Red Bull Soapbox 2 車房黎勒 !!

5/10 red bull車房正式開幕~~

黎啦!!!!!!!!!!!

咁先係架ma~~

有番d banner, 門口多兩把姐~ 

似番d樣!!

入去睇下裡面既情況

幾架大會整既戰車, 的確係幾有香港特色, 唔錯!!!

音樂係應該有的一環~~

估唔到仲有大量..紅牛酒drink~

13.9% alc/vol !!

攪到我走既時候真係暈暈地~

雖然我無乜影在場既人士, 但其實當時既場面都熱鬧~

有人訪問中

有人趕工中

但最好笑, 最精景...係呢到.

指住果個係我地張貼紙

上個星期我地黎呢個車房既時候, 呢到吉到......我唔識講..自己睇番上一篇blog  

因為咁, 我地係塊牆上面留低左個sticker, 而呢個sticker亦成為左我今晚既笑位

當red bull既負責人投射個ppt去講解比賽既時候..

我地係一路都騎劫住個presentation~~

我一路睇, 一路係覺得好好笑~~

經過今晚一個簡短既briefing, 對個比賽又多左概念, 再一次充滿力量勒!!!!!

上呀, 小反車 !!!

雖然我地完全未開始攪....

Red Bull Soapbox 1 其實係我諗多左

收到RED BULL既通知可以參加比賽就緊係開心啦, 但要係有限既時間入面做好架小反車其實都係一個好大既挑戰....所以, 當知道RED BULL會係賽前提供一個車場俾我地研發同擺放戰車既時候, 都即時舒一口氣, 心諗當有乜唔掂, 都可以搵附近d朋友仔求救掛..

通知既內容大約係咁既~

收到大家既回應, 我地將提供車房給大家準備你地既戰車, 去迎接" 鬼馬飛車大賽"

以下是有關車房資料:

· 28/9-5/10 =>工具及戰車存放 

o 開放時間:下午5 時至晚上11 時
o 工具及戰車存放


· 5/10-11/10 => 可開始製作 

o 開放時間:上午10 時至凌晨12時
o  可帶埋你班朋友一齊全情投入製作
o  Red Bull 會提供"能量"、音樂及小量工具,為大家打氣

我理想即係咁..

好hip既環境

會有專業既朋友提供意見~

一應俱全既工具

好多red bull既報置

最緊要既.....

掂啦, 係車場開放既第2日29/9 號5點, 我地懷住興奮既心情出發, 打算睇下果到係咩環境, 有乜support可以提供得到...

車場既位置就係呢到, 火炭既協興工業中心地下A室.

我地圍住大廈轉左2個圈, 明明寫住地下, 但就點都搵唔到個地鋪, 最後問左一個坐係路邊既護衛叔叔A室點去.......佢俾左一個令我地哭笑不得既回應~

原來我地眼前既幾個吉鋪就係個車場, 而佢就係負責既......睇場((我腦海入面既wingteam .......點解變左呢位叔叔架!?!?!?))

呢幾個仲貼緊招租廣告既鋪位就係...現實既車場.

係入面, 係唔會搵到一個red bull logo,

sob logo is in the GARAGE

 咁就我地貼先吧, 哈~~

理想與現實之間既鴻溝, 實在令我地驚嘆, 係門口影張到此推油既相就打算走人勒.

來忙掉錯對, 來懷孕過去~~

即將離開既時候, 另外兩隊比賽隊伍既代表都黎搵個車場, 當得知個實況既時候...係佢地面上, 大家都睇得番剛才自己個錯愕樣~~

佢地放低紙皮

佢放低車架
我地就只係放低貼紙, 哈~

雖然話呢一日既車房同我地所想有十萬八千里距離, 不過我相信!!! 呢次只係我地自己諗早左, 去到5/10車房正式開幕既時候,  成個地方一定會朝氣勃勃, 要果樣有果樣既 !!!!!

可以戰鬥勒 !!!!!!!!!!!!

畏, 仲記唔記得呢壇野!!

Red Bull 既soapbox race

一路都收唔到入圍既通知, 又無話我地出局..

我真係以為sob已經再一次戰死係呢個資格賽入面....

哈, 估唔到最終又死唔晒 !!!!

今日收到CALL,  我地有得玩勒~~~~~~~~~

媽!!! 我得左勒~~~

比賽日期係14/oct, 地點於沙田多石街. (堅係未聽過~~~)

event page入面搵既地圖, 希望正確啦!!

呢個就係event page

離開比賽只係剩番大約3個星期既時間, 我地乜都未整過....睇黎呢次又要再同時間黎一次惡鬥勒!!! 

幸運地, red bull 係比賽既前期會提供個((車房))同一定既物資俾一眾車隊去準備戰車, 希望到時可以多d同其他車隊交流交流交流, 互相幫助之下, 順利攪掂架木頭小'反'車啦!!

我地黎勒~~~

5/10 係個車房既 grand opening, 到時應該會有更多既相片資訊, 果陣再同大家update !!!

Red Bull Soapbox Race 既中文名 竟然係.....鬼馬飛車 so sad.... 娘到我都唔知點講好, 點解唔黎個再破裂d既名呢!?  

早知佢用呢個名, 我地架車既設計一定會用鬼同馬做主題

銀礦灣沙灘音樂節

好多人都講, 香港攪音樂/藝術/創作, 前景係死左9成, 金融地產先係皇道!
當然, 這個情況是肯定的.
但, 係未條路難行就要放棄呢??

係呢條死左9成既路之下, 好開心…..有一個細路似乎能夠從困境入面跑出, 繼續茁壯成長.

佢係--銀礦灣沙灘音樂節

關於活動背景, 我只係由舞台上表演者所講, 憑僅有記憶入面抽出, 有錯請見諒.

銀礦灣沙灘音樂節今年黎到第7屆, 由最初幾個住係梅窩一齊夾band既朋友出錢出力去做, 經歷過因天氣以至經費既問題而停辦, 及至今年終於連政府都俾錢叫佢地做, 而且參加人次3日加埋眼見都應該過萬....犀利 !!!

係一個成功既堅持 !!

成件事情實在太滾動勒 !!!

其實類似SMF既音樂節係世界各地已經好流行，而我地之前亦都去過港人好熟識既日本summer sonic 同懇丁春吶, 如果要拎SMF相比的話, 當然仲有好多可以改善既地方, 但身處香港, 以唯一一個類似既大型活動黎講, 裡面整體所達到既效果, 我真係絕對地表示滿足有餘, 有d安排更加係估你唔到咁very 之good. 不得不開口讚個好 !!

剩係講一樣野, 參與活動既洗費.

為期3日既音樂會, 有當紅既歌星, 又有indie野, 外國搵番黎既樂隊亦有, 每日都幾個鐘輪流演出, 入場收費係零 !!!
唔收入場費都未夠, 會場邊邊個士多........我地預左買野飲應該都要做水魚俾佢生湯啦, 反正唔使入場費.......omg 5蚊有罐汽水, 6蚊就有啤酒 !!!!!!!!!!!!!!!!!!

良心企業!!!!!

仲要有攤位派利賓吶tim呀......陰公~~~
真係好難得.

用黎送西瓜, 好飲wor !!

就算你話音樂未必係你杯茶, 果到都仲有呢樣運動招呼你~

沙排!!!

沙灘, 音樂, 啤酒仲有 sport, 35知己一齊spend個 weekend, 一樂也 !!!

加油呀!! 負責主辦既朋友, 呢個銀礦灣沙灘音樂節真係好值得繼續生存係香港, 我個人認為比起太平清x個function好上都不知幾多.........

係銀礦灣既weekend, 我見到既係活力, 係長洲既只係好多商業買賣.

身處係呢類party入面, 真係絕對身心興奮, 相比起其他老正的演唱會show, 那怕歌手有幾rock, 我地跳多兩跳, 行出多兩步就俾食蕉用甜筒當田雞咁照, 再黎個無水洗面...呢幾日我地完全解放了 !!

正常地, 我地比身邊既人, 更快&更易就hyper起黎了~~ 

那怕開幕禮既時候只係佢地出場...

我地一樣high番天!!

結果又因為我地既癲狂...引到

新 monday
自稱組合 SOB...應該以為我地係歌唱組合.

不過太爛玩既我地, 都因為咁而往往帶黎一d問題....

1. 久唔久就會有war zone係我地身邊型成, 好大好大堆出晒汗既男人係我地身邊型成互相推撞..

環境惡劣

2. 貪玩既老豆會將個仔留俾我地湊...

Charlie哥就好啦, 我地真係輪流俾佢騎住, 佢老豆就係WAR ZONE入面同D男男女女博鬥撞到highhigh

我地唔知點樣可以先可以支持呢個活動下年去繼續舉行, 但真心, 呢3日, 係好好好玩的. 另外亦好佩服幾個band友可以創出呢件事情, 期待2013年!!!

約定你~~

Silvermine bay music festival 既 fans page

另外我引用左好多佢既相, KEI WEI IMAGES THX
有興趣可以入去再欣賞其他相片.


2012.08.27 後續
頭先行過7仔, 原來到我地身體既餘溫已經吹到去....

imoney

兩本唔同集團既雜誌都分別係幾千人入面揀到我地既相黎做內頁, 仲有乜好講....低調始終唔係適合我地既路線.

不過, 既然呢件事得到imoney既報導, 亦即係話佢有一定既商業價值.....咁就出事勒!!!
求下各路大財團/商家, 手下留情, 唔好將呢個充滿活力既分唇攪誇呀~~~~~~~~~~

900蚊一晚既套房已經係我地既底線勒...

2012.08.27 後後續
肥星一個 whatsapp掟過黎..

東touch又係我地勒...

 仲要係同一個報導入面有....兩張

呢張細少少, 我地被稱做..大男孩

如果唔澄清一下, 你會唔會認為我地其實係partime靚模呢~~

再黎 !

6月竟然開左個大天窗, 太懶勒...一於捉緊呢個下半年既開始再出發啦 !!

先黎red bull soapbox race既update.
前一年, red bull 攪果個 flugtag 比賽既時候, 我地認為最終之所以唔能夠入圍既原因係幅草圖.....唔夠靚仔/專業.

呢幅就係當年小熙既作品.
我自己唔覺得差架~~

不過, 吸取左果次既教訓, 我地就決定呢一次既soapbox race唔可以再有甩轆既情況, 張草圖一定要攪得靚靚仔仔, 而我亦都係之前一篇blog到大大聲講過類似既野~~

你有無期待過我地既作品呀???

哈哈!!
.
.
.
.
.
.
.
.
.
.
.
.
.
.

木頭小'反'車

車手:　豬大腸人, 尤魚俠, 臭豆腐精, 紅腸魔

呢次係肥星既手作~

我又點會估到最終呢幅草圖無cg之餘.....仲要last mintue先係茶樓完成丫.
大家依然堅持有目的 無組織呢個宗旨......我真係愛死sob入面既每位成員!!

唔打緊, 雖然幅圖係黎得比較簡單, 但我地對呢架戰車背負住既意義有絕對信心. 佢係香港既發展史入面佔有一個極重要地位. 講緊唔只係話呢d小販車曾經養活過幾多家庭, 仲有就係有邊個70-80年代初出世既靚仔未試過一班朋友吹水時, 下爬輕輕就成日話要揼架小販車出黎賣糖水腸粉丫!!!

我地一於就襯呢個機會一完當年既心願啦 !!!

一架咁有歷史價值既烈火戰車一定可以得到Redbull既欣賞, 我地一齊期待木頭小'反'車係賽道上面翻騰, 係平判身上出軌既呢一日啦~


水 已經吹到滿瀉勒.....機會只會發生係有機會既人身上 !!
念力 ~~~~~