麥提沙, 每日gag gag笑

參加左, 利用左天佑隊長既真人真事去參加.
幫手投票勒wai ~~

睇唔睇到? 去呢到睇啦, 順手投個票.

http://www.maltesers.com.hk/campaign2009_gag/

軍旗日(下)

好趕咁食左個pizza hut之後, 戰戰兢兢咁向集合點前進. 一出青衣城, 見到個天已經停左雨, 再向前行就見到有班人聚集左係橋底, 心裡面都舒一口氣.

呢一批準時到達既參加者, 原來大多數係同一單位, 都係黎自葉己南既同學朋友(好采有你地ja, orz), 有好大部分其他個人既參加者都甩晒底, 無計啦, 無得怪人, 我自己都曾經有一刻諗過取消啦.
係派發晒 d 遊戲用品之後, 真係天有不測之風雲勒, 本來停左雨既天, 又落番狗屎大既雨, 情況係咁既...

無錯勒, 最後我地係轉左地方, 我既急智帶左我去青衣城戲院個出口, 即係北橋下面既空地到繼續我地既軍旗活動 !

係轉地點既時候, 一路行, 我地又接收多左幾個遊戲人士, 仲有一個好鬼 pro 既 攝影師, 佢講到明唔玩, 只係會影相拍片, 好丫 ! 反正我地真係無人做呢個postition wor.

正式開始後, 我地一路玩, 一路改d rules, 一路解釋, 最後勉強玩左4 round, 遊戲過程絕對過癮.

睇下相先

旗

講真最後散場時, 都係無正式去認識一下d隊友, 不過一路玩既時間, 大家都好投入, 好enjoy

最後係集體相同跳相law

衣家仲等緊今次活動既攝影師呀 sam send 番d相俾我, 到時我就可以出一段活動既精華短片架勒, 呀 sam我等緊你呀　～～～～～～～～～～

軍旗日(上)

呢一日係搶軍旗進行日既大日子, 時間定左係既上9:15分開始集合.

好可惜大清早見到既天空係灰黑黑既密雲, 天文台更加係早上發出過黃雨tim, 真係搶旗先黎落雨 ! 成日既心情都俾個天攪到唔多好, 諗唔到點樣去handle落雨呢個問題, 跟手就打俾大老輝, 而佢求玩既意志竟然勁過我, 佢話: 去就去硬架勒, 睇下到時有幾多人出現law. OK 就係輝哥呢句, 殺殺殺, 再CONFIRM 番 d自己人, 9:15不見不散.

係遊戲既早一晚我已經send左個email俾d(話自己會黎搶旗)既朋友, 提佢地23/5呢日既注意地方, william 又真係將果份野整得出奇地靚wor, 佢稱呢份野為game kit.

令外佢仲為呢個活動準備左好幾個工具tim

跟住就係呢個廣告板, 係活動境點(夜光架).

一句 SENSE OF BELONGING, 盡在不言中

好認真, 有多少既自豪, 因為我係第一個穿起呢件衫既人,.
未試過有一件衫著左上身後, 感覺好窩心.
SOB 入晒心勒 ~~

今次我地玩~~搶軍旗 !!

早陣子上網走黎走去既時候, 俾我發現左一個新活動~~搶軍旗.

其實呢個game係我中二既時候已經同d同學玩過, 不過我點都故唔到d外國人竟然癲到係街玩, 有車又有行人! 睇完d 相同information之後, 真係好想係香港攪番次, 不過參加人數係一個好重要既問題, 邊得黎咁多人采我丫~~~~誰不知, 一日, 機會出現左 !

當我係facebook游走緊既時候, 睇番自己join 既group, 我見到原來係幾年前自己開左既一個名為(青衣人)既group, 由於當時唔多識玩facebook既關係, 無set privacy情況之下, 會員人數入入下竟然去到三千幾, 勁誇.
既然人脈已有, 就即管試一試. 打起左一篇遊戲方法, 搵左一d相, 我就create呢一個event勒.
(青衣人, 夜晚搶個軍旗 !)

地點我定左係青衣城出邊既海旁! ....日期就係 23/5 ...時間 10:00pm

接住落黎我就利用左我作為(青衣人)呢個group既admin 既能力, 一次過invite左list上面 32xx個組員.

真係唔好講笑~~send果一下click, 你都咪話唔大壓力, 真係唔知有咩反應架ma.
一兩日之後, 其實反應真係唔錯wor, 都有幾十個人click 左attend, 亦都有好多人問個game exactly 個rundown同玩法, 而最多人擔心既係, 我咁做會唔會俾差佬話非法集會. 哈, 講真呢個真係唔太膽心wor, 最多未解散law, 講真衣家好多o camp都興周街走架啦, 我相信ok 既!
為左配合呢次既活動, sob 仝人呢次又出動, 先有肥星為我個青衣人既 group 創造呢個 logo, 天估話好有堂口feel wor, 而我更係堅鍾意啦

跟住我地又用左之前visa短片比賽時嬴左既錢做左d大會t shirt, 希望係搶旗果晚著住

正面係我地 sob 既logo, 背面就係今次既主角青衣人 !

經過一星期既時間, 呢次event 既attend人士已經係去到108, maybe attend 既都有427, 當中有男有女, 睇黎個遊戲應該都走唔到架勒. 衣家剩落黎既野, 就係點樣可以hold 好個 game, 我敢講我地sob 既人仔呢次一定會好好好好去攪好佢既 ! 因為我地好想將開心散播開去~~

國泰朋友既 follow up

一直都知道cx get ready for the sevens個比賽, 只有冠軍既短片先會得到機票同比賽入場卷, 而我地雖然入圍, 其實係唔會有任何既獎品, 勉強可以叫做得到係 hd tvb 既暴光時間做獎勵啦. 哈 !
不過早兩日, 我地收到個 cx 發出既 email wor.

內容如下 :
多謝你參與國泰航空有限公司「你的七人欖球賽備戰實錄」短片比賽，並恭喜你的作品入圍!比賽已於三月二十九日，在香港大球場四萬多名觀眾的歡呼聲下圓滿結束。
本人僅代表國泰航空公司感謝你對是次比賽的支持。為表謝意，本公司希望送上「香港國際七人欖球賽」國泰紀念品乙份。敬請提供閣下之聯絡地址及電話號碼，並於2009年5月8日前回覆，以便安排。如在5月8日後仍未收到你的回覆，會作放棄領取處理。
希望在來年能再次欣賞你的製作!

真好, 故唔到都可以拎到d紀念品, 跟住我問過熱奶後, reply左個mail
好多謝妳呀, 我地一班隊員都好須要呢一份紀念品去填補心靈上面既創傷呀. 呢個係地址, Rm xxxx, On xxx Hse, xx xxEst, xxxx xx, NT, HK 收件人: xx xxx希望妳可以盡快寄出啦, 自從個比賽輸左之後, 我地每一日都活係黑暗裡面, 無晒目標呀, 唉~~~ 希望份禮物夠我地 (7) 個人分啦. 咁就唔會傷到我地朋友間既感情勒.

究竟, 遲d我地會收到份點既禮物呢, 而cx 佢地又會點reply我地呢個mail既要求呢, 好心急呀...........

VISA (舞出自我旅遊新天地)短片比賽入圍 !

早兩日又收到一個好消息, 之前我地出既比賽短片it'S NO BORing進入到點擊率頭10 位. 我地sob既隊員又再得獎勒 !
yeah~~

呢個就係我地條片勒 !
www.visatravelhappy.com/ch-hk/index.shtml?vidPlay=Pu60iBTm1io

今次既獎品係us$500獎金, 排第一既果條片更加係有 us$3000 tim. 不過人家既 hit rate 係 22xxx次(好誇), 我地只係得 216次, 差太遠勒, haha. 不過講真我地呢次既短片又真係說唔上特別做得好既, 可能我地真係朋友多啦, 所以先做到呢個hit rate, 所以係呢到都要多謝番d 朋友勒.

謝謝謝, 各方老友支持

記番件事情既始末先

day 1

我叫左小白同小hee上黎我屋企, hae左一陣, 跟住就用左我公司贊助既A4紙開始構思


當晚小hee 同 小白即時去左排舞tim



day2-6



演出既代表係小白, 天佑, 同熱奶, 其中熱奶係整個過程都帶病上陣, 真係好難得, 佢都係辛苦命架勒, 旅行滑雪先黎傷風~~陰公

經過小白係 HK 既後期製作, 得獎片段就係咁攪掂勒 !

呢次既得獎總算安撫番各隊員係 cx 果次輸左之後既心情~~

海洋公園全城哈囉喂鬼屋設計「屍」大招募 比賽

收到 milk team 既回覆.

Dear Mr/Ms,

Thanks for joining 全城哈囉喂鬼屋設計「屍」大招募.

Unfortunately, your submitted works cannot through to the final round.

On behalf of Milk magazine, we appreciate your kind efforts and support on this competition. We will keep you post of our up coming events.

Stay tune and Good luck.

Regards,
Milk Team

哈哈, 由於呢個比賽既獎品太吸引, 我同wil 都俾佢吸引到, 更何況我地要拎番係cx 失去左既野 ~~不過我地都係哀左..得啖笑

不過, 既然都放過時間心思, 都幫個鬼主意記個念啦~~

一街比賽

一街比賽, 隨便睇隨便玩 ~~


心聲和應短片比賽
http://www.eoc.org.hk/EOC/OtherProject/VideoCompetition/application.html

港台兩地短片由我創製作大賽
http://www.myvideocompetition.com/HongKong/home01.html

Y!他村廣告短片拍攝比賽
http://www.ytamin.com.hk/video_contest.php

2009 Corel創意設計大賽
http://www.corel.com/tw/content/html/event/2009_apac_contest/index.htm

Jurlique x Greenpeace 氣候英雄.香港製造snap shot比賽
http://www.jurlique.hk/catalog/forum_frame.php?module=forum&action=list&f=34

明智投資, 學問為先.攝影比賽
http://www.invested.hk/invested/tc/html/section/prom/photo_mar09.html

CX HK sevens 比賽落敗了~~

帶住SOB各隊員千般盼望既國泰 "GET READY FOR THE SEVENS"短片比賽, 係早兩日正式公佈左個結果. 我地去法國既願望最終落空, 而得獎既短片係黎自一個英國人拍既短片, 如果有人想睇番呢個冠軍短片, 可以係之前既post 入番官方web page 就可以睇到.

係失望過後, 我自己都有諗過點解呢一次會輸左個比賽. 其實講真, 我地既短片係拍攝技術既層面未必係好好, 不過我自己夠膽講, 眾多既參選片段之中, 我地呢一段無論係創意, 同切合主題兩方面都一定係做得最好. 而我地相信片段亦都已經嬴得左cx marketing team裡面大部份同事既喜好低下(由cx線報提供), 成功被推選為最後三強影片, 可以係大球場既電視播放.

當時情況錄低左！

唯一我地呢次真係計算錯誤既地方就係最終係三強定勝負既方法, cx 選擇定勝負既方法係由當日球場上4萬個觀眾朋友佢地即時去欣賞片段, 然後已佢地既歡呼聲多少定勝負. 聽番朋友講, d 觀眾睇完我地既片之後係...無咩反應, 在場既朋友好明顯係catch 唔到我地做既野. 唉, 陰公. 呢一次我地真係俾自己既創意玩死左. 講真如果要我地出一段好似衣家冠軍個得主咁樣 style 既短片, 我地一樣可以好容易整到出黎. 所以熱奶講得無錯, 其實我地既準備都真係唔太好, 我地好應該出多兩, 三條唔同風格既片去鳥籠左決賽果 三個位置, 激死.

不過都要講句多謝既, 多謝cx 攪左呢個function, 俾我地又有一次開心玩樂既機會. 講真cx marketing 既朋友仔除左係定勝負方法玩死左我地之外, 佢地都好好人, 話說我睇番當日係大電視播果條片, 發覺我地條片中段由youtube cap 落黎, All Black跳haka果一part 既部份竟然俾人edit 左 ! 我相信呢一個改動一定係cx d 同事知道我地無呢幾秒鐘片段既版權, 特登幫我地edit左佢地有 copy right 既movie 落去, 講真cx絕對有權disqualify左我地既片, 不過佢地無咁做, 仲俾左機會我地係大球場 broadcast 自己既野, 所以我地實在都好多謝ｃｘ既.

另外CX marketing d 朋友可能真係太愛我地既片勒, 佢地仲特登係自己official既blog 提起我地既making of http://www.cathaypacifichost.com/blog/?p=107

留意, 佢地係無提過冠軍條友架 <<我條氣都順d.