呢到有一大堆既比賽

見我地成日都有獎品落袋咁過癮, 你地又想唔想贏埋一份呀?
下面有.....10個機會 ~~

呢個應該叫繪圖比賽, 幫HONDA 架Jazz設計個獨一無二既車身圖案, 勝出既單位會獨得成HK$20,000 既獎金呀...

肥星~~~~~~~~~~~~~~~

有興趣就入去睇下啦~~~

好簡單, 用50字講出妳喜愛英國既原因
勝出單位會得到2套來回英國既機票去轉旅行~~仲包酒店tim!

資料係呢到.

SOB未去過歐洲wor...可以諗下.

一年一度既大型國際性既活動, 不過參加者一定要係讀緊書既學生.
呢個條件, 無問題wor, 因為我地有小hee.........hahahaha

係學生既你就入黎啦, 入黎為港爭光呀 !!

都市日報既短片比賽

主題有3個任君選擇, my city, me and my friends, my funs

都係一個國際性既活動. 加油加油~~

information

u magazine, 好明顯係同旅行有關啦!
呢次係要大家扮導遊, 用相片或者video都無問題~
仲分埋本地遊同外地遊...夠晒多獎俾大家爭啦!
我地要玩呀 ~~
資料係到.

迪士尼channel既活動, 同世界最大既史迪仔影一張創意合照.
活動地點自己入去搵啦, 不過我可以話你知就快會完架勒, 有興趣就要把握時間.

贏左包你去東京迪士尼玩餐飽既~~

Sasa既32歲生日, 幫佢整段恭賀既生日短片
贏左送你HK$2000蚊coupons入店同自由人死過!

入佢地facebook可以睇到更多資料.

都係好簡單同直接, 係創意攝影.
不過佢地既冠軍獎品都幾名貴..canon EOS 7D~~
真係要認真...諗諗佢. 一齊入黎玩啦

含金量最高既活動.

用office2010 beta版既power point, 設計一個創意之旅
呢個比賽好鬼過癮...整ppt...係個must play function!

再者活動含金量係講緊每一個勝出單位都會有US$ 2010既現金同旅遊coupons做獎品!
即係每個得獎單位既所得價值係講緊......US$4020呀, 仲有成 3個名額tim

快d入黎睇下啦.

一口氣俾左咁多information大家, 自己都覺得好飽.....頂住

不過呢個係last 勒~

呢個function有咩特別?

因為呢個係唯一一個, 我地已經交左參賽作品既活動.

參與活動既朋友只要去citysuper既分店入面, 同佢地d同事影一張開心合照就得勒.
俾個貼士大家, 你搵果個同事係好重要架, 佢究竟俾唔俾到戲你.....會決定你張相, 夠唔夠特出!
至於我地邀請果個ma~~~ very g good!

俾晒戲 ~~~~

機會就係晒到架勒, 快d約埋三五知己去玩啦!

出左作品之後亦都可以係呢到reply番wor, 大家交流一下丫ma ~~

TEMPO紙手巾, 送你去旅行~~

由於我地呢陣子個勢幾好, 所以一鼓作氣之下用左好少既時間就出左以下既作品去挑戰tempo既旅行勒 ~~

打頭陣係呢個~~

短片作品, 1 take 開盒有幾難 ~~
演出, 輝哥 & 湯麵

拍攝及剪接, 小白

小白真係幾好野, 講左個 idea出黎, 佢真係跟到. 如果最後個music既尾收得唔好咁爛會更好!!

不過, 只係用咁少時間就出到呢個水準既作品, 算係咁勒 ~~

拿, 小白~~你成日投拆話自己要做幕後無得出鏡丫ma.

下面呢個版位, 我送既~~~見你條片整得咁鬼快手 !

識你咁耐, 最令仔係呢張架勒 ~~

: )

ok, 去番正題~~

第2 part既作品係文字創作

通常呢類既文字創作都係會交俾小hee/軟人去用歌詞(rap/數白攬)去做, 而呢次都唔例外~~

小hee, 用左好短既時間就交出以下功課.

一Take攪掂唔好拖~

tempo 紙巾, 方便易用一張一張

好過廁紙, 一唔小心 拉到匹布咁長

呢個品牌, 香港名牌, 陪住我地成長

最近既產品, 仲識得散發陣陣清香

紙巾一張一張, 代表住一種思想

就好似做野, 就緊係想一take過

今日既事今日做, 唔好拖得就拖

今個月尾仲做緊, 上個月既功課

所以大家唔好學我, 呢D 叫自食其果

人生一take 過, 點可以無老婆~~

我既人生目標, 係搵到個好太太

同佢結婚生仔, 遊遍海角天涯

保佢生活無憂, 成為我終生成就

婚姻一take 過, 對其他無慾無求

選擇再多, 我既人生, 只得一個妳

我淨係想拖住妳隻手, 同妳共詣連理

我會聽哂妳話, 妳叫我坐我唔敢企

老婆我愛妳, 希望妳聽到都唔好骨痺

其實每次都好期待睇佢地呢類既小品文字創作.

短短既幾行字, 唔會同你大講人生道理. 不過一定係你我都好容易遇到, 又或者一時間好易遺忘既生活態度! 仲要押下韻, 的確幾過癮~~

面對呢方面既作品, 我都真係甘拜下風.

SOB果然係周身刀, 張張利 !!

作品就介紹完勒, 好應該輪到朋友你為我地做出少少貢獻勒掛~~~

去呢個網址, 俾d support黎啦.

要撐我地既作品可以係搜尋作品既icon, 打入呢d ~~

短片作品: martin ho
文字作品: yip wai lam, lam hiu hee

唔好覺得我地咁少票數就唔撐我地呀!!

我估 tempo呢公間公司唔會咁蠢, 走去頒個獎俾果d暫時以萬9幾票領先緊既參賽者掛...講真果d作品真係.....好一般law ~~~~~~~~~~~~~~~~~~~~~

黎啦, 送我地去德國同日本啦 !!!!!!!

Tempo x Sony Ericsson~~

一take攪掂你最賞~~

今次既牌子係紙巾入面既皇者~~~Tempo

主題, 一take過. 喻意佢地既紙巾抺咩都係一張過就攪掂晒!

而比賽分兩邊, 一個係文字組, 另外一個就係短片組, 兩邊既冠軍都有旅行去!!

等我地又試下先!

你又想玩的話就要快, 因為31/3就截止.

再生父母, SONY 攪既一個短片比賽
sony ericsson 既 Vivaz(個名點解要咁難讀)手機推廣活動.

因為呢部 Vivaz 手機係可以拍攝同播放到高清HD 既video, 所以活動主題好簡單, 就係HD !

主題你話事, 最緊要夠創意.

不過呢次無世杯既 ticket送啦, 嬴左送你呢個 Vivaz啦.........記住, make. believe

enjoy !

Dream date 變成 Day dream ~~

一下摔角手式既HIGH FIVE, 呢一篇BLOG 就交由左SIU HEE去主筆, 因為LUNCH ACTUALLY.....call左佢去出席個會面, 做 final interview 呀~~~~~

心悠離我們.....這麼近(會面前), 那麼遠(會面後)!!

人地門面留倩影

SIU HEE:

與劉心悠 lunch dating 活動有進一步發展, 要上 lunch actually 公司傾下~

本住 "本死無大礙" 既精神, 附會係 no excuse 架! 更何況 SOB 0既面皮, 厚過黃頁

其實件事簡單0既程度, 追到 "放隻大笨象入雪櫃"......只係上去, 對身份, 留低資料, 落返黎

但就咁幾隻字就交代左成件事...會對唔住兩位工作認真又 nice 到爆既interviewer, elaine 同 仙小姐 ~

(可惜呢度無 "like" 功能, 唔係我like 妳地~)

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

第一位接待我0既係 elaine 小姐

要克服緊張, 同時加快 腦轉數, make fun, 仲要搵位派咭片, 唔係易事

尤其我感覺到人生第一次, 自己vs自己 舌戰0既情況下....即係點呢, 好似 一人羽毛球咁, 打去對面... 接果個係自己...

雖然 elaine 小姐係一個可愛的女生, 但佢好似對local 既爛 gag 唔太明

我俾個例子黎說明一下..

佢話我似一個人~~ 哈~(冷笑) 走唔甩啦~ 又係話我似邊個邊個靚仔藝員架啦~ (暗爽)

((s: siu hee e: elaine))

s: 係呀~ D 朋友都話我似鄭嘉穎

............... 佢呆左~ 果一刻靜到差 D 要為死去既 air 默哀...ok ~ 打去對面... 要跑過去自己接返~~

s: 講笑者~ 唔好咁認真....

e: 似小柏霖呀~

s: 陳柏霖?! 咁益我?!

(聽到都扮聽唔到啦...小柏霖...廿年前既character...何況真係聽唔到...)

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

第二個 interviewer 又係一位 GFable 0既美女! 仙小姐~(咁攪法間公司做唔長架喎..D 客人直接問佢地拎電話得啦...仲使乜入會搵呀.)

我問左一個還原基本步既問題:

劉心悠都應該唔使搵你地幫手搵男朋友掛...(咁膚淺既問題當然唔敢問出口啦... 所以成左潛台詞)

正經既: 究竟今次個比賽預期既效果係點呢??

仙小姐佢答我, 其實上年官恩娜都係經佢地幫手攪既一個活動, 而同一個法藉靚仔醫生開始左架~

當然, 今次0既對象換左係我地0既女神, 當宣傳也好, 當真係幫女神又好, 我地都要記一記呢件事..

..不過好明顯..以一個學生既身份上去呢次既interview. 今次個比賽我地, 落已敗...

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

係一個 "情人眼裡得 LV" 0既現實世界, 搵個好既情人睇黎真係難過係尖咀行路過中環~~

所以 高度私隱, 一對一 lunch dating

screen過以確保人選質素及配合既程度, 再幫你/妳安排埋一個合適0既飯局地點

的確有佢0既市場.

雖然有呢類高質素中介人公司, dream date 不再是 day dream

但同女神黎個 lunch, 比起 SOB 上市 更能肯定為一個白日夢...

(唔緊要~ 賺玩)

lunch actually~ 0岩中產又單身0既你

歡迎到此查詢

入會4大要求已大大隻寫係廁所門之上, 如果唔係心悠.............

p.s.: 其實... 日日對住 D 咁高質素0既人選...

Elaine 同 仙小姐做問卷0既同時,會唔會有對六合彩0既感覺...

中喎... 又中!? 第三樣 ~ 中埋!!!唔會係我掛....oh, mr right~~~~~~~

仲有, 補番我地因為呢次活動而出既口號先!!
愛情 give and take
情愛如交易

以愛作貨幣 給妳我的溫柔
以承諾作貨物 伴我長廂斯守

給妳, 我的心悠

Elain, 仙小姐, 我真係有交個心出黎鬥呢50隻字架, 一齊細味一下啦 ~~

呢到仲有多d間公司既相可以睇下

再黎,口號 !!

Sanyo攪既口號創作比賽, 整段簡短而又易上口既口號形容呢部高清機仔, 一連4個星期, 每一個星期都送出hd dv一部.

我地而經參加左, 大家一齊黎比拼下勒畏~~
熱生整左段咁既口號, 真係好想分享一下...

三洋齊賀耀新歲, 高清攝錄現虎威 ~~~嘩

佢試範左咩叫做............離題, 不過句野好有火!! (個嘩字我加既)

________________________________________________________________

一間叫 lunch actually既公司, 舉行一個名為My Dream Date With Annie Liu(劉心悠) 既活動.

基本上我地都唔會理玩咩類型既野架勒, 因為得獎既話可以同女神食一餐飯.........所以作品已經交左. 我亦都唔打算放任何呢次活動既link勒, 有心同女神食飯就自己做下野啦~~

不過講真丫, 應該無人夠我地果段說話鬥架勒..........hahahahaha!!!!!!

我地要親手交 sob張咭片俾女神~~~~~~~

後加// 同小hee玩左陣口舌之戰

零小 say 說:

我見到心悠.... 即刻醉了....

CHINA TOMY 說:

我見到你見到心悠．．我 的心碎了

零小 say 說:

我見到你見到我見到心悠, 我笑了

小hee睇下點 ~~~

嬴得我真開心(Bossini) !

實在太開心勒, 由衣家開始要叫小熙大哥做 ((口號大師)), 因為佢負責既 bossini x smiley world 開心好橋比賽. 再嬴呀 !!!!!!!!!!!

今次係獎品係價值 HK$ 15,000 既旅遊禮券　！！！！！

lmL !!!!

official 公佈結果既網址: link


以下係其中一段佢抽起左既內容, 等我將佢放係到同大家分享一下.


原來健康既身體, 係我收過最大既禮
家人為我地付出, 實在難能可貴
對於父母 佢地既仔女大於一切
但係對於仔女 ...你地有無諗過咩叫回饋?

其實有無人真係會見到?
有無人真係諗過回報?
而我最近只係見到好多父母
上左東方太陽或者蘋果日報
好言相向 勸個仔女回歸正途
換來既 只係仔女被毒品擺佈
金錢物質 錯誤思想入侵大腦
難怪既 呢個世界就係壞人當道

其實你地究竟明唔明, 平凡就係足夠
直至到有一日 我發覺我窮到無路走
我可以依靠既野 就只剩自己同一對手
仲有我d朋友 好彩佢地唔鍾意張毒品放入口

實在不得否應, 小熙大哥實在係有呢方面既天份....堅 !

認住佢．佢就係小熙

Bossini x Smiley world Be happy 我有(橋)活動

呢個係 Bossini x Smiley world 既 Be happy 我有(橋)活動比賽.
各網友可以分享令自己開心既好(橋), 最GOOD 最好既就會得到呢次比賽既冠軍.

我地再派出口號大師, 小HEE 全力出戰.
佢既開心好橋就係 RAP 出下面呢首歌~~

yo~! smiley baby 大肚臍!
咁開心 究竟發生咩事?
我發現 開心根本唔使擇日子,
呢個答案 其實無人不知//

其實smile 真係可以好容易,
就好似 我地出世 個陣時,
雙手空空 黎到世界 只係一個baby,
第一樣 擁有0既0野 叫做 "daddy mami"(加埋me)//

年紀輕輕 我就已經有個 family,
開心 大概就係由 個時開始,
見到咩都識笑 儘管我仲未有牙齒,
笑到唔見牙唔見眼 亞媽以為我係白痴! //

仲要好肉緊抱住我 走去問daddy,
"亞仔 笑容燦爛到 好似有d silly,
我俾架車仔佢 佢竟然鍾意 barbie!"
我心諗 作為男仔 我緊係揀個lady...//

不過個時 仲未識得講說話,
我望住爸爸 爸爸
叫佢幫我解畫 解畫//

佢就話: 媽媽 媽媽 妳唔需要太擔心,
擔心咁多 只會令 自己激親,
小朋友 一向本性 就係天真,
佢有手有腳識得笑, 我地應該感恩//

原來健康0既身體, 係我收過最大0既禮,
家人為我地付出一世 願意奉上一切,
又何止供書教學 三餐一宿 油鹽柴米,
霍金出動埋個計數機都 難以估計//

加埋身邊一班行正途既好朋友,
其實你地明唔明 平凡就係足夠,
你以為握緊拳頭 就可以捉住所有?
放開雙手 先可以隔空抱住地球//

係呀 我係無車無樓 我係窮到得返幾粒豆,
我係無乜野成就, 但我地都唔會一無所有,
因為我仲有 家人 健康 仲有知己好朋友,
我仲可以依靠自己
同埋我0既一對手//

所以 開心好橋 我諗亞sa妳唔使四圍搵,
其實每個人都有自己一套 高低好難分,
唔需要同人比較 原來幸福就係左近,
只要滿足所擁有
人生就會 ready for fun//

小HEE 呢次又係用左成日既時間先攪掂, 雖然唔知係未 hit 到 呀sa同評審既心意, 不過絕對係須要係到多謝一下佢付出既心機 !

俾個叻你 !

雀巢甘脆嬴左 !

呢塊係甘脆,脆爆個咀咀! 最脆爆及有趣口號比賽.
今次我地派出小熙應戰, 而佢亦不負眾望, 用一晚時間爆seed, 最終勝出比賽.

呢個就係作品既足本

(intro)Mic check Mic check ~Have you ever taste a choco like that?

最近同一隊樂壇組合做左個訪問
主角係農夫0既陸永同 可愛0既 C君
佢地話: 好開心, 細細個就食雀巢0既 crunch
估唔到~ 食下食下今日做左代言人

細細個第一次食, 已經覺得好震撼
出面香,入面脆, 仲好有質感
俾人初戀0既感覺~ 噢~ 真係好冧
今時今日女朋友都會有排跟身

時間一轉, 嘩~ 已經十幾年
crunch 0既魅力都依然無變
超級市場, 各大士多無論去到邊
都會放係當眼處, 一定係你面前

有人問: 開心0既定義有無一條界線?
其實使乜咁認真, 不如發下 daydream
打開藍色包裝紙竟然可以法力無邊
大人會變細路, 朱古力會變成啡色地"煎"

坐上去大嗌 "crunch" 你就會一飛衝天
唔使靠吞雲吐霧 唔使靠藥物做神仙
所以你問: 其實開心係乜野? what does it mean?
呢d 咪叫開心. 唔通要靠十蚊三支煙? 咪癲 ....

一張錫紙點會包得住無限開心?
我見到銀色部份 彷彿聽到打開0既聲音
指尖掂到塊朱古力, 感覺好過攞冠軍
岩岩好0既 size 大過成張一千蚊

包裝紙搣一半 就唔會溶係掌心
只要咬一啖朱古力, 你就會夢想成真
愛隊曼聯即刻羸左歐聯 champion
我係講笑定係講真 其實無需要區分, why so serious, 我只係唔想大家悶親

雖然特區政府日日提你面對呢個 crunch
但金融風暴好快過 , 大家唔使擔心
有陸永 有C君 同你share the fun ~take it easy~ 2009 使乜怕人類豬流感?!

小熙呢次既爆seed, 真係唔少野, 有心既可以睇下呢次得獎既其他單位作品
http://www.nestle.com.hk/tradch/jetso/0155/result.asp

早知我將小熙個作品分幾份去參加, 咁可能仲會win多一兩個獎品．
不過都好啦, 一晚時間, 換黎一部sony 既 t900.

雀巢＞齊齊Rap爆甘脆朱古力口號比賽

就如題示, 係雀巢公司幫 CRUNCH 攪既一個宣傳project, 搵左呢陣子好 hit既 農夫做代言人.

講真, 農夫係呢個廣告要做既野, 只係放個樣出黎, 同作左呢兩句((呢塊係甘脆，脆爆個咀咀)), 講真都唔知係未佢地作tim. 但係因為個program 要用 rap做主題去創作口號, 所以農夫似乎係一眾歌手入面代言最好既首選勒.

呢次我地堅呀, 叫小hee 出手, 用左一晚時間出左個 爆seed 作品. 放住一半出黎俾你地睇下丫 !

(intro)Mic check Mic check ~Have you ever taste a choco like that?
最近同一隊樂壇組合做左個訪問主角係農夫0既陸永同 可愛0既 C君. 佢地話: 好開心, 細細個就食雀巢0既 crunch 估唔到~ 食下食下今日做左代言人
細細個第一次食, 已經覺得好震撼. 出面香,入面脆, 仲好有質感. 俾人初戀0既感覺~ 噢~ 真係好冧今時今日女朋友都會有排跟身
時間一轉, 嘩~ 已經十幾年crunch 0既魅力都依然無變. 超級市場, 各大士多無論去到邊都會放係當眼處, 一定係你面前.
有人問: 開心0既定義有無一條界線?其實使乜咁認真, 不如發下 daydream. 打開藍色包裝紙竟然可以法力無邊. 大人會變細路, 朱古力會變成啡色地毯
坐上去大嗌 "crunch" 你就會一飛衝天. 唔使靠吞雲吐霧 唔使靠藥物做神仙. 所以你問: 其實開心係乜野? what does it mean? 呢d 咪叫開心. 唔通要靠十蚊三支煙? 咪癲 ....

(待續...)