入粉嶺, sharing FRIEND

一個大好既星期天, 我地放棄左個下午, 走去好遙遠既粉巔同一班同學仔做分享會~~

原來我地係某d朋友既心目中, 已經成為左......優秀青年~~~真係非常g咁誇獎!!! 就憑佢地呢個形容, 個聚會真係推唔走.

黎啦 !!!

係答應左出席之後, 再睇同場有咩野嘉賓..

d汗真係大大滴咁走出黎..

中央政府駐港聯絡辦公室xxxxx

民政事務局xxxx

香港中學校長會xxx

....

d title有d誇下ma!!

活動之前我真係好鬼緊張架, 一來sob真係不是什麼優秀青年, 二來我相信好老正既人睇我地講野只會覺得係插科打混, 係浪費佢地d時間. 算啦, 都應承左勒...唔好理, 做自己!!

諗下度下, 就黎到活動呢日勒

點解有個 s 字, 哈 ~

我地呢日遲左少少, 係自己果part開始前既30分鐘先到.

係有點屎淋尿瀨的 ~

係會場入面, 我地第一眼見到係一排好公整既櫈, 上面坐左d好公整既人士. 環境氣氛係好...正經, 嚴肅!! 見到呢個場面, 真係再驚多兩錢重~~

Sharing之前, 我地上台接受人家既紀念品, nice~~

睇下星哥隻手, on 居, 唔知佢想點~~

呢次個舞台屬於, 黎生, 熱奶, 傻輝同肥星哥.

影埋個大合照先~~

跟手係個茶點時間. 之後就會輪到我地勒.

我都奇怪點解個流程好似掉轉左咁...原來係要方便d 好大粒既人士係食完茶點之後行先呀(純屬我個人估計) !!!!!

wow, yeah!!!! 太好勒, 樣既情況對我地黎講, 更加有利~~

開始勒 ~

我仲帶左軟人同小白去~~

講左好多好多既野, 自己都記唔番有咩係留講左, 有咩係爆肚而出, 希望同學唔好介意有d亂啦.

大約30分鐘入面, 最記得只係剩番呢句: 同學仔, 放學留多d係學校搵野玩啦 !!
呢句係好真心既說話, 尤其係對讀緊中學既朋友黎講, 我相信會特別適合.

玩完, 黎番個真正既大合跳~

一個字, 精彩 !! ( 揸相機果個朋友叫呀恆. )

同精美既紀念品合照

果三條人笑得很cute！！

最後要係到多謝番讀緊 year 1 既 Thomas, 多謝你用優秀青年去形容我地, 不過呢~~真係誇獎左勒, 我地的確只係做緊無聊事 only.

有緣再聚!!

題外話~

玩完sharing, 難得入到粉嶺, 無奶油咁快走丫~~

我地就捉左一個當地朋友做我地既導遊, 同我地去玩玩跳跳, 佢帶左我地去一個......圍

係幾得意wow~

下面係呢陣子影相時一d新玩法可以同大家分享.

年紀大, 似隻蟹...隻腳唔多聽洗了 ~

唔知兩張gif 圖work 唔work呢.

講真, 唔知咁樣玩塊牆有無不敬...有既就真係唔好意思, 係到講聲 sorry ~~

我們的雷神......是這樣的.

之前已經講過我地將會參加一個雷神造型設計比賽....

最後既作品經葉生既重型修改之後, 出世勒!!!

連個冰巨人都係---超型!! 4條友加埋......120歲

我地幾時可以開dry呀 ~~~~~~~

Marie Claire (HK) Edition

無錯勒, 之前講過我地將會出現係一本女性雜誌上面, 呢本就係Marie Claire勒.

封面係咁既!!

就好似之前所講, 封面係劉心悠女神~~

主題係 make a different with www, 上網起革命(呢個革命流唔到血, fail, 重作~~)!

SOB係專題入面其中一個被介紹單位, 另外仲有3個, 分別係.....

已經擁有3間地鋪既袁彌明

攪左超過60場手作市集, 經常被慈善及商界邀請合作既(我係手作人)

賣既衫好令, sales姐姐又好令既 velvet

你話勒...sob點同佢地比丫, 我地已經俾錢出黎搵野同人玩, 個參與人數都去唔到佢地果d位呀...haha~~

真係既, 佢地先算得上做緊大事, 起緊革命!! 暫時黎講sob都仲係做緊...無聊事.

講番個訪問本身, 做完之後都覺得真係無咩爆破位, 似乎都係一d幾直接了當既內容話題.

不過, 真係點都估唔到, 最終會有一個surprise由記者送番俾我地....

見到麻, 個訪問版面就係咁勒. 我地張相位處右上角, 仲細個左邊位小fan呀...hahahaha

如果你問我, 張相仲細過個fan有無唔開心?

答案係一d都無, 反而覺得呢個安排好好!! 因為我地知道, 呢次訪問最少俾到個big surprise一位朋友掛, 咁就已經夠啦~~~

最後, 我地要同steven講聲..thx!!

希望你既網上雜誌一路順風, 多謝你俾我地呢個訪問機會 ~~

有口難言

因為一個訪問既關係, 我地誕生左呢個有口難言既PROJECT ~~

油口欄弦~~

有口難言!!!

入去個相簿大家就會見到一系列既問題, 呢d問題分別由幾位答o岩過題目既朋友所出.

成件事情衣家都仲玩緊, 星期一至五夜晚11:00都會有之前一晚搶得發球泉既朋友出題!!

有興趣就今晚上黎挑下機呢~~~

講番轉頭, 我覺得album入面既題目其實好有交際作用... 大家諗下, 衣家一班人出黎聚舊既時間, 好多人都真係自己掛住攪手上果部電話, 就算同枱食飯, 交流都少左好多.

拿, 衣家我強烈為大家推介我地個getMe_ifUcan俾各位拎去同坐你身邊既朋友過癮一下, 絕對適合用於解決一大班人聚集既時候, 有機會出現果種悶場!!!

當然, 我地絕對歡迎男士拎去氹女仔開心~

唔使多謝勒, 拎去用吧~~~~~~

btw, 多謝每位有份用心用力出題既朋友, 你地係會得到回報的.

呢排做過乜(小訪問)

講完分享, 又講下另外一壇野勒, 呢陣子我地仲做左兩個小訪問, 犀利 !!
犀利唔係講緊我地自己, 係講緊.......兩個單位之間既大不同.

一個係...國際性既女性雜誌(香港版).

一個係...某所中學既一位F.5同學仔專題研習.

SOB服務之廣真係估你唔到~~

先講呢個國際性既雜誌, 當日出席既人士真係不得了!!

你見我地請得郁傻生同星哥都知犀利啦!!
可想而知....女性雜誌個term幾咁吸引呢班宅男~~

咁究竟訪問係邊本書做呢, 唔講住..不過可以透露果期既封面人物, 如無意外好似係劉心悠小姐..真係開心勒!! 再一次同女神這麼近, 那麼遠~~

呢次訪問內容係講點樣利用網絡做大事....hehe, 講真果句, 我地點算做大事丫, 都係柴娃娃玩下jei. 當初既sob都無諗住去到呢個位置, 不過有左網絡的確係nothing is impossible~~

thx, steven.
希望當個專題面世之後, 我地既女性支持者數量可以直線爆升啦, arhaha~~

係做完呢個訪問之後...做第二個訪問之前, 葉生佢話: 以後我地都係做少d訪問啦, 被訪d野係 blog好多時都有既, 有興趣既話隨時都可以知道我地既所作所為啦..況且, 多數訪問都唔見得有特別爆破既事可以發生..

好勒, 佢講完無耐就出現第二個訪問既要約~~

之前講過, 呢個訪問係黎自一位F5既學生, 佢係EMAIL入面題到要做一個關於80後既探討(開正一個我地幾唔鐘意既話題), 想搵我地問兩句睇法.

其實當我睇完個EMAIL之後, 第一時間既感覺係呢位同學真係好好好誠懇, 但我地之前先話唔想做太多訪問, 而且主題又要開正全世界最老土既..80後~

唉..點攪好.

葉生就出左個主意, 將個話事權交番俾呢位同學仔.....

我地俾左個有口難言佢, 如果佢可以係指定時間入面答得到, sob就幫佢呢一次.
最後, 我地既支持者果然腦筋清晰, 好快就ko左條題目...叻女! 咁我地就幫佢講左少少80後勒.
唔知有無機會睇番篇訪問呢 ~~

就係開左呢個頭之後, 我地既有口難言竟然搵到一個突破位~~~~

呢排做過乜(分享會)

好耐無update, 又係時候講番兩句!!!

呢陣子個氣勢依然有d不振呀, 仲未有似樣既玩物落到袋~~
不過呢, 又唔係無野玩wor, 我地玩左---2個小訪問同一個分享會.

先講下個分享會丫~~ 係sob既第二次. 活動名稱叫做--出走校園 之 熱血流動
活動宗旨係想透過唔同單位(sob係其中一個)係組織活動入面所得既經驗, 向在場一班有志去實踐社會服務既青少年做交流分享.

講真果句, 係呢類分享活動入面無論面對既朋友有幾多個都好, public speaking 對我地黎講始終係一個好大既考驗~~

好可惜, 呢d挑戰又點會難到上面既4位勇士呢 ~~

舉行活動既地點係類似你同我屋企樓下都好常時會出現既小朋友聚腳地, 類似小童群益會/童軍之友社咁啦.

場面~

觀眾係圍數大約30人既初中同學, 不過都足夠我地口震腳震架勒~~

同場另一個分享單位係佢地--青年製造

佢地個組織由幾個年青人發起, 慢慢係地區發展, 衣家可以做到去time square開show, 又拎到 hsbc既 funding, 繼續去開興趣班俾小朋友學野, 好勁呀佢地~~~ 加油加油!!

諗番轉頭, 我地個分享入面都未必講得好貼題, 有份參與既朋友唔好介意.
不過, 我希望曾經係你地面前出現既幾個痴線仔果份熱情可以感染到你地, 話到俾大家知熱血流動係應該敢想敢做!!!

至於我地呢~

睇番現場既反應, 同學仔係喜歡睇我地既片多過聽我地講既野, haha~~

我地會再改進下架勒!!

開開心心完成分享, 我地得到左SOB出世以來既第一支...錦旗 !!!!

我以前仲讀緊書, 係台下做觀眾睇人分享既時候, 從來都無諗過d講者可以係收到支小錦旗之後可以咁開心.

最後, 多謝幾位社工姑娘同一班小朋友, 今次都玩得幾開心呀.

雷神奇俠造型設計大賽

唔使同人煩個facebook like勒!!! 直接設計自己既雷神奇俠造型, 用相片或者係 video去表達, 贏左獎你雙人遊美國玩個夠, 詳情係呢到.

我地已經開始著手去develop SOB既雷神勒~~

不相伯仲~~

我地仲有勁hae冰巨人tim,

當然啦, 作品仲係好初步既階段, 好多野都仲設計緊.

不過呢次我地真係大犧牲勒, 出賣色相都唔只, 拍野果時仲要出賣d血去餵蚊~

自己入去睇下.

即管睇下我地呢次有無好結果丫~~

唉..無左 natalie portman ~~

遊戲攻略. like ~

前幾日, 睇左呢篇文章, 講 facebook入面個 like 既意義, 同埋一 d 叫人好討厭既網路公司係 facebook 既生態發展~~

睇完之後, 我又諗起SOB係呢兩年入面見到既出煙野.

我估大家都知道, SOB有資金support繼續去玩係因為我地久唔久會得到一d唔同公司遊戲既獎品. 一路已來大大小小唔同公司都玩過...贏過,輸過,hae過,認真過, 經歷左好多.

呢條banner 真係儲番黎架~~

由開始既時候玩2,3個game就贏1次, 次次都抱好大期望去參加, 去到無幾耐之後就多數係賺玩算數. 攪下攪下, 我諗自己都應該有少少資格去對呢d比賽俾下意見掛~~

唔知幾時開始, 呢類既活動漸漸就愈黎愈鐘意同facebook掛鉤, 講緊既又係...like !!

上面篇文章講過, 一個facebook既like係代表一個活生生既個人 data, 其實呢個只係屬於正常情況之下. 當環境一轉去到我口入面既活動比賽呢?? 好多製作單位要既就係人氣! 不論比賽性質, 事無大少都一定加入鬥多like呢個元素, 務求可以透過1部ipad2, 2部iphone4, 得到最多人入黎為佢地讚好.

係呢個潛台詞之下, 問題就出現勒~~

有參加者好有心去設計作品, 再四處叫朋友投票支持(like)自己(呢d好慘). 有參加者好有恆心去開3-400個facebook acc俾自己(仲要互相add番做friend)去投票. 再攻心計d既係開4-50個facebook acc去投對手一票, 再舉報人地做馬...手段層出不窮~~~

我透過最近一個俾人攻擊/投訴得好大聲既得獎作品入面, 好易就搵到呢d acc.

素人一, 素人二, 素人三. 麻煩既野我唔去解釋勒, 對facebook有少少認識既人應該好容易明.

人各有志, 呢d acc無話一定係用黎做假俾自己, 可能係用黎陷人於不義~~ 好明顯發起人呢陣子係準備緊攻破 pond's hk, lipton hk, Swipe HK,同 奧海城既game.

問題番轉頭, 去到主辦單位勒, 佢地根本無能力去處理/分別呢d造假既問題投票, 最後得到就係不停俾參加者問候啦, 投訴啦, 追究啦....好多嬲嬲地既就一定選擇取消個like~

你問我, 呢d fanspage最終可唔可以透過活動受惠, 提高fans既認同? 多數唔得! 老實講句, 最终得益者好多時(我覺得)更加係做票果位朋友(講堅架), 而 fanspage人數亦只會得到((表面上))既數字增長.

我既經驗最終話我知, 鬥多like既game, 鬥既唔係朋友多, 而係公平地鬥你攪program既強弱. 講真, 有呢類專業真係唔怕去做呀, 一個月攪2,3部ipad2番黎, 好過打份工架!!

所以呢, 玩鬥多like-----認真你便輸, 我地好早就化左勒.

要玩就只好帶住純粹想分享既心態, 希望將自己既快樂分享俾人.

最後一句說話係俾仲攪緊呢類比賽既網主: 你想得到fanspage入面朋友既respect, 請你都先respect 自己既工作岡位啦.