咁又入左圍 ~~

真係講都唔信, 參加reebok個比賽主因都係想大家一齊拎件風褸扮下有隊型, 點知就係因為小hee同熱奶對玩遊戲果種態度既執著, 諗左一個大瞻既玩法出黎俾榴槤佢去執行.....結果

左圖既朋友...........入左圍 !!
榴槤將會代表sob出席陳刀既時裝教學講座, 之後再黎多次十強戰 ! 作品更加會刊登於milk magazine. 唔使驚呀, 槤弟. 我地係後面撐你呀 ! 公開投票呢一part, 我地最在行, 你放心上路啦 !

既然咁開心, 我地又睇番影相果日d side cut 啦!!

正..大家真係好鬼死投入 !

CX 多謝. 下次再玩過

攪掂左 reebok 既手續, 我地就去CX holiday 拎番之前成功係 facebook奪得既 share your smiles 活動獎品, HK$ 2000既旅遊禮券.

cx holiday 既office 係太古城中心一期, 上到去見到個門面, 基本上都有少少似一間旅行社.
等左一陣, 負責呢個campaign既朋友 porgie就出左黎勒同我地交收禮物勒.

無理由唔同CX 既icon(空姐)影張相既~~ (htc真係..唉~~~)
我拎住既就係coupons勒

真係點都估唔到果 HK$2000既獎券竟然好似一張 cert 咁, 仲要寫低左我個名, 指定左係我先可以entitle到呢d 獎金呀 ~~~

唉, 其他既sob成員點算呢, 我真係覺得唔好意思架, 雖知我地大家都有份係段片出力架ma, 張cert又唔可以拎去變賣...

無辦法啦, 我唯有逆來順受, 代收左佢啦. 到我用既時候, 我會放低番幾百蚊落基金架勒. lmL

同porgie交收左之後, 大家閒聊左幾句, 我地同佢講番之前其實都參加過cx舉辦既活動, 而且都玩得好開心, 佢亦都贊我地條片做得幾好. 呢一種可以跟唔同公司既同事交流活動感覺既對話其實係好開心既一環, 同progie既對話當中, 睇得出佢真係欣賞我地既作品, 亦都好多謝我地參與呢個活動, 呢種感覺其實好好, 有時獎品都係其次, 得到別人既欣賞都係我地追求既野, 我地真係唔想係領獎時俾人當係收速遞咁去看代.

係我地離開既時候, porgie叫我地俾樣野佢~~~~~~card 片!!

但好可惜我地只係可以放低自己公司既果張! 因為sob仲未整到果張屬於我地既card片囉..好灰呀~肥星

最後, 多謝cx holiday, 亦都多謝好nice既 porgie, 仲有唔少得就係投左我地票既朋友~~

LINK

多謝 milk, reebok,

呢日真係full到爆 !
首先係將我地之前係夜晚影左reebok既相晒出黎, 跟手就拎去milk既office果到stamp番個嘜頭. 確保我地可以拎番果 hk$1000, 而任務都已經完成, 一切順利, 亦即係 reebok 呢套戰衣已免費入手, 所以真係要多謝 reebok 同 milk 勒 !!

milk office 留倩影

milk x sob x reebok (edit by 大孖)

先唔理呢一次既活動我地有無得獎既可能, 講真都無咩寄望. 不過reebok呢個活動話實真係唔錯, 只要肯舉手, 人家就送件衫同一對鞋出黎俾自己玩, 真係好抵. 希望reebok可以透過呢次既活動收到宣傳效用啦.

另外milk方面, 我覺得都要多謝番聲, 佢地有係stamp印既deadline前一日, 打番電話俾d參賽者, remind 佢地要快d上去交相. 如果唔係就會損失HK$1000 ! 呢個動作好好丫, milk都有心提d朋友, 唔想d參錯者有所損失 !
所以呢~~~~要 Thanks 你呀, cyrus !

REEBOK 外攝行動

真係唔使講野已經交代晒.
人物: SOB & fans

地點: 青衣村街市, 青衣北橋底
時間: 22/9/09 22:00

原來calbee係未完架 ~~

雖然輸左, 不過我地都係代言人之一呀 !!
大大個巴士站既燈箱廣告!!

係燈箱入面, 我地離開左隻角 !

sob有贊助商勒

佢就係 reebok勒, 我地得到左reebok既贊助呀 !!!! 你信唔信呀? 真係連我自己都唔敢相信 !!

詳情就係咁既...
今次既活動真係好有趣, 點玩呢, 大家可以睇下呢個網址
LINK
既然咁特別, 等我又大約講下個流程先

1. 去REEBOK既專賣店, 係特定既風褸同波鞋既款式之中每樣揀選出一件貨物
2. 放低 HK$1000蚊按金, 填兩張form, 你就可以帶走件褸同對鞋

3. 利用番件褸同對鞋, 加埋你屋企衣櫃裡面既物件, 設計出一個自己滿意既造型. 著上身, 再影低佢

4. 將你既相片係27/9前交到milk既總部, 確認作品無犯規. 並stamp番個印.

5. 唔理最終勝出與否, 都可以係10月中到 reebok既店拎番HK$1000按金.

攪掂
簡單一句, 即係人家送左d衫同鞋出黎, 貼我地去玩, 咁仲唔係贊助左我地 !! (真係唔好意思, 嚴格黎講係騎劫左人家既比賽,哈哈)

睇下我既贊助先啦

classic style 既windbreaker

純白既pump fury

前後6個人出左去攪左呢壇野, 遲d應該可以影番d 好型既team photo勒 !!

當然我地都會俾心機玩個比賽啦~~

如果你有興趣, 又有時間, 不防又動身去REEBOK走一轉啦.

差d唔記得, 其實呢一個活動milk都有份攪架wor. 繼CX 之後我地又玩到同一間公司攪既第2次比賽勒.