不是一時貪玩

2011年7月4日星期一

英超狂熱.

話說我地睇中左一個活動, 呢穫野呢, 真係犀利, 我都服左自己~~

巴克萊英超聯賽賽會係香港攪一個名為--香港狂熱球迷大募集既比賽

"將你們對巴克萊超級足球聯賽的狂熱盡情展示。你們不但可利用任何例如賽前儀式、球會會歌、慶祝活動、球會大事等方式來表達外，還可透過別出心裁的方式，在眾多球迷當中脫穎而出，成為真正英超香港狂熱球迷!"

睇完呢一篇講解, 我即時就諗到英超個獎杯!! 每一次係電視見到足球比賽入面既冠軍隊隊員, 高舉起獎杯果一刻都係最叫人激動既時間.

我地既構思就係要以球迷身份, 一齊享受呢個英超獎杯, 展示出相入面果種狂熱既激情!!

係呢個大前題抵下, 我地要有既係....

呢個獎杯.

獎杯當然難唔到我地!
只係須要一日, 1個73cm高, 1:1既獎杯已經到手~

好采我地有佢, 專業既 product engineer~

跟住要準備既係...波衫. 為左令件事更加有氣勢, 我地希望相入面可以出現愈多英超球隊既波衫就愈好.
係呢個情況之下, 問題就黎勒...因為我地無買靚靚波衫既習慣, 最後就諗左下面幾個方法去解決.
1. 去郎豪坊7樓間futbal trend, 逐件英超既波衫試上身, 再係人地既更衣室影相.
2. 同1.一樣, 不過地點轉去旺角d波衫專門店, 依然打算係強行騎刧影相.
3. 用少少錢, 買1-2件波曼魚同車仔波衫算數, 番去慢慢影.

係葉生既引領之下, 基本上第3個選項已經一野被ban, 佢話太過唔爆破了~~~
而我既理智亦都話俾大家知, 第1&2項既選擇太唔可能! 唔係講個膽既大細問題, 根本就係零騎刧空間.

咁...點...呢~~ 最後, 我做左個自己都服左自己既動作!

我上網隨意搵左一間旺角波衫鋪既電話就直接打去問!!!! 開口就向電話入面既朋友講: 妳地公司介唔介意借d波衫俾我地影相, 做project !! (大約係咁啦, 我都緊張到唔多記得勒~)
真係估你唔到, 電話入面既朋友........一口答應!!! 佢仲話如果我地黎得咁急(我當日12點打去, 話3點就會黎到)拍招呼唔到呀 ~~

嘩!!!!!!!!!!!!!!!!!!!!!!!!!!!!!!! 呢d咁好既鋪頭邊到搵!!!!!!!

呢個係佢地既公司網址!! 我強力誠意推薦大家, sob對sfalo既評語一個字---讚!!!

就係咁...sob呢次就唔使騎刧勒, 係攞正牌去玩呀~~~

忍唔住要幫佢地出多個廣告, 地址係: 香港九龍旺角砵蘭街101-103地下

因為人家幫左我地咁大既忙, 所以我地都好respect, 真係鍚住d衫黎穿, 亦都盡量每次都將影左既衫放番去原先既位置~

真係花多眼亂, d款好齊!
我地影左好多好多相, 大家可以係呢到望下.

另外想講多少少呢兩件

輝哥身上面係最最新既其中一件, 今年英超升班馬昆士伯流浪, 我覺得可能係香港市面獨家都唔定!
肥星身上面係富咸, 但佢要著呢件衫唔係因為富咸, 係因為心口個sponsor, 佢要sob to pizza hut!!

大約半個鐘既時間, 要影既宦影晒. 亦唔想打攪人地太耐, 臨走之前既合照~

我地支sob旗, 再一次動L了.

最後, 為左感激SFALO呢次頂力協助, 我地將 1:1既英超獎杯...

致送左俾佢地.
祝願妳地既業務拎晒冠軍!!

呢次真係體驗到路在口邊呢個說話...路唔單只可以行出黎, 問~~都問到出黎~!! 有時真係睇黎夠唔夠膽架ja.

好勒, 講番最後既整成品.

Facebook入面既相只係一部份, 而且只係最著通既一批, 係用黎show俾大家睇我地影左邊幾支球隊jei. 其實我地早已經精挑左最有力量既相去俾葉生做final edit.

唔錯, 唔錯...係隻綠色有d娘jei.

講真, 呢次活動既過程已經賺左~

咁樣俾我地搵到sfalo既支持, 呢個經歷.....幾好, 唔錯!!

2011年6月23日星期四

少少花絮~

因為要尊重製作單位既關係, 關於節目場境暫時唔會post太多, 但我都有唔少得意野可以同大家分享下~~

呢一輯Game show入面, 每一集都會分兩組去比賽, 紅同藍組, 而呢次我地被分派入藍組.

有樣野好可惜, sobtee並無藍色既版本, 所以...

黑tee加個body-print上手. 我唔明點解肥星要咁樣對我隻右手law ~~~

以為已經完成造型啦..點知我同肥星哥原來仲要獻出人生既第一次!!

化妝!!!
3條黑蚊蚊既人都要上粉底, 梳眉毛~ 感覺對我黎講真係不多良好.

係人地個化妝間攪下望下, 跟住就見到我地呢集既其中一位嘉賓.

袁彌明小姐~

原來佢好好人wor, 仲幾好傾tim!!
拍攝當日留意到袁小姐佢的確係有腦之人, 節目出街既時候留意下.

睇圖大家可能會以為玩家就只得3位(黎生, 輝哥同小肥星), 但其實我地都好齊人出黎係後面support~~

就係細超, 呀浪同軟人.

再俾多d節目入面既亮點大家望下..

唔使介紹啦, 忠哥係呢一輯節目既主持, 就連個場景佈置都係用佢既Q版人型去做包裝.

話俾大家知, 現場所見, 佢既腦轉數都真係好快, 亦無咩架子, 會同我地呢d閒角傾計, 好人黎架~~

呢位美少女就係節目既game girl, 戲份都好重, 係唯一一個有私家咪長駐口邊既人! 亦都因為咁, 拍攝現場經常有((怪聲))產生, 服左佢~~

左邊叫奇寶, 右邊係anna. 佢地都係呢輯節目入面經常會出現既比賽者.

奇寶先生佢既特點係短期記憶力---強! 至於anna既selling point就係---笑點高! 有腳眼咁高!!

最後送上當日藍組大合照~~

想睇以遊戲之鬼自居既我地係個節目入面既表現, 7月留意留意勒~~

2011年6月21日星期二

同港台有咩關係先 ~

仲記唔記得我地之前講過sob踩入香港電台果件事? 等我 remind 下大家, 係呢到.

原來已經足足兩個月之前既事, 係時間可以俾d膠袋大家勒~~

講下呢個cross over既來龍去墨!!

24/3

我地係青衣城mc 記同港台既朋友黎左一次會面

港台電視部係7月初將會有個1小時既game show遊戲節目係亞視高清台播影, 佢地構思緊個節目內容既時候, 其中一位導演巧合地睇到我地係星期日檔案既內容, 覺得大家可以交換下係玩方面既心得, 就係由呢刻開始, 我地同港台拉上左....小小關係.

2/4

經個第一次既互相介紹認識, 我地係呢日就同港台黎多次約會.

誠意絕對十足, 我地拎住個枕頭過黎打算長時間作戰 (你信唔信?)~~

先走去參觀人地個廠同控制室~~

最後仲入埋房同各位大導演"撞橋"開會, 睇下我地既玩樂經驗可唔可以俾到個節目少少衝擊.

30/5

我唔知道之前兩次既會面究竟幫唔幫到手, 但就有幸出席左呢個遊戲節目既pilot show(試玩, 但當真去拍攝).

個節目就係叫做--贏得樂玩得喜.

20/6

可能因為我地有份係個program入面俾過少少意見既關係, 所以sob都被邀請成為其中一集既玩家~~

而呢日就完成左個拍攝勒, 應該會係第二集既嘉賓.

戰鬥啦~~~

由第一次接觸到衣家, 足足係3個月既時間, 我地sob已經玩埋電視既廠境拍攝, 仲可以有機會睇到佢地制作背後既其他細節, 經驗係幾難得, 過癮~~~

拍攝當日既情況, 待續...

2011年6月16日星期四

補多兩句先

早兩日只係好心急地想同大家宣佈sob既開dry, 都無好好去講下呢次既得獎感受, 家陣終於有d時間勒, 點都要補番幾句!!!!

呢次玩雷神造型比賽, 我地用左一個下午既時間去外拍, 之後由葉生一個人用左2晚時間去tune相, 講真付出真係唔算多, 但成個活動俾到我地既 reward睇黎就絕對唔小野!!

LA之旅!! (一陣再講下呢個旅程)

仲記得係我地玩外拍果日, 葉生佢講, 就咁用呢d相就交呀? 削d囉...出段video啦~~
最後佢得到既回應就係...無人理!!

但又真係估唔到, 我地呢份誠意只屬一般既功課, 竟然可以成功突圍而出.

係呢到, 除左要多謝當日幾位誠意十足, 將自己身體完全奉獻既player之外, 仲有就係一批見到個比賽之後心郁郁想玩, 最終又無行動既朋友...多謝每一個潛在對手既承讓, 造就我地既得獎.

真係 nothing impossible...hehe!!
就好似之前得獎一樣, 我要將個獎品價值列番係左手邊個bar, 但呢次真係幾難計~~
我上網做左好多research, 發覺呢個活動應該係由製作Thor個paramount pictures公司發起. 佢地係世界各地, 幾個有份播影Thor既地方都攪左類似既活動去做推廣, eg:澳洲, 英國, 意大利..
洲立影片只係一個中間人既角色, 負責係香港攪個活動去搵位得獎者, 之後再交d聯絡資料上去(當然, 我地都好多謝佢地既選擇).

好勒, 講得太遠了, 去番個獎品本身. Paramount pictures既出手, 真係非同凡嚮. 機票呢d最基本既野都無畏講勒, 包既酒店會係呢間華麗既W Hollywood hotel !!

我地連W Hong Kong 都未住過!!!
個旅程最最最重要既一個環節係可以送我地兩個出席既人士去LONG BEACH一個studio扮雷神.....

呢個係我估計既情景, 簡單講就係要由專業人士協助下, 俾雷電劈過自己身體, 再俾攝影師影低呢一幕!!
要為呢個環節評估個價值, 大家話點好~~~
幸運地, 負責單位俾左一個方向我去諗! 由於呢個被劈既活動有一定風險, 對身體質素都有所要求, 所以佢地提供左另一個package俾我地去選擇代替被劈, 而呢個就好計好多勒!!

The alternative package we are offering includes

spa treatment at Bliss Hollywood to the value of $150 per person
an LA adventure helicopter tour, including private transfers
$500 spending money
a trip to the Griffith Observatory, including private transfers

原來呢一劈咁鬼值錢!!!
好啦, 左計右計...我決定為呢次既得獎價值評為.........HK$50,000 !! yeah~~~~
好感動呀, 一黎就可以開個大dry.

好勒, 獎品既野就講到呢到啦.........點呀各位, 我夠唔夠晒呀?? arhahahaha!!!!
講真既, 唔使眼紅我地勒, 我講咁多其實係想帶出一樣野...................機會仲有呀 !!!!!!!!!!!!!

國泰又一大壇野 !!!!! 快d入去睇啦~~~

咁多位網友仔, 真係唔好話我唔提大家.....呢個活動, 頭頭尾尾送成 1800套機票, 有900個得獎者! 以我地玩左2年幾呢d網game既經驗黎講, 如果大家係有心做d作品出黎既話, 真係好有機會跑出, 再者就係個 game唔使你like我like佢like邊個, 係純技術既較量!! 短片, 相片, 文字, 音樂...任君選擇.

如果有興趣你可以參加葵青區同沙田區同我地直接比拚tim!!

真心, 有能力既你快d出手, 4/7 就cutoff架勒.........賺番張短途機票去個 relax trip都好丫~~