REEBOK 外攝行動

真係唔使講野已經交代晒.
人物: SOB & fans

地點: 青衣村街市, 青衣北橋底
時間: 22/9/09 22:00

原來calbee係未完架 ~~

雖然輸左, 不過我地都係代言人之一呀 !!
大大個巴士站既燈箱廣告!!

係燈箱入面, 我地離開左隻角 !

sob有贊助商勒

佢就係 reebok勒, 我地得到左reebok既贊助呀 !!!! 你信唔信呀? 真係連我自己都唔敢相信 !!

詳情就係咁既...
今次既活動真係好有趣, 點玩呢, 大家可以睇下呢個網址
LINK
既然咁特別, 等我又大約講下個流程先

1. 去REEBOK既專賣店, 係特定既風褸同波鞋既款式之中每樣揀選出一件貨物
2. 放低 HK$1000蚊按金, 填兩張form, 你就可以帶走件褸同對鞋

3. 利用番件褸同對鞋, 加埋你屋企衣櫃裡面既物件, 設計出一個自己滿意既造型. 著上身, 再影低佢

4. 將你既相片係27/9前交到milk既總部, 確認作品無犯規. 並stamp番個印.

5. 唔理最終勝出與否, 都可以係10月中到 reebok既店拎番HK$1000按金.

攪掂
簡單一句, 即係人家送左d衫同鞋出黎, 貼我地去玩, 咁仲唔係贊助左我地 !! (真係唔好意思, 嚴格黎講係騎劫左人家既比賽,哈哈)

睇下我既贊助先啦

classic style 既windbreaker

純白既pump fury

前後6個人出左去攪左呢壇野, 遲d應該可以影番d 好型既team photo勒 !!

當然我地都會俾心機玩個比賽啦~~

如果你有興趣, 又有時間, 不防又動身去REEBOK走一轉啦.

差d唔記得, 其實呢一個活動milk都有份攪架wor. 繼CX 之後我地又玩到同一間公司攪既第2次比賽勒.

唔聲唔聲就玩左,Magneat設計比賽.

熱奶條友, 唔聲唔聲自己走左去參加左個設計比賽, 仲要入圍拎到獎tim, 佢好野 !

LINK

果個紅色既衫鈕就係勒~~

其實佢仲有一件參賽作品架, 就係右邊果隻蟹.

好明顯呢次比賽係magneat呢間公司為左推廣呢件圓圓地既物體而去舉行架啦, 不過睇番d參加既作品數量...我諗佢地都幾難滿意呢次既成效勒.

所以遲d等熱奶收到d禮物時, 再幫佢係到推一下, 黎個trueman show先.

CX 成功同你 Shares your smiles~~

之前提過, 我地早陣子對國泰上演既王子復仇記, 今日正式宣佈.......
成功勒...請鼓掌~~~~

LINK
我地既作品成功打入最多人LIKE既最後五強, 而當中更加係因為有3個相同數目既LIKE係最後既一名, 所以我地先入圍咋.....真係一票都不能少 ~~
究竟CX d 同事會唔會邀請我地去佢公司領獎呢~~~係就好勒.
呢次既票數咬得咁緊, 好采一班朋友幫手like jar, 尤其係肥聲既 final push !
等我構思一下點多謝呢班人先 ~~~

有左d coupons 又可以跳遠d勒...下次遠過蒙古啦~~

卡樂b, not my cup of tea...

之前參加左既卡樂b 60周年全城快脆拍既比賽, 係尋日公佈左個結果勒........網址

3位得獎者入面係無我地架, 無錯...我地係輸左既~~~就連我地本身都好欣賞既另一個作品--千手觀音食薯片...都輸呀~~~唉

我地既作品: 想食就食, 框架不敵.

呢張作品同我地原先既有少少唔同, 多左個(底), 係熱奶加落去既~~
佢話從呢一張相, 大家可以見得到我地係幾咁有心去準備呢個比賽, 我地前後影左 成300 幾張相架 !!

其實係公佈結果之前, 我地都好有信心, 應該都可以坐亞望冠架, 即使係拎第二名, 我地都絕對心服口服, 因為個果個千手觀音真既作品真係好得.

不過衣家睇番d得獎作品....結婚相, 細路相, 父子相...硬加多包薯片入去, 加幾句動人caption 咁就係勒, 唔係唔好既, 我就覺得老土law, 不過熱奶都講得無錯既, 只係大家都捉錯用神, 以為呢d咁young既產品會較接受到d 走得前少少既野....好可惜, 事與願違.

諗番轉頭, 我地真係計留左樣野, 一個已經去到60 週年既公司, 裡面的確應該有一批幫公司開山劈石左好耐既老臣子在陣, 佢地未必咁接受到新事物既~~算啦, 輸就要認, 打就企定, 我都係亂up既 jei.....
Calbee 你好野. 我地輸左. 不過, 我地係唔會因為咁而杯葛你地d薯片既, 但d薯片可唔可以唔好賣咁貴jei~~~~~~~~~

_______________________________________________________

以下係兩日後, 我收到Calbee既一份紀念品之後, 加上既

去片先 ~~~

我相信呢一個就係卡樂b寄俾每一位參賽者既紀念品勒, 我搵左好耐自己幅相, 原來我地得到calbee既特別照顧呀, 係隻角果到, 你要知呀, 一張相得四隻角架ja........不過俾人cut左1/3 !!

haha, 其實都係講笑jei, calbee都好有心架勒, 平時d比賽, 輸未輸law, d公司邊有話特登再做多d野去多謝d參加者丫.

就係呢隻左上角勒.

面對呢隻角, 我既htc diamond都要認輸~~~~

Calbee project 完滿結束呀 ~~

VLT RAP battle 直擊.(下)

講番個比賽, 我地mc喜斯基本上係俾呢一次既活動..........秒殺 !

事源比賽流程其實係分左兩部分.

1. 5位選手, 輪流rap出vlt檸檬荼既歌詞, rap得最好既兩位進入第2部份

2. 2位final 既朋友進行俗稱 free battle既比賽

真係估唔到, 大會係個show一開始, 即係mc jin 連第1隻歌都未唱既時候就開始第一部份既比賽!

上圖既5位就最後既決戰者勒, 睇樣的話, 你估係邊個嬴丫? 我就唔講勒, 我只會話你知小hee.....戰敗了.

比賽時台上既情況.

小hee其實係5人之中最後表演既一個, 當我地一路聽, 其實都覺得佢絕對有機會, 因為呢一part根本唔須要參賽者有任何係急才, 即席rap出自己既歌詞, 只係須要唱出原有既version, 評分既準則只會落係聲線同個肢體動作既上面.....好可惜

佢入唔到final two.
最後就只有袋住500蚊百佳coupons番屋企lu~~

既然輸左, 比賽既野我地都無畏再提, 都係去番d花絮野開心d...

尹光大哥, 前後唱左3隻歌, 講真果句, 佢係台上既時候就係我全晚最開心既時間, 當然唔計mc喜斯呢位performer啦.

mc jin 其實都好厲害既, 不過我真係覺得聽佢既英文rap會比中文好聽好多....

最驚喜係呢到, macy 好令女呀 ~~~~~~~~~~

跟住就上映 sobplayer 爛玩過程

下邊係熱奶提供既紙板 artwork

點都要表揚一下既 !!

除左熱奶呢兩塊board外, 其實mc 喜斯係比賽之前都已經用左好多好多好多心機同時間準備左兩段for第2 part比賽時既歌詞(咩鬼野free battle丫, 知道題目, 點都袋定d既), 雖然批歌詞無機會係台上發表, 不過我都要係呢道俾佢地出世 !

澀~~~~
澀呢個味 會stay 係你條利
中文叫韻尾 英文就叫aftertaste
有甜有酸有苦(無辣) 但又甘甘地
感覺係點架呢? 嗯 ... let say

拍拖都有試過掛 係咪好似飲檸茶
甜既時候 係你心入面 只有lover
三角戀又苦又酸 總有一個loser
再見做返朋友 澀味都唔會over

澀呢個配方 獨家 留存至今
佢令味道均勻 又反映出香港精神
先苦後甜 咪就係箇中 靈魂
飲管能屈能伸 原來係學 香港人

劫後重生 澀字真係好有意義
捱過幾個劫 金融風暴同埋沙士
但係舊史 舊史 已經沖左落海 ^
維他VLT 都係時候改一改 ^

今次除左錫蘭 仲有三種新味道
輕盈 低卡路里 最適合中環OL
icy 冰涼快感 覺置身高速公路
風水師 搵著數 緊係揀小甜最好

人地黑澀會D妹妹起碼識個 澀 字
0靚模上電 視 一味靠個 夾 字
上到報章雜誌 但無乜 教育 意 義
難怪亞靖都話 我鍾意 我鍾意 我鍾意VLT
_____________________________________________________
VLT ~~~~~
有人話過去既事 就係過左去既事
計我話 其實 舊野 更加有 意 義
天黃地啡 紅色logo 綠色字
維他VLT 係代表香港0既標誌

呢十幾年黎 佢賣到成行成市
無論大人細路香港製造定 A B C
呢個名有邊個唔知 有邊個 唔 支 持
我渣起支M I C 落力撐 V L T

時間轉 下 眼 已經十 幾 年
維他VLT 0既魅力都 依然無變
超級市場 各大士多無論去到邊
都會放係當眼處 一定係你面前

VLT既來由 傳說話 因為食神
為左普渡眾生 帶左去 拯救萬民
只應天上有 今日落到 俗世凡塵
所以出街食飯 何止個d有氣產品

無左陽光空氣 都唔可以無左維他
就算用玉泉水 都沖唔出呢種檸茶
小燕子無左雀巢唔怕 仲有家燕媽媽
但食飯無維他亞當寧願無 夏 娃
_________________________________________________
睇緊呢篇BLOG既你, 你話丫.....
我地MC 喜斯係未堅先 !!!
如果你果日有去睇個show, 我地呢段詞, 同台上果位冠軍比, 無得輸啦~~~不過, 算數~~~

我地果日都玩得真係好開心 !!