2011年3月23日星期三

又有一堆比賽

係一位網友專程send俾我地睇既一個比賽~~~

Metro Advertising Challenge, 為都市日報設計品牌型像廣告. 內容可以係平面廣告, 戶外廣告, 網上廣告, TVC/Viral Video 都無問題.
最大問題係...........參加年齡 16-28!!
我地~~
唉~~


好hot既主題: low carbon
低碳點子齊分享, 家家生活更理想.
好直接, 用30-60秒既短片去fun 享你既低碳生活.



有兩個主題可以選擇: 身邊的一點愛 / 挫折之後
留意, 比賽有短片組同戲劇組之分....有意者, 自己再睇下勒.



National Geographic. 好奇看世界攝影比賽2011
主題就係"好奇看世界", 如果你係中學生既話, 仲可以參加埋短片比賽tim, 主題係"小城大事"!!



LAST呢個最犀利威!!!!
剩睇個名都夠殺 ~~
係澳洲昆士蘭旅遊局攪既活動, 可能對上果一次the best job in the world太成功勒, 衣家黎多個下集!!
呢次最主要既唔同在於參加單位會由個人變左做.......公司, 一間最少3人既公司.
參加方法好簡單, 只要先得到你老闆既同意, 再運用同事既大腦, 製作出有趣短片去展現為何你既公司係最棒的工作地方, 並且可以展示公司文化, 企業精神及熱情, 之後就等入圍!!
大獎係請晒d員工去旅行!!! 價值1000000澳元

老實講句, 要嬴呢個比賽, 談何容易丫 ~~ 不過係呢d世界性既活動平台入面, 其實都係一個無型既比拼, 希望會有香港既公司可以做到好既作品放上去, 為港爭光下啦!!
但係我心諗....究竟生活迫人既香港有幾多公司可以存在呢種工作氣氛, 又有閒情日誌去做呢d事呢...

sobplayer呢次想參賽既話就真係好蚊水.....但係假如有幸地, 你地既公司真係有以上既條件, 我覺得一定要向老闆提出去參與, 從中再去加強你地同事之間既sob !!!


2 則留言:

  1. 恒生銀行青年華人短片創作大賽2011
    主題: 身邊的一點愛

    我都有畫面,今次真故事....哈哈 ^_^
    住個頭/返工,都知西環等巴士出九龍勁耐(18:00-19:30)
    有一次18:30,我在水街西環等巴士(970,971)返屋企,
    因為水街係巴士(970,971)尾站....
    水街又係工業區,特別多人......
    如是這等咗六架970巴士都full...
    等到19:15,人人都著晒火>>>
    終於第7架吉車....我係人龍第6個
    係到我上車里個時候,我停咗3秒頂住條人龍
    後面開始對我(炒花揸蟹)...個個探頭睇下咩料....
    結果由好大聲>>去到無聲,
    d人由怒氣沖沖>>>到開始平靜,
    因為我擋住人龍,比個行動不便朋友先上車.
    (我一路扶佢,細細聲講[慢慢!慢慢!])
    我都上咗車,又d人仲對我微笑....點頭(有個重係幾靚添!!)

    我做嘅都係小事...但係都出於真心....
    (我唔係話自己偉大,係想d人行多兩步......)

    希望
    比到d靈感你地 ( 支支哥 )24/3/2011

    回覆刪除
  2. *補充

    *因為水街係巴士(970,971)[香港出九龍]尾站....

    回覆刪除