趕工 ~~

未有閒去為爆ball 出blog, 因為正在趕緊個official video

一齊等等

其實都可以先睇住少少既 ~~
呢條 link 係暫時唯一流出既活動影片(我唔知個privacy係set左咩架) !!

enjoy.

順利地.......爆

今日活動順利舉行~~

天色晴朗

睇住d頭盤先~~

遲d先出 official既報告

先簡單總結.
有人陪你拎天真爛漫既心出黎~~

就玩咩都咁過癮...((早知玩一日糖痴豆算啦~~))

踩爆詳情 ~

好啦, 係未好心急呀 !

好想知我地呢個天真爛漫大朋友. 腳綁氣球跑跳走~活動既細節下ma ~~~~~~~

衣家我就係到同大家講勒.

活動日期: 26/9, 我地將會係九龍塘既呢到集合:

理想酒店~~

我地SOB 安排左專業車隊..

戰車會SHARP係 1:30開出, 直達活動地點:

到時希望見到大家已經手持驚天地泣鬼神既氣球上車~~

補充: 我地既車隊只係serve大家既去程架jar~~

當日活動地點: 令令大草源

迪欣湖活動中心 !!

我估, 大約係2:30 大家就會平安到達, 由於我地既主力活動--踩ball呢家野, 真係可以一舜間玩完, 所以我專登係到介紹多幾個活動俾大家消磨下時間, 交流交流既~

踢毯, 吹番揀水波, 跳大繩, 仲有野餐, 當然器具就要自備勒..........仲之, 一大個草地任你地玩~~

再唔係就係果到影下沙龍啦.....

靚景就一定有架勒!!!

大約係3:30, 我地將會再次集結番.......正正式式開始我地既大激鬥 !!

有幾樣野, 希望大家幫幫手~
我地誠意邀請大家當日.....奇裝異服

係~~~我都明白呢套動物衫已經玩到好((利))

當然, 就算無得意既衫著, 都希望大家到時會著d鮮艷既顏色上身...黑白灰就可免則免了~~~都歡迎大家sobtee既, but.....黑白灰色既就.....

另一個主角.....氣球 !!

如果你有入我地facebook既話, 大家應該睇左呢d相

希望到時出現係大家膝頭下面個ball, as big as possible, as much as possible~~~~

仲有就係, 好遺憾相中既充氣用品當中, 因為技術關係, 無一件會係活動當日出現, 除左細超手上面呢個!!

人力泵, 大家要好好係巴士同到步之後share勒~~

當然, 我有一個suggestion係可以俾大家既, 就係佢..

出發集合點邊既又一城, 裡面果間玩具反斗城有一系列用口實吹唔到既大氣球, 而相信佢地亦都可以提供泵氣服務, 所以大家可以係上巴士前到果到shopping一下 !

好啦.......衣家基本上都萬事俱備, 個天氣亦都唔會有咩問題........
到時大家就唔好怕醜, 記得一定要玩得開心d勒!!

心情好滾動, 好心急呀 !!

btw, 我知道呢次有一系列既朋友仔係唔知我個電話架, 如果唔介意既話, 你地send 個 email去呢到丫, sob_hongkong@hotmail.com, 我reply番個mobile俾你, 有咩都可以打俾我~~

五星級服務~~

呢幾日開始認真預備緊踩ball ball果到d野, 為左令到件事更加吸引同有趣, 我發覺仲有好多既硬件要預備一下~~~而亦都因為咁, 我同好幾間唔同既公司都聯繫過, 玩具反斗城啦, 迪士尼樂團啦(好似好誇咁ma~~haha)...等等.

我唔係到詳談究竟搵佢地為乜勒, 只係想講啦呢d唔同單位問野既過程入面(當然係我ask for somthing).....我體驗到打一份工同做好一份工既分別.

用之前香港發生既一件事做例, 有個伯伯係醫院既門口暈低...門口當值個護士就叫果位伯伯既仔仔跟番佢口中所畏既指引去做..報警call 白車...

呢個護士姐姐佢無錯, 跟足指引做, fullfill左工作上既要求. 不過, 係我眼入面佢無做好自己既工作, 無盡自己既能力做好自己既工作...無!

可能係我所提出既要求, 對果d單位無商業上既利益掛~~佢地做事/對我既態度係多一(小)事, 不如小一事. 絕對係五聲咳服務!!

那些單位給我看看吧...你難到我ma??

o享. 我有朋友!! 有咩攪唔掂!!

一個上晝, 以為已經可以處理完呢d問題啦...點知, 一個仲癲d既問題又係收工前接到!!

話說之前我地係u magazine得獎, 贏左一套婚紗攝影套餐, 我就打去問間公司(星光大道婚紗攝影)可唔可以轉個package去幫我影一d家庭照, 又或者係其他類型既外拍照啦. 果陣個姐姐話, 無咩所畏~~ 佢地都有一系列攝影服務, 唔一定係影pre wedding既.

我心諗...非常好, 一於用呢個package去影我地既踩ball啦, 叫佢做我地既大會攝影.

哈! 佢今日打過黎, 竟然話我知佢地唔可以offer任何其他類型既攝影package, 除左pre wedding! 仲要一定係該位信入面既得獎者先可以用.........仲要補多句:其實我地d條款係領獎信果到都列明左架勒~~
我真係懷疑呢間星光大道婚紗攝影公司有無心送呢份獎品出黎.

個比賽本身就唔係因為任何既婚禮活動而設~~ 但我都真心覺得你offer呢個獎品係無問題, 唔俾我地影其他outing都無問題, 但係須要lock死我唔俾個得獎者轉個服務俾朋友就好大問題? ?無端端會唔會真係咁好采有人要結婚又得你個獎先~~~~痴線!! 邊有理由唔俾轉讓架!!

呢個獎, 心領勒

你們的五聲咳服務! 我會記住的.

激氣左一日, 去到屋企樓下先有番件好事出現~~

衣家好多住宅大廈都以經有警衛係大堂看守, 佢地一般既工作, 我相信大家都好清楚...最常係認番d住客幫佢地開大閘啦, 幫陌生人登記身份証, 同派下垃圾交袋之類..而今日係樓下, 出現左一個五星級的服務, 係第一次, 一個係我住幢大廈看守左大約一年既警衛哥哥!!

當個電梯門打開既時候, 果個警衝哥哥竟然先走入去, 幫準備入去既我同另外兩位太太key in好晒d樓層. 留意, 當時我地3條人都係兩手空空, 唔係有野拎住架~~~~~死未 !! 仲唔係五星級的家~~

一個公屋大廈既警衛都會係佢簡單既工作範圍搵到個突破, 盡力去演繹...我要俾10個like佢.

工作安守本份係底線, 而尊重同喜歡自己既工作就係optional的...

SOB其實都應該放係工作上既~~

小進帳~

一個好無人留意既活動入面, 我地得獎了.

Shark energy drink~你地聽過未呢?

我估佢地係嘗試搶 REDBULL既市場掛. 當然啦, 佢呢壇野既規模同flugtag真係無得比架勒. 不過, flugtag有周秀娜, 佢地都有! 我估參加 shark 呢個 party就更加可以更更更近距離地見到tim~~ 當然, 能夠親眼一賭娜姐既風采都係我地呢次參賽既目的啦 .. we did it !!

講番個比賽, 我地既得獎作品係呢個

台灣墾丁既呢張~~

都用過好多次囉.

個比賽基本上係無評審架, 只係講網上投票既結果. 而我地係無咩叫人出手既情況之下, 靠2.3條友一人一日一票既情況下竟然真係上到頭3名...得到既獎係 it$500蚊 coupons~~

好明顯, 我地呢次既得獎原因係搵到一個無人玩既比賽...very 之 good

我地係超級動感兵團.

雖然話個影相比賽應該只係得到個唔多理想既反應, 不過shark將個活動頒獎禮安排左係一個叫做shark x 周秀娜狂熱派對入面舉行, 拎到件事又變得有意義好多勒..

我地係活動當晚既代表係佢兩個

另外仲有兩位小fans 神哥同呀 sam

當晚好似都幾得意呀~~

有人跳舞, 有肉男show muscle~~

最期待既一刻勒.

我地仲贏到娜姐既一個偷望 !!

雖然我無親身出席個活動, 不過聽幾位朋友既口吻就話個 function既感覺係..妹仔大個主人婆 !!
意思係出席既人對shark應該留唔到d咩野深既印象, 大家既目光都係去左娜姐身上~~

娜姐, 好野!!

極品之間的化學作用

尋晚輝哥又發作!

佢無端端msn左一條比賽活動既link黎, 我一睇就問佢係唔係嬴左? 因為個活動係關於佢既勁項之一, 創作爛gag既~~
佢覆番就話: 無嬴呀, 想大家一齊諗下jei.

Ok, 見佢咁有heart send左野俾我, 個腦即時已經好快咁轉緊d野出黎參賽. (話聲俾大家知先, 平時會主動係網上面搵比賽活動既真係只得我同熱奶會咁做, 其他人係好日都無一次, 輝哥就更加係……..未試過!!)

我初時真係好respect佢呢個第一次, 直到我睇番d活動條款~~~
呢~~~~~~~個輝哥仔, 佢竟然係10/sept既1:00am, send個1/sept已經截止, 8/sept公佈左結果既活動黎, 叫我一齊去諗點樣去參加......
點解我會咁天真, 咁傻!! 用左不少於15min既時間去為佢諗爛gag架 !!!!點解~~~~~~~

事情黎到呢到就告一段落勒~~

笑啦~~ 係好笑架.

不過笑完我突然發覺sob原來一路落黎個分工其實係做得都唔錯架wor.

每每我地一有野攪/無野攪/想搵野攪既時候, 每個人都擔當住唔同既角色. 當然所畏既分工好多時都只不過係由我開口叫佢地幫手咁咁咁, 又或者俾下意見, 但係好明顯地, 佢地真係每個人都已經有左一個既定功能…而且係每個都好獨特, 但互不相干起黎又可以產出神奇攪怪野既化學作用(我承認, 我都唔知自己講緊咩) !!

總知, 每個人都有自己一個重要既 position~~

用輝哥做舉例, 佢都係攪番創作野會適合d~~~

上面條片係離開上海時叫輝哥做既一件事, 我好明白自己一定要好多時間先整到, 所以一聲輝哥....佢就jeee jeee聲好快攪掂勒 ~~ 係wor, 我個上海之旅未埋尾!! 搵野玩, 文書野都係唔多適合佢.

當然, 我都慶幸算係可以睇得出佢地叻邊範~~~

我地一齊去玩啦

一路都希望攪活動既我地, 終於都的起左個心肝, 為sob做一件屬於自己既事勒..

今次算係正正式式sob既第一次, 因為對上搶旗個分唇始終都係用左青衣人做主體...呢次sob終於做番個主角勒.

我地呢個活動名稱叫做: 天真爛漫大朋友. 腳綁氣球跑跳走~

活動名同幅圖都係我諗既(簡直係一個天才)~~~

我地之所以諗到有呢個idea, 完全係啟發自呢條片

很想玩吧.!!

當然啦, 我地無可能(暫時)招喚到成4000人一齊去玩, 但我地呢個第一次, 目標都定左係100人!

成件事好簡單, 就係踩氣球, 但係100人呀, 夠100人的話, 每人拎住4.5個波跑黎跳去, 我相信個場境會係幾好睇架~~

而為左令到件事情更靚, 我地係唔會限制參加者綁幾多個波係腳既, 總之膝頭對下你綁到幾多就幾多~~

仲有, 世界上既氣球無奇不有, 希望黎得既你都可以用少少心機, 搵d 奇型異狀既ballball綁係對腳上面, 影起相上黎, 都過癮d 丫 ma !!

講真架, 我地呢次真係好有心去攪活動, 好想睇下d民間反應會係點樣...有少少興趣既, 都過黎一齊玩啦, 真係唔想踩ball既唔打緊, 我地應該仲會有另外既活動安排 eg.. 猢狸先生幾多點, 123過馬路要小心, 等等等...再唔係, 野餐都得 !!!

總而言之--當日既主題就係..........Be Young! (唔知點解, 咁遲先講)

好, 暫時講到呢到先, 等你~~

蘋果日報~~

機緣巧合之下, SOB搭上左蘋果日報...做左我地既第2次既媒體訪問~~

篇報導係上個星期六 31/8/10 出左街, 你有無睇 ?

小hee 同 呀浪應該係報導入面最出既兩位~~

原文:

八方人物： SOB小子遊戲人生　贏在有創意

遊戲人生，一群 20多歲的年輕人，平日做工程、教師、資訊科技，在職場上只是散兵游勇，但集合起來，在各種遊戲競賽中卻幾乎所向披靡，去年至今在大大小小的遊戲中，獲獎 30次，贏取獎金、獎品近 18萬元。不要以為他們兒戲，其實十分有組織，名為 Sense of Belonging（ SOB），口號是：不是一時貪玩。
SOB九名成員各司其職，策劃、文字創作、拍片、配樂以至動畫，分工仔細，媲美小型公司，過去兩年，他們出擊 50次，得獎 30次；最彪炳戰績，是今年中參加電器品牌的攝影比賽，奪冠而回，獎品是總值逾 7萬元的雙人同遊南非睇世界盃。
這個攝影比賽，是要找人拍大合照，人數最多者勝出。成員 Tommy說，報名後他們總動員呼朋喚友，最終「搭上搭」找到 40人合照，初時以為勝算不大，怎知輕易奪冠，亞軍及季軍的照片，人數加起來也不及他們多。

了解港人弱點輕易取勝

「香港人好怕羞，知道要拋頭露面，或者要上鏡就唔敢參賽。」另一成員 William說香港人的弱點，正是他們致勝關鍵。在一個高跟鞋競步比賽中，他們豁出去扮印度西施、扮乳牛上場，出位裝扮成功奪得最佳造型獎，還贏得情侶組季軍；獎品旅遊禮券、超市現金券及酒席總值 1.6萬元。
SOB首次參加比賽，緣於一次郊遊， Tommy到東涌遊覽，看到沿途風景優美，在老友協助下，設計了一條單車遊覽路線，參加一個網上旅遊指南設計比賽，結果一擊即中，獎品是一部 iPhone，嚐到甜頭，他們遂開始發掘這些刀仔鋸大樹的機會。

不會玩屈機不公平遊戲

參賽經驗多了，他們發現原來不少參賽者都是主辦機構「自己友」，因此有時只能坐季望亞；有些比賽以網上投票定勝負，個別參賽者「屈機」在網上化身多人投票給自己，為免浪費精力， William說他們不會玩這些不公平遊戲，「因為造票情況我哋控制唔到。」
玩遊戲不屈機， William說勝利方程式只有一條，就是靠創意，「人人都做到類似嘅作品，評判唔會 buy」。如何取悅評判，鬥心思也鬥體力， William以去年參加七人欖球賽短片比賽為例，他們想到與真馬騮打欖球，便找來多套動物服裝，到金山郊野公園，在馬騮山與猴子打欖球，過程極盡辛苦，扮鬼扮馬的成果，是短片打入三甲，即使不是冠軍，也令他們樂翻了，「我哋條片喺大球場大螢幕播出，全場叫好，尤其係外國人，更加拍爛手掌」。
得到萬人鼓掌，平日難以得到的成功感、滿足感一下子滿瀉，還贏到千金難買的樂趣、友誼，相比之下，那些獎品區區幾萬元，何足掛齒？玩得越多，玩得越大，來自青衣，都是中學同學的九名 SOB成員，利用獎金在青衣搞遊戲，召集街坊參加「搶軍旗」，一於與眾同樂，還打算衝出香港，玩到海外，「我哋係貪玩，唔貪玩就冇呢個組織」。遊戲人生，結局人人一樣，如何玩得精采，卻人人不同。
記者　王家文

講番少少典故先, 其實訪問早係25/7已經做左..

地點係青衣新開果個東北公園. 我地呢次好齊腳

佢就係當日既記者, 呀 joe~

本來話會有動新聞架~~~~~~

最後無左, 攪到熱奶有少少失望, 佢話好想見到自己既cg 呀!!

講番個報導本身, 點解等左足足一個月先出到街呢~~

其實呀joe係完左個訪問之後, 一路都有同我跟進好多補充既問題, 而之所以用左一個月既時間先出到街, 係因為佢同公司同事一齊搵緊一個較有張力既角度出發去寫呢篇文章.

最後, 佢地就用左遊戲人生呢個heading 入題勒. 聽呀joe講番, 篇稿件其實都用左唔少心血去寫架, 所以, 我係到一定要大力多謝番你(JOE, 王家文)呀, 幸苦晒, 加油 ~~~

遊戲人生, 嬴在有創意~~
一半一半啦, 用到人生呢個字又heavy左d既, 都係果句.....我地貪玩jei~

至於講到創意呢一層, 我覺得有少少啦, 但又唔可以否認有一部份比賽係因為無咩人玩, 我地先可以輕鬆勝出, haha.

始終, 由別人既手, 寫我地既事....一定唔及我手寫我心咁到位既~~

好啦, 筆我黎緊用番少少時間寫個關於SOB既維基百科先!!

最後, 再一次, thx APPLEDAILY, thx JOE, 仲有拍片果個哥哥(雖然出唔到動新聞,哈)

點好, 點好, 我想要意見~~

上一篇已經講左, 我地收到一d 唔知點去處理既禮物~~

係呢到, 我真係好想問下你妳您既意見.

講番先, 日文課程已經搵左人接手勒, 希望佢地加油, 並祝願兩位同學學業進步啦.

一齊將個集中力放番去果套......攝影套餐上面~~
經過我既一輪咨詢, 原來套package 係可以唔使影結婚架, 所以我有一個念頭, 就係結集sob既朋友仔, 無論players定fans, 一齊利用大會提供既攝影同燈光師影一套 team photo~~

至於個型式同地點, 暫時真係未有好實在既idea..所以, 呢篇blog就出世勒!!!

雖然, 我唔知呢到有幾多個人會經常走入呢到, 而又好想一齊玩....不過, 唔好怕羞, 呢次我地真係想好好地利用張coupons俾大家開心一次~~

俾d 意見我地啦.

而暫時, 我只係有一樣野諗到...影張大合跳~~

一張香港開埠以來, 最多人影既大合跳~~

黎啦各位 ((紀wor))... 怕羞, 你便輸~~

史上最頂癮...禮品~

之前都講左架勒...就係u magazine果個扮導遊比賽入面既獎品.

早幾日單人赴會, 代兩位戰士領獎.

呢到就係個門口勒, 感覺同佢地個競爭對手新假期有好大分別~

好快手, 好簡單, hae 爆腸地...就拎到我地既獎品勒.

汶萊旅遊書1本

初級日文課程1個月 (4堂)
高級日文課程1個月 (4堂)

運動家 cash coupons HK$100 X 2

星光大道婚紗攝影套餐

因為成個活動其實都拖左好耐~~衣家我地得到既獎品好似同一開始時佢地所講既都有一定既出入. 不過, 相差左d咩野就唔多記得勒, 亦無畏去深究........因為, 我地一路都將個集中力放左係果個攝影套餐入面, 真係唔知點處理~~

除左呢個攝影套餐之外, 我亦都真心覺得果個日文課程同汶萊旅遊書真係令人好頭痕~~

好勒, 呢個活動黎到衣家都應該close file勒. 最後..........多謝你!! u magazine~~

後記: 唔知點解, 我覺得u magazine呢次個活動攪得有點hae....攪到我呢篇野都haehae地...算啦, 等我地遲d利用套攝影coupons攪番d爆破野先再寫過!!