋仲未接觸過air guitar之前, 果一年嘅台灣旅行入面, 我哋就已經發明左....

Air 踢毯+Air tennis (聽埋聲,呢個真係似到呢~~)+air skateboard都好好睇





無聊! 但堅好玩!!
呢班人走埋一齊就係會產生呢類玩意...

你有無另類air活動提意??  有嘅不防提出, 我哋可以啦你一齊空氣一下.

媽，我番來囉~~ (roadshow) 11_07_2013

係厠所做緊正經野嘅時候, 手上面嘅電話(無錯, 電話係入得厠所, 上得床的~~~)傳來一個whatsapp 信息, 單字一個''win''.

無頭無尾, 完全唔明條友up乜, 繼續黎多幾個短絀嘅msg後.....組織番, 原來係關於我哋個作品''引睇上升鄭多燕''已經喺上篇blog入面提到果個比賽脫穎而出.

我好冷靜咁用一張相回應位朋友.

心情似乎都未算好驚喜, 但都當然係開心嘅!!! 話晒我哋已經好耐無獎落袋, 黎到7月都終於開到dry.

或者, 多次嘅勝利已經令我嘅心入面早就認定左大家係born to win嘅戰士掛~~
贏? 平常野姐, arahaha

有圖有真相呀!!

略厭手臂肌肉嘅陰影唔多夠~


其實, 呢次都過癮! 第一次辦緊大事時收到得獎通知~~ 淨完身就再投入番得獎後嘅討論.
起初以為活動獎品會係入間雜誌社做100個鐘員工或者外賣自取呢本雜誌100期, 二擇其一, 但傾傾下先知原來大會真係會送部電腦俾我哋. 哈, 咁我哋真係可以黎一次真嘅''引睇上升鄭多燕''勒!! 等下~~

關於呢次嘅得獎作品, 原來係有人唔明相片上面''幾禾''係咩意思....其實佢係普通話發聲 ''給我''.
已經唔記得左係幾時開始, player之間已經好興用''幾禾'' 黎做叫囂時嘅語句, 而效果又奇佳, 習慣就係咁形成勒.

''幾禾'' 係好野黎, 我誠意介紹俾大家.

獎. 我哋當然未拎, 但我就有絕對嘅信心, 大會一定會俾果部NOTEBOOK我, 唔會要我日日去佢哋個facebook吹佢哋出貨~~ 另外, 究竟應該派人入條毛裡面做野定自取其毛好呢?

比賽--kai oriented (roadshow) 04_07_2013

一款新出嘅NOTE BOOK為左可以標榜自己個多用途性(摺得, 反得, 企得), 搵左最近果本紅到發毛嘅雜誌聯手攪左個攝影比賽.

比賽宗旨係要影出一部咁多變化嘅noteobook 究竟可以點樣溶入你個生活, 感覺好似幾考創意咁~

不過, 當睇到佢哋俾左嘅一d舉例.....真係吹到''啤''一聲~~

寫潮文

研究量子力學

相士睇樓

跑步機上睇進擊之巨人

播住YouTube示範做yoga

睇住YouTube示範堅做yoga
etc.....

明晒!!!!
即係玩野!!! 目標為本, 呢次張相嘅方向係三個字 ''K  A  I ''

好啦, 既然大會鐘意玩鬥kai, 我哋當然要搵番最kai嘅player俾意見, 佢係熱奶. 呢次, 全盤由佢指揮.

真係不負眾望, 佢俾左一個好cake無聊嘅idea出黎.

''引睇上升鄭多燕''

概念係利用果部notebook嘅特質, 摺成V型, 放喺呢個健身架上面.

故事主角就可以一路睇住燕姐, 聽住個beat, 一路引體上升勒!!

為左d相, 真係做到手震, 出晒汗....


最後加番少少ps

我哋呢個概念夠KAI了吧.



呢張相就係我哋最終嘅作品勒~~

我完全唔明一個工程師嘅notebook入面, 點解唔可以有d好睇少少嘅字型用下....攪到我哋個 ''幾禾'' 無晒霸氣~~~

直頭係有一陣娘味出左黎tim...

關於創作就講到呢到, 跟住記錄下過程入面嘅一點點7吧~~

你有幾耐未試過影相時先發覺部相機無入張sd card?

我真係未試過! 最多都係唔記得叉電架姐, 呢次俾奶哥拎左第一次~~


一如平時嘅工作, 死線前先交野, 結果亦都好順利地upload唔到張相去大會網站, 唯有inbox俾佢哋啦.
下面係我哋嘅msg


我真係嘗試左, 用晒所有BROWSER都UP唔到張相, 好努力架勒....但條死線又就快黎到WOR(我PRINT 左SCREEN 你地睇).....咁未唯有INBOX你地囉.
呢到係我既資料
Xxxxxxxx
xxxxxxxx
你侵埋我玩啦~~~~

本人認為呢個msg KAI到出汁.


最後, 要補充一句, 佢哋呢個比賽其中一份獎品真係好趣緻
一係入間雜誌社做100個鐘員工(俾你體驗, 唔好諗住有人工...)
一係送你呢本雜誌100期(但係要自己上佢OFFICE攞).
咁都諗得到, 心情特別好!!  呢一舊毛真係好有創意 ~~

大手作仔 (roadshow) 27_06_2013

可愛嘅屈不得雖然離開左, 但並唔代表香港人無野好影~~ 反而, 各大商場好似打仗咁, 各自拎左唔同嘅公仔番黎攪展覽. 

時代廣場有怪獸大學, 海港城有龍貓, 我屋企果邊低個檔次嘅青衣城都有despicable me. 鐘意影相嘅情侶又多幾個check point勒, 不過付帶條件係....幾個大蛇餅你受.

本來都影左幾張相, 打算寫下呢個character騎劫商場嘅情況, 但攪攪下又覺得都已經日見夜見(商場, 7仔, 海報, 雜誌....) 算勒!!  

倒不如, 睇我哋嘅character, 我哋嘅手作啦!!   

反正roadshow嘅朋友應該都唔係好清楚我哋嘅手作技能~~

哈~~~~

因為呢個雷神, 我哋就去左美國.

當日佢係好俾戲, 好有心機

原來要買咁大個東同西瓜都有難度的

第二變, 屍巴達!!!

完全俾雷神哥比下去嘅CAPTAIN輝

簡單而又易認嘅讓笑彈飛

我無野講...脾達

行運一條龍

龍頭特寫, 勁精緻!!

可愛大頭佛

終極大製作! 左起, 薄切薑餅人, 胡很塗夾子, 骰盅雪人, 聖誕裱一隻, 可以不理聖誕老人

仲有佢, 有MUSIC PLAYER, 有小便開口(男性專用)嘅流動薑餅屋

點可以無我哋呢架小反車呢~

入面嘅PARTS, 法拉利式死氣喉

呢個頭叫咩名呢, 唔記得左

領航員燒米, 果粒蟹子最精境!!

極受歡迎的回魂LEO

睇番呢d相, 真係唔可以唔服自己咁有心機去做呢d野出黎, 仲要多數都係廢物再用, 呢d手作野character, 係未正斗先!!

如果俾我揀, 個龍頭一定係我嘅最愛~~  但好可惜, 佢同其他嘅道具都只得一個下場........堆田區~

無陰公呀.....我哋都好想有地方擺放自己嘅作品架, 每次親手放低件玩具喺垃圾筒質邊嘅時候, 感覺都好差.

激死我.


最後, 俾多張無心插柳之下做左出黎嘅手作大家睇!!

期待下次嘅玩具.