不是一時貪玩: SOB

顯示包含「SOB」標籤的文章。顯示所有文章

2013年1月13日星期日

好多好多 (上)

真係好難想像....對上一篇文章竟然係 11月6號 !!!
但中間我地係未完全無玩過野呢?
又唔係bor, 只係發生既事未係太得意jei~

等我一野記晒佢先!
就由回魂夜既Leon哥開始, 大家除左可以係fanspage睇到相之外, 朋友呀娘都幫我地做左一條紀錄片!!

如果想睇高清版本可以係呢到.
話說回來, 回魂夜呢套係我地心入面認為係儈炙人口既戲, 原來係會有一批較年青既人唔認識, 可惜...

跟住係另一條短片

J2 呼喚未來, 我地係呢一分鐘既主角!!

知道大約片段開始出街既日子, 我係電視前面睇左5個鐘....2套台劇, 2套卡通片, 1 套韓劇結果果晚都係睇唔到.....直到第日, 終於俾我係電視前面見到---不是一時貪玩幾隻字, 同我地既LOGO走出黎既時候, 何其感動 !!!
再一次, 多謝 KATE, 嘉, 型仔CAM MAN.

Go Snap﹗氣蓋趣拍大賽
由於我地家附近氣蓋所處既位置十分惡劣, 發揮有所影響, 結果令人失望....

先睇下當時既情況

要同呢個機械人合照

感覺到幾咁難就位~~

今次參與既單位係以下.

大獎係無我地份既, 但亦成功進入優異表現既final50, 有野落袋!!

係一件仲未拎既獎品.

ASUS MOBILE, 得一享二投賞大賽
影一張, 有得一享二呢個概念既相片去演繹佢地最新產品既idea.
以下係我地既作品

鉛筆 !!!

筆同擦膠!! 仲唔係完美既得一享二 !!!
我唔明點解會有人覺得甜酸醬會更好~~~~~

我地既獎品係.....一年asus cloud 50gb web storage......
不敵既冠軍作品係呢個.....sosad.

最近期, 亦都係最過癮既一個比賽活動

一句講晒, 用萬字醬油煮餸 !!
而我地最終係決定, 整雞煲~~~~~

待續.....

2012年2月10日星期五

這就是sobplayer

剛剛既星期一, SOB係商台巴巴閉 afternoon d 個錄音訪問終於都出街.

究竟我地果半小時縱橫交錯既訪問, 最終會變成點樣既境像呢, 負責剪輯既gigi會唔會一邊剪一邊後悔捉左呢班甩繩馬騮入錄音室??

未聽, 又或者想重溫既朋友, 可以一齊入黎欣賞!!

我自己聽完第一個感覺係-----------------正 !!!!
呢個正唔係俾我地自己, 係俾負責edit既gigi~~ 短短13分鐘既時間, 完全感受到佢用左幾多心機去挑選同鋪排我地既內容(尤其係聽埋下面3段uncut既version就更清楚), 再配合幾隻好跳脫而且match晒時間既background music(btw, 我好鐘意果幾隻歌). 聽完勁熱血呀~~~~~~~

滿分係10分的話, 我俾夠 20分妳, edit神 !!!!! 果晚番去, 我即時就重溫左個錄音3次~~

再夜d既時間, 葉生就放埋訪問既uncut version出黎(gigi效率好高, 好快就寄番個錄音俾我地~), 呢個uncut version有35分鐘長.......唔聽由自可, 一聽又係停唔到!!!!!!!!!

原來又係精很彩, 真係不得了!!!

站係第3者角度去欣賞自己一班人35分鐘uncut既吹水.....我更確切明白到點解我地攪d活動比賽, 就算結果點失敗都好..最終都唔會太失望, 成日掛係口邊既賺玩, 咁點係點賺玩?
入黎聽呢段完整既錄音你就會知! 內容高潮跌起~~

裡面, 就係sobplayer既真身!

btw, 我仲加左相片說明內容, 增加可觀指數~~
因為俾無線投訴我地upload左自己既記錄片(他媽的反智), 我地既youtube acc變左只能夠每次發放不超過15min既短片....結果錄音要分3條片放上黎.!!!!

葉生話呢段edit得最好wor~~

大家係當日既表現...何其放!!!

果日訪問既期間, 我都已經發覺大家都好快就進入狀態, 尤其係小熙! 真心講, 佢地都唔當呢次係一個訪問......真係唔識得再怕羞了~~

我地每次既聚首, 就係充斥住呢d狂妄既笑聲, 實在不亦樂乎, 仲唔係賺玩??

証明左傻生真係無去個party!!

2012年1月26日星期四

龍年到~~~~

年初四, 我地都開工勒!!!!
踏入龍年既第一件事, 先祝大家身體健康!!! 因為真係好凍~~~~~~~~

冷凍既新年底下, 我地既blog都依然充滿生氣.......講緊係上面條新banner!!

有睇呢個 blog既朋友都知架勒, 原先個 banner都已經用左兩年幾, 我地終於都黎左一個大革新了!!!
之前既設計係由我地曾經所參與過不同品牌公司既logo所併貼出黎, 主角係....果d公司. 而呢次設計既改動呢?

主角歸位了, 係一眾 sobplayer 既身影~~

認番d人先.

大家睇d相既時候, 感覺未必會太深~ 但對我地黎講. 上面每張相都係sobplayer一個重要既component, 所有事情都係發生於幾年之間既一點一滴, sob就係咁樣而孕育出黎..........

我地終於都完完全全地做番呢個blog既主角勒!!
呢到將會由我地話番事~~

條 banner既另一個亮點係...左下角呢句.

you may say i'm a dreamer, but i'm not the only one
一句新既 caption, 解釋唔多講勒, 明架啦!!!
講到呢到, 適逢tvb早兩日都出左一集幾貼切既專題報導...入黎呢到睇下丫~

最後補充一句.........條banner既設計者, 係葉生 (掌聲: 啪啪啪啪)!!

2012年1月1日星期日

Happy New Year, SOB 繼續...讓笑彈飛~~

2012年黎勒! 先祝願身邊朋友都身體健康, 笑口常開, 就連所謂的世界未日都係一個天大既笑話 !!!! arhahahaha~~~

我地係 2011年既結尾實在係非常之咁開心, 因為SOB完成左一個好突破既事情 !

我地幫手玩左一個count down party.(主辦既朋友, 唔好意思, 容許我分享一張你地既相丫~~)

點樣叫做((幫手玩左))呢??
SOB 自從係傳媒出現過之後, 我地既動向, 其實都得到少數網友既留意. 老實講丫, 有人對自己既所作所為欣賞已經好開心架勒, 而呢次更加爆破係因為我地都諗唔到有網友會因為欣賞SOB, 所以邀請我地去為一個私人party 負責帶 mass game!!!
有人邀請去玩wor, 唔使諗啦!!!! 結果上圖就係31/12/2011出現左勒~~

講番轉頭, 當我第一次同邀請我地既攪手通電話既時候, 佢有個問題surprise左我....佢問sob咁樣幫私人party帶game的話, 會收幾多錢?

收錢........呢個問題...

講真, 俾人邀請去玩, 我地點好意思收錢丫, 有得玩, 又可以識到朋友........
況且, 收錢係會有鴨力架ma, 衣家既我地只係純粹想玩ja !!!!!

所以.....係無鴨力底下, 今晚大家都好開心!!

好, 講番活動呢晚既得意野先!!
攪手將主題定做--(扮晒嘢啦你 countdown party)).
明晒, 即係扮野!!!

講真, 扮野變身, SOB就最叻架啦, 但因為呢個 party同之前既聖誕 function太近勒, 真係唔多時間準備.......所以, 呢次主力係大哥 !!

大哥, 我地都真係服鬼左你架!!!!

好一個俾熱帶低氣壓, 壓扁左既比達~~~

至於其他 player 呢~~

我地選擇左...讓笑彈飛(新年願望之一, 子彈不再, 笑彈永在)
(其實我唔明點解會有東,中,北囉.....)

見唔見隻手呀?? 我地呢支叫打開心槍, 只有飛彈, 沒有子彈.

就係咁樣, 癲左一晚!!!

: o．: 我地有呢個好好既開始 !!

最後, 希望係到再一次多謝幾位活動話事人邀請左我地去開心左一個晚上 !! thx!!

而為左可以讓笑彈起飛落去.....我地.....

入黎睇相吧!!!

2011年3月23日星期三

tvb 後群

自從出現左係星期日檔案之後, sob既際遇似乎有左一個幾大既 breakthrough.

同大家分享一下.
首先, 我講緊既breakthrough唔係話 Facebook fanspage既人數大升呢d數字遊戲(呢一點之前已經提過), 我口中所講既係一d機會既offer.

黎勒wor-----玩左兩年有多既sob
第一次有小fans send email黎介紹我地去參加網上比賽,
第一次有活動單位邀請去玩佢地既活動,
第一次有有PR公司聯絡我地,
第一次有電視人搵我地一齊"度橋",
第一次有學校叫我地去同學生分享經驗. < 呢個最正 !

好多野都仲係屬於非常初步既階段, 之後點樣發展落去仲係未知之數.

當然啦, 做咩都好, sob既人都一定會記住自己既宗旨, 唔會distract左既. 不過, 呢d邀請都等於某程度上既認同, 我地都非常開心, 又可以見多d, 學多d勒~~

少少預告丫, 上面咁多個第一次入面, 衣家confirm左既只有一個, 就係sob會派員去一間中學分享我地既爛玩經歷.

當然, 衣家我唔開學校名.....住!! 因為我想俾多少少神秘感果批學生. 唯一tips: 如果你地中四既通識科係要睇星期日檔案做報告既話....可能就係你地學校勒 !!

最後, 送多一張相俾大家. 因為比賽而去影既相

影果時只係keep住諗個動作設計, 衣家先留意到句slogan原來咁有meaning.

Cheers to Win. 幾時都啱用 !

2011年3月15日星期二

地球公民

呢幾日眼見好多日本人既家園被毀, 心都翕晒.

Sense of belonging 講緊對身邊出現既事物一份投入感, 希望佢變得更好既心意. 一齊將呢個心推得再遠d, 我地大家都係地球既公民.

我地可以做既真係唔多..同海地果次一樣, 只有係 sob 既基金抽少少出黎支持一下.

如果你都想做捐款, 網址係呢到

曾經, 我地係日本既天空下有過開心既時間, 呢到的確係一個多方面都值得去學習既地方.

日本既朋友, 加油

2011年3月10日星期四

To 朋友仔

自節目出街後, 我地收到史無前例咁多既feedback, 有d係黎自facebook, 有d係email, 當中有男有女, 有小朋友(我估), 爸爸媽媽, 老師, 同事, 朋友既朋友, 四方八面~~~~

好彩, 眼見大多數既意見都係表示支持我地, 希望可以快d見到有新活動一齊玩, 一齊參與. 有人什至表示希望成為sob會員之一, 有d更加開到口話願意幫手準備活動tim!!

感動~~~~~~~

認真講句, 我地sob每次收到呢類坊間俾我地既feedback都非常開心, 因為每個回應都係一種無型既推動力, 俾到我地信心去繼續發展sob既故事. 所以, 我對每一個朋友既留言/email都係好認真地回答, 無交行貨!!!! 大家不防去睇下d facebook既 reply!!

我地有用個心去答架.

所以大家都唔好收埋自己既聲音或者意見, 我地係會認真思考去回應你地架 !!

講到有心, 真係不得不俾番一個credit我地既母校, 因為我地發現到呢篇學校入面既專題

it is gratifying to note that they have lived up to the expectation of our school Motto, not only while they were in school --- when they are in the society

俾學校咁樣去讚, 真係攪到我地紅都面晒~~~

最後, 我想同各位表示想加入sob既朋友講聲, u ar already a sobplayer!!