好耐無見既朋友 ~~~ CX HK SEVENS

好明顯國泰真係玩上癮, 今年佢地再黎多次短片比賽wor ~~
呢次既主題係, THE FUN IS BACK.

整個比賽結構同之前果次係完全一樣, 只係個主題唔同左, 咁你話我地都有左一次經驗, 又有咩理由唔參加呢~~

片, 我地衣家仲未出到, 亦未有咩野IDEA, 因為我地希望睇下大會既主題廣告會點演繹, 希望自己條片可以同單位互相呼應一下.........等緊你呀, 國泰~~~~

另外, 個web page見到應該仲有一個攝影比賽, 到時一定要玩埋一份 !!

BTW, 早陣子收到國泰既信件, 表示會MAIL兩套今年hk sevens比賽既門票俾我地作為上年比賽既禮物, 係到講聲 THX 先!!
仲有就係, 我地上年條片係official條link可以重溫!!

再黎,口號 !!

Sanyo攪既口號創作比賽, 整段簡短而又易上口既口號形容呢部高清機仔, 一連4個星期, 每一個星期都送出hd dv一部.

我地而經參加左, 大家一齊黎比拼下勒畏~~
熱生整左段咁既口號, 真係好想分享一下...

三洋齊賀耀新歲, 高清攝錄現虎威 ~~~嘩

佢試範左咩叫做............離題, 不過句野好有火!! (個嘩字我加既)

________________________________________________________________

一間叫 lunch actually既公司, 舉行一個名為My Dream Date With Annie Liu(劉心悠) 既活動.

基本上我地都唔會理玩咩類型既野架勒, 因為得獎既話可以同女神食一餐飯.........所以作品已經交左. 我亦都唔打算放任何呢次活動既link勒, 有心同女神食飯就自己做下野啦~~

不過講真丫, 應該無人夠我地果段說話鬥架勒..........hahahahaha!!!!!!

我地要親手交 sob張咭片俾女神~~~~~~~

後加// 同小hee玩左陣口舌之戰

零小 say 說:

我見到心悠.... 即刻醉了....

CHINA TOMY 說:

我見到你見到心悠．．我 的心碎了

零小 say 說:

我見到你見到我見到心悠, 我笑了

小hee睇下點 ~~~

幾咁無常~~~~

今日好.....唉~~
本來想記一下我地sob做左一件有意義而又開心既事, 但係呢一刻個心情真係唔多好.

下邊就係條time line勒.
---中午, 我係sob既玩樂基金裡面拎左少少錢出黎, 捐去 unicef 果到幫助海地果邊既災民(都拖左好耐), 希望算係對個世界付出番小小小小既貢獻...

我覺得超開心, 受惠機構係 unicef 香港區單位

---跟手睇左本叫panda 既雜誌, 裡面介紹左周啟邦伉儷既一d事跡...睇得開心

---大約兩點幾, 睇新聞話有人跳樓, 仲要壓死一個女途人...

---海地有個人被埋幾個星期都無死到, 救得番!! 實在係好好既消息

---6點幾, 消息指果個被壓死既女途人係前年銅鑼灣塌天秤意外其中一個死者既遺孀...

---7點幾, 有報道出左黎,周啟邦係醫院病逝....

---10點幾, 新春金多寶, 一注獨得, 3千8百幾萬....唉

---12點勒, 新聞話果個跳樓既人可能只係晾衫時跌落街~~~~~~~~~

呢排攪咩呢...漒水彈, 塌樓, 小朋友俾人掟落街, 行行下街俾人壓死...

一齊感恩, 大家可以健健康康睇到我地呢個 blog 啦

文化創意你懂多少 ~~

一個名為 <港文化.港創意> 既活動係中環荷李活道舉行左個展覽~~

呢到係活動既詳情.

文化創意既野, 我確實唔多認識, 不過裡面既呢件玩具真係不得了!!!!!!!

我地做件好有意義既事, so kisssss me ~~~
實在好鐘意呢件作品!!!

又貼下另外一d花絮先

好大既....轆

任你掟既飛機欖.

我都有幫襯過呢d老店 ~~

一貫作風 !

有興趣去走一轉啦~~

多謝diana介左我地去睇呢d玩具!

荷里活道已婚警察宿舍(鴨巴甸街35號)
其間限定.

no more YUBZ...but still happy ~~

YUBZ 呢個活動既上載作品時間已經到左, 經我地以洗版型式既攻擊之下, 始終都唔可以帶動到其他既參賽者再去遞交多d佢地既傑作~唉~~睇番d參賽作品個總數, 我地好似差唔多佔左一半 !!

大家可以係呢到睇番晒d作品.

留意當中其實有一d 係官方既相片黎架 ~~

話又說回來, 我地其實都交左一個 video既作品架wor, 不過直到衣家(3/2/10, 00:15am)都仲未見佢upload去過網到.

所以我地要係呢到同大家分享一下..

小白作品解說: 一個yubz既電話, 引領左一班人一齊開開心心, 快快樂樂咁慶生辰.

我自己就覺得vidoe既縮圖根本已經係最爆既點!!

個video既idea真係唔錯wor, 當然出黎既效果都絕對唔差啦!

不過呢次video既重點其實並唔係裡面出現過既YUBZ電話, 又或係呀FAI哥既生日歌仔, 重點反而落係一眾video入面出現過果D勁生面口既單位, 好多都係第一次係我地既短片亮相, 為左答謝佢地既落力現出, 熱生勁heart地出左呢個 YUBZ special !

真係very g 靚呀 !!

成件事情簡直係中晒blog100 special既主題, 我地真係好需要多d既妳你您插手一齊玩 !!!

好勒, 一齊撬起雙手睇下我地有無機會拎到YUBZ既大獎啦.....22/2 就會有RESULT !!!

補番幾張相先, 係之前YUBZ寄俾我地既 weekly獎品, 真係幾靚架wor.

主辦單位都好有心, 大家可以睇到第一張相, 佢地attach 左一袋 adapter俾我, 真係咩手機都殺晒,一定用得著件獎品!!

謝呀 ! YUBZ!!

SOB blog 你一百遍

呢陣子無去update個blog唔係因為我懶, 而係因為我一路都係到等......等.....等緊好既題材去為((不是一時貪玩))寫下一個里程碑>>>第100篇blog.

咁究竟係咩野題材咁有幸, 成為到呢篇blog既主角呢~~~~~~~~呢d咁重要既時間, 我更係唔會隨便交俾任何公司既遊戲活動啦, 呢次既主角係我地既~~~咭片 !

其實係好早既時間我地已經好想幫sob出一張card片, 唔係話要做咩野宣傳, 只係覺得我地應該有一個自己既identity, 可以俾每一個頒獎俾我地既人又或者係同我地溝通交流過既朋友都知道或者記得我地既.........認真同貪玩.

口水好似多左少少......黎啦! 下邊就係我地做張咭片時出過既初稿勒.

經過我地多番既討論之後, sob第一代咭片出左勒 !

我同sorfai真人演繹~~

成張咭片有3個icon.

第一個logo lmL, 係我地朋友既就知啦, 唔使多作解釋勒掛~~LOVE & PEACE!

至於另一個係 FunGineer, 完全係小hee既idea, 歡樂工程師!

最後一個, 亦都係最重要既一個 logo, 當然就係我地個腦啦!

另外做呢張咭片既過程, 肥星哥都付出左唔少, 所以...

俾個特寫你!!

其實張咭片都已經有唔少既朋友接收左架勒, 所以我地既葉生都為接收過咭片既朋友出左個100blog special !!

要更多, 更多, 更多個妳插手!
幾好既主題!

如果妳未有出現係呢張poster入邊, 唔打緊, 我都希望係短時間內你會係呢個相簿出現!

下次記得問我拎番張片同影張相呀~~~

SOB 既blog100就到呢到勒 ~~

最後俾我寫多兩隻字: 從前中學要作篇文, 寫果600字都牙痛聲, 每嘔到幾行野就死都要數一次字數(明知一行20隻格仔), 死鬥爛鬥先交到篇野.... 自己真係點都唔會估到衣家咁鬼鐘意作文.....100篇, 唔知有無60000(600 X 100)個字呢...

YUBZ 既少少甜頭

YUBZ 既首批比賽照係早一個星期已經交左上去, 反應仲幾好wor !
我地拎到果個weekly 既 prize 呀 !!

就係呢4張參賽照勒 ~~

U say busy .......drive me crazy

YUBZ: 你真係咁 BUSY 咩 !!!

Baby~~~please.... No more busy, I'm lonely..

I'm really busyING !!

係未好型先!!
大會仲咁樣讚我地tim, it's like a series of conversation! i like the special effects on the photos~~

就係呢句話, 已經話左俾你知, 我既Im really busyING 就係呢個week 跑出既作品勒 !

獎品係.........多一個 yubz phone !!

PS. 我張相上面係special effect, 犯法野我無做架~~~

多謝yubz......好相會繼續o黎!!

SAMSUNG 打雀比賽

WA......好忙呀, 勁多野玩 !!!

呢個比賽既主題名叫"捕捉超迫真影像"比賽.

詳情係呢到, 不過活動就已經完結lu ~~~

Samsung 為左一系列既LED TV做左呢隻野.....

就係上邊呢隻雀仔(好鬼亞凡達)
佢地用呢隻雀做主角, 攪左好多好靚好SHARP既廣告.

比賽要求就係要參加者係SAMSUNG既戶外廣告又或透過佢地既網站, 影底呢隻雀既超迫真影像, 然後配上一個最適合既標題去參賽.

我地當然一於少理, 有殺錯, 無放過..........我出idea, 肥星出蕉~~~~

你意唔意會到個meaning 呢??
贏就開估!!

話實呢次贏左的話會有部 led tv 送....13/2公佈......正 !

中原依然快過打針 ~~

今日好凍呀~~~~~~~

不過都依然唔能夠冷卻我地去中原領獎果份開心!!!

地點係中環新世界大廈5樓...見到水牌已經有人開心到個樣都7 左 !!!

係門口影張相留念先!!

今次領獎既代表就只有相中兩人, 加埋揸緊機影呢張相果個7仔軟人 ~~

呢個係舉行頒獎禮個conference room既back job

不過我相信個setting應該都唔係特別為呢次頒獎禮而設架勒.....

係間房.....一座低~~~~~
個司儀就一輪咀講左一jar開場白(中間係無留任何既拍手掌位架).

之後直接去交由.......樓宇部(好似叫)陳生為呢次活動頒獎.

呀浪好快就上台領獎, 當然唔少得我地啦!

3位得獎者既合照, 最左係第3名既朋友, 贏左一部 netbook, 左2果個就係冠軍, 佢得到$8000既日本旅遊coupons.

成個頒獎過程, 只係5min內發生既事...你話係未好快手.
最攪笑係果個陳生係我地同佢合照既時候竟然都仲記得佢自己既工作本份.....佢話我地咁後生, 可以諗下入行做地產代理....俾佢吹漲~~~

臨走時, 都俾我地係間房搵到d 好野!!!

就係呢幅相勒~~~~
Respect!! 施sir !!!!!!!

攪掂我地就施施然去食飯了~~~~~

為左keep番中原呢個快手既 style, 我都唔留到咁遲, 即日就出番呢個blog, 完結左呢件事佢!!

大哥宣佈.......中原,領已獎, KOed~~~~~~~~~~~~~over

PS

一件無咩質量既遊戲禮物, 得到呢個結果.....(其實最衰都係waiwai)

合味道, Cup Noodles !

問完大家 y u busy 後, 就請你食麵, 食日清cup noodles杯麵~~~

活動名稱係叫做~~~~~~升Cup合味道新春SNAPSHOT大獎賞

資料係呢到 ~~

活動係早兩日就開始左架勒, 大會要求作品裡面有cup noodles 同新春既元素~~
睇番第一日既參賽者, 佢地真係好有 heart, 勁快手就參加左, 不過都只係得3個單位 jei~~
其中呢張相, 我真係覺好得好爆 !!

好有意境既一張相 !!

有興趣就快d去玩啦, 衣家都仲係好少人交左相ja ~~~
當然我地遲d都會整番一兩張去比試一下啦

呢張係第一張試反應既作品.....

ballball x cup noodles

係有少少 hae 架........haha