超級玩家 ？!

新假期雜誌係早陣子攪左一個招募超級玩家既活動，目的係選出一個最懂得玩既終極玩家, 並以120,000既年薪包佢周遊列國, 幫新假期做宣傳~~
當然, 我無放過呢個玩既機會, 仲單人匹馬參加左個比賽tim...只可惜事情黎得快, 去得仲快, 我當日既表現得唔到評判既賞識, 出局~~

有相為証架, 我仲改左個名做sob tim, d staff問我個名點讀.....我答: "soup"
事後我心諗....算啦, 成壇野快過打針, 好似無野好寫, 諗住唔去記錄件事啦. 啍..原來好戲仲在後頭.
2/11收到一個新假期既email, 原來超級玩家個project仲有第二波活動. 佢地用左play office既主題係times square做左個booth去宣傳...


佢地個booth好好好過癮!!
成壇野都係立體架, 真係好值得讚賞 .

個booth分左兩part既game,
第一part玩法係要玩家做晒事先set好既幾個check pt, 之後就可以參加一個獎品好勁既抽獎!!


第二part就係我地既主打, 利用佢地呢幾個巨型雜誌cover既backjob, 影低有趣既合照,參加比賽。


除左要贊個booth外, 我覺得新假期d仕打夫都好值得加許, 睇下佢地幾鬼投入去同我地互動先!!

幾咁識搶鏡....

仲要我地幫佢...影


ok..無問題, 幫妳吹埋泡泡~~~

花絮.


幾咁開心先得架 ~~
當然最緊要既仲有呀葉生提供既兩件道具, 大叉同大刀啦 !

因為我地果日比較遲黎, 影緊相既時候有新假期d同事同我地講, 叫我地快d玩左part 1果到d game 先, 因為果d先係重點, 有大獎抽....果陣時, 我地幾條友竟然真係對果part 野無咩興趣, 我地寧願係d 大cover 到影多幾張作品, 希望影到滿意既相, 都唔過去用少少時間博佢果個有機票抽既遊戲....最終我地真係無玩到果part野, 無得抽獎(仕打夫, 你地太絕情勒.....).
雖則無得抽獎, 不過我再一次係呢到體現到sob既精神---有得開心係最重要, 獎品只係其次 !

我終於知點解自己唔入圍勒, 因為我唔係超級玩家, 我係屬於一個叫sob既超級(專業)玩家團隊.

合照~~

lmL

參賽作品已 ready~~新假期, 我等你 !

有SOB就有開心, 我地一齊遊迪欣

我地一路玩，一路贏左咁多既獎，其實都有賴好多朋友既投票支持及參與。既然係咁，我地就襯住呢陣子咁好天氣，舉行左一個非常開心既郊遊活動並提供全場既酒水去慰勞一下sob一眾players同fans勒~~
時間 7/NOV/2009 ,3:00-6:30
人物 SOBplayer & Fans
地點 迪欣湖~~~

唔知睇緊呢篇文章既你有無去過迪欣湖，不過有無都好，我希望跟住落o黎d相可以令你有衝動即刻去迪欣湖呢到走番轉..因為我地將會為你演活(郊遊)兩個字。

下面係郊遊樂既幾大元素

地布~~~勁大塊, 勁令 ! by 丁丁

食物 ~~主菜係銀銀既茶葉蛋同瑞士雞亦! 仲有天佑既choice riesling

當然最重要係.....

一個勁興奮既情緒, 小小既雞亦已叫人爆發 !

特別加映..番皂泡製做勁跳影相大行動

話番你知..個大波其實係好難好難先吹到一個...唔好覺得我地浮誇.

跟手我地變身

呢一刻你未會知點解會有呢d相, 不過好快就會明白架勒 ~~
留意左下, 陳志cow個自大樣, 因為佢成功嚇走圖中右邊d細路.

開心係會散播開去架, 慢慢有唔同既朋友都走過黎同我地一齊玩~~

幾個又要怕, 又要玩既細路同兩班畢業生~~

最後~~~

合照--結束左開心既4小時郊遊lu~~

你地有幾耐未感受過呢類型郊遊快樂呀朋友 ~~

Burger King 既薯條先係皇道 (Off Topic)~~

呢次比賽既主辦單位係Burger King. 主題叫火爆脆拍攝影大賽 !
參賽者須要以有趣手法拍下最火爆一面, 然後由網友投票選出最過癮既作品.
獎品方面, 10位獲得最高票數既個別參賽者將可於1年內免費獲贈52份WHOPPER套餐, 而10位獲得最高票數既參賽者之中將有1位由評審選出既最優異參賽者, 可額外獲贈13 MacBook Pro.
講真, 羸到macbook緊係好啦, 不過如果可以得到52份套餐的話, 一樣會好開心, 到時我地一定會係burger king 攪一個盛大既慶功宴, 叫晒所有sob既fans一齊去怒食 whopper 套餐.

俾個宣傳吸引到, 今日即時去左試一試個angry whopper.

叫左個中辣既餐, 另外用左個coupons, 變左加大, 仲送4件雞肉. 結帳HK$41
總結: 個包都ok(我覺得原味好食d), 唔係好辣, 薯條保持一貫激正既水準, 果4件雞亦都有surpise! 不過d野食太多勒, 食唔晒, 尤其係杯汽水........好大杯呀, 係已前7仔果個珍寶size, 大過mc記個加大好多 !



食過呢個餐之後, 我已經靈感湧現, 一定殺佢3,5,7個52份套餐呀 !


sobplayer..殺!
lmL ~~~~~~

單車地圖破萬勒~~~~~~~

由年頭拎到google既獎開始, 我地一路玩到衣家, 唔經唔覺, 我地既起始點教你入東涌爆踩單車～原來網上既瀏覽量已經破左萬勒 !!!!!!!!!!

呢個咁值得紀念既時刻, 最終由我同熱奶利用左最原始既方法(print screen), 好小心咁紀錄左落黎!


9999 !



10000 !

呢一刻實在太令人感動勒~~~~~~~~~~~~~~~一齊賀一賀佢 !

Punch Party Hong Kong ~~

個logo係未好生面口呢? 呢次我地唔係講玩比賽, 轉講呢個組織punch party hk (pphk)! 原來呢個organization都唔小野, 做既事情直頭係走在潮流既尖頭 tim !
睇番個組織既簡介, 原來punch party係源於台灣, 目的係俾唔同既blogger藉住一個輕鬆既環境加簡短既presentation, 就某特定題目發表佢地既體會同經歷. 而呢次pphk已經去到第三次, 題目就係假期模式. 見呢個活動咁過癮, 我緊係無走雞啦, 報名(反應熱烈, 只係報到企位)!

去到會場門口, 一個字......堅!
喜出望外既野係.....d人種好闊, 外國人, 年青人, 年老人, OL, 學生, 男男女女.....咩都有(係無bb).

大約都睇到個場面幾熱鬧啦~

跟住容許我用一個比較特別既入口去講下呢一晚既分唇....入口係當晚既>>>紀念品.

呢d係我拎左番屋企既野.

呢一幅圖顯示左我番到屋企既時候, 手上所帶走既實體紀念品/禮物.
KAWS x 海港城環保袋 , 海港城 x Jeffrey Fulvimari 限量版雨傘, 康維他蜂蜜, Skype套裝, 碧螺春及Watsons 水, 2G USB手指

下面係無拎番屋企但係食左落肚既實體野 !

DOVE朱古力, STARBUCKS三文治同 Skype cup cake, 當日d野食係食唔晒tim, 即係貨源充足 !

更精彩係呢到, 拎唔到番屋企既實體野!

我簡單講幾樣, psp go, adidas $5000 coupons, canon 相機, SK II護膚品....最後仲有呢個, 攪到我同軟人怒火投入去玩...但都係輸左既遊戲獎品 !

兩套來回澳洲既機票 !!!!!!!!!!!!!!!!!!!
前後都無10分鐘就送左出黎勒...好過去玩獎門人拎D湯包啦 !!

Last, 拎左番屋企既無型野~~

先係海港城為大會提供呢個咁過癮既surprise...無敵既維港夜境, 係呢個背境之下聽talk真係一絕. 大家都知架啦, 香港地一個望到海境既磚頭係幾咁值錢 !!!


當然仲有幾位唔同blogger分享既假期模式啦, 真係各有獨特之處, 台下既我地聽落都覺幾得意!

總結呢次去pphk真係睇多左野, 單單從上面講過種種唔同既贊助, 好容易會睇到唔少既公司已經好著重利用網絡宣傳. 而呢一次既重點係blogger, 相信唔同既公司都希望藉blogger既人際網絡為自己既品牌打嚮口碑, 以收宣傳之利, 當中我最深刻既係air newzealand, 我已經第2兩次見佢地攪d細雞 mini game但就送超勁獎..機票! 真係要俾佢地一個贊字.

少少意見俾番pphk既朋友啦, 我覺得會場內既氣氛的確仲係有進步空間, 例如閒時可以加d 跳脫既會場音樂(大聲). 另外我仲覺得可以加一兩個環節俾台下既人去互動, 大家都知香港人始終內儉, 但如果有適當既遊戲, 一定可以將在場人士既心情推得更高漲, 須知道o黎得既人都係自己報名,佢地已經自己行出左第一步, 我相信呢d朋友一定比正常港人更易帶動 !

總結, pphk3 係成功既, 好玩既, 抵玩既! 如果有機會一定再去, 我地仲好想上台講野tim!

LAST .sobplayer代表合照 !

Sorry 呀大會, 始終呢個rock n roll (lmL) 手勢..真係改唔到...我地無出拳~~

Adidas Originals Love ~~~

好鬼多野發生, 同一日入面先係reebok比賽結果既公佈, 結果係我地既作品安樂死~~跟住就係黑箱 yahoo既消息, 呢壇野真係火都黎, 都廢事再提呢個啞苦~~含住一口怒氣去訓之前, 又收到adidas既email, 呢次 adi真係搵0岩時間出世, 俾我果晚可以訓番個好覺....

早前參加既 Adidas 比賽, 結果係我地總共有三份作品成公入圍(Total有5個名額) !!

另外既兩個得獎作品係呢到

為左多謝Adidas果晚俾左一個良好既睡眠機會俾我, 小弟無以為報, 唯有送上以下既廣告版面!

Adidas Originals five-two-3 x SOB

5個得獎名額入面, 我地可以拎到3 個, 其實成績都算唔錯啦, 唔計我自己一個人果張, 另外兩幅作品既IDEA自問都好好, 唔知Adidas方面又點睇呢~~~
呢次既勝出令到我地又可以係左手邊既欄目入面加多一個得獎項目勒, 而今次既獎品將會係adidas Originals FIVE-TWO-3既最新鞋款, 對鞋將會直接寄黎俾我地, 無頒獎禮呀~~~另外, Adi d同事好似話唔可以俾我地選擇對鞋既款式tim呀~~唉, 好灰呀...

唔該丫, adi 朋友...我地想要samba 呀, 安排3 對samba俾我地丫.......plsssss~~~

點都好, 多謝adidas.

係wor, 打到最後先醒起.....

呢次分唇, habour city 都有份攪架, 所以都要多謝 habour city~~~

Thx