不是一時貪玩: 雷神奇俠

顯示包含「雷神奇俠」標籤的文章。顯示所有文章

2011年11月3日星期四

走啦, 走左就唔好番黎勒~~~

今次我地既人要去美國!!!
係sob既旅行所踏足既第三個大陸. (上海, 南非)

無錯, 目的地就係洛杉磯 !!!
上面呢幅圖真係....一個字, 精景 ~~

雖然sob個雷神唔會出現係呢個旅程入面, 但我地一樣有兩個煩人做代表!!

就係佢地兩個, 左邊小白, 右邊熱奶.

你地兩個到時可唔可以休息少d, 玩得盡興d???

Update下佢地既package俾大家知丫, 兩條友11月中就會出發. 好可惜佢地因為時間問題, 最終唔可以選擇去扮雷神俾人工雷電劈呢個行程. 不過, 衣家都唔差~~ 因為佢地可以搭直昇機係LA市內交遊, 仲可以兩條佬一齊嘆 SPA, 跟住仲要有 pocket money使!! 真係大手筆!!

有樣野可以特別一提, 之前我上網睇番呢個活動既其他國家得獎者, 好多單位都係入住W HOLLYWOOD 呢間酒店.

當時我地心諗, 真係無得頂, 五星級既享受, 房錢都成2,xxx一晚.

衣家最終既安排, 佢地會入住呢間

Hollywood Roosevelt Hotel ~
大家一睇就知, 係.....削左.

不過, 當我地再search下呢間酒店既資料, 同埋付近有乜好玩既時候, hahahahahahaha正!!!

原來呢個Hollywood Roosevelt Hotel 大有來頭, 係全球10大猛鬼酒店既第6位 !!!!
見到呢個資料, 我條氣真係順番晒, 如果佢兩個可以係間酒店撞下鬼, 遇到呢d咁難得既經驗, 住平左間酒店條數都抵番係到啦.

我地大家都衷心希望佢兩個一齊見鬼.......好無??

最後, 順口一問, 因為我地朋輩之間都好少玩到走去美國旅行咁高消費, 所以借問聲有無網友對ＬＡ呢個地方都熟熟地, 可以SUGGEST一下佢兩個一d必逛景點呢??

去啦, sob 個 LA 吧 !!!

2011年6月16日星期四

補多兩句先

早兩日只係好心急地想同大家宣佈sob既開dry, 都無好好去講下呢次既得獎感受, 家陣終於有d時間勒, 點都要補番幾句!!!!

呢次玩雷神造型比賽, 我地用左一個下午既時間去外拍, 之後由葉生一個人用左2晚時間去tune相, 講真付出真係唔算多, 但成個活動俾到我地既 reward睇黎就絕對唔小野!!

LA之旅!! (一陣再講下呢個旅程)

仲記得係我地玩外拍果日, 葉生佢講, 就咁用呢d相就交呀? 削d囉...出段video啦~~
最後佢得到既回應就係...無人理!!

但又真係估唔到, 我地呢份誠意只屬一般既功課, 竟然可以成功突圍而出.

係呢到, 除左要多謝當日幾位誠意十足, 將自己身體完全奉獻既player之外, 仲有就係一批見到個比賽之後心郁郁想玩, 最終又無行動既朋友...多謝每一個潛在對手既承讓, 造就我地既得獎.

真係 nothing impossible...hehe!!
就好似之前得獎一樣, 我要將個獎品價值列番係左手邊個bar, 但呢次真係幾難計~~
我上網做左好多research, 發覺呢個活動應該係由製作Thor個paramount pictures公司發起. 佢地係世界各地, 幾個有份播影Thor既地方都攪左類似既活動去做推廣, eg:澳洲, 英國, 意大利..
洲立影片只係一個中間人既角色, 負責係香港攪個活動去搵位得獎者, 之後再交d聯絡資料上去(當然, 我地都好多謝佢地既選擇).

好勒, 講得太遠了, 去番個獎品本身. Paramount pictures既出手, 真係非同凡嚮. 機票呢d最基本既野都無畏講勒, 包既酒店會係呢間華麗既W Hollywood hotel !!

我地連W Hong Kong 都未住過!!!
個旅程最最最重要既一個環節係可以送我地兩個出席既人士去LONG BEACH一個studio扮雷神.....

呢個係我估計既情景, 簡單講就係要由專業人士協助下, 俾雷電劈過自己身體, 再俾攝影師影低呢一幕!!
要為呢個環節評估個價值, 大家話點好~~~
幸運地, 負責單位俾左一個方向我去諗! 由於呢個被劈既活動有一定風險, 對身體質素都有所要求, 所以佢地提供左另一個package俾我地去選擇代替被劈, 而呢個就好計好多勒!!

The alternative package we are offering includes

spa treatment at Bliss Hollywood to the value of $150 per person
an LA adventure helicopter tour, including private transfers
$500 spending money
a trip to the Griffith Observatory, including private transfers

原來呢一劈咁鬼值錢!!!
好啦, 左計右計...我決定為呢次既得獎價值評為.........HK$50,000 !! yeah~~~~
好感動呀, 一黎就可以開個大dry.

好勒, 獎品既野就講到呢到啦.........點呀各位, 我夠唔夠晒呀?? arhahahaha!!!!
講真既, 唔使眼紅我地勒, 我講咁多其實係想帶出一樣野...................機會仲有呀 !!!!!!!!!!!!!

國泰又一大壇野 !!!!! 快d入去睇啦~~~

咁多位網友仔, 真係唔好話我唔提大家.....呢個活動, 頭頭尾尾送成 1800套機票, 有900個得獎者! 以我地玩左2年幾呢d網game既經驗黎講, 如果大家係有心做d作品出黎既話, 真係好有機會跑出, 再者就係個 game唔使你like我like佢like邊個, 係純技術既較量!! 短片, 相片, 文字, 音樂...任君選擇.

如果有興趣你可以參加葵青區同沙田區同我地直接比拚tim!!

真心, 有能力既你快d出手, 4/7 就cutoff架勒.........賺番張短途機票去個 relax trip都好丫~~