分享, 玩 !

對上一篇文章係9月8號, 實在太過份勒......竟然足足有一個月無事發生!!

終於, 早兩日我地有野玩勒~

第一次有人為我地出現而製造出咁精美既poster !!

活動地點係ive麾利臣山分校.

一黎就見到poster既真身.

參與人數比之前既幾次, 有好大突破!!

過百 !!

入到去, 見到同學仔好慘地要重溫我地個特輯....

星期日檔案.

同之前既分享會有少少唔同, 我地既角色..........類似大學/ive o camp入面果d攪手, 負責hold game. 至於要用說話去分享既部份只佔極少, 非常之適合我地!!

不過, 少還少...都有幾句既~~

埋首準備中!

出席過幾個唔同活動會場, 呢到既硬件算係絕對唔錯, 尤其我地所準備既短片終於都有一次可以順利播出.

仲有...呢個好好既projector !!!

2個鐘, 前後玩左4個遊戲, 唔敢講一定做得好好...但我相信大部分同學都應該玩得玩心既~

如果唔係, 我地都影唔到呢張相啦

一張有聲既相~~~

樓下係今次出席既player

(其實仲有小白)

我地幾個呢次都好enjoy !!

跟手仲有紀念品拎走~~

俾肥星, 收歸國有.

少少意見俾當日一齊玩既同學, 其實sobplayer同你地之間最大既分別係.....你地有d含蓄~~

放d丫 ! 大家應該放d, 衣家擺明就係要玩架ma, 是不用怕羞的~~

SOB 成功反轉 mh

特約演出, 小白.

更多當日活動相片係呢到

中學時期最愛..去camp.

早兩日得到一個單位既邀請, 我地去左呢到~~

香港青年恊會賽馬會西貢戶外訓練營.

去到呢類地方, 不禁即時諗起十幾年前...我地又係呢個班底, 跟住自己中學既大小function, 差唔多去盡晒香港大大小小既 camp site. 係呢d營社入面所發生過既事, 真係無奇不有, 要幾癲有幾癲!!

唉, 光陰似箭~~~

對於呢個營社, 我地既專業意見係.....環境一流.

整個營地依靠住個小山谷, 出邊就係一個淺灘.

美中不足係戶外地方就略為細d~~

好勒, 咁我地其實係入黎攪咩呢? 呢次係有單位邀請我地入去攪workshop!!

Workshop 呢個字其實係有點兒用重左~ 簡單D講, 其實係入去同中學生....玩!!

黎得呢到同人玩, 就緊係要娛樂左自己先啦--要愚人, 先要娛己~~

巧妙既跳相!

跟住係..

好好玩既跳大繩,

跳完玩完先認認真真坐低準備今晚既遊戲同內容.....haha

呢次活動單位好好, 除左出入都包左架車俾我地之外, 仲有一餐風味十足既宿營晚飯!!

食飽就上路勒, 入去今晚既戲玉 !!

話就話呢次係主打過黎同d學生玩, 但點都要講兩句既~~

所以活動安排左我地先去個hall, 同學生傾左~~10分鐘偈

個場面都夠我腳震勒..

台上面依然係剩番兩個不善辭令既人, 所畏既戰友, 係自己位到食緊花生!!!

快快趣趣, 講左幾句, 我地就殺左落去個function room玩遊戲lu~

要hold遊戲就真係唔使講野, sob各大哥即時上身~

have fun !!

開心地, 簡簡單單同d學生玩左三個遊戲就完左呢個 workshop, 哈~~

我地唔用漂亮既說話去包裝呢d遊戲活動可以帶到什麼人生大道理, 或者處事哲學俾d同學勒. 其實攪呢次活動既目的只係簡單希望將過往曾經俾到過開心時間, 而且又有趣既mass game分享出黎. 至於同學仔佢地究竟可以吸收到d乜呢...

可能係我地果份對玩既熱情,

可能係遊戲本身既趣味,

可能純粹識多左一班叫sob既人, 知道多一樣香港既古怪事,

無論係邊樣, 都唔緊要啦!! 最緊要大家果晚有笑過就得勒. 我地只係希望見到大家真心笑下架jar~~~~

大會用既大合照

SOB指定大合照

多謝同學仔(相入面既朋友, 你地可以係入面tag番自己架)既投入~~~
呢張係SOB影過, 一路以來, 最多人參與合跳既一張相.

領取埋大會紀念品就走勒.

thx, 老細.

玩左半晚, 開開心心離開營舍......

離開既時候, 心入面只有一句說話: 我想做番中學生呀 ~~~~~~~~~~~~

入粉嶺, sharing FRIEND

一個大好既星期天, 我地放棄左個下午, 走去好遙遠既粉巔同一班同學仔做分享會~~

原來我地係某d朋友既心目中, 已經成為左......優秀青年~~~真係非常g咁誇獎!!! 就憑佢地呢個形容, 個聚會真係推唔走.

黎啦 !!!

係答應左出席之後, 再睇同場有咩野嘉賓..

d汗真係大大滴咁走出黎..

中央政府駐港聯絡辦公室xxxxx

民政事務局xxxx

香港中學校長會xxx

....

d title有d誇下ma!!

活動之前我真係好鬼緊張架, 一來sob真係不是什麼優秀青年, 二來我相信好老正既人睇我地講野只會覺得係插科打混, 係浪費佢地d時間. 算啦, 都應承左勒...唔好理, 做自己!!

諗下度下, 就黎到活動呢日勒

點解有個 s 字, 哈 ~

我地呢日遲左少少, 係自己果part開始前既30分鐘先到.

係有點屎淋尿瀨的 ~

係會場入面, 我地第一眼見到係一排好公整既櫈, 上面坐左d好公整既人士. 環境氣氛係好...正經, 嚴肅!! 見到呢個場面, 真係再驚多兩錢重~~

Sharing之前, 我地上台接受人家既紀念品, nice~~

睇下星哥隻手, on 居, 唔知佢想點~~

呢次個舞台屬於, 黎生, 熱奶, 傻輝同肥星哥.

影埋個大合照先~~

跟手係個茶點時間. 之後就會輪到我地勒.

我都奇怪點解個流程好似掉轉左咁...原來係要方便d 好大粒既人士係食完茶點之後行先呀(純屬我個人估計) !!!!!

wow, yeah!!!! 太好勒, 樣既情況對我地黎講, 更加有利~~

開始勒 ~

我仲帶左軟人同小白去~~

講左好多好多既野, 自己都記唔番有咩係留講左, 有咩係爆肚而出, 希望同學唔好介意有d亂啦.

大約30分鐘入面, 最記得只係剩番呢句: 同學仔, 放學留多d係學校搵野玩啦 !!
呢句係好真心既說話, 尤其係對讀緊中學既朋友黎講, 我相信會特別適合.

玩完, 黎番個真正既大合跳~

一個字, 精彩 !! ( 揸相機果個朋友叫呀恆. )

同精美既紀念品合照

果三條人笑得很cute！！

最後要係到多謝番讀緊 year 1 既 Thomas, 多謝你用優秀青年去形容我地, 不過呢~~真係誇獎左勒, 我地的確只係做緊無聊事 only.

有緣再聚!!

題外話~

玩完sharing, 難得入到粉嶺, 無奶油咁快走丫~~

我地就捉左一個當地朋友做我地既導遊, 同我地去玩玩跳跳, 佢帶左我地去一個......圍

係幾得意wow~

下面係呢陣子影相時一d新玩法可以同大家分享.

年紀大, 似隻蟹...隻腳唔多聽洗了 ~

唔知兩張gif 圖work 唔work呢.

講真, 唔知咁樣玩塊牆有無不敬...有既就真係唔好意思, 係到講聲 sorry ~~