sob 企劃, 第二步曲, 初型

visa happy travel 跳舞比賽

Title: it'S NO BOrING
>>喻意係　snowboarding 個發音之餘再多一重meaning指段片唔會悶 !
（好可惜小白佢打錯左 its'S NO BOring多左個 S)

http://www.visatravelhappy.com/ch-hk/index.shtml?vidPlay=Pu60iBTm1io

演員＞左至右, 天右, 小白, 熱奶
地點＞香港機場同首爾HIGHＯＮＥ雪場
ＤＩＲＥＣＴＯＲ＞　小白
剪輯＞　小白
始作俑者＞　朕
創意提供＞　小ＨＥＥ，　朕

有時間去CLICK下丫

有意見亦可提出

台北 墾丁遊 (part 2) ~高雄國際機場至六合夜市

就係大家確定左要去既飯店之後, 我地就好似泥鯭咁俾一個的士司機釣走左. 個師機同佢老豆兩架車, 一齊車我地去間酒店啦, 佢架車就係咁架勒.

我坐呀仔呢一架真係型到震呀.. !


兩架的士, 真係各有各精楚. 我地一路行車, 呀仔開左一隻dvd 俾我地睇, 係{台客搖滾}裡面 呀嶽同mchotdog既一段, 另外小hee 佢地仲堅, 大家都唔知咩歌, 呢個爸爸既選曲真係一絕, 呀嶽同hotdog真係都唔夠照..

話咁快就到左間旅館, 一隊人係門口攪左好耐好耐..先check in 完

呢個係耐既原因
房間內既間格係夠晒4個人訓

係自己既房整頓後我地出發去玩, 目的地係六合夜市

呢個係當地卡拉ok既價錢, 係出發前我地曾經好天真, 好傻以為可以第一既唔book hotel 去呢d地方hae 一晚..haha


來一個合照

自己感覺, 呢個夜市我真係唔多覺吸引, 可能作為一個香港人, 已經俾旺角街頭既小吃養到個嘴變得要求高左, 最好食既只係呢一腕, 花支片湯水..





另外個夜市都有d 幾得意既小動物咁啦





仲有野可以講一講, 有一間小白話好出名既苦瓜汁飲料, 我覺得真係好好好難飲呀 ~~~




行完六合夜市, 我地俾的士呀叔介左去一個飲酒既地方, 一個好似發左場惡夢一樣既地方..

台北 墾丁遊 (part 1) ~ 香港國際機場至高雄國際機場

行程係咁既 香港--台南高雄市--墾丁--台北--香港
2008年4月3日4.00pm. 各老兄係香港國際機場集合.

首先係將我既手信分發, 我都服左自己出手既豪爽 !

十幾歲玩到廿幾歲都係咁玩~~

入閘前黎左一張大合照. 我地講明左係唔俾帶喼既, 軟人個袋細得好可憐, 所以一路幾日佢都好臭..無衫換的人 !

小白既鬼主意, 要所有人既相機一齊較個一樣既時間, 晒鬼氣~~

就係呢斑機, 17:55 既班機, 我地17:50 食完野, 絲絲然行過去登機閘, 半路就俾 dargonair 既空姐捉到問我地做咩咁遲, 原來成機人等緊我地wor...跟住就係跑上機, 仲俾個姐姐串左句..不過唔記得左佢講咩lu.

在機上了

小插曲, 事原因為我地係俾人趕上機既, 所以趕唔切去toilet啦, 咁我就一上機後, 一路睇住架機起飛後果個seaet belt既燈. 當見佢一熄左, 就沖去廁所啦, 好奇怪.....lock 左既, 無理由ma, 點會有人! 明明我係第一人, 我就問上圖呢位又好人又好睇既空姐啦, o我..原來d 飛機一開始個門就係lock 住架, 佢仲可以係門外解左果個lock 俾我睇tim. 真開心. 個姐姐好有禮貌架, 係到表揚一下先.......贊

FAI 哥係上機時已經一身full gear, 好可惜, 真係頂呢個cute樣唔順, sorry !

到高雄勒 !

係勒, 唔知點解set晒腳架就係為左呢d post 屎, 當地時間 17.34 到步 !

呀浪同肥聲既無聊

原來既打算係第一晚隨便去一個台灣既卡啦ok玩就算, 唔租房, 結果理性戰勝左衝動, 就係機場櫃檯問人租房既 information. 我地既request 係....平 ! 佢地介紹左我地呢間, <我家旅館>, 睇番張相, 果晚既房錢係1080台幣 一間 4 人房, 平啦算係.

part 1 完

突然想紀錄番春浪墾丁+台北遊既野~~

已經唔記得上年係4月果個台灣遊既開始係由邊一個發起勒, 總知我地一行8個<吳祥川>既村民成功咁去左一轉台灣玩一圈, 由高雄到墾丁再到台北, 幾唔錯既一次旅行, 而旅程中間主打一段墾丁春天音樂節既function--春浪音樂會 ! 果幾日實在特別非常好玩.


紀錄下呢班村民先.(左至右)
小白.軟人.浪哥.輝哥.熱奶.我.小hee.肥聲
揸機果個應該係一個台灣人, 佢幫我地edit完d相再email番俾我地 ! 係到講聲唔該先
相片攝於台北101大樓外個 LOVE

諗番轉頭都幾怪, 唔計軟人, 我地F.1就識, 但係大家既第一次旅行係大學畢業後第4年, 呵..可能因為呢個第一次, 大家玩得特別開心掛.

救命呀, 拎到google map個獎呀~~

早兩日, 閒來check 一check email. 竟然俾我見到google send左個mail俾我(其實一路都好想收到), 話我之前整果個my map,即係講東涌踩單車果個地圖, 竟然成為左個地圖比賽http://www.google.com.hk/intl/zh-TW_hk/help/maps/mymaps-expo/既最佳地圖之一, 果下我真係開心到呢! 當時我第一個就打左俾小白, 佢係幫我手用左短短一個鐘就剪好段片既大老 ！ 我開心到口窒窒, 佢就話聽到law佑出汗, 坐到張chair 都濕晒呀 ! 我地兩個都開心死.跟住就係女朋友啦, 熱奶啦, 小hee啦, 隊長.....

得獎作品呀 !
http://maps.google.com.hk/maps/ms?t=h&ie=UTF8&hl=zh-TW&msa=0&msid=113597916949967938456.00045f6e2ba3a9230da1c&ll=22.300691,113.984871&spn=0.074964,0.117588&z=13

個比賽獎品係iphone一部, 仲可以上google office一轉去領獎！..最正係個contest 係公開架, 一個公開比賽, 竟然可以係一個全香港既公開比賽成為一個得獎既單位, 我覺我真係好難得呀. 領獎日係17/2, 我地衣家諗緊到時究竟用咩野dress code!! 有人想keep番動物, 而我....唔知點解, 好想black tie ! google 既 email裡面仲提到, 我地有可能雖要接受傳謀訪問呀, 之後個地圖仲會係google map同 youtube果到做宣傳tim...正 ! 軟漢佢都好開心, 佢話從此可以有好多人係網路見到佢俾人打.

今次真係堅爆開心..多謝你呀...

仲有各戰隊成員 !

第二個東涌單車地圖已完成~

LINK 係 呢 個 !

http://maps.google.com.hk/maps/ms?ie=UTF8&hl=zh-TW&msa=0&msid=113597916949967938456.00045ff5fb7acbfdd8c36&ll=22.290049,113.943501&spn=0.018742,0.029397&z=15

呢條路線比之前既易踩好多, 男女老幼都可以去玩番日 !

我要攪一個12生肖戰隊飛行比賽 !

麵..pls keep update !

第二個單車地圖 in progress

好頭痛呀, 個地圖做到一半, 唔知點表達條路線tim. 不過呢d困難阻唔到我既..好快會攪掂 !!!!!!!

Paste d 朋友既作品先 ! 佢地真係好OK 架wor.

唔知點整, 總知就係熱奶先生整


video time:


EDIT: 小白
SONG: 旺福樂團>>>噴跑吧!!!青春!!!!!
演出: SOB player + 動物

不得了

我果個噁心(溺)血既地圖, 竟然得到一個google map比賽既推介呀...

http://www.google.com.hk/intl/zh-TW_hk/help/maps/mymaps-expo/mymaps.html#mapTitle

係第九周出現, (帶你東涌踩單車) ! 開心死勒, 如果有獎拎就更加不得了, 實在太好勒. btw如果個地圖你都做得好, 留個言支持下丫.

既然有好既反應, 等我遲d 再整多一個東涌踩車路線俾朋友參考下先 ! 反正早兩日先踩完, 我都仲記得條路點行既.

送d 相做前菜先

港龍大廈後面一路段

呢一個樹羣, 真係好得..玩得好開心, 尤其黑衫呢位劈木師令

一個小戰車加一個海, 再加輝大哥= profile picture

跳--係走唔甩既指定動作

拎住架戰車照跳 !

除左自然景觀好睇, 藍天白雲加上一排屏風咁既樓都成為一個好好既 backjob. ps 我係當日小隊隊長, 有captain臂章帶

熱奶新興玩意, 整得幾好

係咁多先啦, 等我既地圖 !

單車 addicted (附路線圖)

唔知點解, 最近大家都好似愛上左踩單車一樣, 短短兩個月內, 已經踩左３次. 幸運地, 呢3次活動都有一個好好既天氣, 以至沿途既景色都演得格外美麗. 當然身邊一班既朋友, 佢地處於休息時間既hyer心情, 亦都令行程生色不少. 但係說回來, 究竟係咩野誘因可以另到我地係咁短時間裡面, 踩左一次又一次既單車呢..我總結到下面三個

第一.
根本就係想同朋友玩, 好友相聚既時間實在太開心勒, 事無大小都笑一餐 . 所以基本上任何集體活動大家都一定會盡量抽空出席, 你睇下呢d開心時刻, 唔使有去PIZZA HUT架.

第二.

我覺得係東涌既美景, 沿路既景致的確可以吸引到我地不停去探索. 未開始係東涌踩單車前, 偶然都會到東涌行下街, 我會覺得呢到最可以吸引人既地方會係果個東薈城-----既戲院 . 唔好覺得東薈城既野好抵買啦, 我覺得真係唔太架ja, outlet係名only, 一個 gimmick. 反而大時大節買唔到戲票, 可以考慮呢到.

又俾d美景相你睇下

第三.

踩單車比飲酒唱k, 實在健康好多, 消費又低, 我覺得完全合乎經濟效益呀. 贊 ! 不過唯一有樣野唔好, 就係踩得太耐, 個patpat真係好痛, 對上踩左入廸欣湖果轉, 直頭周身痛左兩日, 所以提一提有心人, 選車程真係要量力而為 !

講左幾日, 唔知有無人真係被我所講既野吸引到想去踩番轉, 如果有既話我當然開心, 不過你可能會唔知係邊搵到個路線圖出黎, 當然我地之前都遇到呢個問題 . 但係好既野, 真係好想同人分享, 所以我用左少少時間係google map 整左一個東涌單車路線圖, 我以經盡力做到最仔細架勒, 大家可以跟住個flow, 放大佢, 睇番個行車線去踩, 好好去 enjoy一個 weekend.

Link:
http://maps.google.com.hk/maps/ms?t=h&ie=UTF8&hl=zh-TW&msa=0&msid=113597916949967938456.00045f6e2ba3a9230da1c&z=12