和氣生財吧

男人既決鬥．．．．放棄左勒～～

某d原因啦, 總之最後負責代表SOB去南非既人就係佢地兩個勒.

軟人. 獎都拎埋勒

同呢個肥仔. 我地既首席designer, 肥星

佢地好緊要呀, 肩負左sob既第一個trip!

話你兩條人知呀, 行程目標唔只係去玩架, 仲要為一眾既朋友報導旅程既實況, 唔該你地有時間練番下作文呀~~
佢地既作品, 大家....拭目以待啦.

講番同sony果邊d恩怨先, 最終我地選擇左......多一事, 不如少一事勒.

曾經, 我地有過一陣子既衝動想向sony發一封正式既律司信~~~因為, 決賽的確係佢地做廣告時所講, 我地只係據理力爭, 唔想理佢地公司之間發生咩野問題, 總知就唔想自己損失.

自己睇勒...

雖然佢地係有好多免責條款, 不過都無理由格硬咁樣換左個獎ma

不過, 最後我地都係唔想去有其他行動勒~~~

因為真係做呢樣野的話, 會同我地要玩得開心行先既宗旨有所衝突. 再者, 都無畏要sony果邊有人要為呢件事活受罪啦...

由佢啦, SOB就將呢口氣大大力吞下吧.

講番開心既野, 你有無興趣知道佢地兩個幾時起行呀?

1/7 就出發勒, 會係睇GAME 59
即係睇 GROUP A,B,C OR D既球隊, 最強既戲馬有機會係.........AGENTINA VS ENGLAND. 祝佢地好運啦 !

下邊係舉行賽事既球場

位於CAPE TOWN 既 GREEN POINT STADIUM

為左update左手邊既獎品清單, 我用左永安旅遊既世界杯套票做參考
住cape town, 包一場8強, 跟最平既酒店佢地收費係HK $70,120兩位

未住, 我地個套票仲包...LOCAL TOUR架wor~~~~

算啦, 就計HK $70,120吧........

一下子個總數就衝破左6位數了~~

唉..愈攪愈想去~~

我唔打勒, 今日就講到呢到啦!!

btw.......點都應該向sony 講番句多謝既 ~~thx
不過希望你地下次攪活動真係唔好再有呢d情況出現啦.

我依然make.believe.

SOBtee

玩左咁耐比賽, 得到過咁多朋友既支持同投票~~
係時間要多謝番你地勒!!

一件新既SOBtee再一次面世勒

不過今次唔只係我地幾個有~~
ps. 呢張相..無得傾, 正得很 !!



幾多!! 一個款, 3隻色~


男裝黃色, 女裝白色.......仲有核心特別版, 灰色~~~
SOBtee已經分發當中, 費用全免.

呢件tee, 代表左我地對大家既多謝, 多謝你地係之前唔同活動入面既支持.

Thx for being one of us.

lmL

飲罐可樂慶祝下先 ~~~~

朝9晚5係一般打工仔既(理想)office hour, 所以我今日既集中力都放晒係呢段時間入面~~

不過唔係因為工作wor, 而係希望我既念力可以帶黎可口可樂果邊既得獎通知.

終於, 16:55pm, 俾我等到妳勒~~~~~~~~~~~~~~~得獎呀, 羸左呀, 攪掂呀, lmL !! (Tiffany小姐..下次唔好咁遲啦, 我地呢d小參賽者好緊張架ma~~)

真係開心到, 紅都腦埋 ~~~

同可樂果邊溝通過, 佢地表示行程主要都會跟番我地個idea~~中環電梯

而主要既check pt暫定係下面呢幾個.

1. 中環街市

2. 荷理活道

3. Soho

4. 勝香園

5. 文武廟

睇黎我都要做下d research, 睇下點可以用英文介紹呢d地方勒~~

另外, 我地係個行程入面仲會有幾個task 希望做得到架.
詳細唔講, 不過其中一個同下面隻歌有關係.

就係半斤8兩勒...好野黎架!!

有咩用? 自己估下啦~~~

今日係同可樂果邊d同事傾有關個行程既大綱既時候, 我感受到佢地真係好尊重我果一次interview既時候所講過既所有提議. 可行,唔可行既都同我交代番晒, 真係very之good.

既然你地咁重視我所講過既野, 我地sob都一定唔會揸流攤~~~

因為唱好香港係我地最愛做既野 !!

lmL

30/04/10 見

今日, 27/04/10 終於見到officail 既 公佈勒~~

唔怪得可樂果邊d人成日叫我全名啦~~~
真係下下都黎華~~
叫tomy得架勒.

可樂.勁緊張interview~~

我地成日話, 每次領獎最希望就係可以同主辦單位互相交流, 希望藉呢個機會可以俾佢地知道sob係點樣既團隊....

不過講真, 又有幾多次真係做得到丫~~

唔係我地唔肯呀, 多數係人地無呢個閒情日誌law.

不過呢次唔同勒, 可口可樂既大長征入面..因為有interview呢part既關係, 直頭係攞正牌要傾計tim呀!

上去之前其實係少少緊張架勒, 不過見自己都準備得唔錯, 信心係有既.

去 reception搵 tiffany報完到, 跟口問佢可唔可以幫我係果到影張令相, 因為個reception d 佈置係ok令架 .......

嗚呀, 俾佢reject左呀~~大大大舊檸檬擠落黎~~~~~~~~~~

佢話個reception係唔可以影相. 當我想偷影時, 又俾佢睇到~~

攪到我真係堅緊張起黎呀. 好嚴緊呀, 身邊又無其他player啦我作戰...呢到, 我輸左.

就係因為咁, 呢篇野......無咩可樂office果邊既相lu.

下邊係...僅有既兩張

佢地reception出邊, 等lift時影~~

係lift 入面...

手上係佢地既小小紀念品, 一支紅色vitamin water.

另外果個 fred perry入住既就係今日既道具(嘩...sob tee走光呀!!)

講番少少interview既野, 我一對4, 一個計時, 3個評審, 分別係黎自可口可樂, 廣告公司同青恊既代表.

開始 5min既presentation之前, 我係評審張枱上面放低左呢幾件野.

唔好誤會, 呢張係熱奶屋企果張枱~~

雖然呢次, 因為大會安排既關係只係可以一人上場, 不過我又點會掟低你地呢.

我既開心行程presentation入面, 方向係咁既~~ 行咩地方, 什麼名勝完全唔係我所考慮既重點.

行程要3位快樂大使開心難忙. 佢地需要既唔係什麼美麗既名勝, 而係一班懂得開心, 能夠俾佢地感覺到香港人係幾咁有活力既一d 團友! 亦即係我地 sobplayer 勒.

所以, 我地創作既開心行程重點係, 點樣同開心大使之間創做出一d互動.

詳細既唔講啦, 有機會真係贏到的話, 大家就到時留意下啦.

講番, 今次雖然只係我一丁人走上去, 不過都不能沒殺佢地既付出既....

最後既旗仔(轉頭講)係佢print既

art work 佢出既

我要多個特寫! 因為呢張貼紙隨時就係唯一獎品(唔計支vitamin water).

今天, 一張相總結晒

墊底果張野係我presentation最後既殺著, 你睇唔睇得出係咩野丫......
係一支.....旗
每個旅行團都不能缺小既一支旗!

意思係, sobplayer已經 ready, 等可口可樂既開心大使就出到團勒~~

快樂長征206, 10大勒 !

經過一番既龍爭苦鬥, 最終SOB(我自己)係可口可樂呢個206project總算達到左at least既目標-- 入到最後十大, 可以同可樂既評審團會面.

入圍既過程真係..苦過deedee, 詳情就無畏講勒. 不過係呢到都要多謝投過我地票既朋友, 你地果票真係好幫到手, 好重要!

知道入左圍啦, 我衣家要做既野就係好好準備一下黎緊星期六既野勒. 到時我會同大會既評審團有一個大約15-20分鐘既見面時間. 我一定要好好去利用呢段短短既光陰去將xxxxxxx(唔話你知)清楚咁同佢地分享, 藉此爭取到.....

同佢地一齊玩既機會!

因為大會早前定下規矩既時候, 說明左活動只係個人參與, 所以係會面既時間我只可以單刀赴會, 諗起都真係緊張.

雖然呢次活動既過程, 其他player既參與度最終都唔會係好高, 但係講真果句, 唔係有SOB既使命感係後面撐住, 呢次既10 大一定無份!

所以 我係會面果日, 一定會諗到方法將佢地帶係身, 再叫佢地賜D力量過我既!

嗚呀 ~~~

lmL

男人之決鬥 !

咩野係男人既決鬥?

去南非既名額就只有兩個, 我地暫且放低對sony既不滿, 衣家既當務之急係要諗一個方法去決選出究竟邊一個會陪同軟人一齊出席呢個8強世杯之旅.

你可能會問點解軟人可以自動置身係個旅程之中? 好簡單, 就係因為sony 呢穫野係由佢負責交件!
所以我地都無得提出異議~~(軟人, 你係未暗笑緊呀? 多謝我啦!)

下面係佢既心情

軟人, 你可以搵番呢套衫出黎著去南非勒 ~~

不過,成件事動員左咁多既人力物力, 係無理由俾佢拍拍law 右就走左去玩架麻, 所以佢係要負出的!佢須要捐出一個非常離鋪地優惠既金錢俾sob做玩樂經費. 當然相同既條件都會應用係另一位既幸運兒既身上.

好勒, 講左咁耐, 究竟幸運兒會點樣選出呢, 我地會用一個咩野既方法決一生屎呢~

好簡單, 球場既事, 就一定要係球場上面解決 !

而球場上最殘酷既就係 ~~~

射碼吧 !!!!!

Sony, make.be lie

我之前keep 住係blog 及朋友面前都講話sob係sony 攪既活動入面贏左個trip可以去南非睇世界杯總決賽.

就係憑呢張相

話實, 呢段時間入面我地沒收過任何確認既信件架, 之不過係無咩競爭者之下,基本上我地可以肯定呢份出席世界杯決賽既honor將會落入sob既口袋入面, 就係因為咁, 我先至咁肆無忌憚去周圍同朋友分享呢份喜悅.

終於, 呢兩日, 我地等到勒, 收到左sony既 confirmation勒 ~
機票有, 酒店都有, 仲包左當地既local tour. 不過場波方面出左個好q大既問題.

sony既負責人話我地知, 我地實質既獎品係一場半準決賽既入場券, 並唔係一路佢地係廣告之上所講既總決賽..亦即係話sob同雷米金杯之間既距離將會由2個月變左..最少要再加上一個4年或者更多既時間~

對唔住 sony,一方面我會多謝你地總算俾左個機會我地去睇世界杯. thx
另一方面, 我係真的須要X7你, 請你收起果句 make.believe 裡面既ve, 改名做 make.be lie

最初sony既人係電話同我地講因為大會(佢話大會係指fifa)果邊既安排問題俾唔到ticket 佢地, 變左要我地改去呢個8強既賽事. 我心諗, 好野呀你, 推到咁q遠, 話係fifa 既問題！
跟住, 過一日, 軟人再追問, 佢就話係廣告個同事出問題. 佢攪唔清準決賽, 半準決賽同總決賽之間既分別~~
我又諗, 你地SONY 咁大既公司, 出街前既野無人approve 既咩, 你一聲口講話有同事攪錯野, 就要我地逆來順受o麻~~ mlm你啦

愈諗愈谷氣, 決定直踩上去人家office, appointment 都唔攞!! 同果個負責人, 羅小姐傾完, 結果其實係一樣, 不過佢就話都可以出番一封offical 既信交代番件事.
老老實實, 係呢個moment 我話知你出咩野信啦, 我都係唔會相信呢穫野會係因為個別同事既misunderstanding而攪出黎~~~
你地係一間國際既大企業, 名叫sony, 出一個廣告可以咁草率? 不過既然你地都講到會出official既信致歉, 要我地收聲勒, 我無計.

但, 洩總係要發的......

希望眾players&朋友會體諒我(黎華)衣家既怒火..
從來獎品的確唔應該係睇得最重既一環, 不過呢2張總決賽既tickets, 我會視之為sob既目標, 成件事我會咁樣睇....一年前為sob定下既夢想被騎刧了, 夢想係降落前墜毀了...冤枉地, 無理地.

呢個仇, 我覺得一定要報.
不過君子報仇, 十年未晚也~~~

Always coca cola! 我地要既係.......票 ~~

可口可樂 個快樂長征呀~~唉
由於眾人工作繁重既關係, 原先打算出去拍拍外景既planning都係閣置左 ~
換黎由我用文字帶大家出走中環勒!

沿著電梯走, 開心唔使愁

要玩香港不能沒有 維港一遊
舉世聞名 因它的兩岸高樓
水深港闊 帶來香港無限成就

要嘆靚海景 黎個渡輪往中環
上岸再往街市走 新裝會令你驚嘆
再隨登山電梯上 與你遊歷中半山

踏著石磚路 兩旁皆是特式樓
西式建築群 時間洪流沖不走
中式小店鋪 別緻手作 應有盡有

拾級而上至羅便臣, 動植物公園在左近

猩猩馬騮蜥蝪蟒 嚇到你我心慌慌
溫室種植珍貴蘭 大家見到一定讚
喜見動植物生生不息 學懂欣賞生態環

離開公園行落山 蘭桂芳就係尾站
燈紅酒綠俾你嘆 開心大使樂忙返

插圖係呢個

用呢張相做插圖係因為當我交作品既時候, 大會系統死都話我既字數超出限制(實質真係無超出206字), 攪到我最後要delete左關於中環街市果句! 為左要令到個行程完整番, 我就用左小hee係中環街市影既呢張相law~~~都唔係好差jei !

咁你要識做啦.投票既 webpage 係呢到!
投票既step: 選擇作品, 加入投票藍, 按此投票, 輸入email同姓名....最後唔好miss左, 去返email確認投票.

黎啦, 睇文字係唔夠架, 送我地去親身同果幾位快樂大使行一轉啦!
之後去埋上海, 咁我地SOB好快會有旅遊特輯架勒

Coca-Cola, 206 project

活動全名係, 快樂長征206, 尋找香港快樂之旅~~~

簡單講, 就係早前可口可樂己經舉辦左一個叫快樂長征既function, 由全球既朋友(但我身邊無人聽過)選出左3個快樂大使. 佢地將會係一年之內遊歷世界上206個可以買到可口可樂既地方, 目標係從中搵出快樂既真締(應該係要搵大纜先扯得埋既關係, 哈)~~

襯住4月尾果3位快樂大使就會黎到香港, coca-cola就攪左呢個尋找香港快樂之旅既活動, 希望可以由唔到既網友之中搵到一d富有香港特色既行程俾呢幾個大使去體驗.

活動16號就會截止, 要玩就快勒.
你可以用文字+相片, 又或者係短片去表達個快樂之旅(206min之內).

羸左就醒你世博之旅 !!

可以介紹香港, 為香港出一分力既野, sob係一定喜歡的, gogogo !!

你當佢是浮誇吧~~

誇張的咁多系列....

1.

前日, upload左tempo既作品上去佢地既website.

尋晚, 投票活動就cut off左.

一日既時間, 我地無再周圍勁大聲去叫朋友出手投票俾我地~~~

呢次睇得好開, 因為事情實在太浮誇啦.....

用短片組既結果做例子, 我地最後總得票係 12票~~

你又知唔知短片組既第一名係幾多票丫...

係 17286票, 我地既1440倍 ~~~

17286票, 太著跡勒掛~~

不過算啦, 我地玩過咁多次比賽, 呢類情況都唔係第一次見lu.

講真果句, 我地自己都試過啦. 不過無去到咁誇ja ma

呢d過萬票既vote, 我相信一定用左好多時間去攪, 都應該加許一下既~~ 叻仔！

不過呢類投票手腳, 我相信大會一定有機制去調整個結果既, 因為都寫明除左網上投票, 佢地仲會有專業既評判再為每個作品俾分. 你同我做幾多票出黎, 都無傷大雅既~~~

過萬幾票既朋友, 祝你好運~~

希望你既時間唔會白廢左啦.

2.

呢穫野我堅嬲呀, 就係canon果個大頭公仔影相比賽.

勝負取決於鬥多LIKE, 唔會再有評判呢個元素.

講真, 我地緊係唔會話自己既作品最好最有創意啦, 但衣家寫明鬥多like, 即係鬥多朋友啦...
ok..我地搵搵搵...

最後加埋d唔識既朋友所投既票, 我地有34個like

冠軍果個勁呀, 我地一路投, 久唔久先搵到一兩個LIKE...而佢就段段有. 咁我緊係覺得唔對路啦....

頂丫, 我click 入呢個一路領先既作品果個 like list...真係wtf

又係開自己開acc, 佢仲好有心呀, fake acc之間都互相add番做 friend

下面係其中一個like張相既fb acc例子 ~~

痴架 chong a-g mo, 同ttc-g chan. , 救命呀, 堅火~~

不過, 葉生又講得無錯wor, 佢真係好有心.

成件事, 係人都知到條友擺到明使橫手架勒, 不過canon既回應係咁既:

因為Facebook各種限制而未能逐一查證戶口，希望各位參加者自律令比賽可公平進行

置身事外..ok wor.

我心諗, 個比賽條款又講到點勁點勁...

CANON 你地呢次既危機處理唔掂啦 ~~~呢個經驗請好好袋住.

無畏下次又攪壇開心野出黎, 點知又激嬲其他參賽者ma...

其實一模一樣既情況係海港城既fb比賽入面, 都有見過.

不過海港城果次犀利呀, 佢地fans page入面既人睇唔過眼條友係到做手腳, 竟然一齊衝入去正義朋友果張相入面, 怒火like果張相, 仲一齊聲討果個邪惡抽心tim...果個場面幾鬼感人~~
canon 大哥, 你地個page離呢個風氣仲有好遠既路.

呢次...好似嬲得過左火wor...

係架, 我都覺!

因為呢次我無份影批相丫ma, 我無份賺玩呀 ~~~

不過衣家..唔嬲lu~~~

canon呢張相, 送既...

呢次, 你地燒燶野勒.

btw, 如果唔係呢個game, 我地都唔會整果d咁得意既人仔, 所以都多謝 canon 俾左呢個idea我地. thx

訪問後話~~

你有無聽到我地係新城個訪問呀?

下面就係相關既 file 勒, 有興趣既可以去dl 番, 再慢慢欣賞一下 .

link (遲d會有一個再清d同完整既版本)

果日我都有live直擊住個訪問呀, 係收音機聽住自己既聲音, 感覺係幾怪架, 不過都開心既~~

其實上去受訪前既時間, 我曾經都分別係唔同既player口中聽到佢地既意見, 諗過係未須要約出黎傾下到時點樣講, 點樣回答主持既題問, 又或者分下工咁.......結果係, 唔成事law, 因為我心諗呢班友仔都係玩adhoc野多架勒, 算把啦.......

哈! 最後估唔到, 佢地原來勁認真wor ~~

軟人帶左兩樣野黎:

1. 過左膠既報紙, 內容係關於我地係之前活動既得獎報導.

2. 唔知係邊到print出黎既sob理念. (我睇番個內文應該係我寫架~~不過已經唔記得係幾時, 同為左咩因由而寫lu...難得佢又搵到出黎 wor.)

呢個仲堅

葉生攪既一個sob timeline(中晒佢既身份, engineer), 裡面除左有呢年黎發生左既事之外, 亦都有佢對每一個function既簡短總結....講真, 已經好夠正勒!!

我真係估唔到佢地會咁有準備, 咁上心, 呢次我真係輸左......我堅係諗住上去 adhoc ~~

講番個訪問~~

之前細妹同我講佢地主要會圍繞sob既來龍去脈, 目標之類既話題, 尤其佢話我知節目呢part叫凡事有可能, 我心諗....中晒啦, very 之good !

不過, 如果大家有聽到個節目既話, 大家就會知~~

過程, 係有少少unexpected的.

問題在於口齒伶俐既新城電台節目總監大家姐劉婉芬小姐佢好鐘意用80後去引題, 去探討我地同方間所講既80後之間可唔可以有一d新既角度再去解釋下個現象~~

唉呀, 叫我地講 sob 既鬼馬野就話容易handle jei~~ 講80後咁heavy~~ 有幾下我真係見到同伴既心口著晒紅燈架......好采, 大家姐最終都有將佢係危難中拉番上黎~~

總結個對話比重係一半一半啦, 一半係我地點睇80後, 一半係sob既玩樂史 ~~都開心既, 衣家諗番起都多謝大家姐俾我地一個機會為80後出左一口氣!!

咁就完成左我地既處女登場勒~~雖然係宣揚SOB既層面上面, 我地都做得未係咁好, 但點都要係到多謝番大家姐既賞識, 而俾左呢個經驗我地, 仲有就係細妹既穿針引線. 佢地一手張幾個sobplayer既視野又推闊左勒 ~

補多句, 一路講緊既細妹, 就係智慧.創富入面既小師妹, 佢真係我細妹黎架 ~~