山頂, the peak !

Imposible 真係 NOTHING~~

自從走過入公仔箱之後, 發生係我地身上面既事都變得好多元化!! (但偏偏自己既老本行就愈攪愈小野發生~~)

呢次係玩咩呢?

有朋友有意邀請我地上山頂去(為某機構啦~~)影d得意相, 所以早幾日我地就抽空上左去行個大運, 順便視察左個環境去做準備.

大清早就黎到勒~~

太耐無黎搭纜車勒~~~

一見到呢d spot, 真係忍唔到!!
話說回來, 原來呢塊版唔係隨便可以影~~~佢係一個攝影公司既set up, 平時係要俾錢, 由專人代影, 再晒番出黎既搵錢公具....唉~~~~
好彩, 因為我地早黎到既關係, 佢地都未開工, 變左任玩唔嬲,.

俾多個笑料大家, 係纜車既售票處, 有下面呢個擺設

左邊果個~~

當我地好興奮咁同李生合照既時候, 有個內地姐姐好唔明點解我地會咁開心, 上前走黎問~~

姐姐: 這是誰 ?
我: 妳不知道ma, 他是香港的神丫!!
姐姐: 神~~

我: 李嘉神呀 !!

姐姐: o我 ~~~~~~~~~~~~~~~ 好像呀 !!! (你地明唔明個笑點呀 ??)

真係即時笑左出黎, 佢令我諗起早幾日身處 BAPE 門口既時候, 睇住幾位係入面大手掃緊 t-shirt既太太問: 你們是什麼牌子??

好勒, 入正題, 睇相!!

我地仲有好幾張巡邏相片係呢到.

其實寫呢篇blog既目的, 唔係話就咁紀錄下咁簡單架, 我地係想借個機會收集下大家既意見.

係facebook既相簿入面, 有d係吉既場景, 有d係我地既idea(當然未完整).....如果你有咩野可以影得張相更開心過癮既idea, 不如就提點下我地啦~