2010年10月1日星期五

爆破, 詳解小記(上)

足左一個星期.........終於有閒情日誌去記記踩ball呢穫野既點滴勒~
呢次我唔放太多相勒, 如果有興趣可以入去呢到呢到睇番兩個活動相簿.

一路都希望踩ball呢日我地可以聚集好多好多既人(over 100)一齊出動去癲番日, 所以安排既交通係一架雙層巴士....
佢既容量係有117~~~~
好可惜, 事與願違勒...半層既一半就坐晒我地d人, 有整個下層俾我地吹ball tim !!
無緊要, 我地做左自己最好既準備, 而呢個情況亦未算最差, 收貨!!
不過, 下次有分唇攪既時候, 一定要再落力搵多d人黎玩先得.

其實我有少少想搵城巴講數, 點解咁都可以打錯.........扣分!!
就因為呢個((逃走))既錯誤, 我地同城巴既關係應該會從此晝上句號.
好打唔打...用逃走! 你用出走, 唔走, 跑走, 住走都無咁嬲~

由於人手關係, 幾個主人家都係下層好努力吹ball, 無安排人手係上層為唔同既朋友安排交流...呢到真係差少少..攪到有d player只可以係到訓覺, 浪費左個交流機會呀~~
而係樓下好努力吹ball既人亦不見得好成功...車愈行得耐, 爆ball既聲音就愈黎得密....爆晒我地精心設計既效果出黎~~
呢程車...失敗 ~~ 諗起都仲想咳.

幾經波折, 一行人終於去到迪欣湖...
天氣實在係好到不能, 加埋d7彩賓賓既氣球...perfect池.....

準備呢一次活動既時候, 我地用左最多腦力去諗既問題係...點樣安排d氣球入去個活動地點.
究竟係去到先泵, 出發前用口吹, 開車入去泵, 用車運d 泵好既ball入去....諗左勁多既 approach~~~
最終...一路行, 一路自己泵.....但真係估唔到, 好地地既一段仔路, d ball 都bi li bo lu係咁爆.
結果去到活動點既時候, 我地又要好俾心機.....再泵(點解你地唔好好保護d ball呢)~

行左大約10分鐘, 終於黎到呢個最愛既地段...
原來呢棵樹真係幾鬼令架wor.

即刻插番支旗先~

係原先既 schedule入面, 呢到應該有1個小時既自由活動時間(其實係預俾自己再補d ball), 但係大家都選擇左state埋一齊....

玩吹泡泡水

玩扎ball, 玩影相.

唔少得就係玩跳相啦, 留唔留意到有個跛既跳唔起呀 ... arhaha~~

玩到咁上緊既時候..players 等唔到勒..佢地要玩集體活動 !!
唔知佢地玩咩...但佢地勁開心law

可憐我地幾個..
係呢邊仲泵緊ball, 與時間競賽中.

佢地仲有時間轉game tim
睇到佢地玩咩野ma ?

最後連估領袖都玩埋~~
你地有幾多年無玩過呢d game ?

正當佢地玩得好開心既時候....我地已經為踩ball進行左最後既倒數~~~
俾多d時間
續...

沒有留言:

發佈留言