大手作仔 (roadshow) 27_06_2013

可愛嘅屈不得雖然離開左, 但並唔代表香港人無野好影~~ 反而, 各大商場好似打仗咁, 各自拎左唔同嘅公仔番黎攪展覽. 

時代廣場有怪獸大學, 海港城有龍貓, 我屋企果邊低個檔次嘅青衣城都有despicable me. 鐘意影相嘅情侶又多幾個check point勒, 不過付帶條件係....幾個大蛇餅你受.

本來都影左幾張相, 打算寫下呢個character騎劫商場嘅情況, 但攪攪下又覺得都已經日見夜見(商場, 7仔, 海報, 雜誌....) 算勒!!  

倒不如, 睇我哋嘅character, 我哋嘅手作啦!!   

反正roadshow嘅朋友應該都唔係好清楚我哋嘅手作技能~~

哈~~~~

因為呢個雷神, 我哋就去左美國.

當日佢係好俾戲, 好有心機

原來要買咁大個東同西瓜都有難度的

第二變, 屍巴達!!!

完全俾雷神哥比下去嘅CAPTAIN輝

簡單而又易認嘅讓笑彈飛

我無野講...脾達

行運一條龍

龍頭特寫, 勁精緻!!

可愛大頭佛

終極大製作! 左起, 薄切薑餅人, 胡很塗夾子, 骰盅雪人, 聖誕裱一隻, 可以不理聖誕老人

仲有佢, 有MUSIC PLAYER, 有小便開口(男性專用)嘅流動薑餅屋

點可以無我哋呢架小反車呢~

入面嘅PARTS, 法拉利式死氣喉

呢個頭叫咩名呢, 唔記得左

領航員燒米, 果粒蟹子最精境!!

極受歡迎的回魂LEO

睇番呢d相, 真係唔可以唔服自己咁有心機去做呢d野出黎, 仲要多數都係廢物再用, 呢d手作野character, 係未正斗先!!

如果俾我揀, 個龍頭一定係我嘅最愛~~  但好可惜, 佢同其他嘅道具都只得一個下場........堆田區~

無陰公呀.....我哋都好想有地方擺放自己嘅作品架, 每次親手放低件玩具喺垃圾筒質邊嘅時候, 感覺都好差.

激死我.


最後, 俾多張無心插柳之下做左出黎嘅手作大家睇!!

期待下次嘅玩具.

我哋都唔知自己....值幾多錢!!!

題目係引用左葉生兩年前嘅說話, 當時有人問我哋收幾多錢去HOLD一個function....

最終, 我哋無收到果班朋友嘅錢, 直接去左人哋地方倒亂.

今日, sobplayer終於第一次, 收到一個機構嘅錢, 完成左一個''交易''

係黎自roadshow, 我哋嘅稿費, 哈~~

多謝晒呀

不過呢, 最終呢度嘅錢係無落到我哋任何人嘅袋, 因為已經用左黎買禮物俾我哋個edit神.

佢竟然唔知自己手上面份禮物係好值錢!!!


話說回來, 睇得出roadshow依家勁燒緊錢去請好多明星(不包括我哋)去佢到開筆, 為左可以繼續又食又拎, 要搵多d野玩先掂 !  因為無野寫~~~~~~~~~~~~


btw, 尋晚餐飯, 呢張單都幾可愛, 好有港式味道~

估佢寫乜都幾好玩...七汁涼~

佢係好人 (roadshow) 20_06_2013

朋友, 早幾日睇新聞時, 見唔見到呢一幕?

哈~~
對於一時貪玩呢幾隻字, 我哋的確係有些少吻感.

呢次, 因一時貪玩而出事嘅事主衰咩呢?  佢係一位的士司機, 有一日早上, 當知道接載緊嘅乘客睇日出落空而回之後, 提意左同佢哋玩轉.....飄移

最終''飛越太空山'' 失敗而回, 攪到的士撞樹之餘, 司機叔叔又要叫幾位乘客隱瞞自己提出飄移嘅要求, 最終被判妨礙司法公正同危險駕駛罪.

好多人話呢位司機自己攞黎衰, 無端端飄乜鬼移, 攪到自己一鑊粥. 老老實實, 我真心覺得佢好可愛!! 

仲記唔得得劉華果句, 今時今日, 咁嘅服務態度點得架~  (今時今日左...有無十年??)

作為一位的士司機, 服務態度再好, 最多未只係同個客吹下水, 又或者上落車時幫你拎吓行李咁... 而出左事呢位司機就真係好正勒! 知道個客睇唔到日出, 自己主動提出方法去令個客人開心, 真係好唔話得. 佢最衰最錯, 其實係揀錯左個方法, 佢唔應該玩飄移!!  

司機應該即時搵部電話, 打開youtube 播呢隻歌!!!

一齊大大聲聲唱住開車~~~



咁就唔使下下都俾外國嘅人威晒, 話我哋唔懂得苦中作樂啦.

外國有人起唔到機, 係飛機唱''i believe i can fly'', 香港有人睇唔到日出, 係的士唱''太陽星辰'' !


司機, 加油呀!!!

戀戀(女子)沙排-下集 (roadshow) 13_06_2013

上篇blog講到我哋已經準備好一系列別出心裁嘅應對去同沙排女將黎個交流, 係未好心急想知道場面有幾過癮呢~~

哈, 同大家講, 直到果日去到沙灘之前, 我都一樣好期待同興奮, 不停咁準備即將發生, 而又唔可以預期嘅狀況, 始終呢班人......係難控制嘅.

最後, 事實再一次証明, 理想同現實始終存在一個觸摸唔到嘅距離, 就如你永遠唔會親眼見到一個廣告入面嘅麥記巨霸一樣.

呢次嘅交流過程, 甩溜之嚴重可以話係災難性, 哈~~
其中, 最大一個問題就係..........唔記得同兩位港隊代表講, sobplayer都想同佢哋打番場友誼賽, 結果佢哋無準備多一個場出黎, 但我哋又唔可以阻住個訓練場嘅常規練習......

呀, 我個鳥巢驚魂式嘅扣殺....出唔到場呀~~~~~~~

你話....點算?
有一剎那, 我哋以為自己拍幾個飛撲片段..

再交俾我哋嘅edit神, 佢就可以好似賭俠1999入面重拍98世杯決賽嘅橋段咁, 剪番個沙排SOB 2013.... 我哋真係好天真, 好傻,

咁, 最後點收科? 

放心啦! 我哋咁多人齊集埋, 又點會有冷場丫, 交流過程最終都依然開心無問題, 大家HEHEHAHA又一個快活嘅下晝.

去片

我哋個edit神, 其實都係堅得架!!

btw 水彈唔肯爆, 係第二個好大嘅問題....火!!

其實, 今次攪呢壇野係為乜呢?? 

我哋係真心想俾到少少支持香港嘅運動員, 一件寫住HONG KONG嘅代表隊 TRACK SHIRT一定係用左好多汗水時間去換取番黎, 佢哋應該值得擁有一個更好嘅待遇. 

多嘅, 我哋又真係做唔到d乜, 所以就攪左呢壇野出黎囉~

多謝妳哋嘅紀念品

加油呀, 奧運會係妳哋嘅目標吧~~

相簿!

Cat Ng & Mei Wong - Beach volleyball Hong Kong

https://www.facebook.com/pages/Cat-Ng-Mei-Wong-Beach-volleyball-Hong-Kong/199897883384732?fref=ts

不死Y2K...13之戀戀沙排 (roadshow) 06_06_2013

大約一年前, 喺電視睇到一個節目叫''地厚天高'', 內容主要講香港入面部份年青人點樣一邊生活, 一邊努力追逐自己目標嘅故事. 其中一集, 講香港女子沙灘排代表隊, 我感覺特別深.

原因, 唔係因為女主角會著泳衣上鏡, 而係佢哋個身份, 香港代表隊呢個身份!

佢哋靠自己努力, 成功攀升到做地方代表, 喺國際舞台為香港爭光, 我唔明...... 點解出埠比賽嘅水腳錢好常時都仲要自己去撲, 自己去諗掂, 感覺上佢哋得到嘅支持真係好唔夠~~~

唔好玩啦....須知道佢哋為香港所付出嘅唔只係體力同時間, 就連自己嘅膚色都要俾埋出黎, 晒到黑蚊蚊架~~~

愈睇就愈配服佢哋為沙排所付出嘅一切!! 好想搵一個方法俾到支持同鼓勵佢哋.

終於........喺剛剛嘅星期天, 我哋做到勒!!

成功約左兩為香港代表同我哋玩轉遊戲同 .. 打 排 球 !!

星好....型 (最左好QQ肥的一顆星)

當然, 我哋就咁同兩位排球女將打波係唔會好睇, 一定強弱懸殊. 所以我哋準備左一系列道具去迎接佢哋...

為大家解說下張相, 圖最上方係一張浮床, 係用黎欄網嘅!!! 哈!!

西瓜波之下, 係預備俾兩位代表隊成員戴住同我哋打波嘅ImL手套, 將佢哋嘅扣殺威力, set 波精準度都減半!!!
水彈, 唔使講掛, 攻擊之用~

最後........

睇唔睇得清楚呀? 黎生手上嘅小皮球!!! 佢, 將會取代普通嘅沙灘排波, 成為sobplayer 同香港女子沙灘排球隊之間嘅對決工具!!!

諗起都興奮, 係未好心急想睇場比賽呢???

慢慢黎, 唔好急~~~
今日, 睇住我哋係沙灘嘅私決先, 下星期就有女仔睇架勒!

比賽, 方法論 (roadshow) 30_05_2013

剛剛個星期日, 玩左一個攝影比賽. 事前並無特別去準備, 一切都係依舊, ad hoc去做!! 到時眼見有乜道具就用乜吧~~

活動係一個飲料品牌攪嘅比賽, 宗旨係要影出呢樽野飲嘅 ''型格一刻''

認真, 呢個樽一望落去的確係幾型, 顏色嘅配襯係唔錯~~  

一如已往, 每次喺健構自己個作品之前, 好正常, 都會睇下其他人嘅成品先.

睇睇睇.....

哈, 好老土地, 喺呢類攝影比賽之下, 無論主題係乜, 以下呢種作品真係一定走唔甩...

主體加屋企隻小動物, 貓狗係正常之選, 之前見過有陸龜, 蜥蝪~~

主體加最近話題, iron man同隻 屈不得, 不二之選 ~ 

好多時, 小朋友都會係一個好熱門嘅參賽工具, 但........呢次竟然無份!!! 

我相信, 就算個比賽題目定為''衰格一刻', 上面堆相都一樣有機會走出黎, 因為呢類參賽者應該都好自我.    

好細心分析晒現有嘅所有相片, 最大嘅假想敵應該係呢一張.

唔理樽野飲啦, 成件事已經型到入晒骨髓, 見到張相就好想玩!!  但, 佢算唔算醉駕呢?

可能係經驗嘅關係, 睇晒所有參賽相片之後, 覺得呢次活動嘅反應係好一般, 相片質素唔理, 但係講大會果個只要係頭50名參賽者就可以得到嘅welcome gift, 到比賽截止前一星期都未派晒, 家陣都只係得大約40人參加左...so sad....for 主辦單位, 但對我哋黎講呢, 未就係機會囉, 哈~~~

對於無攝影技巧嘅我哋, 要喺呢類比賽跑出, 最少要做到......張相係貼題--''型格一刻''

飽歷多次考試經驗嘅腦話我知, 一定要影到呢樽野飲最有型嘅元素, 而呢樽野最型係乜?? 未就係樽身嘅貼紙囉!!

為左要將呢個''型''放大, 我哋決定將幾張貼紙由樽身起出黎.

生活小常識, 原來喺貼紙上荼一層薄薄嘅凡士林, 可以令你好安全咁撕到張貼紙落黎!!

拼拼砌砌

攪左呢張相出黎

算有心思掛, 用液體寫字....雖然唔...

再攪下, 再擺下. 

似乎咁樣會有趣少少.

就咁啦!! 再tune下張相嘅顏色就交得.

其實都無話一定會贏嘅, 但相對番現有嘅作品, 我哋個方向其實都算特別, 即管睇下有無機跑出啦~

由零開始, 俾大家睇晒我哋為一個比賽會做嘅野, 就係咁簡單. 之前, 久唔久就會有人問, 究竟我哋成日都可以喺類似嘅比賽得獎有乜心得, 大家睇到啦...真係無必殺技, 最主係得兩樣.

1- 作品貼題

2- 活動無乜人玩

完. 

一齊等結果~~

我仲想講, 隻野好似wall e

補充!!!

輸呀~~~~~~~~~~~~~   咩都無. 

26/6/13

我哋嘅大時大節 (roadshow) 20_05_2013

剛剛, 多得佛誕, 我哋放左一個LONG WEEKEND, 而因為呢個LONG WEEKEND, 相信長洲入面有批朋友, 應該都好開心~~

講緊乜? 就係長洲入面嘅商戶.

星期五佛誕呢日, 就係一年一度嘅太平清醮, 新聞報導除左一如以往講左長洲入面人山人海個狀況之外, 跟手再講埋入面嘅商戶點樣好有諗頭咁繼平安豆袋之後, 再獻新猷, 設計左平安龜, 平安貓同平安.....BB襪 !! 相信佢哋都應該幾好生意, 真係替佢哋開心~


話說回來, 幾年前我哋都去過一次太平清醮, 我覺得果一次嘅經驗其實係辛苦...唔抵玩.

飄色巡遊? 我只係離遠聽到鈴鈴鐺鐺嘅音樂聲, 無嘗試係烈日當空下迫入人流 !!

包山? 我算影到....

合照~~

最接近關於太平清醮嘅時間就係迫左係碼頭對出條大街欣賞平安包嘅相關產品~~



如果要數果日影到最開心嘅場景, 係咁嘅

果日真係乜文化野都睇唔到, 以後都唔會再揀呢日去長洲. 對我黎講, 呢日只係比平時多左個平安市集.

長洲本身係夠好玩架勒, 平時去先係明智之舉~~




好, 樓上嘅都係題外話!! 入正題

關於香港嘅節日活動, 一路以來最能夠吸引旅客, 而政府又肯大力宣傳嘅應該都係端午嘅龍舟比賽, 樓上講嘅太平清醮, 新年花車巡遊等等.....有無漏?? 丫! 仲有n咁多次嘅煙花表演.


呢類活動呢..... 唔係話唔好玩!! 不過.....你有無留意到一個好大嘅共通點..

開估前, 俾幾個其他城市嘅節慶活動大家參考比較下先..


西斑牙 蕃茄大戰
http://www.youtube.com/watch?v=QPQCH1b_LgE

Thailand 潑水節
http://www.youtube.com/watch?v=vM_ddQBLHf0


San Francisco easter
http://www.youtube.com/watch?v=cO9DYLsDVk8


估唔估到香港嘅活動同以上舉例嘅有乜最大分別?



開估!



我講嘅係參與度, 原來我哋有好多節慶入面嘅慶祝, 做市民嘅真係得個睇字, 好難即時參與其中. 我無可能見到龍舟上面嘅健兒玩得好開心嘅時候, 就去搵隻龍舟黎玩, 又或者覺得個包山好過癮, 就走去爬~~

我哋香港嘅節慶活動入面, 結構同我另外所舉例, 外國嘅節日真係好唔同, 最少我哋真係好缺乏呢個種類.....點解呢? 定一話我真係遺忘左??

香港有無可能發展到一兩個類似嘅活動可以俾人更容易參與呀?

我哋嘅節真日需要多一點生氣~~~~~~~