無意間, 我們被訪了.

早兩天, 我們再一次出現在雜誌之上.

7/9/11出版的東周刊.

一切都發生在我們出席於陳先生那個visa信用咭比賽的時候, 那時也只不過跟記者閒談了幾句, 往後再來一次電話聯絡, 想不到這麼快就有一篇報導出來了.

葉生指, 看得出這篇報導的排版是格外用心, 所以我們這篇網誌也應該對此有所表示....那麼, 我不再口語吧~

有人看得出排版當中的用心是在那處嗎??

.

.

.

.

.

.

.

.

.

.

就是在那個把相片圍起的圖框!!!

一眼便看出是sob這個大腦的剪影了~~~~ 還有最底下那對話框中, 用上了我們最愛的黃色 !!

感覺十分良好!!!!!!

說到文中的報導, 其實是非常中肯, 尤其當中提到....參與比較冷門, 少宣傳的比賽就是我們的致勝之道!!! 實在太無私了, 把這個秘密都公諸天下~~

但, 整篇報導其實是有一個比較叫人失望的地方--就是相片選擇的問題, 我解釋一下吧~~

1. 正中間的大合照, 並不能夠真正反映黎生的樣貌. 老實的說, 他外貌不俗!!!!!

吃飯時都不忘要....做作(chok)!! (手上就是文中所指的, 第一部iphone)

2. 南非那照片之中, 區旗的擺放是錯的(其實這是肥星及軟人所犯的嚴重錯誤), 區旗的花瓣是應該順時針方向才對!!

我不介意sob的旗給反轉, 但區旗實在應該放好~

好了, 開玩笑去到這兒就夠, 最後我們要在此多謝撰文的陳小姐, 難得妳認為sob有價值出現在東周刊之中. 謝 !!

很吃力的一篇網誌~~~

比賽態度!!

最新關於visa go購物王決賽當日既照片已經upload左去 facebook, 有興趣可以入去望下當日既花絮.

所以我話, 女生.....天生購物狂~~

就連勝出既單位都係女士包辦!

恭喜新加坡同南韓既朋友!!

講番我地, 之前話輝哥呢次比賽入面, 其實係有d無奈, 講緊係咩呢??

講緊就係佢地兩個比賽態度既不同....大家sync唔到.

驟眼望佢地呢一身造型, 唔差, 其實同outdoor既主題幾配合!!!

實情係點呢~~~

聽傻輝講番, 其實佢拍擋sunny係press當日見到其他強大既參賽者之後, 心入面已經打定輸數~~~~ 所以, 即使係仲未抽出dress up主題之前, 佢已經計劃好利用手上果$10,000去購入自己既心頭好----當中包括佢手上既 ipad.

最終主題係outdoor wear.........um, ipad x outdoor wear~~

其實真係好難向平審解釋一個 oudoor活動既 look點解要襯部ipad....

明顯地sunny已經將自己日常所需既考慮放左係購物時既第一位, 比賽既原意已經唔係最重要.

而佢地最終為ipad既出現, 解釋做行山出門時可以用黎睇...地圖~~~ 勉強都ok啦!!

其實都無得怪既, 始終贏輸真係無得話實, 如果為左個比賽, 買左好多唔適合自己既衫褲, 最後又輸左.....成萬蚊就泡左湯, 係幾陰公!! 所以sunny既選擇, 傻輝同我地都respect既~

但係, sunny哥......其實我地同勝利之間只係有咫尺既距離!!

我地一齊拆解下新加坡同韓國隊呢次比賽既勝利要素丫~~

新加坡隊

韓國隊

老老實實, 兩隊勝出既隊伍, 佢地呢套衫真係非常之出眾?

我只會話...唔差! 佢地呢個造型同其他隊比, 係無必勝既把握.

其實佢地最優勝既地方係舞台上既表現, 即係果10 min既 presentation.

用個簡單既例子去說明, 當日活動主持人係佢

joe(當日joe既表現, 真係好ok)

joe既職責係當每team完成1分鐘天橋show之後, 幫佢地主持埋剩餘既9分鐘時間, 盡量令每一隊都fully utilize果10分鐘. 如果無記錯, 只係唯獨新加坡同韓國隊兩team人係無需要呀joe出場幫手主持大局. 兩隊人自己已經完滿地安排晒台上面果10min既走位同對答.

唔使呀joe開口幫手之外, 韓國隊仲...

安排左一個靚女(左一)mc, 帶動場上既氣氛. 最右邊果位參賽者仲唱埋歌tim ar ~~~

至於新加坡呢, 佢地係台上面套衫的確係最搶眼既單位, 而佢地(兩姊妹)既合作其實亦都做得好好, 一個行, 轉身, 擺post....一個就專心為拍擋做解說, 真係淡淡定, 有錢剩!!!

一句講晒, 佢地每個人都好齊心, 睇得出真係決心要黎香港贏個比賽架!!

呢種齊心真係無得羨慕, 明查暗訪之下, 原來韓國隊兩個代表係自己地方已經玩左4個月既true man show先贏得呢個代表韓國, 挑戰香港既機會....4個月呀!! 至於新加坡隊都唔少野, 之前已經講過啦, 一樣係過五關斬六將. 亦都因為咁, 我地留意到呢兩個國家既crew係比賽入面係特別地多.

相比我地~~

呢個少少既pose同大澳買蝦醬已經係presentation既爆點...too bad~~~

佢地個presentation 仲係要由主持帶住, 如果無左呀joe, 可能5分鐘已經番埋位tim.

唉, 始終只係一張相咁簡單既投稿就可以得到既機會, 真係唔夠人地上心勒.

sob既另一個綽號......遊戲之鬼!! 呢個名雖然係我地自己俾自己, 但真係無亂黎, d玩樂比賽經驗唔係講假架...

我地心知呢一類比賽係舞台上面一定要有亮點!!!

所以呢, 歌, 我地都有預備唱~~

睇下我地個whatsapp group chat入面...

當傻輝shopping緊既時間, 一班狂人已經叫左輝哥準備支guitar唱首好歌(呢隻歌堅過韓妹果隻啦~~~).

當然, 輝哥最終係時間安排上面都略有不善.....唉, 攪唔掂~

算啦, 算啦, 算啦... 過去左就由佢勒, 雖然係有d可惜.

講番sob既定位丫, 我地當然想贏啦, 唔係話因為個獎金(其實都緊要既~~hehe), 係講緊為港爭光呀!!!

本來呢支旗真係拎黎俾輝哥披住, 繞場一週~~

由press當日開始派d飛龍襟章, 到完呢日我地拎住呢支旗, sob既人真係想盡量俾多d新邊既朋友感受到作為香港人既開心!! sob精神不死的, 我們不是一時貪玩 !!

最後比賽輸左都無辦法啦, 輝哥佢話自己已經做得唔錯勒~~ 尤其係一路幾日既活動入面, 有某2,3個地方既朋友都係比較含蓄, 佢係有主動去同呢幾個參賽者交流, 只可惜自己既英文真係有限公司. 就連台灣參賽者奈奈都有讚自己(講起又係, 奈奈既拍擋為左比賽, 攪到要去急証室tim!!! 呢d就係比賽態度!!)

我心諗, 話晒係東道主ma, 招呼客人呢d野, 很正常吧!!
你件幾千蚊既風褸都袋袋平安啦~~~

都未計其他!!!

仲有, sob無收adidas錢架wor, 點解要攪到自己成身都係先~~~~
褸褲鞋最主要既都係 adi !!

好啦, visa呢個活動就就告一段落勒, 真心多謝hktb 同visa既朋友選左陳生出黎, 俾我地一次可以識到好多外地新朋友, 同玩得咁過癮既機會. 仲有sunny哥, 你d英文, 勁!! 多得你, 輝哥先可以勉強招架到外地既傳媒. 仲有仲有, 肥郭sir同我拉旗!!!

嚴格黎講, 我地無輸,

因為我地呢次係玩得好鬼開心！！ (基本上sob無輸過)

翻滾吧, 輝哥!!

有睇新聞都知架勒, 我地既輝哥.........

敗陣了~~~

你問我香港隊係未完全輸晒, 無得鬥?? um....論當日係決賽舞台上既表現....係~~

但當我有機會一路跟進晒整個活動過程之後, 我敢講--唔是無得鬥的 !!

點樣有得鬥? 一齊回帶去活動既第二日開始講起.

呢日入面, 一眾參賽者要係8小時之內就住佢地所抽到既潮流主題去變身, 有咁潮得咁潮. 而為左公平起見, 大家都係呢一刻先一齊抽出自己既題目.

俾大家揀, 你prefer??
傻生之前被訪問果時答sport wear, 因為佢覺得兩個人都黑黑地, 運動型. 襯outdoor既衫褲應該可以幾好, 面且sport既衫褲可以有大d變化. 至於最唔想中就係職場果個, 因為呢類衫好難可以著得有咩突破.
拍檔sunny哥剛剛相反, 佢最想抽到職場型格主題!! 原因係---d衫可以番工著番!!! 呢個論點非常之好, 始終成萬蚊, 如果最後買左d野番去用唔番(大會係唔會收番參賽者所購買既物件), 又真係幾灰~~~

我地sob應大會要求, 並無搵人一齊跟住輝哥shopping做記錄, 負責人話香港隊已經佔左天時同地利既優勢啦, 如果仲要容許我地加多個人係買衫既時間俾意見, 就實在對其他人太唔公平勒~~

結果, 我地既策略係用whatsapp既group chat, 希望可以同輝哥交換idea!!!

一斑sob既戰士由9點幾開始已經係個group chat入面講過不停, 東拉西扯....最奇怪既係, 輝哥一路都無搭嘴. 我地不停問佢衣家既情況係點, 抽到咩主題, 叫佢講講講講野, 仲係潛水ing!!

差唔多打算要報警搵失蹤人口架勒!!!

11:14am 傻輝: out door.

yeah !!!! outdoor !!!! 開到正一正啦!!!!

萬分歡喜, whatsapp入面我地繼續熱烈地彈琴, 熱烈地唱!!! 意見口水橫飛!!!
但輝哥..........從此亦都不再回我地一句.
最後問番佢, 原來一路都有大會既人跟住, 唔方便去睇呢d msg(公平問題), 而且又有大量既記者要應付, 再者............佢地既時間真係好趕!! 亦都係呢個原因, 上面打左咁大篇野都無出幾多張相(輝哥無問間影).

我地唯有睇大會既巡邏影片啦

終於, 令我地心急如焚既8個鐘過去勒......

我地亦都接上左輝哥!!!!

慢慢聽佢今日既分享.

跟手即時走去大會為參賽者安排既酒店, 一齊相量第二日既舞台策略.

Macro polo hotel

一萬蚊戰利品.

一齊為天橋上既step, 試位!!

我地真係好認真對待呢件事架.........不是一時貪玩!!

我既分享暫時停係呢到, 但你有無發覺上面呢幾張相同條片有個大問題?

輝哥呢次比賽, 真係無奈.....

再續~~

Super Shopper 強戰香港 !!

已經黎到visa go 香港購物王呢個緊張既時候!!! 比賽正式開始前一日, 主辨單位係尖沙咀macro polo hotel攪左一個 press conference歡迎一眾參賽者.

為左迎接呢個時刻.....

我地再準備飛龍襟章, 以親善大使自居!!! (話晒都係做主人家, 無d紀念品俾人點得先!!)

題外話---呢批襟章真係難拎!!

我地都係想幫香港做少少事jei, 使唔使守得咁緊呢? 妳出多少少心機睇下d email, 望下係咩事就一定知個function做咩架啦~~ 如果唔信個blog未自己google下囉, 好似我地要水d紀念品走咁, 激死人~~~

萬事俱備就直奔macro polo!!

中外參賽者, 傳媒朋友...全部到齊, 都有成5-60人, 大少攝錄機又好多部, 場面係令到輝哥....腳震的

係你勒!! sunny, 傻生呢次活動既partner, 亦即係成功擊敗另外幾位sob成員既本地參賽者.....果然, 係高質素~~~ 最緊要係d英文勁丫ma!!

唉呀, 無得著sob tee去比賽, 要用大會指定~~~~

好大個pin, hard sell 過sob, arhaha~~

好啦, 聽左頭一part既 briefing之後, 開始第二part, fashion tips之前, 輝哥同sunny就展開佢地親善大使之旅勒.

第一個收到紀念品既係馬來西亞代表, 大隻型人, 輝哥變左細路!!

日本代表真係一個亮點, 佢地竟然諗到著和服黎!!!!!
幸運地, 我地都係唯一一隊有為其他朋友準備紀念品, 呢個回合.....同妳地打和~~

泰國既代表, 有人以為右邊係 angelababy~~

韓國既朋友, 佢地有人講到普通話!!

新加坡team, 4個人陣容最強大!

內地既隊伍, 佢地應該係一對夫妻~~

台灣強人--跟佢地第一個話題就是: 左邊譚雅, blog一天有4,5千人去看. 右邊貴婦奈奈, blog一天係4,5萬. SOB一天係4,50人, arhaha.

仲有好幾隊都未收到我地既紀念品, 但係合照交流暫時去到呢到. 因為大家都要去上堂, 聽下今季既fashion look~~

用普通話解說既呢邊, 講者嘉賓:

周汶錡小姐!

呢張相, 本來周小姐係搭住輝哥個膊頭影架!!! 高到呢~~

好專心聽講, 亦不忙..

工作 !!

上完堂, 黎個合照.

黎到今日活動既尾聲, 我地既輝哥開始解放到自己勒.

幾型 !!

好勒, 最後送上陳生今日被訪時既代表作.

一齊祝我地既香港隊, 旗開得勝, 唔使講野!!!!

去同外地朋友玩遊戲 !!

美麗華個比賽, 真係唔夠打....輸左俾一個戰鬥力好橫強既妹妹仔!!! 佢手持果16xx 個like, 同衝鋒槍一樣, 將大會所謂果50%既評分比重完全摔倒.

呢位小妹妹真係好應該更努力地利用自己呢個優勢, 再接再厲, 繼續橫掃呢類比賽.....媽, 太強了, 千六百幾個!!!

當然, 我地都好多謝post入面每位留言支持我地既朋友. thx~~

本身都打算再做d道具去美麗華玩, 但睇黎都唔會有好結果, 所以我地既專注力將會放晒去準香港購物王, 輝哥既身上!!

visa, long time no see ~~

旅發局同visa攪呢個活動, 隨住愈黎愈多既資訊流出.....事情亦都愈見有趣~~~

我地要同外邊既朋友玩呀!!!!!

今日大清早就收到幾個whatsapp 既surprise.

唔知點解會有呢篇報導?!

跟住先知原來係因為傻輝果壇野....但好奇怪d相無傻輝, 仲要交個輸左既作品去刊登....最癲係sob應該無人識英文!!

再過一陣...

連都市日報都出埋, 原來今日旅發局發左好多新聞稿出去~~~

斷斷續續, 開始搵到好多關於比賽既資訊, 等我係到講下呢次究竟有幾好玩!!!!

唔計香港, 另外有10個地方既代表會黎到作賽--中國, 台灣, 日本, 印度, 南韓, 泰國, 菲律賓, 新加坡, 澳洲, 馬來西亞, 全部都係亞洲既國家.

由報導得知, 上年度呢個活動舉辦既時候, 大會遇到參賽者唔願上鏡呢個問題! 唉, 夠膽玩唔夠膽露面, 太弱了!! 因為咁, 今年既比賽加入左類似true man show既完素, 大部份參加者亦都係自薦參與. 由始可見, 到時一團都會係玩得之人!!

睇住d報導, 一路google唔到地方既參加者...不得了!!! 某d參加者係本身既國家原來已經過五關斬六仗, 真係經過左好多既評審先走到出黎~~~

例!!

新加坡活動網站

要寫文章, 拉票, 又要面試, 仲要再係自己既地方先做一個pregame, 用香港做主題, 襯一次fashion look!!

最終跑出既代表:

有個係..當地既地球小姐~~~

佢地既面試片段!

台灣活動網站

同新加坡既參加者一樣, 兩個代表都係幾經辛苦, 經過初選面試先跑出既.....強者!!

貴婦奈奈 同 譚雅

一個係台灣blog界既周杰倫, 一個直頭係造型指導, 勁呀~~

睇到呢兩個單位既入圍過程....um, 我地有份玩真係相對地好好運, 只係靠一張相!!

再講, 印度其中一個代表係....演員(gaurav khanna)!!

google 番黎既相, 好型, 好大隻!!

日本既一個代表係專業攝影師(chihiro ishino)

早陣子受香港人追捧既一批tee(上圖), 就係出自呢位攝影師既作品!!

仲有仲有...中國既代表, 有報導話係每兩個星期就會陪太太黎香港血拼既內地幹部~~~

嘩, 睇到呢到, 仲有一半既參加者我都未google到, 但係應該都足夠俾 10 個趣啦!!!

輝哥, 到時唔好掛住識女仔!!!

殺呀!! 唔可以辜負你背面支旗!!

被like, 多好!

玩唔同既比賽, 好常時要面對一個歷久不衰既麻煩問題---為自己既作品投票(雖然話我地既宗旨係要賺玩, 但都唔想下下陪跑ma)!!!

而呢個問題我之前都講過. LIKE, LIKE, LIKE, LIKE~~~煩到噁

我地都化晒勒, 已經好少再為某件事/作品, 非常用力去叫人投票(其實係之前d quota用得太盡, heeee).

like黎 like去呢種做法最終都淪參賽者之間互相拉攏朋友, 可能仲攪到有人鬥開acc既情況, 最陰公係出現互相攻擊既留言~~好少見到 fanspage 可以型成到一個互相為作品鼓勵及打氣既現象.

不過美麗華呢次, 真係估你唔到, 樣樣有齊~~

大會已經將我地既作品upload左係佢地既album, 不過d相縮到好細~~

張相公開左之後, 我無即時放上自己profile, 亦無放上sob個page去拉朋友既票. 我觀察左大約一日, 估唔到會有70幾個like係張相出現, 當中只係有5個自己人! 而一d讚揚既句子亦陸續出現. 好開心呀~~~

唔敢講我地呢張相一定係最好, 但見到有人留言: 你好正! <<< 你話, 仲想點丫!!! arhahahaha!!!!

btw, 我都有投票俾另外幾個唔錯既參賽者架!!