tvb 後群

自從出現左係星期日檔案之後, sob既際遇似乎有左一個幾大既 breakthrough.


同大家分享一下.
首先, 我講緊既breakthrough唔係話 Facebook fanspage既人數大升呢d數字遊戲(呢一點之前已經提過), 我口中所講既係一d機會既offer.

黎勒wor-----玩左兩年有多既sob
第一次有小fans send email黎介紹我地去參加網上比賽,
第一次有活動單位邀請去玩佢地既活動,
第一次有有PR公司聯絡我地,
第一次有電視人搵我地一齊"度橋",
第一次有學校叫我地去同學生分享經驗. < 呢個最正 !

好多野都仲係屬於非常初步既階段, 之後點樣發展落去仲係未知之數.

當然啦, 做咩都好, sob既人都一定會記住自己既宗旨, 唔會distract左既. 不過, 呢d邀請都等於某程度上既認同, 我地都非常開心, 又可以見多d, 學多d勒~~

少少預告丫, 上面咁多個第一次入面, 衣家confirm左既只有一個, 就係sob會派員去一間中學分享我地既爛玩經歷.

當然, 衣家我唔開學校名.....住!! 因為我想俾多少少神秘感果批學生. 唯一tips: 如果你地中四既通識科係要睇星期日檔案做報告既話....可能就係你地學校勒 !!

最後, 送多一張相俾大家. 因為比賽而去影既相

影果時只係keep住諗個動作設計, 衣家先留意到句slogan原來咁有meaning.

Cheers to Win. 幾時都啱用 !

To 朋友仔

自節目出街後, 我地收到史無前例咁多既feedback, 有d係黎自facebook, 有d係email, 當中有男有女, 有小朋友(我估), 爸爸媽媽, 老師, 同事, 朋友既朋友, 四方八面~~~~

好彩, 眼見大多數既意見都係表示支持我地, 希望可以快d見到有新活動一齊玩, 一齊參與. 有人什至表示希望成為sob會員之一, 有d更加開到口話願意幫手準備活動tim!!

感動~~~~~~~

認真講句, 我地sob每次收到呢類坊間俾我地既feedback都非常開心, 因為每個回應都係一種無型既推動力, 俾到我地信心去繼續發展sob既故事. 所以, 我對每一個朋友既留言/email都係好認真地回答, 無交行貨!!!! 大家不防去睇下d facebook既 reply!!

我地有用個心去答架.

所以大家都唔好收埋自己既聲音或者意見, 我地係會認真思考去回應你地架 !!

講到有心, 真係不得不俾番一個credit我地既母校, 因為我地發現到呢篇學校入面既專題

it is gratifying to note that they have lived up to the expectation of our school Motto, not only while they were in school --- when they are in the society

俾學校咁樣去讚, 真係攪到我地紅都面晒~~~

最後, 我想同各位表示想加入sob既朋友講聲, u ar already a sobplayer!!

thx for being one of us.

幾千人join既facebook fanspage對我地黎講無咩意義, 呢d都係門面數字.

我地想要既係可以開心交流既平台, 一班要玩既時候願意挺身而出既player.

see you soon.

SOB @ 星期日檔案~

第一件事, 你睇左未?

未! 唔緊要, 快d過去tvb.com既mytv睇番!! 我地俾埋個地址你~

節目出街呢日, 我地十幾人加隻小狗一齊聚集係朋友家中欣賞自己既演出!

熱鬧到不行~

唔知你地睇既時候有咩感覺, 我地一班人就真係高潮跌起.

精彩既片頭

風韻猶存既夢露

安西教練(許sir)既爆肚

去到爆ball日既盛況.

...分分鐘都咁精彩!!

由大約兩個月前收到tvb既查詢, 直到前幾日節目出街, 呢次絕對算係SOB付出得最多, 準備時間亦都最長既一個project. 當然, 最後得出黎果22分半鐘, 我地睇得好開心, 整個拍攝過程亦都好值得回味!!

呢次經歷應該夠講一世~~~

成個節目可以順利出街, 其實要多謝唔同單位之間既配合, 所以SOB真係要好認真地多謝以下朋友.

東華三院吳祥川紀念中學.

鄧蕙珍校長, 多謝妳唔介意我地番黎學校取境, 仲俾我第一次入到校長室!!

許sir, 要你落場同我地踢波, 辛苦晒勒!!

當然仲有張sir同譚副校兩位既幫手~~

圖中小朋友既媽媽同佢auntie

為左配合拍攝既內容, 兩位姐姐本來都已經準備充足去粉墨登場....好可惜最後都因為片長既關係, 未有將片段放入節目當中. 不過, 我地點都要係到同兩位姐姐再一次講聲thank you! 多謝佢地為左拍攝所俾出黎既心機同時間.

Photoblog.hk

如果唔係得你地既合作幫手, 爆波呢日唔會有咁熱鬧既場面, 實在實在非常感激!!

尤其係當我見個節目入面都無特別去俾番credit你地果時...唉, 真係唔好意思呀 ~~~

see you around, 希望你地最終條片一樣精彩!!

一分半鐘版試片.

期待我地下次可以再有更別出心裁既cross over!!

TVB

先多謝記者恆哥仔! 如果唔係你咁有心去鑽研SOB, 我地應該唔會有呢個機會出現係星期日檔案.

仲有一路都只聞其聲既阮小清小姐, 多謝妳批准SOB出現係節目入面~

當然唔少得拍攝其間, 一路都擔住部好大既攝錄機果3位攝影師, 真係辛苦晒!!

另外特別想向負責剪接節目開段d graphic既果位師父講聲, 你edit得好好好睇!!

又一件值得記載既事件寫入左SOB既履歷表勒, 感覺良好.

最後送上一位小fans留俾我地既一隻歌作結

各位, keep lmL ~~

TVB 個 B 呀 ~~

首先 !!!!!

多謝個天空為SOB放晴!! 令我地可以係太陽底下爆波~~~

OK, 爆波呢日既野就寫到呢到先啦!!

其實仲想寫架, 好可惜....

我地SOB仲收緊相~~

俾d時間我地, 收夠d精華之後就會即刻出番記錄架勒!!

講番TVB呢到勒~

究竟我地黎緊係會出現係邊個節目入面呢?

呢陣子有睇我地facebook既話, 你就一定會知, 就係呢個勒!

星期日檔案. (其實個讀白, 又認真左少少既....應該咁樣: 一大班人踩波, 除左因為貪玩, 呢班後生仔......)

主題--不是一時貪玩 (用番我地個blog既名, 非常之咁好) 有興趣就記低時間勒, 6/3, 7:35pm

一諗到會係電視見到自己, 背脊真係滴汗.....好緊張~~~~

到時個節目出街有咩反應, 衣家都唔到我地去理架勒, 講真我地衣家已經絕對叫做賺左. 賺既除左係得到別人對sob既提點, 仲有就係一d好過癮既拍攝經驗~~

講下d得意野丫, 唔計爆波呢日, 有一晚好好玩, 講緊既係一個記錄左我地點樣去準備一張light printing相片參加攝影比賽果幕.

6分鐘長度, 紀錄左我地夜晚晚係條馬路到玩...留意下, 久唔久係會有d車係身邊飛馳而過, 有幾架係拖頭tim....轟轟聲 !!!!!

仲有係2:43, 你會見到有條shortshort地既人, 拎左把扇鋸出黎~~

攪咩? 佢竟然將一支營光棒鋸開, 然後將裡面既汁液倒落支泡泡液入面, 打算吹d營光泡泡出黎.......真係虧你諗得到, 心情特別好~~ (最後失敗, 浪費一支營光棒同一支泡泡液)

最後有咩作品做左出黎, 留番大家係電視睇啦, 不過就無必要抱太大期望勒, light printing呢家野, 真係要好高技術, 果晚........賺玩啦, 真係幾好玩既~~~

細超, 你話你攪咩丫~~~~~

俾多段片大家望下, 我地係肥星屋企取景果日, (我懷疑)係小白放完果篤, d尿聲入晒mic 既小解之後......佢拍到呢段野~

小白話好精彩: 因為有百葉窗加一班佬.....佢諗起無間道幾大影帝交手果幕, 幾好聯想力~

總結下呢兩個星期先...好

!!

特別想講, 點解要---爆波~

呢兩個星期因為要拍攝TVB個節目, 我地走左去好多個場境--中學, studio, 青衣城橋底, 美利大廈, 船廠, 東涌.

我地亦都用左好多時間去同記者互相溝通, 傾/探討左好多-- 什麼是sob(歸屬感), SOBplayer如何產生, 為何SOBplayer之間會有呢種sob, SOBplayer既sob又歸屬何處, SOBplayer既角色分配, 目標, 宗旨, 等等等等既問題~~~

話實, 我唔覺得煩架, 反而好珍惜呢次有人以一個第三者既身份, 好深入咁鑽研我地既機會. 記者了解左我地愈多, 好常時就會有新既角度去提出一d令到我地O咀既問題, 而d問題又真係值得反思架wor, 所以每次見面後都一定有野可以袋走.

仲有唔少得就緊係player之間都見得密左, 最過癮係身處mic前, 被訪問之下, 大家都一句一句口震震咁吐出左一d平時好少講既意見/心聲, 好睇過戲 !!

問答方面的最強二人, 於上圖分別出現~

好多好多野值得去諗, 亦都好多野想講......

不過呢陣子被人問最多既係, 點解要玩---爆波~　

好啦, 就係呢到用多少少時間去答吧 !! 順便為爆波黎多個 final push ~~

先係到多謝郭生做左活動既代言人~ thx!

對於爆波呢個活動, 最主要既問題通常都出現於: 你地玩踩波, 其實同sense of belonging歸屬感有咩關係~

我地玩爆波, 或者之前果次叫做踩波~~ 其實都係出於一份好簡單既心意--希望參與既人開心!

無錯, 一定會有人覺得:

救命呀, 呢班友仔好無聊呀~~~

客觀去睇.......係架, 攪次呢d活動又要自己俾錢租車(呢次 hk$1600), 俾錢買波(上次買左hk$500),

淨pay無收入, 仲要擔心無人黎, 又怕人甩底, 真係搵黎攪架~~~

不過~~~~~ 自問一下先, 一日有24個鐘, 1星期有7日, 1個月有30日. 我地既生活入面係唔係少少俾自己去無聊既空間都容不落呢???

SOBplayer面世之前, 我同小熙,小白曾經討論個一個問題--我地個社會硬係少左一d好過癮既活動~~ 因為我地偶然間search到下面呢d....比賽分唇

pillow fight game

千

BYOBW

Mobile phone throwing competition~

仲有好多好多......唔再詳寫勒~~

唔知大家睇到上面d片既時候會有咩感覺, 我地就覺得呢d無聊事係非常地有趣, 睇到已經好開心.另外, 我地對發生呢d事情既地方都會多左一份欣賞, 欣賞當地市民接受創新既能力, 敢玩既態度, 容得下無聊果種生活~~

有無人想駁咀話我地都有馬拉松, 太平清礁, 賀歲煙花, 花車巡遊等等等等...

我(主觀地)覺得, ookk啦...有d就商業味濃左少少........囉, 有d就悶左少少.........囉~~

就係由呢個角度出發, 我地實在非常之咁希望, 渴望, 祈望, 盼望, 香港都可以多一d我地口中既無聊野去發生. 結果, 搶軍旗同踩波就出現左勒~~ 當然, 我地並無做到好似上面d短片咁場面盛大, 但認真講句, 就算只係影響到一個小眾, 都一定比困自已係房上幾個鐘youtube有價值丫, 而且黎得一齊玩過既都笑住離開, 算係造福人群下ma~~

爆波 同 對香港既 sense of belonging 就係呢個關係勒, 算解得通掛. 當然, 我地又唔係話一定要將爆波攪到變做盛事咁誇張, 但如果我地既無聊事認事做系列活動可以一次比一次多人黎參與, 咁已經很好了

敢玩, 貪玩既你, 就算今次唔出現係爆波當日......我地都請你養好身子, 迎接我地下次既分唇!!

btw, 如果你有好玩既idea, 不防提出俾我地知, email俾我地~~

last but not least(呢句, 中學作文必用)

see u later.

我們的第四關

四個月前既仆,易佰入面, 我地好開心咁宣佈sob分別係3個唔同既媒體入面曝光(電台, 雜誌, 報紙)....到左今日, 點都估唔到, 好快好快好快...黎緊就係第四關勒~~

無錯, 呢個第4關就係電視!!!

為左呢個節目, 我地係呢幾日既嚴寒之下......做左好多野~

節目名我唔開住勒, 想保持番少少神秘感(或者大家都可以透過下邊既相估下~), 至於係邊一個台呢, 就係佢勒.

無線, TVB

無講大話架.

拍攝既過程, 應該只係過左一半, 我地已經做左好多野.

俾d花絮大家望下~

品牌管理處再會許小姐s.

一眾player百忙之中一同現身肥星家中, 聚首一堂(可以用神蹟去型容呢一晚).

酒店式既早餐聚會

攝氏 13度既冷凍東涌冷清單車團. (呢到要特別鳴謝郭生既友情出席.多謝你俾面光顧呢隻...船)

仲有一個不得不提既場景.....我地番左去一個好多年前既聚腳點.......studio

青衣朋友應該會認得呢個地方.

10年前既我地經常咬住長發小販既宵夜係呢到玩guitar, 吹水, hae~~~今日, 我地番黎呢個地方, 拍左一條片.

係勒, 就係我地既爆波2.0宣傳短片.

呀浪大哥既作品. (黎生: 多得你唔少)

好! 花絮就睇到呢到, 你地估唔估到係咩野節目(估中我都唔會認架勒)?

再下面, 我想俾條片大家睇下~~

雖然最後係爆破左少少....不過條片本身既內容(真人真事既改編)真係好得很!!!!

幾位81歲叔叔伯伯既夢就係摩托車環島遊~~~

活著實在就係應該咁精彩--無分能力, 年齡或者係性別, 向自己既夢想勇往直前.

挑戰自己!!

SOB既夢當然唔係上電視啦, 而我地呢個夢最終又可以發到去邊呢.....你問我地任何一個人, 係呢一刻應該都答唔出任何具體既野. 不過, 今日再有人願意為我地既過去做一個記錄(雖然唔知佔幾多分鐘), 大家係呢兩年多以來所用係sob既時間, 再一次証明都唔係往花丫 !