2009年11月2日星期一

Punch Party Hong Kong ~~

Punch Party Hong Kong
個logo係未好生面口呢? 呢次我地唔係講玩比賽, 轉講呢個組織punch party hk (pphk)! 原來呢個organization都唔小野, 做既事情直頭係走在潮流既尖頭 tim !
睇番個組織既簡介, 原來punch party係源於台灣, 目的係俾唔同既blogger藉住一個輕鬆既環境加簡短既presentation, 就某特定題目發表佢地既體會同經歷. 而呢次pphk已經去到第三次, 題目就係假期模式. 見呢個活動咁過癮, 我緊係無走雞啦, 報名(反應熱烈, 只係報到企位)!

去到會場門口, 一個字......堅!
喜出望外既野係.....d人種好闊, 外國人, 年青人, 年老人, OL, 學生, 男男女女.....咩都有(係無bb).

大約都睇到個場面幾熱鬧啦~

跟住容許我用一個比較特別既入口去講下呢一晚既分唇....入口係當晚既>>>紀念品.

呢d係我拎左番屋企既野.

呢一幅圖顯示左我番到屋企既時候, 手上所帶走既實體紀念品/禮物.
KAWS x 海港城環保袋 , 海港城 x Jeffrey Fulvimari 限量版雨傘, 康維他蜂蜜, Skype套裝, 碧螺春及Watsons 水, 2G USB手指

下面係無拎番屋企但係食左落肚既實體野 !

DOVE朱古力, STARBUCKS三文治Skype cup cake, 當日d野食係食唔晒tim, 即係貨源充足 !

更精彩係呢到, 拎唔到番屋企既實體野!

我簡單講幾樣, psp go, adidas $5000 coupons, canon 相機, SK II護膚品....最後仲有呢個, 攪到我同軟人怒火投入去玩...但都係輸左既遊戲獎品 !

兩套來回澳洲既機票 !!!!!!!!!!!!!!!!!!!
前後都無10分鐘就送左出黎勒...好過去玩獎門人拎D湯包啦 !!

Last, 拎左番屋企既無型野~~

先係海港城為大會提供呢個咁過癮既surprise...無敵既維港夜境, 係呢個背境之下聽talk真係一絕. 大家都知架啦, 香港地一個望到海境既磚頭係幾咁值錢 !!!


當然仲有幾位唔同blogger分享既假期模式啦, 真係各有獨特之處, 台下既我地聽落都覺幾得意!

總結呢次去pphk真係睇多左野, 單單從上面講過種種唔同既贊助, 好容易會睇到唔少既公司已經好著重利用網絡宣傳. 而呢一次既重點係blogger, 相信唔同既公司都希望藉blogger既人際網絡為自己既品牌打嚮口碑, 以收宣傳之利, 當中我最深刻既係air newzealand, 我已經第2兩次見佢地攪d細雞 mini game但就送超勁獎..機票! 真係要俾佢地一個字.

少少意見俾番pphk既朋友啦, 我覺得會場內既氣氛的確仲係有進步空間, 例如閒時可以加d 跳脫既會場音樂(大聲). 另外我仲覺得可以加一兩個環節俾台下既人去互動, 大家都知香港人始終內儉, 但如果有適當既遊戲, 一定可以將在場人士既心情推得更高漲, 須知道o黎得既人都係自己報名,佢地已經自己行出左第一步, 我相信呢d朋友一定比正常港人更易帶動 !

總結, pphk3 係成功既, 好玩既, 抵玩既! 如果有機會一定再去, 我地仲好想上台講野tim!

LAST .sobplayer代表合照 !

Sorry 呀大會, 始終呢個rock n roll (lmL) 手勢..真係改唔到...我地無出拳~~

5 則留言:

  1. yo! 多謝你既意見及讚賞呀,有機會下次再玩過啦

    回覆刪除
  2. ha~ 俾你地講你地會講咩呀?

    回覆刪除
  3. 我都無個把Jeffrey Fulvimari限量版雨傘呀!你就好啦!話時話,我聽完都好鬼想去旅行呀。

    回覆刪除
  4. 哈哈,出甚麼也可以。我也是出「Rock n Roll 手勢」多於出拳很多。

    「我早應該習慣,原來是沒有稀奇。」

    回覆刪除
  5. catitude..如果有得講,我地緊係講自己d比賽遊樂經驗啦, 因為無野叻, 最叻係玩~~~haha

    sammy..lmL呢個signal真係好正入左SOBplayer既血勒

    回覆刪除