銀礦灣沙灘音樂節

好多人都講, 香港攪音樂/藝術/創作, 前景係死左9成, 金融地產先係皇道!
當然, 這個情況是肯定的.
但, 係未條路難行就要放棄呢??

係呢條死左9成既路之下, 好開心…..有一個細路似乎能夠從困境入面跑出, 繼續茁壯成長.

佢係--銀礦灣沙灘音樂節

關於活動背景, 我只係由舞台上表演者所講, 憑僅有記憶入面抽出, 有錯請見諒.

銀礦灣沙灘音樂節今年黎到第7屆, 由最初幾個住係梅窩一齊夾band既朋友出錢出力去做, 經歷過因天氣以至經費既問題而停辦, 及至今年終於連政府都俾錢叫佢地做, 而且參加人次3日加埋眼見都應該過萬....犀利 !!!

係一個成功既堅持 !!

成件事情實在太滾動勒 !!!

其實類似SMF既音樂節係世界各地已經好流行，而我地之前亦都去過港人好熟識既日本summer sonic 同懇丁春吶, 如果要拎SMF相比的話, 當然仲有好多可以改善既地方, 但身處香港, 以唯一一個類似既大型活動黎講, 裡面整體所達到既效果, 我真係絕對地表示滿足有餘, 有d安排更加係估你唔到咁very 之good. 不得不開口讚個好 !!

剩係講一樣野, 參與活動既洗費.

為期3日既音樂會, 有當紅既歌星, 又有indie野, 外國搵番黎既樂隊亦有, 每日都幾個鐘輪流演出, 入場收費係零 !!!
唔收入場費都未夠, 會場邊邊個士多........我地預左買野飲應該都要做水魚俾佢生湯啦, 反正唔使入場費.......omg 5蚊有罐汽水, 6蚊就有啤酒 !!!!!!!!!!!!!!!!!!

良心企業!!!!!

仲要有攤位派利賓吶tim呀......陰公~~~
真係好難得.

用黎送西瓜, 好飲wor !!

就算你話音樂未必係你杯茶, 果到都仲有呢樣運動招呼你~

沙排!!!

沙灘, 音樂, 啤酒仲有 sport, 35知己一齊spend個 weekend, 一樂也 !!!

加油呀!! 負責主辦既朋友, 呢個銀礦灣沙灘音樂節真係好值得繼續生存係香港, 我個人認為比起太平清x個function好上都不知幾多.........

係銀礦灣既weekend, 我見到既係活力, 係長洲既只係好多商業買賣.

身處係呢類party入面, 真係絕對身心興奮, 相比起其他老正的演唱會show, 那怕歌手有幾rock, 我地跳多兩跳, 行出多兩步就俾食蕉用甜筒當田雞咁照, 再黎個無水洗面...呢幾日我地完全解放了 !!

正常地, 我地比身邊既人, 更快&更易就hyper起黎了~~ 

那怕開幕禮既時候只係佢地出場...

我地一樣high番天!!

結果又因為我地既癲狂...引到

新 monday
自稱組合 SOB...應該以為我地係歌唱組合.

不過太爛玩既我地, 都因為咁而往往帶黎一d問題....

1. 久唔久就會有war zone係我地身邊型成, 好大好大堆出晒汗既男人係我地身邊型成互相推撞..

環境惡劣

2. 貪玩既老豆會將個仔留俾我地湊...

Charlie哥就好啦, 我地真係輪流俾佢騎住, 佢老豆就係WAR ZONE入面同D男男女女博鬥撞到highhigh

我地唔知點樣可以先可以支持呢個活動下年去繼續舉行, 但真心, 呢3日, 係好好好玩的. 另外亦好佩服幾個band友可以創出呢件事情, 期待2013年!!!

約定你~~

Silvermine bay music festival 既 fans page

另外我引用左好多佢既相, KEI WEI IMAGES THX
有興趣可以入去再欣賞其他相片.


2012.08.27 後續
頭先行過7仔, 原來到我地身體既餘溫已經吹到去....

imoney

兩本唔同集團既雜誌都分別係幾千人入面揀到我地既相黎做內頁, 仲有乜好講....低調始終唔係適合我地既路線.

不過, 既然呢件事得到imoney既報導, 亦即係話佢有一定既商業價值.....咁就出事勒!!!
求下各路大財團/商家, 手下留情, 唔好將呢個充滿活力既分唇攪誇呀~~~~~~~~~~

900蚊一晚既套房已經係我地既底線勒...

2012.08.27 後後續
肥星一個 whatsapp掟過黎..

東touch又係我地勒...

 仲要係同一個報導入面有....兩張

呢張細少少, 我地被稱做..大男孩

如果唔澄清一下, 你會唔會認為我地其實係partime靚模呢~~

再黎 !

6月竟然開左個大天窗, 太懶勒...一於捉緊呢個下半年既開始再出發啦 !!

先黎red bull soapbox race既update.
前一年, red bull 攪果個 flugtag 比賽既時候, 我地認為最終之所以唔能夠入圍既原因係幅草圖.....唔夠靚仔/專業.

呢幅就係當年小熙既作品.
我自己唔覺得差架~~

不過, 吸取左果次既教訓, 我地就決定呢一次既soapbox race唔可以再有甩轆既情況, 張草圖一定要攪得靚靚仔仔, 而我亦都係之前一篇blog到大大聲講過類似既野~~

你有無期待過我地既作品呀???

哈哈!!
.
.
.
.
.
.
.
.
.
.
.
.
.
.

木頭小'反'車

車手:　豬大腸人, 尤魚俠, 臭豆腐精, 紅腸魔

呢次係肥星既手作~

我又點會估到最終呢幅草圖無cg之餘.....仲要last mintue先係茶樓完成丫.
大家依然堅持有目的 無組織呢個宗旨......我真係愛死sob入面既每位成員!!

唔打緊, 雖然幅圖係黎得比較簡單, 但我地對呢架戰車背負住既意義有絕對信心. 佢係香港既發展史入面佔有一個極重要地位. 講緊唔只係話呢d小販車曾經養活過幾多家庭, 仲有就係有邊個70-80年代初出世既靚仔未試過一班朋友吹水時, 下爬輕輕就成日話要揼架小販車出黎賣糖水腸粉丫!!!

我地一於就襯呢個機會一完當年既心願啦 !!!

一架咁有歷史價值既烈火戰車一定可以得到Redbull既欣賞, 我地一齊期待木頭小'反'車係賽道上面翻騰, 係平判身上出軌既呢一日啦~


水 已經吹到滿瀉勒.....機會只會發生係有機會既人身上 !!
念力 ~~~~~

Functional Status ~

Functional status 唔同 Facebook status, facebook status係 time 同 user independent, 無一個客觀既因素去因循. ((btw 有時見到朋友既status update亦都未必係出自佢自己既手筆!!! 你是明白的吧~~ ))

我講緊乜野!?
eg....買食物或者飲品既時候, 好多時我地都會睇下件貨既有效日期, 亂放野入口, 攪到肚痛就無謂啦. 而有效日期對於食物黎講就係佢既 functional status~

我地sobplayer.....亦都有自己既 functional status. 而早幾日, 我地就係一個超越左自己呢個 status既情況之下, 出席左一次活動...情況係苦過deedee~~

下面係活動當日, 開始時候既相片

見唔見軟人個辛苦樣~~~~

事情其實係sob得到朋友(神婆) 既邀請, 參與由海港青年商會所舉辦既國際兒童繪畫比賽, 希望我地可以係活動當日盡力發揮自己既小宇宙, 攪下氣氛...令到在場既小朋友/家長都可以係一個熱烈既氣氛底下進行活動.

um...攪下氣氛呢d野, 其實唔難!! 但千算萬算, 我地睇溜左一件事...原來活動當日前一晚係歐聯決賽夜, 3:00am 開波, 射埋12碼再頒獎, 5:30am散水!! 而我地既standby時間係9:30am..(親子活動係呢個時間開始, 其實係理所當然)......

時光倒流番去活動前既6小時, 睇歐聯既期間~~

 人人都處於hyper到癲既情況

認真講句, 通頂睇波既呢段時間, 我地已經消耗左條能量bar既大半~~   

唔理!!  話左去就去, 拖住半條人命照樣出發!!! 

一黎到...真係不得了

我估現場既溫度應該有攝氏47.3度......

而我地竟然選擇穿上....動物衫~~

唔好話我地懶, 又recycle動物衫丫, 因為活動主題係童愛動物嘉年華, 著動物衫係中晒宗旨~~ 

實情真係中晒宗旨....我地犯左個無敵既錯誤, 夏天係唔應該再俾呢d衫出場!!!

所餘無幾既能量, 加上47.3度既高溫, 然後放自己入一個焗爐入面......我地既status係..DEAD.
當日既表現, 實在係愧對神婆俾我地既厚望......

3件削不可耐既道具..真係有d唔好意思.

我地能夠娛樂到既只係幾位工作人員同....自己.

老實講句, 呢次真係得唔到小朋友既歡心~~

唔緊要, 經一事就蔡一智!!

過左呢個炎炎既早上, 我深深地體會到sob個框框係邊到!!   大約45度......

我地呢班友仔, 其實真係好鬼削, hahaha.

點都好, 有脆可以入黎睇下當日僅有既少少花絮.

紅牛 un 扑成 !

一直都以為紅牛個soapbox race已經爛左尾，因為大會網站個截止報名日期好似一路都轉緊~~   而且我地又咁耐都收唔到官方既welcome pack.....
真心以為連個天都唔俾我地打呢次復仇戰 !!

終於，我地等到welcome pack 既出現勒，事情亦明朗左好多！ 即係點?  跟我一齊黎個庖丁解牛~

專人郵遞而黎既welcome pack

大細同前年flugtag既差唔多, 不過個packing用料就無果年咁足勒~~

打開入面~~

更仔細既參賽說明書, 同埋可以用黎玩既小模型, 點玩??

咁樣玩~~

唔少得!!  

不過前年係有4罐的.

食之無味棄之...既記念品. 貼紙同海報

果年用cd rom, 今就用usb手指, 入面主要係其他地方參賽者既相片同比賽片段

最得意係有埋呢個香港官方既廣告. 

我鐘意呢隻歌~

最後, 最後, 最緊要就係呢張form !!! 當年我地就係敗係呢一部份~

有意參加既朋友, 一定要好俾心機去攪好呢張form右手邊果幅草圖!!

我地唔再認為簡單咁去用鉛筆/顏色筆完成, 就可以取悅到評審~~

sob今次一定要用專業既電腦繪圖員去完成呢部份既工序, 一點都不能再出錯!!!! 

哈, 竟然俾我我發現左個好得意既問題....

我地點解要煞車??

啟動啦,  龍神號~~~

兩位車手 !!

同我漂亮地係red bull身上贏番一仗 !!!

投入就是一種sob 的style~

如果商場電梯門一打開, 你見到咁.....

呢個情況尋日發生左係一有位美少女身上.  佢 ..呀! 一聲叫左出黎, 緊接住就係一串開心既笑聲.  
um.... 我地好滿足, hahaha~

來, 入黎睇相.

係戲院影相....都好似係第一次

個盾掉轉左呀~~~~~

Mission  accomplished

復仇者聯盟~~

我地上年其中一件大事就係派左兩個player疾走美國一轉, 將sob引領入美洲大陸..

能夠得到呢個獎品, 全靠呢張作品.

就係因為呢套戲....雷神 !!!

我地同marvel studio亦結下左少少既情誼.

輾轉黎到衣家, marvel又有新戲上-- The Avengers!   親愛既雷神又會再出場勒~~~

為左支持The Avengers既上映以示我地對雷神既respect, 葉生叫我地上星期點都一定要買到隨milk雜誌付送既呢套......3d眼鏡!!

佢想我地一齊帶住呢d眼鏡入場睇套戲, 增加投入感~~~

值得高興既係, 經千個辛萬個苦後, 我地成功係港九各地書攤搵齊呢套家陣每副炒價過100既野...

很想要吧~~

事情並未就咁完結, 我地係屋企試戴呢幾個 3d眼鏡...... 一個好大既問題出現左, 點攪我地都襯唔起呢副超..........

既然係咁, 一不做, 二不休 !!  將件事再推進多幾步啦~~~~~~~~~

我地決定約大家一齊去睇, 一齊全情投入去睇呢套 The Avengers !!!!! 

即係點??

我地一眾player決定黎緊星期日, 6/5會去 THE ONE既百老匯一齊欣賞套戲. 時間係4:35pm果一場!!  (門票其實仲未買到, 因為並未公開發售)

當然, 我地係誠意邀請睇到呢一篇文章既你, 一齊前黎玩餐飽 !!

即係咁, 帶個人黎.......係並唔能夠滿足我地爛玩既慾望. 如果你有呢副披.....

著住黎啦!            如果你識佢的話, 就叫佢一齊過黎吧~~

至於SOB呢??  剩餘既時間唔多, 但點都應該有d 野攪出黎既.

絕密大公開----上面係我地其中一d紙皮道具既草圖製品 .

到時一齊係The One門口, 大iron man到留倩影吧 !!!!

真係有興趣一齊入埸既朋友留意, 到我知道星期日果d 門票可以公開售賣既時候, 就會第一時間係fanspage留言, 叫大家自己搶購~~   

到時各路英雄就可以著住自己副道具拎票入場享受勒 !!(有心出席就一齊黎gathering 一下啦,出心既著件Tee 帶個超都好好玩嫁!! Come and Join !)

應該.....希望我地個效果可以比呢幅圖好啦~

久違了的...

好耐無見, 等得好辛苦ma?? (我堅信唔會係自己一相情願的!!!)

當大家等緊我地有咩事發生既同時, 其實我地都等緊............

獎杯呀 !!!!!!!!!!!!!!!    SOB 既第二個~~~
係之前參加林村掟寶牒比賽既季軍獎杯.

唔好以為我地只係對相機電話呢d獎品先會感到興奮....SOB一眾player對個獎杯都虎視眈眈~~

經過左一番龍爭虎鬥之後.......

最終......

 獎杯...落戶軟人屋企~~

由於打鬥過程異常激烈精彩, 諗諗下真係無奶油浪費左呢輯好相片. 決定用黎提交下面呢個比賽.

活動既網址係呢到

兩大主題
~ '1'做主題既 snapshot
~ 冠軍一刻


係未正式睇到SOB既作品前, player之間早已經視下面呢張相為最大假想敵....

真係一個好爆裂既對手!!

過兩日, 當edit好幾張參賽相片既時候就會再放上黎同大家分享架勒.... 等我地 ~~

最後要特別嗚謝兩個單位~~

生日飯局被騎劫既恆恆, 祝妳一路 no.1

好用力幫我地紀錄打鬥情況既攝影師, 良  from SC lab

其實 良 前前後後已經幫我地出過好幾次唔同既作品, 所以都希望透過呢次機會俾番個支持佢既 SC Lab, 加油 !!!!