唔聲唔聲就玩左,Magneat設計比賽.

熱奶條友, 唔聲唔聲自己走左去參加左個設計比賽, 仲要入圍拎到獎tim, 佢好野 !

LINK

果個紅色既衫鈕就係勒~~

其實佢仲有一件參賽作品架, 就係右邊果隻蟹.

好明顯呢次比賽係magneat呢間公司為左推廣呢件圓圓地既物體而去舉行架啦, 不過睇番d參加既作品數量...我諗佢地都幾難滿意呢次既成效勒.

所以遲d等熱奶收到d禮物時, 再幫佢係到推一下, 黎個trueman show先.

CX 成功同你 Shares your smiles~~

之前提過, 我地早陣子對國泰上演既王子復仇記, 今日正式宣佈.......
成功勒...請鼓掌~~~~

LINK
我地既作品成功打入最多人LIKE既最後五強, 而當中更加係因為有3個相同數目既LIKE係最後既一名, 所以我地先入圍咋.....真係一票都不能少 ~~
究竟CX d 同事會唔會邀請我地去佢公司領獎呢~~~係就好勒.
呢次既票數咬得咁緊, 好采一班朋友幫手like jar, 尤其係肥聲既 final push !
等我構思一下點多謝呢班人先 ~~~

有左d coupons 又可以跳遠d勒...下次遠過蒙古啦~~

卡樂b, not my cup of tea...

之前參加左既卡樂b 60周年全城快脆拍既比賽, 係尋日公佈左個結果勒........網址

3位得獎者入面係無我地架, 無錯...我地係輸左既~~~就連我地本身都好欣賞既另一個作品--千手觀音食薯片...都輸呀~~~唉

我地既作品: 想食就食, 框架不敵.

呢張作品同我地原先既有少少唔同, 多左個(底), 係熱奶加落去既~~
佢話從呢一張相, 大家可以見得到我地係幾咁有心去準備呢個比賽, 我地前後影左 成300 幾張相架 !!

其實係公佈結果之前, 我地都好有信心, 應該都可以坐亞望冠架, 即使係拎第二名, 我地都絕對心服口服, 因為個果個千手觀音真既作品真係好得.

不過衣家睇番d得獎作品....結婚相, 細路相, 父子相...硬加多包薯片入去, 加幾句動人caption 咁就係勒, 唔係唔好既, 我就覺得老土law, 不過熱奶都講得無錯既, 只係大家都捉錯用神, 以為呢d咁young既產品會較接受到d 走得前少少既野....好可惜, 事與願違.

諗番轉頭, 我地真係計留左樣野, 一個已經去到60 週年既公司, 裡面的確應該有一批幫公司開山劈石左好耐既老臣子在陣, 佢地未必咁接受到新事物既~~算啦, 輸就要認, 打就企定, 我都係亂up既 jei.....
Calbee 你好野. 我地輸左. 不過, 我地係唔會因為咁而杯葛你地d薯片既, 但d薯片可唔可以唔好賣咁貴jei~~~~~~~~~

_______________________________________________________

以下係兩日後, 我收到Calbee既一份紀念品之後, 加上既

去片先 ~~~

我相信呢一個就係卡樂b寄俾每一位參賽者既紀念品勒, 我搵左好耐自己幅相, 原來我地得到calbee既特別照顧呀, 係隻角果到, 你要知呀, 一張相得四隻角架ja........不過俾人cut左1/3 !!

haha, 其實都係講笑jei, calbee都好有心架勒, 平時d比賽, 輸未輸law, d公司邊有話特登再做多d野去多謝d參加者丫.

就係呢隻左上角勒.

面對呢隻角, 我既htc diamond都要認輸~~~~

Calbee project 完滿結束呀 ~~

VLT RAP battle 直擊.(下)

講番個比賽, 我地mc喜斯基本上係俾呢一次既活動..........秒殺 !

事源比賽流程其實係分左兩部分.

1. 5位選手, 輪流rap出vlt檸檬荼既歌詞, rap得最好既兩位進入第2部份

2. 2位final 既朋友進行俗稱 free battle既比賽

真係估唔到, 大會係個show一開始, 即係mc jin 連第1隻歌都未唱既時候就開始第一部份既比賽!

上圖既5位就最後既決戰者勒, 睇樣的話, 你估係邊個嬴丫? 我就唔講勒, 我只會話你知小hee.....戰敗了.

比賽時台上既情況.

小hee其實係5人之中最後表演既一個, 當我地一路聽, 其實都覺得佢絕對有機會, 因為呢一part根本唔須要參賽者有任何係急才, 即席rap出自己既歌詞, 只係須要唱出原有既version, 評分既準則只會落係聲線同個肢體動作既上面.....好可惜

佢入唔到final two.
最後就只有袋住500蚊百佳coupons番屋企lu~~

既然輸左, 比賽既野我地都無畏再提, 都係去番d花絮野開心d...

尹光大哥, 前後唱左3隻歌, 講真果句, 佢係台上既時候就係我全晚最開心既時間, 當然唔計mc喜斯呢位performer啦.

mc jin 其實都好厲害既, 不過我真係覺得聽佢既英文rap會比中文好聽好多....

最驚喜係呢到, macy 好令女呀 ~~~~~~~~~~

跟住就上映 sobplayer 爛玩過程

下邊係熱奶提供既紙板 artwork

點都要表揚一下既 !!

除左熱奶呢兩塊board外, 其實mc 喜斯係比賽之前都已經用左好多好多好多心機同時間準備左兩段for第2 part比賽時既歌詞(咩鬼野free battle丫, 知道題目, 點都袋定d既), 雖然批歌詞無機會係台上發表, 不過我都要係呢道俾佢地出世 !

澀~~~~
澀呢個味 會stay 係你條利
中文叫韻尾 英文就叫aftertaste
有甜有酸有苦(無辣) 但又甘甘地
感覺係點架呢? 嗯 ... let say

拍拖都有試過掛 係咪好似飲檸茶
甜既時候 係你心入面 只有lover
三角戀又苦又酸 總有一個loser
再見做返朋友 澀味都唔會over

澀呢個配方 獨家 留存至今
佢令味道均勻 又反映出香港精神
先苦後甜 咪就係箇中 靈魂
飲管能屈能伸 原來係學 香港人

劫後重生 澀字真係好有意義
捱過幾個劫 金融風暴同埋沙士
但係舊史 舊史 已經沖左落海 ^
維他VLT 都係時候改一改 ^

今次除左錫蘭 仲有三種新味道
輕盈 低卡路里 最適合中環OL
icy 冰涼快感 覺置身高速公路
風水師 搵著數 緊係揀小甜最好

人地黑澀會D妹妹起碼識個 澀 字
0靚模上電 視 一味靠個 夾 字
上到報章雜誌 但無乜 教育 意 義
難怪亞靖都話 我鍾意 我鍾意 我鍾意VLT
_____________________________________________________
VLT ~~~~~
有人話過去既事 就係過左去既事
計我話 其實 舊野 更加有 意 義
天黃地啡 紅色logo 綠色字
維他VLT 係代表香港0既標誌

呢十幾年黎 佢賣到成行成市
無論大人細路香港製造定 A B C
呢個名有邊個唔知 有邊個 唔 支 持
我渣起支M I C 落力撐 V L T

時間轉 下 眼 已經十 幾 年
維他VLT 0既魅力都 依然無變
超級市場 各大士多無論去到邊
都會放係當眼處 一定係你面前

VLT既來由 傳說話 因為食神
為左普渡眾生 帶左去 拯救萬民
只應天上有 今日落到 俗世凡塵
所以出街食飯 何止個d有氣產品

無左陽光空氣 都唔可以無左維他
就算用玉泉水 都沖唔出呢種檸茶
小燕子無左雀巢唔怕 仲有家燕媽媽
但食飯無維他亞當寧願無 夏 娃
_________________________________________________
睇緊呢篇BLOG既你, 你話丫.....
我地MC 喜斯係未堅先 !!!
如果你果日有去睇個show, 我地呢段詞, 同台上果位冠軍比, 無得輸啦~~~不過, 算數~~~

我地果日都玩得真係好開心 !!

世界是平的.

我地自年頭開始一路玩唔同既網賽, 到目前為止其實個成績都算唔錯, 贏過好幾次既活動. 不過我發覺有一樣野我地仲未做得到..............我地既作品仲未可以跳出香港 !!!!!!!!!!!!
雖然我地曾經參加過台灣旅遊發展局舉行既比賽, 不過最終我地都無入圍. 咁即係代表我地仲未成功打出去, 未曾為香港既創作力量爭過一口氣!!
經過我多月黎既網上探索, 機會又出現勒. 早幾日發現左呢個網站

http://www.mofilm.com/
呢個網站可以話係一個好好既舞台, 可以俾到世界上唔同地方, 又有意將創作力展現出黎既朋友, 一個發表既機會. 而最吸引人既地方在於, 每一個發表既作品主題都係為一d世界知名既品牌去設計短片廣告, 勝出既參賽者更加可以有唔錯既獎金tim !!!! 厲害,厲害 !
以佢地衣家最大力推廣既活動(London Film Festival)為例, 當中佢地聯絡得上既大品牌有以下幾個.
NOKIA, pepsi, at&t, hp, Mc Donald, VISA, etc.....
有興趣自己再入去望下啦, 我地已經準備好晒勒!

一個網站就可以將世界上唔同地方之間既創作力, 跟響噹噹既大牌子中間果種距離拉得咁近, 世界.......平晒啦.

CX 我地又黎Share your smiles.

仲記得我地剛剛開始參加唔同類型網賽既時候, 其中一個玩得我地好開心, 而又叫我地失望無比既活動就係國泰攪果個 HONG KONG 7 短片比賽. 果次總結係我地懷著胸有成竹既心情去迎接左一個叫人沮喪既賽果..........不過呢次既失敗並未令我地忘記 CX..........
古語有云, 有仇不報非君子(好以有d格硬黎). 衣家機會黎勒 !!!!

呢一次國泰希望一眾網友可以去呢個facebook網頁分享佢地既旅遊smiles片段, 得到最多網友讚好既頭5位作品將會得到cx 假期送出HK$2000既旅遊禮券.
當然我地並無放過呢一次既機會, 出左兩個video 既作品, 分別係:
~~墾丁8雄
~~去旅行, 有得玩, 一定開心到跳起
係朋友既你, 唔使我講都知要點做啦..........我地既目標唔止睇緊呢篇blog既你/妳, 仲有你/妳身邊所有識得/唔識得sobplayer既朋友 ~~~~~~~~~~~~~~~因為我地要報番一戰之仇 !!
投票方法好簡單 :
1) 於活動網頁的右邊「你的回覆」中選擇「參加」(一定要attend, 唔係的話, 個like作廢架)
2) 「重新整理」網頁
3) 於相片或影片欄中按「觀看全部」，選出最喜愛的照片或影片並表示「讚好」(即係我地果兩條)

呢次國泰既比賽手法, 其實真係幾醒, 利用左facebook既界面就好容易咁攪到呢個function, 而且facebook既system亦都好有效咁幫到cx防止d人用唔同既program幫自己既作品灌票, 真係高招.不過我諗有樣野cx真係估d網友唔到, 就係竟然有人用自己既旅行相片進行洗版行動, upload左百幾張相(好多係好求其影既相)上去個contest, 攪到想認真睇下其他參賽作品既mood 都無晒.

VLT RAP battle 直擊.(上)

萬眾期待既8/28, 我地小熙哥登台既大日子 ! 雖然並唔係什麼一線既舞台, 只係start hall 隔離既演講廳, 不過今日一小步就係明日既一大步, 加油.

講真我地今次玩得非常開心(其實我地班狂徒都無咩邊次去玩會唔開心).......現場直擊啦 !

只有6張tickets, 唔計小熙, 出征既人有 我, 肥星, 傻輝, 細超, 軟人, 熱奶..陣容好以弱左少少 ~~

8:15開場, 寫左係free seating, 我地都話左想早入場坐前d撐小熙, 結果都係要7:45分先去到九展, 仲要俾輝哥帶去間什麼有機餐廳黎一個4餸1湯.....唔係唔好食, 講真d食物仲唔差tim, 不過serve我地既哥仔真玩野, 都知道我地係趕時間架勒, 仲要焗我地歎佢地呢個快快快快餐~~~~
食緊野既時候, 我地收到已經係後台準備緊既小熙一個電話, 佢求我地到時唔好亂咁叫囂, 仲話其他既參賽者好勁, 好犀利. 我地reply佢講, 放心啦, 無事既, 好快就過 !~~~hehe, 睇黎佢真係好緊張.
我地全套裝備, 連紙牌都有呀 !!

分別就係我同輝哥手上既果塊勒!

唔係講笑, 去到門口, 我地已經感覺到維他呢一次真係好大手筆! 睇下當時既佈置..

吹氣同紙板既vlt都係人咁大件~~

當然唔少得兩個主角. mc jin 同尹光大哥 !

跟住仲有每個入場人士既贈品 !

打氣用既pon pon stick

最勁呢件, 係一個小風扇, 風扇上面個VLT LEMON TEA仲會閃住轉黎轉去tim, 而且每一個都已經入左3粒 GP(唔係d雜牌野)既電池, 所以我話維他呢一次既function真係好有誠意.

去到活動既場地, 呢個演講廳都絕對唔少野, 應該都house到 7-800人! 好可惜我地實在太遲先去到勒....

我地要坐到最後law....................睇下我(sob tee 同 vlt 已結合)個背景, 同個舞台差好q遠呀 !!!

講番個比賽...(待續)

搶軍旗實況

真係幾個月勒, 我地既小白大哥終於為我地早前舉行既青衣人搶軍旗活動出左段影片勒 !
正呀 !

講多無畏~~~~~~
去片 !!!!!!!

愈睇愈想玩多次 !

Yahoo "start the trend"

Yahoo個呢個function今日就截止勒, 要參加比賽既的話就一定要係今日遞交到個blog, 不過到目前為止, 我覺得個比賽似乎唔多得到網友既支持wor, 感覺呢次function唔應該只係得咁少既人參與........
其實成件事情真係做得好靚架 !
仲要段段有 ! 唔同時間都有獨特既推廣活動
http://hk.promotions.yahoo.com/10th/celebration/
有興趣就快d整番個blog撐下場呢, 頭1000個參加單位仲要有隻精美水杯送tim (衣家既情況, 每個單位拎10隻都送唔晒).

當然出得聲叫人地撐, 咁又點會少得我地, SOBplayer 為 start the trend 而成立既第二分店.
http://hk.myblog.yahoo.com/sob_hongkong/article?mid=2

有yahoo acc 既你, 而又撐我地的話, 入去上面條link 俾個 reply 支持一下呢~~~

維他檸檬茶VLT, 澀得起就係我rap battle!

維他檸檬茶舉行既一個活動, 流程係先打電話去一個電話錄音, rap低自己對澀既睇法. 10位最出色既rap友即可於903早霸王時段決鬥, 最後5強更加可以出席28/8 (VLT澀得起就係我rap concert) 同Mc Jin黎一個即場既freestyle battle, 競逐終極大獎.
今次, 由我提意小熙出戰, 到佢出好歌詞, 只係有兩日時間, 不過佢都不負眾望, 寫左一段好好既詞, 並且係我家果張靈感的溫床上面完成佢既電話錄音.
係唔夠兩小時之後我地就收到903既電話, 入圍了 !!!!!!
入圍代表小熙要係第二日, 即係今日既早上進行phone in既live對決, 同另一個入圍選手切磋鬥rap VLT既歌詞.
比賽情況係咁既.......


壓倒性既勝利
28/8 Mc Jin, 到時見 !