GET READY FOR THE SEVENS !

SOB 仝人今次參加既短片比賽, 結果將會係幾日之後公佈. 究竟我地既 arwooar眼神制敵training 概念可唔可以取悅到一眾評審同觀眾既目光呢, 真係非常之緊張呀.

係前一晚零晨時份接收到小白既呢一段 making of, 呢次小白既杰作真係可以用鬼斧神工去形容, 呢段短片將大家既情緒推到非常之高漲.....

同大家分享 !

"ArWooAr" >> 　The making of

@ 6S sorfai 被胸 !

@ 20s dancer 忘情表現 !

@ 38s 馬嬲甩蕉實況 !

@ 50s 接ball怒火失敗 !

國泰朋友我地好緊張呀 ~~~~

HONG KONG Sevens 2009

SOB 仝人再次出擊, 今次我地既目標係 HONG KONG SEVENS X CATHAY PACIFIC既短片比賽.

比賽宗旨係希望市民拍攝一段短片, 講解大家會點樣準備自己去迎接一年一度既 RUDBY 界盛事HK SEVENS.

我地既IDEA 黎自 ALL BLACK 既HAKA 舞.

成個MOVIE就係希望帶出我地呢班動物球隊如何係馬嬲山利用moneky鍛鍊緊自己既眼神同吶喊聲勢. 不過D 馬嬲真堅, 絕對唔係人咁笨. 佢地勁惡, 唔怕人, 所以出黎效果始終同最初諗既有少少唔同.
巡邏影片係下面:

係好睇既就黎呢到投個 票, 好無先~~

http://www.cathaypacifichost.com/HKSevens/?v=74&s=4b282caece45e90a66253fbba1eb9edc

ps 特別鳴謝天公係拍攝當日造美.

we are ready !!!

GOOGLE 地圖頒獎事件

於17/2日當天, sob 團隊領獎了.
我提出左一個主意, 希望可以上去領獎時大家都可以穿著整齊西裝. 結果當日小白同軟人連同每日都西裝骨骨既我,大家穿著得好齊整咁向google 位於 time square 既office 出發.

左軟人, 右小白, 一路行一路都感覺到大家既興奮同開心.

每人都補番張大頭先，個背竟係google係北京奧運果時出既 logo !

呢個係google香港區既頭目! 個名好難讀. 所似唔記得左, 大佬見諒勒.

以上相片都係領獎當日既side cut.

google office 的確係俾到人一種玩樂, 輕鬆既感覺, 有無限飲料, 小食, 足球機, wil 等等, 就連meeting room都係用點心名去命名. 不過就我自己當日係office逗留左2,3 個鐘後就見, 都係唔多覺得google同事跟四周環境配合到, d 同事感覺都係有少少心事重重咁既, 唔知係未真係受到個經濟影響左心情呢...加油呀 !!!!!!!

當日出值既朋友黎左一張大合照, 前排果d係中二架ja, 好堅, 中二已經攪google map呢d 電腦野, 我中二除左踢ball 羽毛球, 無勒, 好似連電腦都未開始玩 !

sob 第一個公開賽既獎狀, 我夠膽講, 陸續有o黎 !

我係始作俑者 !

最後講多一句, 多謝 google office, ivy, cathy, google 頭目, 仲有切橙俾我地食既auntie<--googleoffice最親切大獎 !

sob 企劃, 第二步曲, 初型

visa happy travel 跳舞比賽

Title: it'S NO BOrING
>>喻意係　snowboarding 個發音之餘再多一重meaning指段片唔會悶 !
（好可惜小白佢打錯左 its'S NO BOring多左個 S)

http://www.visatravelhappy.com/ch-hk/index.shtml?vidPlay=Pu60iBTm1io

演員＞左至右, 天右, 小白, 熱奶
地點＞香港機場同首爾HIGHＯＮＥ雪場
ＤＩＲＥＣＴＯＲ＞　小白
剪輯＞　小白
始作俑者＞　朕
創意提供＞　小ＨＥＥ，　朕

有時間去CLICK下丫

有意見亦可提出

台北 墾丁遊 (part 2) ~高雄國際機場至六合夜市

就係大家確定左要去既飯店之後, 我地就好似泥鯭咁俾一個的士司機釣走左. 個師機同佢老豆兩架車, 一齊車我地去間酒店啦, 佢架車就係咁架勒.

我坐呀仔呢一架真係型到震呀.. !


兩架的士, 真係各有各精楚. 我地一路行車, 呀仔開左一隻dvd 俾我地睇, 係{台客搖滾}裡面 呀嶽同mchotdog既一段, 另外小hee 佢地仲堅, 大家都唔知咩歌, 呢個爸爸既選曲真係一絕, 呀嶽同hotdog真係都唔夠照..

話咁快就到左間旅館, 一隊人係門口攪左好耐好耐..先check in 完

呢個係耐既原因
房間內既間格係夠晒4個人訓

係自己既房整頓後我地出發去玩, 目的地係六合夜市

呢個係當地卡拉ok既價錢, 係出發前我地曾經好天真, 好傻以為可以第一既唔book hotel 去呢d地方hae 一晚..haha


來一個合照

自己感覺, 呢個夜市我真係唔多覺吸引, 可能作為一個香港人, 已經俾旺角街頭既小吃養到個嘴變得要求高左, 最好食既只係呢一腕, 花支片湯水..





另外個夜市都有d 幾得意既小動物咁啦





仲有野可以講一講, 有一間小白話好出名既苦瓜汁飲料, 我覺得真係好好好難飲呀 ~~~




行完六合夜市, 我地俾的士呀叔介左去一個飲酒既地方, 一個好似發左場惡夢一樣既地方..

台北 墾丁遊 (part 1) ~ 香港國際機場至高雄國際機場

行程係咁既 香港--台南高雄市--墾丁--台北--香港
2008年4月3日4.00pm. 各老兄係香港國際機場集合.

首先係將我既手信分發, 我都服左自己出手既豪爽 !

十幾歲玩到廿幾歲都係咁玩~~

入閘前黎左一張大合照. 我地講明左係唔俾帶喼既, 軟人個袋細得好可憐, 所以一路幾日佢都好臭..無衫換的人 !

小白既鬼主意, 要所有人既相機一齊較個一樣既時間, 晒鬼氣~~

就係呢斑機, 17:55 既班機, 我地17:50 食完野, 絲絲然行過去登機閘, 半路就俾 dargonair 既空姐捉到問我地做咩咁遲, 原來成機人等緊我地wor...跟住就係跑上機, 仲俾個姐姐串左句..不過唔記得左佢講咩lu.

在機上了

小插曲, 事原因為我地係俾人趕上機既, 所以趕唔切去toilet啦, 咁我就一上機後, 一路睇住架機起飛後果個seaet belt既燈. 當見佢一熄左, 就沖去廁所啦, 好奇怪.....lock 左既, 無理由ma, 點會有人! 明明我係第一人, 我就問上圖呢位又好人又好睇既空姐啦, o我..原來d 飛機一開始個門就係lock 住架, 佢仲可以係門外解左果個lock 俾我睇tim. 真開心. 個姐姐好有禮貌架, 係到表揚一下先.......贊

FAI 哥係上機時已經一身full gear, 好可惜, 真係頂呢個cute樣唔順, sorry !

到高雄勒 !

係勒, 唔知點解set晒腳架就係為左呢d post 屎, 當地時間 17.34 到步 !

呀浪同肥聲既無聊

原來既打算係第一晚隨便去一個台灣既卡啦ok玩就算, 唔租房, 結果理性戰勝左衝動, 就係機場櫃檯問人租房既 information. 我地既request 係....平 ! 佢地介紹左我地呢間, <我家旅館>, 睇番張相, 果晚既房錢係1080台幣 一間 4 人房, 平啦算係.

part 1 完

突然想紀錄番春浪墾丁+台北遊既野~~

已經唔記得上年係4月果個台灣遊既開始係由邊一個發起勒, 總知我地一行8個<吳祥川>既村民成功咁去左一轉台灣玩一圈, 由高雄到墾丁再到台北, 幾唔錯既一次旅行, 而旅程中間主打一段墾丁春天音樂節既function--春浪音樂會 ! 果幾日實在特別非常好玩.


紀錄下呢班村民先.(左至右)
小白.軟人.浪哥.輝哥.熱奶.我.小hee.肥聲
揸機果個應該係一個台灣人, 佢幫我地edit完d相再email番俾我地 ! 係到講聲唔該先
相片攝於台北101大樓外個 LOVE

諗番轉頭都幾怪, 唔計軟人, 我地F.1就識, 但係大家既第一次旅行係大學畢業後第4年, 呵..可能因為呢個第一次, 大家玩得特別開心掛.

救命呀, 拎到google map個獎呀~~

早兩日, 閒來check 一check email. 竟然俾我見到google send左個mail俾我(其實一路都好想收到), 話我之前整果個my map,即係講東涌踩單車果個地圖, 竟然成為左個地圖比賽http://www.google.com.hk/intl/zh-TW_hk/help/maps/mymaps-expo/既最佳地圖之一, 果下我真係開心到呢! 當時我第一個就打左俾小白, 佢係幫我手用左短短一個鐘就剪好段片既大老 ！ 我開心到口窒窒, 佢就話聽到law佑出汗, 坐到張chair 都濕晒呀 ! 我地兩個都開心死.跟住就係女朋友啦, 熱奶啦, 小hee啦, 隊長.....

得獎作品呀 !
http://maps.google.com.hk/maps/ms?t=h&ie=UTF8&hl=zh-TW&msa=0&msid=113597916949967938456.00045f6e2ba3a9230da1c&ll=22.300691,113.984871&spn=0.074964,0.117588&z=13

個比賽獎品係iphone一部, 仲可以上google office一轉去領獎！..最正係個contest 係公開架, 一個公開比賽, 竟然可以係一個全香港既公開比賽成為一個得獎既單位, 我覺我真係好難得呀. 領獎日係17/2, 我地衣家諗緊到時究竟用咩野dress code!! 有人想keep番動物, 而我....唔知點解, 好想black tie ! google 既 email裡面仲提到, 我地有可能雖要接受傳謀訪問呀, 之後個地圖仲會係google map同 youtube果到做宣傳tim...正 ! 軟漢佢都好開心, 佢話從此可以有好多人係網路見到佢俾人打.

今次真係堅爆開心..多謝你呀...

仲有各戰隊成員 !

第二個東涌單車地圖已完成~

LINK 係 呢 個 !

http://maps.google.com.hk/maps/ms?ie=UTF8&hl=zh-TW&msa=0&msid=113597916949967938456.00045ff5fb7acbfdd8c36&ll=22.290049,113.943501&spn=0.018742,0.029397&z=15

呢條路線比之前既易踩好多, 男女老幼都可以去玩番日 !

我要攪一個12生肖戰隊飛行比賽 !

麵..pls keep update !